रविवार 8 नवंबर 2026 की दैनिक मुरली

08-11-26 praatahmurli om shanti ''avyakt-baapdaada'' revise 18-10-71 madhuban

vishesh deepaavli nimitta avyakt baapdaada ke madhur mahaavaakya

aaj baapdaada kya dekh rahe hain? aap deepkon ki maala dekhne ke liye aae hain। jo deepmaala ka yaadgaar divas log manaate hain lekin baapdaada chaitanya deepkon ki maala ko dekh rahe hain। aap sabhi bhi jab deepmaala ke din jage hue deepkon ko dekhte ho to dekhte hue yeh khushi hoti hai ki hamaari hi yaadgaar mana rahe hain? jaise jaga hua deepak pyaara lagta hai vaise apni yaadgaar ko dekh smriti aane se aap sabhi bhi vishwa ke baap aur saare vishwa ke aatmaon ko pyaare lagte ho। to aaj yaadgaar roop ko pratyaksha roop mein dekhne aae hain। maala mein ek daana nahin hota hai, anekon ki maala banti hai। agar ek deepak alag jaga hua ho to usko deepkon ki maala nahin kahenge। to aise hi anek deepak jage hue, maala ke roop mein dikhaai dete hen। to harek apne ko is deepmaala ke beech piroya hua, jaga hua deepak samajhte ho? va aap log bhi anek jage hue deepkon ki maala ko dekhte hue harshit hote ho? aaj deepmaala ke din aap sabhi ne deepaavli manaai? aaj vishesh roop se deepaavli manaai? yoon to sadaiv jage hue deepak ho, lekin jab vishesh yaadgaar ka divas hota hai to vishesh aatmaon ko kya karna chaahiye? vishesh aatmaaen jo vishesh roop se nimitta bante hain, unhon ko vishesh service kya karni hai? vishesh aatmaon ko to anya se vishesh kaarya karna hai naakyonki jo anya aatmaaen bhi kar sakti hain aur kar rahi hain woh kiya to baaki pharka kya hua? vishesh aatmaon ko vishesh kaarya karna hai। baapdaada vishesh dinon par vishesh roop se bachchon ki aur bhakton ki teenon hi roop se seva karte hain। vishesh aatmaon ko khaas apne yaadgaar ke din saakshaatkaar-moortta ban, saakshaat baapdaada samaan aatmaon ke prati apni kalyaan ki bhaavna se, apne roohaani sneh ke swaroop se, apne sookshm shaktiyon dvaara aatmaon mein bal bharna chaahiye। jaise avyakt roop mein baapdaada chaaron or bachchon ki seva karte hain। woh samajhte hain ki baapdaada ne mere se mulaakaat ki, meri yaad ka response diya va meri yaad ka pratyaksha phal mainne anubhav kiya athva bhakta bhi anubhav karte hain ki hamaare pyaar va bhaavna ka phal bhagwan ne poora kiya, yeh anubhav practical roop mein hota rehta hai।

aise vishesh aatmaon ko apne avyakt sthiti mein, apni roohaani light aur might ki sthiti dvaara light house aur might house ban ek sthaan par rehte hue bhi chaaron or alaukik roohaani service ki bhaavna aur vritti dvaara service karni chaahiye isko kehte hain behad ki service। aise anubhav va mahsoos hona chaahiye ki meri praja va bhakta aaj vishesh roop se yaadgaar ke din mujh vishesh aatma ko yaad kar rahe hain। alpakaal ke riddhi-siddhi vaale ek sthaan par rehte hue apne bhakton ko apne roop ka pratyaksha saakshaatkaar kara sakte hain, to kya vishesh aatmaaen apne light aur might dvaara bhakton ko va praja ko apni seva dvaara anubhav nahin kara sakte hain? to jab aise vishesh yaadgaar ke din aate hain to vishesh aatmaon ko aisi vishesh service par anubhav karna chaahiye। aisi service ki? achha yeh rahi service। aur deepaavli ke din apne prati vishesh attention raha? aaj ke din apne aatma ke sanskaaron mein sada ke liye parivartan laane ka vishesh attention diya? jab yaadgaar roop mein aaj ka din puraane khaate khatma karne ki reeti roop mein chalta aa raha hai woh avashya practical roop mein aap aatmaon ne kiya hai tab to yaadgaar chalta aaya hai। to aaj ke din apne puraane sanskaaron ka jara bhi raha hua khaata khatma kiya? khatma karne ke pahle apne khaate ko check kiya jaata hai। result nikaali jaati hai। aise aap sabhi ne apna potaamel check kiya? kya check karna hai? aaj ke din tak jo bhi purushaartha chala uski result ab tak kin baaton mein aur kis percentage mein saphalta moortta bane? pahle apne mansa sankalpon ke potaamel ko check karo ki ab tak sampoorn shreshtha sankalpon ke purushaartha mein kahaan tak saphalta aai hai? vyartha sankalpon va vikalpon ke oopar kahaan tak vijayi bane hain? aur vaani dvaara kahaan tak aatmaon ko baap ka parichay de sakte, kitni aatmaon ko baap ke snehi va sahayogi bana sakte hain? vaacha mein kahaan tak roohaaniyat va alaukikta va aakarshan aai hai? aise hi karmana dvaara sada nyaare aur pyaare, alaukik, asaadhaaran karma kahaan tak kar sakte hain? karmon mein kahaan tak karmayogi ka, yogayukta, yuktiyukta snehayukta roop laaya hai? apne sanskaaron aur svaroopon mein arthaat soorat mein kahaan tak baap samaan aakarshan roop, snehi roop, sahayogi roop bane? aise apna potaamel check karne se ab tak jo kami va kamzori rah gai hai usko samaapta kar naya khaata shuru kar sakenge? aisa apna potaamel check karo।

