बुधवार 7 अक्टूबर 2026 की दैनिक मुरली

07-10-2026 praatahmurli om shanti "baapdaada"' madhuban

“meethe bachche - deri se aate hue tez purushaartha karo to bahut aage ja sakte ho, doosron ki chinta chhod apne purushaartha mein lag jaao''

prashn:- kaun sa kartavya ek baap ka hai jo koi manushya ka nahin ho sakta?

uttar:- manushya ko devta banaana, use shantidham, sukhdhaam ka maalik bana dena, yeh kartavya ek baap ka hi hai jo koi manushya nahin kar sakta। tumhein nishchay hai sangam par hi ham bhagvaanuvaach sunte hain। abhi svayan bhagwan kalpa pahle muaaphik raajayog sikhla rahe hain।

om shanti। roohaani behad ka baap behad ke roohaani bachchon prati samjhaate hain। yeh ek-ek akshar va gyaan ratna laakhon roopayon ka hai। baap ne samjhaaya hai - paramatma ko roop-basanta bhi kehte hain। unka roop bhi hai, naam shivbaaba hai। woh gyaan ka saagar hai, jis gyaan se sadgati hoti hai। gyaan dhan bhi hai, gyaan padhaai bhi hai। yeh gyaan dete hain - spiritual father। aatma ko kaha jaata hai - spiritual rooh। bhakti maarga mein aatmaayen kitna bhatakti hain, baap se milne ke liye। unko dhoondhati hain। samajhte bhi hain bhagwan ek shiv hai phir bhi dhakke khaate rehte hain। baap aakar samjhaate hain ki roohaani bachchon, tum to avinaashi ho, paramdham mein rahne vaale ho, jahaan se phir aate ho yahaan part bajaane। tum doordesh ke rahne vaale ho। yeh drama hai, iska naam hai haar-jeet ka khel। sukh-duhkh ka khel। baap samjhaate hain ki ham aur tum sab shantidham ke rahne vaale hain। usko nirvaandhaam bhi kehte hain। pahle to yeh nishchay karna hai ki ham vahaan ke rahne vaale hain। ham aatma ka svadharma hai shant। aatma bindi mein saara avinaashi part bhara hua hai। baap padhaate bhi tumko hain, tum duniya vaale manushyon ki chinta karte ho। tumko nishchay hai na ki bhagvaanuvaach hota hi sangam par hai, phir kab hota nahin। koi bhi manushya ko devta nahin bana sakta। shantidham, sukhdhaam ka maalik nahin bana sakta। kalpa pahle bhi baap ne banaaya tha। ab jo president bana hai 5 hajaar varsha ke baad vahi banega। saari duniya ki jo scene scenery hain, 5 hajaar varsha ke baad repeat hongi। budhiyaan itna sab dhaaran nahin kar sakti hain to unhon ko kaha jaata hai sirf 3 baaten yaad karo - ham aatma shantidham ki rahne vaali hain, phir sukh-dhaam mein aate hain phir aadhaakalpa ke baad jab raavanraajya shuru hota hai to vikaari ban jaate hain, isko kaha jaata hai duhkhadhaam। jab duhkhadhaam poora hota hai tab baap kehte hain mujhe yaad karo। mujhe aana padta hai tumko shantidham, sukhdhaam mein le jaane ke liye।

