शुक्रवार 9 अक्टूबर 2026 की दैनिक मुरली

09-10-2026 praatahmurli om shanti "baapdaada"' madhuban

“meethe bachche - tum jaante ho ki sabhi aatmaayen behad ke baap se padhengi nahin lekin saath mein zaroor jaayengi''

prashn:- chakravarti raaja banne vaale bachchon ko kis baat ka bahut-bahut kadar hoga?

uttar:- unhein padhaai ka bahut kadar hoga। kahaan bhi rehte padhaai zaroor padhenge। saath-saath mitra sambandhiyon se tod nibhaate yaad mein rahne ka abhyaas karenge aur sabko yahi paigaam denge ki baap ko yaad karo to shantidham-sukhdhaam mein chale jaayenge। is shreemat par poora-poora chalne vaale bachche hi chakravarti bante hain।

om shanti। baap ko, sabhi roohaani bachchon ko saath-saath jo bhi srishti bhar mein jeev aatmaayen hain, un sab jeev aatmaon ko vaapis le jaana hi hai kyonki ab andhiyaari raat poori hoti hai। puraani duniya poori ho nai duniya ki sthaapna ho rahi hai। duniya to hai parantu puraani se nai hoti hai। satayug aadi mein barobar aadi sanaatan devi-devta dharma hi tha। ab woh sooryavanshi, chandravanshi nahin hain। baap samjhaate hain unhon ne punarjanma lete-lete ab 84 janma poore kiye hain। is samay sab paartadhaari tamopradhaan ho gaye hain। chaahte bhi hain raamraajya, nai duniya, nai dehli chaahiye। jaise bachche kehte hain na - hamko phalaani nai cheez chaahiye। yeh bhi kehte hain baba nai duniya ke liye hamko naye vastra chaahiye। deep-maala par manushya naye vastra pahante hain। shreekrishna jayanti par naye vastra pahanne ki baat nahin rehti। khaas deepmaala par naye vastra pahanne ke liye khareeddaari aadi bahut karte hain। deepmaala par jyot jagaate hain। tumhaari ab jyot jagi hai, tumhein phir auron ki bhi jyot jagaani hai। unhon ki hai bhakti maarga ki deepmaala, tumhaari hai gyaan ki deepmaala। tumko koi kapde aadi nahin badalne hain। tumhaari jab poori jyot jag jaayegi to phir nai duniya mein naye vastra milenge। baap kehte hain main sabko le jaaoonga। koi chaahe va na chaahe। bulaate bhi hain - he patit-paavan aao। woh phir kehte hain liberator aao। koi kis bhaasha mein kehte hain, koi kis bhaasha mein। main kalpa-kalpa aakar sabko le jaata hoon। satayug mein to bahut thode manushya hote hain। ab kitne dher paartadhaari hain। yeh hain jeev aatmaayen। shareer ko jeev kaha jaata hai। aise nahin ki jeev kehta hai ki main ek aatma chhod doosra leta hoon। nahin, aatma kehti hai main ek shareer chhod doosra leta hoon। parantu yeh bhi kisko pata nahin hai ki ham 84 janma lete hain। aise bhi nahin sabko 84 janma milte hain। sabka apna hisaab hai। jo pahle-pahle aate hain woh zaroor jaasti janma lenge। jaasti se jaasti 84 janma। kam se kam ek janma bhi hota hai। yeh baap baith samjhaate hain, sabko to nahin padhaayenge। parantu sabko saath zaroor le jaayenge। drama plan anusaar mera part hai sabko saath le jaane ka। duniya yeh nahin jaanti ki puraani duniya khatma hone vaali hai। baap aakar zaroor nai duniya ki sthaapna karenge। manushya