isko kehte hain deepaavli manaana athva apne ko sampoorn banaane ka dridh sankalp karna hi manaana hai। to aise deepaavli manaai hai ki sirf milan manaaya? milan manaane ka yaadgaar maala ke roop mein hai lekin dridh sankalpon ka yaadgaar deepak ke jyoti roop ka hai। to donon roop se manaaya? naye vastra pahne? aatma ko naya chola kis aadhaar se milta hai? sanskaaron ke aadhaar se milta hai na। aatma ke jaise sanskaar hote hain us pramaan hi chola taiyaar hota hai। to naya chola va naye vastra kaun-se pahnenge? aatma mein naye yug ke sanskaar va naye yug ke sthaapak baap jaise sampoorn sanskaaron ko dhaaran karna - yahi naye vastra pahanna hai। shareer mein naye vastra bhal kitne bhi pahnon lekin aaj ke puraani duniya ki nai vastu bhi nai duniya ke aage puraani hai kyonki jadajdeebhoot avastha ko praapta ho chuke hain isliye naye vastra pahnon to bhi naye nahin kahenge। satopradhaan duniya mein hi sab kuchh naya hai। tamopradhaan duniya ki cheezen sabhi puraani hain। asaar hain। to unko naya kahenge kya? to naya vastra arthaat apni aatma ke naye sanskaar, shreshtha sanskaar dhaaran karna hai। aur kya karenge? jab naye sanskaar dhaaran kar liye hain to potaamel rakhne se potaai ho jaayegi na। to potaamel rakhna yahi potaai arthaat saphaai, svachchhata hai। jaise potaai karte hain to jo bhi gandagi va keetaanu hote hain woh svatah hi khatma ho jaate hain। to jab aisa potaamel check karenge to jo bhi kamjori hogi woh svatah hi khatma ho jaayegi। ek do mein apne madhur bol se len-den kya karenge? jaise deepaavli par ek do se kharchi lete hain na। aap log ek do mein kaunsi kharchi denge। aapke paas kaunsi cheez hai jo ek do ko kharchi denge? (sneh ki kharchi) snehi to ek do ke sada ke liye ho, ki aaj ke din khaas snehi banenge? snehi to ho aur isi sneh ki nishaani, ek do ke sami-pata ki nishaani deepmaala kaha jaata hai। vishesh dinon par vishesh kharchi kaunsi deni hai? jo ab tak apne purushaartha dvaara sahaj saphalta praapta hui ho va anubhav hua ho, aisa apne anubhav ka gyaan ratna, jis dvaara practical anubhvi ban anubhvi bana sakte ho, aisa ratna ek do ko kharchi ke roop mein vishesh roop se dena chaahiye। samjha? baap ke khazaane ko apne anubhav dvaara jo apna banaaya aisa apna banaaya hua gyaan ratna ek do ko dena chaahiye jisse woh aatma bhi isse sahaz anubhvi ban jaaye, yeh hai kharchi। to ek-do ko aisi kharchi dena chaahiye jo sada ke liye yaad roop ban jaae। jab aisa ratna kisko denge to sada ke liye us aatma ko baap ke saath aapke diye hue ratna ki yaad zaroor rahegi। to kisko sada ke liye sampanna karne vaali kharchi deni chaahiye। aisi deepaavli manaao aur aise hi shreshtha aatma ban anya aatmaon ki shreshtha seva karo।

aaj ke din sarva aatmaaen dhan ke pyaasi hain। to aisi pyaasi aatmaon ko aisa roohaani dhan do jisse kabhi bhi aatma ko dhan maangane ki aavashyakta hi na rahe। dhan kaun maangate hain? bhikhaari। aaj ke din aatma bhikhaari banti hai। royal bhikhaari kaho। kitne bhi karodapti hon, lekin aaj ke din bhikhaari bante hain। aisi bhikhaari aatma ko bhikhaareepan se chhudaao, yeh hai behad ki seva। daata ke bachche ho na। to daata ke bachche, vardaata ke bachche, apne vardaan ki shakti se, gyaan daan ki shakti se bhikhaariyon ko maalaamaal banaao। aaj ke din in bhikhaari aatmaon ke oopar vidhaata aur vardaata ke bachchon ko taras padna chaahiye। jin aatmaon ko aisa taras padta hai, unhon ko hi maaya aur vishwa ki aisi aatmaaen namaskaar karti hain isliye ab tak bhi deepak jagaate hain। jab light jalaate hain to namaskaar zaroor karte hain। to aisi jyoti jagi hui aatmaon ki yaadgaar abhi tak bhi kaayam hai। bujhe hue deepak ko namaskaar nahin karte to sada jaagti jyoti bano। aisi aatmaon ko baapdaada bhi namaste karte hain।