ab jo aakar baap ke bane hain, vahi varsa paayenge। yeh sooryavanshi, chandravanshi raajdhaani sthaapan ho rahi hai। karodon manushya aakar kuchh na kuchh baap se sunenge, samjhenge। vriddhi hoti jaayegi। sab taraph tumko jaakar samjhaana hoga। akhbaar dvaara bhi bahut sunenge, paakistaan mein bhi akhbaar dvaara padhenge। vahaan baithe bhi yeh gyaan sunenge। geeta ka prachaar saari duniya mein bahut hai। baap kehte hain - maamekam yaad karo aur varse ko yaad karo। yeh likhat akhbaar mein padhenge isliye bhi bahut brahman banenge, jinhon ko varsa lena hoga to woh zaroor aakar lenge। abhi time thoda pada hai, vriddhi hoti rahegi। deri se aayenge to phir teekha purushaartha karna padega। kalpa pahle jitne svargavaasi bane the, utne ab bhi banenge zaroor। ismen jara bhi pharka nahin pad sakta hai। shantidham vaale shantidham mein jaayenge। phir apne-apne samay par part bajaane aayenge। ab baap kehte hain bachche mujhe yaad karo to tum ghar pahunch jaayenge। sannyaasi mukti ke liye maatha maarte hain, isliye sabko kehte hain mukti hi theek hai। sukh to kaag vishta ke samaan hai। shaastron mein likh diya hai ki satayug mein bhi duhkh ki baaten thi, samajhte kuchh bhi nahin। kehte hain paramatma ko aana hai। patit-paavan paramatma aao, aakar hamko raasta bataao। doosre taraph kehte ganga patit-paavni hai। ganga snaan, yagya-tap, yaatra karna yeh sab bhagwan se milne ke raaste hain। jabki bulaate ho paramatma ko, phir dhakke kyon khaate ho! yeh sab bhakti maarga ki noondh hai। manushyon ko jo aata so bolte rehte hain। kitni mehnat karte hain paramatma se milne ke liye। ab bhagwan se milne bhagat jaayenge ya bhagwan ko yahaan aana padega? patit aatma to ja na sake। baap aate hain le jaane ke liye। sabhi aatmaon ka panda ek hi hai। tum bhi pavitra ban unke peechhe chale jaayenge। saazan tumko gyaan ratnon se shrringaarte hain - mahaaraani-mahaaraaja banaane। baaki shreekrishna ke liye dikhaate hain - phalaani ko bhagaaya, patraani banaaya। yeh baaten lagti nahin hain। tum bachche jaante ho ham svarga ki mahaaraani banenge। tum hi svargavaasi the। ab baap phir banaane aaya hai। 84 janmon ki baat hai। 84 laakh janma koi yaad kar na sake। satayug ko laakhon varsha de diye hain, treta ko kam diye hain। yeh to hisaab hi nahin banta। baap kitna sahaj kar bataate hain ki sirf do baaten yaad karni hai - alpha aur be। to tum pavitra bhi banenge, ud bhi sakenge aur oonch pad bhi paayenge। to yeh ona rakhna chaahiye ki kaise bhi karke baap ko yaad karna hai। maaya ke toofaan bhi aayenge, parantu haar nahin khaana। bhal koi krodh bhi kare parantu tum nahin bolo। sannyaasi bhi kehte hain - mukh mein taabeez (muhalra) daal do, to woh bol-bol kar chup ho jaayega। baap bhi kehte hain - koi krodh se bole to tum shant hokar dekhte raho। koi bhi haalat mein tumhein shivbaaba ko yaad karna hai। baba ki yaad se hi varsa bhi yaad aayega। tumhaare ateendriy sukh ka gaayan hai ki ham 21 janma ke liye svarga ke pareezaade banenge। vahaan duhkh ka naam bhi nahin hoga। tum 50-60 janma sukh bhogte ho, sukh ka hisaab jaasti hai। sukh-duhkh equal ho to phaayda hi kya! tumhaare paas dhan bhi bahut hota hai। kuchh samay pahle yahaan bhi bahut sasta anaaj tha। raajaaon ki badi raajaai thi। baba ne 10 aane man baajri bechi hai। to unse bhi aage kitni sastaai hogi। manushya thode honge, anna ki parvaah nahin hogi। ab yeh to yaad rehna chaahiye ki pahle ham ghar jaakar phir nai duniya mein aakar naya part bajaayenge। vahaan hamaara shareer bhi satopradhaan tatvon se banega। ab 5 tatva bilkul hi tamopradhaan patit ban gaye hain। aatma aur shareer donon hi patit hain। vahaan shareer rogi nahin hota। yeh sab samajhne ki baaten hain। bachchon ko yahaan achhi reeti samjhaate hain - phir ghar mein jaakar bhool jaate hain। yahaan baadal bharkar kitna khush hote hain, baahar jaane se bhool jaate hain। aage raas-vilaas bahut chalta tha। phir woh sab banda kar diya। manushya samajhte the - jaadu hai। bhakti mein jab naudha bhakti karte hain tab mushkil saakshaatkaar hota hai। yahaan bhakti ki to baat hi nahin, baithe-baithe saakshaatkaar mein chale jaate the, isliye jaadu samajhte the।

aajkal duniya mein kitne bhagwan ban gaye hain। naam rakhte hain seetaaraam, raadhekrishna aadi। kahaan woh svarga ke maalik, kahaan yeh narkavaasi। is samay sab narkavaasi hain। seedhi mein saaph dikhaaya hai। seedhi bachchon ne apne vichaar saagar manthan se banaai hai। baba dekh khush hua। seedhi mein sab baaten aa jaati hain। dvaapar se vikaari raajaayen kaise bhakti karte-karte neeche aaye hain। abhi to koi taaj nahin hai। chitra par samjhaana sahaj hota hai। 84 janmon mein kaise utarti kala hoti hai, phir chadhti kala kaise hoti hai। gaate bhi hain chadhti kala tere bhaane sarva ka bhala। baap aakar sabko sukh dete hain। sab pukaarte hain ki he baba hamaara duhkh haro, sukh do। parantu kaise duhkh harte hain, sukh kaise milta hai, yeh kisko maaloom nahin।