ko rachta aur rachna ke aadi-madhya-ant ka richank maatra bhi knowledge nahin hai। haan, bhakti maarga ka pata hai। bhakti maarga ki rasam-rivaaj alag, gyaan maarga ki rasam-rivaaj bilkul hi alag hai। yeh to ho nahin sakta ki satayug se kaliyug tak bhakti hi ho। gaaya bhi jaata hai gyaan din, bhakti raat। andhiyaari raat mein manushya dhakke khaate hain। baap kehte hain thikkar bhittar mein bhi jaakar mujhe dhoondhate hain। koi hanumaan ka saakshaatkaar karte, koi ganesh ka saakshaatkaar karte। ab woh sab bhagwan to nahin hain। mera apna shareer to koi hai nahin। maaya raavan ne sabko buddhu bana diya hai। bhaaratvaasiyon ko yeh bhi pata nahin ki raam raajya kisko kaha jaata hai। yeh dhyaan mein bhi aata hai ki lakshmi-naaraayan ka raajya is duniya par tha। sirf kah dete hain - raamraajya chaahiye। raam koi raghupti vaala nahin। unke liye shaastron mein bahut ulti baaten likh di hain। manushya maut se kitna darte hain। life ko bachaane ke liye duaayen maangate rehte hain। abhi to dher marne vaale hain। unke liye kya kahenge! baap ko bulaaya hi isliye hai ki baba hamko paavan duniya mein le chalo। shantidham mein shareeron ko to nahin le jaaoonga। vahaan to aatmaayen jaayengi। yeh to puraana chhi-chhi shareer hai। bhambhor ko aag lagni hai, isliye aag ka gola (bombs) bana rahe hain। ab woh kehte hain - bombs na banaayen। ab itni bhi samajh nahin hai to jinke paas jaasti bombs honge, woh zaroor shaktishaali ho jaayenge। phir doosre apne ko bacha kaise sakenge, agar bombs na banaayen to। ab woh jab sab samudra mein daalen tab woh bhi banaana band karen। parantu samudra se bhi baadal paani kheenchata hai, woh barsaat padegi to saara nuksaan ho jaayega। kheti aadi jal jaayegi isliye drama mein yukti rachi hui hai। pahle ye bombs nahin the, ab nikle hain isliye yeh saari dham-dham mach rahi hai। ab yeh tum jaante ho - yeh sab hai bhaavi। tumhaare mein bhi bahuton ko vinaash ki bhaavi ka nishchay nahin hai। agar hota to yog mein bahut achhi tarah rehte। yogbal se vishwa ki baadshaahi leni hai। tumhaara sab kuchh gupta hai, sikhlaane vaala bhi gupta hai। in aankhon se dekhne mein nahin aate hain। ab tumne aatma ko realise kiya hai ki mujh aatma mein 84 janmon ka part bhara hua hai। aham aatma avinaashi hain। yeh hai ati guhya baat। akhbaar mein bhi likha hai ki aatma kya hai jo shareer mein rehti hai? yeh koi bataaye to unko laakhon roopaya mil sakta hai। aatma kya hai, kahaan se aati hai? kaise part bajaati hai? yeh koi bhi nahin jaante। koi kehte budbuda hai, koi kehte brahm-tatva badi jyoti hai, usmein aatmaayen leen ho jaayengi। anek prakaar ki baaten karte rehte hain। tum jaante ho aatma bindi samaan hai। usmein part bajaane ki noondh hai। yeh drama anaadi bana banaaya hai, unka kabhi vinaash nahin hota hai। aatma bhi avinaashi hai। unko vahi part bajaana hai। farka nahin pad sakta। yeh sab baaten unki buddhi mein baithengi, jinke kalpa pahle baithi hongi।

