शनिवार 17 अक्टूबर 2026 की दैनिक मुरली

17-10-2026 praatahmurli om shanti "baapdaada"' madhuban

“meethe bachche - hear no evil, ek baap se hi sunna hai, grihastha vyavhaar mein rehte kamal phool samaan rehna hai''

prashn:- kis khel ko yathaartha reeti jaanne vaale bachche kabhi moonjh nahin sakte hain?

uttar:- duhkh aur sukh, bhakti aur gyaan ka jo khel chalta hai, isko yathaartha reeti jaanne vaale kabhi moonjhate nahin। tum jaante ho bhagwan kisi ko duhkh nahin deta, woh hai duhkh harta sukh karta। jab sabhi duhkhi ho jaate hain, tab duhkhon se liberate karne ke liye woh aate hain।

geet:- yeh kaun aaj aaya savere-savere…

om shanti। bachchon ne kya suna? bhakti ka geet। bhakti ko angreji mein philosophy kehte hain। title milte hain doctor oph philosophy। ab philosophy (bhakti) to chhote bade manushya sab jaante hain। koi se bhi poochho eeshvar kahaan rehte hain, to kah denge sarvavyaapi hai। yeh bhi philosophy hui na। ab shaastron ki koi bhi baat baap nahin sunaate। koi bhi bhagat ko gyaan saagar nahin kahenge। na unmein gyaan hai, na gyaan saagar ke bachche hain। gyaan saagar baap ko koi nahin jaante hain। na apne ko bachcha samajhte hain। woh sab bhakti karte hain bhagwan se milne ke liye। parantu bhagwan ko jaante nahin to bhakti se kya phaayda hoga। bahuton ko yeh title milta hoga doctor oph philosophy, unhon ki buddhi mein to ek hi baat hai ki eeshvar sarvavyaapi hai। usko philosophy samajhte hain, isse hi girte aaye hain, isko kaha jaata hai dharma glaani। ham koi bhi manushyon se shaastron ka kuchh vaad-vivaad nahin kar sakte। ham koi manushya se padhe hue nahin hain aur sab manushya, manushya dvaara padhe hue hote hain। ved shaastra aadi sab manushya se hi padhte hain। banaaye bhi manushyon ne hain। tumko to yeh gyaan sunaane vaala hai ek hi roohaani baap। woh ek hi baar aakar samjhaate hain। ab hamko koi manushya se kuchh bhi seekhna nahin hai। tumko ab spiritual baap se hi sunna hai। sunne vaale hain roohaani bachche, aatmaayen। woh sab manushya, manushya ko sunaate hain। yeh hai roohaani baap ka gyaan। woh hai manushyon ka gyaan। yeh baba bhi (saakaar) manushya hai na। bolo, roohaani baap is dvaara sunaate hain। ham rooh sunte hain। ham rooh phir shareer dvaara auron ko sunaate hain। yeh hai roohaani gyaan। baaki sab hai jismaani। bhakti mein jisma ki pooja karte hain। baap kehte hain - tum apne ko manushya ya bhagat na samjho। apne ko aatma samajh mujh baap ko yaad karo। tum aatmaayen bhaai-bhaai ho। gaaya hua bhi hai aatma-paramatma alag rahe bahukaal.. to hamko koi bhi manushya se sunna nahin hai। koi savaal poochhe to bolo - hamaara koi shaastron ka gyaan nahin hai। ham usko philosophy kehte hain arthaat bhakti maarga ka gyaan hai। sadgati dene ka gyaan sirf ek baap hi dete hain। sarva ka sadgati daata ek hi gaaya hua hai। to tum bachchon ko koi se debate nahin karni hai।

baap kehte hain gyaan ki authority, gyaan saagar main hoon। main tumko koi shaastra aadi nahin sunaata hoon। hamaara yeh hai roohaani gyaan। baaki sab hai jismaani gyaan। woh satsang aadi sab bhakti maarga ke liye hain। yeh roohaani baap baith roohon ko samjhaate hain isliye dehi-abhimaani banne mein bachchon ko mehnat lagti hai। ham aatmaayen baap se varsa leti hain। baap ke bachche zaroor baap ki hi gaddi ke vaaris honge na। lakshmi-naaraayan bhi dehdhaari hain। unke bachche jismaani baap se varsa paate hain। yeh baat hi nyaari hai। satayug mein bhi jismaani baat ho jaati hai। vahaan yeh nahin kahenge ki roohaani baap se varsa milta hai। deh-abhimaan ko todna hai। ham aatma hain aur baap ko yaad karna hai। yahi bhaarat ka praacheen yog gaaya hua hai। yaad akshar hindi ka hai। to yeh knowledge tumko abhi kaun dete hain? yeh koi manushya nahin jaante hain। janma-janmaantar manushya, manushya se baat karte aaye hain। abhi roohaani baap roohaani bachchon se baat karte hain। rooh sunaate hain isliye isko roohaani spiritual knowledge kaha jaata hai। geeta ko bhi woh spiritual knowledge samajhte hain, parantu usmein naam shreekrishna dehdhaari ka daal diya hai। baap kehte hain ki koi bhi manushya mein yeh knowledge ho nahin sakti। kabhi bhi koi tumse debate karte hain to bolo, yeh hai tumhaara bhakti ka gyaan। manushyon ke banaaye hue shaastron ka gyaan। satya gyaan to ek gyaan saagar baap ke paas hi hai, vahi khud knowledge de rahe hain। unhein supreme baap kehte hain। pooja bhi us niraakaar ki hoti hai। agar aur niraakaariyon ki pooja hoti hai to woh bhi unke bachche hi hain। mitti ka shaaligraam banaakar pooja karte hain। roodra yagya rachte hain।

