मम्मा की मुरली - 203

> >

mama murli madhuban

003. Sowbhagyashali Banane Ki Vidhi - 19-04-65

aaj 19 April hai jagdamba maa ki murli sunte hain

record:-

banvaari re jeene ka sahaara tera naam re…

om shanti। yeh jo aise geet hain, abhi suna na ki duniya vaalon se kya kaam hai, to duniya to kehti hai duniya se kaam hai, aap aise kehti ho duniya vaalon se kya kaam hai, aap to kehte ho duniya se to kaam hai phir yeh jo geet hai, theek nahin hai na? phir aise geeton ko to band kara dena chaahiye ki banvaari tere se kaam hai duniya vaalon se kya kaam hai। duniya vaale to kehte hain duniya se na kaam lenge to duniya mein kaise rahenge। to duniya vaale to aise kehte hain abhi kya hona chaahiye? abhi yeh hai samajhne ki baaten ki haan duniya se to kaam hai lekin yeh jo ab ki duniya hai na, yeh ab ki duniya jo hai jismen duhkh aur ashaanti hi utha rahe hain to abhi uske liye hai ki is duniya mein abhi kuchh raha nahin hai, koi saar nahin raha hai iseelie abhi jo teri duniya thi banaai hui teri duniya, khyaal mein hai na, unki bhi duniya hai, unmein bhi pati-patni baap beta sansaar hai saare ka saara, raaja praja sab kuchh hai lekin haan, teri jo duniya hai na usmein kuchh maal tha, kuchh saar tha, kuchh to kya poora saar tha aur abhi jo yeh sansaar hai na yeh to hai jhoothi kaaya, jhoothi maaya, jhootha sab sansaar। ab is jhoothe se kya kaam rakhen iseelie kehte hain ab is jhoothe sansaar se abhi kya mera kaam raha kyonki abhi ismen hai hi nahin kuchh maal, koi saar hi nahin raha hai to phir isse kaam kya raha isliye abhi tere se dil lagaate hain iseelie ki abhi teri jo duniya hai na usmein se kuchh maal milega। to duniya to hai hi parantu duniya sukh ki jo hai, woh tere se praapta rahegi isliye abhi tere se kaam hai। kyonki tere dvaara jo humein duniya praapta rahi hai athva tumne jo hamaari duniya banaai hai, woh bahut achhi banaai। usmein kabhi hamko duhkh nahin tha aur koi duhkh ki baat nahin thi। sab tha lekin duhkh nahin tha। aur ham chaahte bhi yeh hai na ki duniya ho lekin usmein duhkh na ho duhkh to koi chaahta hi nahin hai iseelie abhi yeh jo duniya hai jis\mein abhi baithe hain to ismen to abhi duhkh aur ashaanti ke siva aur kuchh hai hi nahin iseelie kehte hain ki haan ab yeh duniya jhoothi ho gai hai, ismen koi saar nahin raha hai। isko kehte bhi hain asaar sansaar iseelie abhi isi asaar sansaar se hamko nikaalo। abhi phir jo tumne saar vaala sansaar banaaya jismen kuchh maalpaani tha achha, abhi us sansaar ka humein phir se hak do। to jo hak dene vaala hai to abhi to usse kaam hai na to phir to yeh chhodna chaahiye na, isse phir to dil hataani chaahiye। to woh baap kehte hain agar meri duniya ke abhi banna chaahte ho aur main aaya bhi hoon woh nai duniya banaane ke liye abhi time hai to agar usi duniya mein apna hak banaana chaahte ho to abhi phir jaise main kahoon to yeh jo raavan ki duniya hai na yeh to unki hai paanch vikaaron ki to phir is vikaari duniya ko to chhodna padega na, nahin to vikaari duniya vaale kya kahegi tumko ki bina vikaaron ke to kaam nahin chalega, yeh kya tumko mandali vaale, tumko bramhaakumaariyaan, tumko phalaane kya sikhlaate hain woh to aisi-aisi baaten kahenge ki inke bina kaam nahin chalega, moh ke bina kaam nahin chalega, krodh ke bina kaam nahin chalega, kaam ke bina duniya nahin utpatti hogi, yeh nahin hoga, woh nahin hoga woh to aisi baaten sunaaenge kyonki hai hi vikaari duniya, un bichaaron ko yeh pata hi nahin hai ki koi nirvikaari duniya bhi hai। nirvikaareepan se