शुक्रवार 30 अक्टूबर 2026 की दैनिक मुरली

30-10-2026 praatahmurli om shanti "baapdaada"' madhuban

“meethe bachche - tumhein yogbal se raavan dushman par jeet paani hai, manushya se devta banne ke liye daiveegun dhaaran karne hain''

prashn:- sabhi bachche baap ki shreemat par ek jaisa nahin chalte hain - kyon?

uttar:- kyonki baap jo hai, usko sabhi ne ek jaisa pahchaana nahin hai। jab poora pahchaanenge tab shreemat par chalenge। 2- maaya dushman shreemat par chalne se rok leti hai isliye bachche beech-beech mein apni mat chala dete hain। phir kehte baba maaya ke toofaan aate hain, aapki yaad bhool jaati hai। baba kehte bachche - raavan maaya se daro mat। jor se purushaartha karo to woh thak jaayegi।

geet:- na woh hamse juda honge…

om shanti। tum single aatma ho। har ek kahenge om shanti। yeh double hai inko do baar kehna pade - om shanti, om shanti। ab baap baith bachchon ko samjhaate hain - tum yahaan yuddha ke maidaan mein baithe ho। aise nahin ki jaise vo log aapas mein ladte hain। aise to ghar-ghar mein ladte-jhagadte rehte hain। majority ki baat ki jaati hai। number one hai deh-abhimaan, second hai kaam। abhi tum yaad ke bal se 5 vikaaron roopi raavan par jeet paate ho। yaad ka bal hai to tum girenge nahin। tumhaari ek raavan se hi yuddha hai। vahaan to anek prakaar ki baaten hoti hain। yahaan ek hi baat hai। tumhaari yuddha hai hi raavan ke saath। tumko sikhlaane vaala kaun hai? patit-paavan bhagwan। woh hai hi patit se paavan banaane vaala। paavan arthaat devta, tum vishwa ke maalik bante ho। yeh koi manushya samajhte nahin ki raavan dvaara tum patit bane ho। baap ne samjhaaya hai is samay saari duniya mein raavan ka raajya hai। vaise raamraajya hota hai satayug, treta mein। to bhi saari duniya mein kahenge। parantu vahaan itne manushya nahin hote। tum vishwa ka raajya le rahe ho yogbal se। aise bhi nahin yahaan baithte ho tab hi baap ko yaad karna hai va svadarshan chakra phiraana hai, bas। yeh to har vakta buddhi mein rehna chaahiye। hamne svarga mein aadhaakalpa raajya kiya phir raavan ka shraap milne se utarte hain। utarne mein time to lagta hai। 84 paudhi (seedhi) utarni padti hain। chadhti kala mein paudhiyaan to hain nahin, agar paudhiyaan hon to second mein jeevan-mukti kaise kaha jaae? kahaan tumko 2500 varsha utarne mein lagte hain aur kahaan tum thode hi varshon mein chadhti kala mein aa jaate ho। tumhaara hai yogbal। unka hai baahubal। dvaapar se lekar utarte hain phir baahubal shuru hota hai। satayug mein maarne ki baat ho nahin sakti। shreekrishna ke liye jo dikhaaya hai - okhli se baandha। aisi koi baat ho nahin sakti। vahaan bachcha kabhi chanchal hota nahin। woh to sarvagun sampanna, 16 kala sampoorn hota hai। shreekrishna ko kitna yaad karte aate hain। achhi cheez ki yaad aati hai na। jaise duniya mein 7 wonders hain to manushyon ko yaad aate hain, dekhne jaate hain। aabu mein achhe te achhi kya cheez hai, jo manushya dekhne aate hain? religious aadmi to aate hi hain mandir dekhne। bhakti maarga mein to mandir bahut hote hain। satayug treta mein koi mandir hota nahin। mandir baad mein bante hain, yaadgaar ke liye। satayug mein tyohaar aadi koi hote nahin। deepaavli bhi aise nahin hoti। haan, takhta par baithte hain to coronation de manaate hain। vahaan to jyot sabki jagi hui hoti hai।