aajkal manushya geeta kantha kar sunaate hain, nutshell mein arth samjha dete hain। sanskrit mein shlok kantha karke sunaate hain to kah dete yeh mahaatma achha hai। laakhon manushya jaakar paanv padte hain। us padhaai mein (laukik padhaai mein) to 15-20 varsha lag jaate hain। unhon mein koi buddhivaan hote hain to jhat shlok aadi kantha kar sunaane lagte hain, to unke paas dher paise ikatthe ho jaate hain। yeh sab kamaai ke raaste hain। jab koi devaala maarta hai to bhi jaakar sannyaas dhaaran karta hai, to sab chintaayen door ho jaati hain phir kuchh na kuchh mantra-jantra yaad kar lete hain, chakra lagaate rehte hain। train mein bhi chakra lagaate rehte hain। yahaan to baap kehte hain ki apne ko aatma samajh baap ko yaad karo। baap aur aatmaayen sab niraakaari duniya mein rehti hain। vahaan se saakaari duniya mein aate hain part bajaane। ab naatak poora hona hai। tum tamopradhaan hone ke kaaran vaapis ja nahin sakte। ab baba aaya hai - tumko satopradhaan banaane। sabhi apne ghar jaayenge। baaki svarga mein sirf devi-devtaaon ka raajya hoga। shantidham, sukhdhaam, duhkhadhaam… kab-kab tha - yeh bhi kiski buddhi mein nahin aayega kyonki ghor andhiyaare mein hain। samajhte hain kaliyug ka ant ajun itne hajaar varshon ke baad hoga। koi hisaab hi nahin hai। manushya badhte jaate hain, anna milta nahin। 40 hajaar varsha abhi aur hon to pata nahin kya ho jaae। jo bolte hain woh bilkul hi jhooth। sach ki ratti bhi nahin। ab baap sikhlaate hain raavan par kaise vijay paani hai। raavan par jeet tum hi paate ho। saari duniya ko raavan se chhuda dete hain। tumhaari shakti sena hai, tum bhaarat ko svarga bana rahe ho। kitni achhi-achhi baaten samjhaate hain। phir tumko baap aur varse ko yaad kar kitna khush rehna chaahiye। gyaan maarga mein khushi bahut hoti hai। abhi baba aaya hua hai, abhi ham is puraani duniya se gaye ki gaye। baba ko yaad karne se satopradhaan banenge। nahin to sajaayen khaani padegi, phir karke roti tukda milega, isse kya phaayda। jitna ho sake apna purushaartha karna hai। shreemat par chalna hai। kadam-kadam par baba se raay leni hai। koi kehte hain baba dhandhe mein jhooth bolna padta hai। baap kehte hain - dhandhe mein to jhooth hota hi hai, tum baba ko yaad karte raho। aise nahin vikaar mein jaakar phir kaho main baba ki yaad mein tha। nahin, vikaar mein gaye to mare। yeh to baap ke saath pratigya ki hai na। pavitrata ke liye hi raakhi baandhi jaati hai। krodh ke liye kab raakhi nahin baandhi jaati। raakhi bandhan ka matlab hi hai ki vikaar mein nahin jaana hai। manushya kehte hain patit-paavan aao।

tum bachchon ke andar mein khushi bahut honi chaahiye। baba hamko padha rahe hain, phir baba saath le jaayenge। vahaan se svarga mein chale jaayenge। jitna ho sake savere uthkar baba ko yaad karna hai। yaad karna goya kamaai karna, ismen aasheervaad kya karenge। aise thode hi kehna hai - aap aasheervaad karo to ham yaad karen। sab par aasheervaad karen to sab svarga mein chale jaayen। yahaan to mehnat karni hai। jitna ho sake baba ko yaad karna hai। baba maana varsa। jitna yaad karenge utna raajaai milegi, yaad se bahut phaayda hai। sasta sauda hai। aisa koi sasta sauda de na sake। yeh bhi koi virla hi lete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ka namaste।

dhaarna ke liye mukhya saar:-

1) jab koi krodh karta hai to bahut-bahut shant rehna hai। krodhi ke saath krodhi nahin ban jaana hai। maaya ke kisi bhi toofaan se haarna nahin hai।

2) savere-savere baap ko yaad karna hai, apni kamaai jama karni hai। pavitrata ki pakki raakhi baandhani hai।

vardaan:- apne avyakt shant swaroop dvaara vaataavran ko avyakt banaane vaale saakshaat moorta bhav

jaise sevaaon ke aur programme banaate ho aise savere se raat tak yaad ki yaatra mein kaise aur kab rahenge yeh bhi programme banaao aur beech-beech mein do teen minute ke liye sankalpon ki traffic ko stop kar lo, jab koi vyakta bhaav mein jyaada dikhaai de to unko bina kahe apna avyakti shant roop aisa dhaaran karo jo woh bhi ishaare se samajh jaaye, isse vaataavran avyakt rahega। anokhaapan dikhaai dega aur aap saakshaatkaar karaane vaale saakshaat moorta ban jaayenge।

slogan:- sampoorn satyata hi pavitrata ka aadhaar hai।

ye avyakt ishaare - paropkaar ki bhaavna se sampanna ban apkaari par bhi upkaar karo

agar koi aapke sahayogi bhaai va behen, parivaar ki aatmaayen, besamjhi va baalhath se alpakaal ki vastu ko sadaakaal ki praapti samajh, alpakaal ka maan-shaan-naam va alpakaal ki praapti ki ichchha rakhti hain to doosre ko maan dekar ke svayan nirmaan banna yahi paropkaar hai। yeh dena hi sada ke liye lena hai।