baba kehte hain - itne dher manushyon ko main kaise padhaaoonga। haan, itna bachche samjhenge ki baap kehte hain maamekam yaad karo to tumhaare vikarma vinaash honge। sabko paigaam milega, baap yeh mantra dete hain sabke liye। baba samjhaate hain tum bachchon ko daiveegun dhaaran karne hain। avgunon ko chhodna hai। deh-abhimaan ko chhodo। phir bhi chhodte nahin hain। un bichaaron ko kya milega? ek do se pyaar se nahin chalte hain। tumko bahut meetha banna hai। baap pyaar ka saagar hai। tum bhi unke bachche ho to tumko bahut pyaara banna hai। kabhi koi kitna bhi gussa kare, stuti-ninda aadi sab kuchh sahan karna hai। koi devaala maarta hai to samajhte hain - baba ab sahaayta kare। are yeh to tumhaara karmabhog hai, so to tumko sahan karna hai। baap ismen kya kare। baap aaya hua hai sab aatmaon ko le jaane। yeh bhi tum bachche hi jaante ho। duniya mein sab ghor andhiyaare mein hain। bhaktimaarga mein zaroor bhakton ka maan hona chaahiye। shankaraachaarya aadi yeh sab bhagat hain। unhon ko kahenge pavitra bhagat। bhakti cult to hai na। jo pavitra rehte hain, unhon ke bade-bade akhaade bane hue hain। unka maan kitna hai। religious kitaabon ka bhi bahut maan hai। unko badi-badi parikrama dilaate hain। bhakti ka maan bahut hai। gyaan ka kisko pata bhi nahin hai। tum jab devta bante ho to tumhaari kitni mahima hoti hai। aisa koi nahin hoga jinke maa baap kisi na kisi mandir aadi mein nahin jaate honge। kuchh na kuchh bhakti ke chinha ghar mein zaroor hote hain। he bhagwan kehna, yeh bhi bhakti maarga hai। ab tum behad baap ke bane ho। yeh baap, yeh daada, isliye trimoorti ke chitra par samjhaana bada achha hai। bhal koi kahe daada ko kyon rakha hai? are prajaapita brahma to zaroor yahaan chaahiye na। yeh to jhaad mein neeche tapasya mein baithe hain। parantu woh badalte rehte hain। yeh jo mukhya hain woh sadaiv kaayam hain। ismen bachchon ko bahut meetha banna hai। chalan badi royal honi chaahiye। baat kam karni chaahiye। pahle-pahle baap ka parichay dena hai। jaasti teek-teek karna phaaltu hai। bahut thoda bolo। tumne bhi bhakti maarga mein bahut bola hai, radi maari hai। kitne dhakke khaaye hain। ab tumko simple samjhaate hain - sirf baba ko yaad karo to yogbal se vishwa ke maalik ban sakte ho। aage chal yeh pata padega, nambarvaar kaun-kaun kya bante hain। praja ka hisaab thode hi nikaalenge। woh to laakhon karodon ho jaayenge। jo brahman banenge vahi sooryavanshi chandravanshi banenge। aage chalkar bahut yaad karne lag padenge। jab maut saamne aayega phir vairaagya aayega। yeh vahi mahaabhaarat ladaai hai। sabhi aatmaayen hisaab-kitaab chuktu kar jaayengi, isko kayaamat ka samay kaha jaata hai। itne sab shareer khatma honge। natural calamities honi hai, yeh bhi drama mein noondh hai। nai baat nahi hain। famine ( akaal) ke kaaran manushya bhookhon marte hain।