tumhaare paas ek geet bhi hai - navayug aaya... yeh sirf tumko pata hai ham navayug arthaat satayug ke liye, devi-devta banne ke liye purushaartha kar rahe hain। padhaai to poori reeti padhni chaahiye। jahaan jeena hai gyaan amrit peena hai। yeh knowledge hai srishti ke aadi-madhya-ant ko jaanna hai। ismen koi bhaasha aadi nahin seekhi jaati hai। sirf baap ko yaad karna hai aur svadarshan chakra phiraana hai, bas। yahaan tum baithe ho। svadarshan chakradhaari ho। buddhi mein hai - hamaara 84 janmon ka chakra poora hua। ab puraana shareer, puraana sambandh chhodkar naya lena hai। vishnupuri ka maalik banne ke liye baba purushaartha kara rahe hain। duniya mein aur sab hain aasuri sampradaay। bhagvaanuvaach - yeh vahi geeta ka yug chal raha hai। yeh hai kalpa-kalpa ka sangamayug। baap kehte hain - main is kalpa ke sangamayug par aata hoon। main vahi geeta ka bhagwan hoon। yahaan aata hoon nai duniya svarga rachne, main dvaapar mein kaise aaoonga। yeh ek badi bhool hai। koi chhoti koi badi bhool hoti hai। yeh bade te badi bhool hai। shiv bhagwan jo punarjanma rahit hai, unke badle 84 janma lene vaale ka naam likh diya hai। tum abhi jaante ho ki shreekrishna to aise kah na sake ki maamekam yaad karo। sab dharma vaale thode hi unko maanenge। shiv to niraakaar hai। tum shiv shakti sena ho। shivbaaba ke saath yog lagaakar shakti lete ho। ismen mel-female ki baat nahin। tum aatmaayen sab brothers ho। sabhi baap se shakti le rahe ho। varsa baap hi dega na। woh baap hi sarvashaktimaan hai। in lakshmi-naaraayan ko bhi kahenge sarvashaktimaan kyonki saare vishwa ke maalik hain। unhonne yeh raajya kaise paaya? abhi bhaarat to kya saari duniya mein raavan raajya hai। koi raajaayen hote hain to maaloom hota hai, unke badon ne yeh raajaai ki hai, jo chalti aati hai। yeh to satayug aadi se chale hain to zaroor aage janma mein aisa purushaartha kiya hoga। patit raajaai milti hai daan-punya karne se। yahaan to is sangam par gyaan aur yogbal se 21 janma ke liye raajya paate ho।

tum jaante ho yeh puraani duniya saari vinaash honi hai। yeh deh bhi nahin rahegi, isliye apne ko aatma samajh baap ko yaad karna hai। baba-baba kehna seekho। jaise jismaani bachchon ko sikhaaya jaata hai to woh usi baap ko yaad karte hain। abhi roohaani baap tum bachchon ko kehte hain he bachche, yeh nai baat hai। baap kehte hain - ab mujh roohaani baap ko yaad karo kyonki vaapis ghar chalna hai। aatma to avinaashi hai, shareer vinaashi hai to taakat vaala kaun thahra? shareer aatma ke aadhaar par chalta hai। aatma chali jaati hai to shareer ko aag mein jalaana padta hai। aatma to hai hi avinaashi। woh bindi ki bindi hi hai। us aatma ko koi bhi nahin jaante hain। bhal karke koi ko saakshaatkaar hota hai phir bhi kya! unko to yeh pata hi nahin hai ki aatma jo bindi hai, unmein 84 janmon ka avinaashi part bhara hua hai। yeh baaten tumhaari hi buddhi mein hain। raajayog sikhlaane vaala hai hi woh baap। baaki barrister, vakeel, engineer aadi to chale aate hain। yahaan banna hai manushya se devta। hain woh bhi manushya parantu unko devta kaha jaata hai। devta arthaat daivi gun dhaaran karne vaale। tumko purushaartha kar aisa daiveegunon vaala banna hai। yeh hai em object। tum jaante ho in devtaaon mein kaun se gun hain! aisa hamko banna hai। praja bhi hogi na। praja dher ki dher banti hai। baaki raaja-raani banne mein mehnat lagti hai। jo mehnat bahut karenge woh raaja-raani banenge। jo bahuton ko knowledge denge, woh har ek apni dil se samajh sakte hain। aatma kehti hai - ham behad baap ka ban hi jaaoonga। un par vaari jaaoonga, kurbaan jaaoonga। jo kuchh mere paas hai sab vaari jaaoonga। eeshvar ko to dete hain na। aap aayenge to ham kurbaan jaayenge। uske badle aapse naya tan-man-dhan lenge। man naya kaise lenge? aatma ko naya (pavitra) banaayenge। phir shareer bhi naya lenge। raajdhaani bhi lenge। ab tum le rahe ho na। aatma kehti hai he baba is shareer sahit aapki hoon। baba ham aapki sharan aata hoon। sab raavan raajya mein bahut duhkhi hue hain isliye baba ab isse liberate kar apni raajdhaani mein le chalo। shivbaaba to mil gaya to baaki kya! tum jaante ho ki shivbaaba ki shreemat se svarga banta hai। aasuri raavan ki mat se narka banta hai। ab phir se svarga banna hai, shreemat se। zaroor jo kalpa pahle aaye honge vahi aayenge। shreemat se oonch banenge। raavan mat par chalne se gir padenge। tumhaari ab hoti hai chadhti kala, baaki sabki utarti kala hai। kitne anek dharma hain। satayug mein ek devi-devta dharma hi tha। ab woh praayahlop ho gaya hai। (bad ke jhaad ka misaal)