tum jaante ho woh parampita paramatma niraakaari duniya mein rehte hain। ham aatmaayen bhi vahaan rehti hain। woh gyaan ka saagar aakar gyaan sunaae sabki sadgati kar dete hain। woh hai pare te pare rahne vaala parampita paramatma। sabhi aatmaayen brothers ko part mila hua hai, jo phir shareer dhaaran kar bhaai behen bante hain। aatma sab ek baap ke bachche hain। aatma jab shareer dhaaran karti hai to svarga mein sukh, narka mein duhkh ko paati hai। yeh kyon hota hai? samjhaaya jaata hai - gyaan aur bhakti। woh hai din, woh hai raat। gyaan se sukh, bhakti se duhkh, yeh khel bana hua hai। aise nahin ki duhkh sukh sab bhagwan hi rachte hain। bhagwan ko bulaate hi tab hain jab duhkhi hote hain। samajhte hain woh sukh dene vaala hai। phir jab sukh ka samay poora hota hai phir raavan 5 vikaaron ke kaaran duhkh shuru hota hai। yahi khel hai, jise yathaartha reeti samajhna hai। ise hi roohaani gyaan kaha jaata hai। baaki hai sab jismaani gyaan, woh ham sunne nahin chaahte hain। hamko hukm mila hua hai - sirf mujh niraakaar baap se hi suno। baap kehte hain - hear no evil... ham ek bhagwan se sunte hain। tum manushyon se sunte ho। raat-din ka pharka hai। bade-bade vidvaan shaastra aadi padhte hain। woh to hamne bhi bahut padhe। ab bhagwan kehte hain tumne guru bahut kiye hain, ab unko chhodo, main jo sunaata hoon woh suno। bhagwan hai hi niraakaar, unka naam hai shiv। abhi ham unse sun rahe hain। baap khud apna parichay aur apni rachna ke aadi madhya ant ka parichay dete hain। phir ham aapse shaastron aadi ki baaten sunen hi kyon! ham aapko roohaani knowledge sunaate hain। sunna ho to suno। moonjhane ki to koi baat hi nahin। saari duniya hai ek taraph aur tum kitne thode ho। baap ab kehte hain mujhe yaad karo to tumhaare oopar jo paapon ka bojha hai woh utar jaayega aur tum pavitra ban jaayenge। jo pavitra banenge vahi pavitra duniya ka maalik banenge। abhi puraani duniya badalni hai। kaliyug ke baad satayug aana hai। satayug hai paavan duniya। kaliyug mein hi mujhe bulaate hain ki aakar paavan duniya banaao। so main ab aaya hoon, maamekam yaad karo। ab duniya badal rahi hai। yeh antim janma hai। is puraani duniya mein aasuri raajya khalaas ho raamraajya sthaapan ho raha hai isliye ab antim janma grihastha vyavhaar mein rehte kamal phool samaan pavitra bano। yeh vishay saagar hai na। kamal phool paani ke oopar rehta hai। to ab tum grihastha vyavhaar mein rehte kamal phool ke samaan pavitra bano। tum bachche jaante ho ham raajaai sthaapan kar rahe hain। abhi saari duniya badalni hai। woh dharma sthaapak sirf apna-apna dharma sthaapan karte hain। pahle woh paavan hote hain phir patit bante hain। satguru to ek hi sadgati daata hai। manushya guru karte hi tab hain jab sadgati mein jaana chaahte hain। jab paap bahut hote hain tab roohaani baap gyaan sunaate hain। bhakti ka phal gyaan tumko bhagwan se milta hai। bhagwan koi bhakti nahin sikhlaate hain। woh to gyaan dete hain। kehte hain maamekam yaad karo to tumhaare vikarma vinaash honge aur koi paavan banne ka raasta hi nahin। nai duniya mein sab svargavaasi the। ab puraani duniya mein sab narkavaasi hain isliye baap kehte hain ki main sabka uddhaar karne aata hoon। main hi aakar roohaani gyaan deta hoon। baap apna parichay de rahe hain। main tumhaara baap hoon। abhi yeh hai narka। nai duniya ko svarga kaha jaata hai। aise kaise kahenge ki yahaan hi svarga narka hai, jinko bahut dhan hai woh svarga mein hain। svarga to hota hi hai nai duniya mein। yahaan svarga kahaan se aaya isliye ham koi manushyon ki baat sunte nahin। baap kehte hain tumko tamopradhaan se satopradhaan banna hai to maamekam yaad karo। saara din buddhi mein yeh knowledge rahni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap se hi roohaani baaten sunni hai। kisi se doosri baaton ka vaad-vivaad nahin karna hai।