baap jaante hain mere bachche bahut duhkhi hain। sabko duhkhon se chhudaakar vaapis le jaaoonga। baap kehte hain - yeh sab aapas mein ladenge। makkhan phir bhi tumko milna hai, saare vishwa ke tum maalik bante ho। mukh mein chandrama ka saakshaatkaar karte the na! mukh mein yeh vishwa ka gola aa jaata hai। tum prince princess bante ho। saari srishti jaise tumhaari mutthi mein hai। mukh mein bhi, mutthi mein bhi dikhaate hain। ab svarga ka gola tumhaare mukh mein hai। tum jaante ho yogbal se ham vishwa ke maalik bante hain। yog se health aur gyaan se wealth milti hai। tum chakravarti raaja bante ho। parantu bachchon ko itna kadar nahin hai - padhaai ka। bhal badli ho jaati hai parantu baap kehte hain kahaan bhi raho lekin padho zaroor। pavitra raho, khaan-paan shuddh rakho। sabse tod bhi nibhaana hai। yeh duniya duhkh dene vaali hai। mukhya hai kaam kataari chalaana, woh bhi mushkil chhodte hain। kuchh kaho to traitor ban jaate hain। phir ablaaon par kitne vighna aate hain। yeh aarya samaaji to abhi aaye hain। pichhaadi ki taali hai। devtaaon ko maanne vaale nahin hain। mahaaveer, hanumaan ka naam hai, veerta dikhaai hai। jainiyon ne bhi mahaaveer naam rakh diya hai। abhi arth to tum samajhte ho। tum bachche bhi mahaaveer ho jo raavan par jeet paate ho। yeh hai saari yogbal ki baat। tum baap ko yaad karte ho, usse tumhaare vikarma vinaash honge। phir shanti-sukh mein chale jaayenge। yeh paigaam sabko dena hai। yeh sthaapna badi wonderful hai, inko koi nahin jaante। tumhaare mein bhi nambarvaar hain। koi bhi andar vikaar nahin hone chaahiye। aatma ko baap gyaan de rahe hain। aatma vikaari banti hai, sab kuchh aatma hi karti hai। to ab baap ki shreemat par poora chalna chaahiye। satguru ke sammukh rahkar ninda karaai to thaur nahin pa sakenge। koi bhi paap karna yeh ninda hui। teacher ki mat par nahin chalenge to thaur nahin paayenge, naapaas ho jaayenge। teacher ki shiksha lete rahenge to paas with honour honge। woh hain had ki baaten, yeh hain behad ki baaten। bhagwan kaun hai, duniya mein yeh kisko maaloom nahin hai। maaya bhi sato rajo tamo hoti hai। ab maaya bhi tamopradhaan hai। dekho, kya-kya karte rehte hain। koi mein buddhi nahin hai ki ham kisko aag lagaate hain। yeh bhi drama mein noondh hai। jo kuchh hota hai drama anusaar hota hai। yaadvon ka plan, kaurvon ka plan aur paandavon ka plan, kya-kya karat bhaye। paandavon ko oonch te oonch plan bataane vaala hai baap। nai duniya mein lakshmi-naaraayan ka raajya tha। abhi puraani duniya ka vinaash hona hai। tum most beloved baap se most beloved bachche varsa le rahe ho। baap bigar koi kah na sake ki ham tumko saath le jaayenge। woh kah dete sab paramatma hi paramatma hain। phir yeh kehna aayega kaise। yeh sab baaten tum bachche hi jaante ho aur na jaane koi। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vinaash ki bhaavi ko jaan poora-poora shreemat par chalna hai। yaad ke bal se vishwa ki baadshaahi lene ka purushaartha karna hai, apni jagi hui jyot se sabki jyot jagaakar sachchi deepaavli manaani hai।

2) stuti-ninda sab kuchh sahan karte hue baap samaan pyaar ka saagar banna hai। chalan badi royal rakhni hai। baat bahut kam karni hai।

vardaan:- samay par har gun va shakti ko use karne vaale anubhvi moorta bhav

brahman jeevan ki visheshta hai anubhav। agar ek bhi gun va shakti ki anubhooti nahin to kabhi na kabhi vighna ke vash ho jaayenge। abhi anubhooti ka course shuru karo। har gun va shakti roopi khajaane ko use karo। jis samay jis gun ki aavashyakta hai us samay uska swaroop ban jaao। knowledge ki reeti se buddhi ke laakar mein khajaane ko rakh nahin do, use karo tab vijayi ban sakenge aur vaah re main ka geet sada gaate rahenge।

slogan:- naazukpan ke sankalpon ko samaapta kar shaktishaali sankalp rachne vaale hi double light rehte hain।

ye avyakt ishaare - paropkaar ki bhaavna se sampanna ban apkaari par bhi upkaar karo

jo svayan ke prati ichchha maatram avidya hai, akhanda daani hai, vahi paropkaari hai। jaise baap ne svayan ka samay bhi seva mein diya। svayan nirmaan ban bachchon ko maan diya। pahle bachche - naam bachche ka kaam apna। kaam ke naam ki praapti ka bhi tyaag kiya। naam mein bhi parokaari bane। aise follow father karo।