tum jaante ho devi-devta dharma ki nishaaniyaan to hain। barobar devi-devtaaon ka raajya tha। 5 hajaar varsha ki baat hai। tum siddha kar batlaate ho yeh 5 hajaar varsha ka chakra hai। ismen 4 yug hain। har ek yug ki aayu 1250 varsha hai। unhonne to laakhon varsha laga diye hain। bahut pharka hone ke kaaran kiski buddhi mein baithta nahin hai। samajhte hain jaise aur-aur sansthaayen hain vaise yeh bhi bi.ke. ki sanstha hai। yeh geeta ko uthaate hain। ab geeta to shreekrishna bhagwan ne gaai। yeh daada to javaahri baitha hai, to manushya moonjhenge na। baap kehte hain - main jo hoon, jaisa hoon, is samay tak koi ne mujhe jaana nahin hai। pichhaadi mein tum poori reeti jaanenge। abhi tak nambarvaar jaana hai, tab to shreemat par chalna bada mushkil samajhte hain। achhe-achhe bachche bhi shreemat par nahin chalte। raavan chalne nahin deta। apni mat chala dete hain। thode hain jo shreemat par poora chalne vaale hain। aage chal poora pahchaanenge tab shreemat par chalenge। main jo hoon, jaisa hoon, woh aage chal samjhenge। abhi samajhte jaate hain। poora samajh len to baaki kya chaahiye! rehna bhi apne grihastha mein hai parantu dushman maaya aisi hai jo shreemat par chalne se rok leti hai। kehte hain baba maaya ke toofaan bahut aate hain। maaya aapki yaad bhula deti hai। haan purushaartha jor se karte-karte phir aakhreen maaya bhi thak jaayegi। maala bhi 8 ki hai। mukhya 8 ratna hain। 8 to hain - jodi। navaan ratna beech mein shivbaaba ko rakhte hain। koi laal banaate hain, koi saphed। ab shivbaaba to hai bindi। bindi laal nahin hoti। bindi to saphed hi hoti hai। woh bahut sookshm hai। divya drishti ke sivaae koi dekh na sake। doctor aadi kitni koshish karte hain dekhne ki। parantu dekh na saken kyonki avyakt cheez hai na isliye poochha jaata hai - tum kehte ho ham aatma hain, achha aatma ko kab dekha hai? apne ko hi nahin dekh sakte to baap ko kaise dekh sakenge। aatma ko jaanna hai ki kaise unmein part bhara hua hai। yeh bilkul hi koi nahin jaante। 84 ke badle 84 laakh kah dete hain। baap aakar bachchon ko bhi sab baaten samjhaate hain। aaj ka bhaarat kya hai, kal ka bhaarat kya hoga! mahaabhaarat ladaai bhi hai। geeta ka gyaan bhi diya hai, yeh roodra yagya bhi hai। sab dharmon ka vinaash, ek dharma ki sthaapna ho rahi hai।