2) dehi-abhimaani banne ki mehnat karni hai। satopradhaan banne ke liye ek baap ki yaad mein rehna hai।

vardaan:- karma dvaara gunon ka daan karne vaale double light pharishta moorta bhav

jo bachche karmana dvaara gunon ka daan karte hain unki chalan aur chehra donon hi pharishte ki tarah dikhaai dete hain। ve double light arthaat prakaashmay aur halkepan ki anubhooti karte hain। unhein koi bhi bojh mahsoos nahin hota hai। har karma mein madad ki mahsoosta hoti hai। jaise koi shakti chala rahi hai। har karma dvaara mahaadaani banne ke kaaran unhein sarva ki aasheervaad va sarva ke vardaanon ki praapti ka anubhav hota hai।

slogan:- seva mein saphalta ka sitaara bano, kamjor nahin।

maateshvari ji ke anmol mahaavaakya

gyaan, yog aur daivi gunon ki dhaarna jeevan ka aadhaar hai

yeh to apne ko nishchay hai ki parampita paramatma dvaara humein knowledge mil rahi hai, is knowledge mein mukhya teen point hain jiske liye apne ko poora purushaartha karne ka dhyaan rakhna hai। ismen pahle hai yog athva eeshvareey nirantar yaad, jisse vikarmon ka vinaash hota hai। doosra hai gyaan maana is saare brahmaanda, srishti ki aadi-madhya-ant kaise hoti hai, jab yeh knowledge ho tab hi is life mein practical change aa sakti hai aur ham bhavishya praalabdha achhi bana sakte hain। teesri point hai - qualification to hamko sarvagun sampanna, 16 kala sampoorn avashya banna hai tab hi devta ban sakte hain। to apne aapko chalte-phirte, khaate-peete in teenon point par dhyaan dena zaroori hai। is ek hi janma mein gyaan bal, yog bal aur daivi gunon ki dhaarna ki jaati hai। teenon ka aapas mein connection hai - gyaan bigar yog nahin lag sakta aur yog bigar daivi gunon ki dhaarna nahin hoti, in teenon point par saari jeevan ka aadhaar hai, tab hi vikarmon ka khaata khalaas ho achhe karma bante hain। ise hi eeshvareey jeevan kaha jaata hai।

bhaarat ka praacheen yog paramatma dvaara sikhaaya hua hai

apna yeh eeshvareey yog bhaarat mein praacheen yog ke naam se mashhoor hai। is yog ko avinaashi yog kyon kehte hain? kyonki avinaashi parampita paramatma dvaara sikhaaya gaya hai। bhal yog aur manushya aatmaayen bhi sikhaati hain isliye yogaashram vagaira kholte rehte hain parantu vo praacheen yog sikhla nahin sakte। agar aisa yog hota to phir vo bal kahaan! bhaarat to din pratidin nirbal hota jaata hai isse siddha hai woh yog avinaashi yog nahin hai, jiske saath yog lagaana hai woh khud hi sikhla sakta hai। baaki auron se to yog lagaana hi nahin hai to phir sikhlaayenge kaise? yeh to svayan paramatma hi kaarya kar sakta hai, vahi humein poora bhed bata sakta hai। baaki to sab taraph kehte rehte hain, ham yog sikhlaayenge। yeh to ham jaante hain ki sachcha yog to khud paramatma hi sikhlaae sooryavanshi chandravanshi gharaana va daivi raajya sthaapan karte hain। ab vo praacheen yog paramatma aakar kalpa-kalpa humein sikhlaate hain। kehte hain he aatma mujh paramatma ke saath nirantar yog lagaao to tumhaare paap nashta ho jaayenge। achha, om shanti।

ye avyakt ishaare - paropkaar ki bhaavna se sampanna ban apkaari par bhi upkaar karo

koi kaisi bhi aatma samparka mein aaye - chaahe satoguni, chaahe tamoguni sabhi ke prati shubh chintak arthaat apkaari ke oopar bhi upkaar karne vaale। kabhi kisi aatma ke prati ghrina drishti nahin kyonki jaante hain ki yeh agyaan ke vasheebhoot hai arthaat besmajh bachcha hai। besmajh bachche ke koi bhi karma par ghrina nahin hoti hai aur hi bachche ke oopar raham va sneh aayega।