(mahaaraashtra zone ke bhaai bahinon prati avyakt baapdaada ke mahaavaakya - revise-20-3-12)

is zone ki sankhya bahut hai। naam hai mahaaraashtra। to maha honge na! to jaise naam hai vaise hi sankhya bhi mahaan hai। baambe aur dilli donon taraph ke bachche service to achhi kar rahe hain, woh to kahne ki baat nahin hai। achhi kar rahe hain, karte rahenge lekin baap-daada dehli aur baambe se yahi chaahte hain ki jo aapke sambandh samparka mein aaye hue vishesh aatmaayen jo mike bhi ban sakte hain aur phir vaaris bhi ban sakte hain, aise koi group nikaalo kyonki list sabhi vargo ne majority baapdaada ko bheji thi। dekhi hai woh list। achhe achhe hain list mein jo naam baala kar sakte hain। abhi unko pratyaksha karo। aapke bajaae woh bhaashan karen। anubhav sunaayen aapka, gyaan kya hai, hamne jeevan mein kya antar aaya hai, woh varnan karen। jab function hota hai, abhi bhi to apna anubhav kai achhe-achhe sunaate bhi hain lekin woh to function mein sunaaya, lekin lagaataar jeevan ka anubhav karen। yeh attention denge to nikalne vaale hain। kai yogya hain lekin thoda purushaartha karke unhon ko aage badhaao। har ek varga ko vaastav mein yeh list pratyaksha roop mein parivaar aur baap ke saamne laani chaahiye। kaarya kiya hai vargo ne। baapdaada ne dekha kaarya kiya hai lekin bahut samay se kar rahe hain, abhi koi naveenta laao। naveenta yeh hai vaaris banaao। kam se kam jo samparka vaale hain woh sambandh mein aave, sambandh ke baad seva mein lage। sambandh yeh nahin, aane jaane ka sambandh nahin lekin baap aur parivaar ke saathi ban jaaen। yeh bhi hona hai, abhi baapdaada ne dekha ki agar brahman milke koi bhi ek sankalp karen to hua hi pada hai lekin sabka ek hi sankalp ho kyonki abhi vaayumandal badal gaya hai। to baapdaada aise mike quality ke bachchon ka sangathan karaana chaahte hain। madhuban mein milne aate hain woh baat alag hai lekin parivaar ke banke aaven kyonki service mein koi na koi naveenta to chaahiye na! achha।

baaki baapdaada ki ek aasha aur bhi zone vaalon ke prati rah gai hai। woh kaun si hai? har centre yeh khushkhabri likhe ki hamaara centre nirvighna hai, milansaar hai। sab baba ke bachche accurate, jo kaaryakram bana hua hai us taraph busy hain, nirvighna hain। yeh abhi kisi zone ka nahin aaya hai। to mahaaraashtra to mahaan kaarya karenge na! kisi bhi zone ne abhi yeh khushkhabri nahin bheji hai। banna hai, banna to aapko hi hai aur kaun banenge! aapki tapasya kam nahin hai। chaahe teacher hai, chaahe student hain, duniya ke hisaab se har ek mahaan aatmaayen hain। abhi-abhi dekhna aapko yeh nirvighna ka thoda sa karo to sabhi aapko jaise aapke jad chitra mein shubh bhaavna se dekhte hain, aise aapko chaitanya roop mein deviyon ke roop mein, devtaaon ke roop mein dekhenge। baaki seva sabhi ne achhi ki hai। uski baapdaada mubaarak de rahe hain। achha।

vardaan:- divya gunon ke aahvaan dvaara avgunon ko samaapta karne vaale divyagundhaari bhav

jaise deepaavli par shreelakshmi ka aahvaan karte hain aise aap bachche svayan mein divyagunon ka aahvaan karo to avgun aahuti roop mein khatma hote jaayenge। phir naye sanskaaron roopi naye vastra dhaaran karenge। ab puraane vastron se jara bhi preet na ho, jo bhi kamjoriyaan, kamiyaan, nirbalta, komalta rahi hui hai - vo sab puraane khaate aaj se sada-kaal ke liye samaapta karo tab divyagundhaari banenge aur bhavishya mein taajposhi hogi। usi ka hi yaadgaar yeh deepaavli hai।

slogan:- svaraajya adhikaari banna hai to man roopi matri ko apna sahayogi bana lo।

ye avyakt ishaare - brahma baap samaan sampanna aur sampoorn sthiti ka anubhav karo

“bindu aur sindhu'' yeh do shabd bhi agar yaad rakho to sampoornata sahaj aa sakti hai। ek bindu ki yaad aur ekras avastha, ek ki hi mat aur ek ke hi kartavya mein madadgaar। sirf bindu aur ek, uske aage vistaar mein jaane ki darkaar nahin। vistaar mein jaana hai to sirf service prati। uske aage apni buddhi ko chalaane ki aavashyakta nahin hai।