yeh shivbaaba ka bhandaara hai, isse tumko pavitra bhojan milta hai। brahman-braahmaniyaan hi banaate hain, isliye inki mahima aparmaapaar hai। isse tum pavitra ban pavitra duniya ka maalik bante ho, isliye pavitra bhojan achha hai। jitna tum oonch hote jaayenge utna bhojan bhi shuddh tumko milega। yogayukta koi bhojan banaaye to bal bahut mil jaae, woh bhi aage chal milega। serviceable bachche jo centre par rehte hain, woh apne hi haathon se bhojan banaakar khaayen to bhi usmein bahut bal mil sakta hai। jaise pativrata stri, pati ke bigar kisi ko yaad nahin karti। aise tum bachche bhi yaad mein rahkar banaao, khaao to bahut bal milega। baba ki yaad mein rahne se tum vishwa ki baadshaahi lete ho। baba raay to dete hain parantu abhi kiski buddhi mein nahin aata। aage chal ho sakta hai - kahenge ham apne haath se yogayukta ho bhojan banaate hain, to sabka kalyaan ho jaae।

baap bachchon ko har prakaar ki mat dete hain na। trimoorti chitra saamne rakha ho। varsa shivbaaba se lena hai। kuchh na kuchh yukti karte raho। baba apna misaal dete hain - bhakti maarga mein ham naaraayan ke chitra ko bahut pyaar karte the। bas unko yaad karne se aansu aa jaate the kyonki us samay vairaagya tha। chhotepan mein vritti vairaagya ki thi। yeh hain phir behad ki baaten। phir bhi kehte hain manamnaabhav। yog mein rahne se hi tum tamopradhaan se satopradhaan banenge। yaad mein rahne ka phurna rakhna hai। shreemat milti hai, baap kehte hain yaad karo। main srishti ka rachayita hoon to tum bhi nai duniya ke maalik banenge na। nahin to saja bhi khaayenge aur pad bhi bhrashta ho jaayega। marne ke pahle bachchon ko yeh phurna (phikra) rakhna hai ki ham satopradhaan kaise banen। baap ko yaad to zaroor karna hai। yeh hai bade te bada phurna। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yogayukta ho apne haath se bhojan banaana aur khaana hai। pavitra duniya mein jaane ke liye pavitra bhojan khaana hai। usmein hi bal hai।

2) naya tan-man-dhan praapta karne ke liye puraana sab kuchh baap par vaari kar dena hai। is shareer sahit baap par poora-poora kurbaan jaana hai।

vardaan:- ekaanta aur antarmukhta ke abhyaas dvaara svayan ko anubhvon se sampanna banaane vaale maayaajeet bhav

knowledgeful ke saath powerful arthaat anubhvi moorta banne ke liye ekaantavaasi aur antarmukhi bano। dagmag hone ka kaaran hai anubhav ki kami isliye sirf samajhne, samjhaane vaale ya mananmoorta nahin bano, ekaantavaasi ban har point ke anubhvi bano to kisi bhi prakaar ke dhokhe se, duhkh va duvidha se bach jaayenge। kiska bachcha hoon, kya praapti hai - is pahle paath ka anubhav kar liya to maayaajeet sahaj hi ho jaayenge।

slogan:- jimmevaari sambhaalte hue double light rahne vaale hi baap ke sameep ratna hain।

ye avyakt ishaare - paropkaar ki bhaavna se sampanna ban apkaari par bhi upkaar karo

apne teen swaroop sada smriti mein rakhoh ek upkaari hoon, doosra nirhankaari aur teesra adhikaari hoon। kitna bhi koi apkaari ho lekin aapki drishti aur vritti upkaari ho, phir jitna adhikaari utna nirhankaari। jab vritti se bhi main-pan ka tyaag hoga, smriti mein sadaiv baap aur daada rahega aur mukh par bhi yahi bol rahenge tab vishvapti ban vishwa ki service kar sakenge।