bhi koi duniya chali hui hai, woh nahin jaante hain iseelie yeh vikaari duniya to tumko yeh raay denge, yeh salaah denge, yeh baaten kahenge iseelie baap kehta hai abhi inka sang, inki mat chhodo। inke mat mein hai hi ki vikaaron se duniya chalne ki hai to tumko mat bhi esi hi dengi, raay bhi aisi hi denge, salaah bhi aise hi denge aur chalaaenge bhi aise to yeh to duniya tumko us taraph kheenchegi na iseelie baap kehte hain abhi iska yeh sabhi sang chhod karke abhi mera sang pakdo to mera sang pakadne se phir tumko jo naya sansaar main banaata hoon, woh bhi sansaar banaata hoon, main koi aisa nahin hai tumko koi sansaar se kahin aur, nahin sansaar hi bana deta hoon parantu us sansaar mein saar, sukh kuchh jismen koi aisi duhkh ki baat rehti nahin hai iseelie kehte hain abhi meri mat par chalna padega na। to abhi kiski mat par rehna hai? yeh to kahenge ki vikaaron par chalo, yeh sansaar vaale athva yeh jo hai woh to raavan ki mat ho gai na iseelie baap kehte hain abhi raavan ki mat par mat chalo, abhi chalo meri mat par, raam ki, raam maana niraakaar parampita paramatma। vo abhi kehte hain meri mat par raho, to abhi uski mat se sukh paaenge aur raavan ki mat se duhkh paaenge, abhi kya karna chaahiye? to iseelie hai ki abhi inki hai in sabhi baaton se buddhi hata karke abhi mere mein lagaao aur jo main kahoon woh karo to abhi karna chaahiye jo agar sukh chaahte hain। nahin to yeh vikaari duniya bhi abhi-abhi khatma hone ki hai। bhale koi kahe chalo ham iski mat par hi sahi, jaisa hoga vaisa parantu kehte hain woh bhi abhi khatma hone par hai। inka bhi abhi time poora hua hai yeh bhi samajhne ki baat hai ki aise nahin yeh duniya abhi aage aur chalne ki hai, inka bhi abhi aa karke time poora hua hai। jabhi iska bhi naash hone ka hai to naash bhai hui duniya mein abhi tum kaahe ke liye apna man lagaakar baithe ho, ismen kya milega। is duniya ka bhi abhi kuchh milne ka nahin hai kyonki inka bhi abhi stage aa karke poora hua hai aise bhi nahin hai ki chalo iska bhi aage kuchh time hai ismen bhi abhi kuchh jo bhi hai, jaisa bhi hai achha woh bhi to leven, nahin baap kehte hain abhi uska bhi time poora hua hai isko mujhe vinaash karna hi hai kyonki inki abhi jadajdeebhoot avastha athva last stage aa chuki hai isliye jabki abhi isi raajya ka khatma hone ka time aaya hua hai yaani raavan ke raajya ka, is vikaari duniya ke samay ka abhi time aa karke poora hua hai aur uska destruction, dekho maut ki bhi nishaaniyaan aa chuki haim, to abhi jabki uske naash ka time aaya hai to kyon nahin abhi jo duniya aane vaali hai sukh ki to kyon nahin apna usmein bana lena chaahiye to akalmandi to yahi hai na। ek to jo cheej hai woh ek khatma hone ki hai, bhale koi kahe ki chalo hamko svarga ke sukh nahin chaahiye, hamko yahi achhe hain, ham idhar hi pade rahe parantu baap kehte hain woh bhi to nahin rahne ka hai na। woh bhi rahne ka nahin hai kyonki unka bhi abhi time poora hua hai to jabki uska time bhi poora hai aur usmein koi saar bhi nahin hai to jab aisi baat hai to kyon nahin jismen saar bhi hai aur uska time bhi aaya hua hai to usmein hak lagaane ka samay hai kyonki woh duniya abhi aa rahi hai, woh bataaya na aa rahi hai duniya। to jabki aa rahi hai duniya aur abhi us duniya ki baari hai to kyon nahin usmein apna abhi laga dena chaahiye sepling, kalam to phir ham usmein apna phal paaenge isliye baap kehte hain abhi samajh ka agar kaam hai aur samajhdaar banna hai to abhi yeh vinaash bhai hui, abhi-abhi baaki thoda time hai to abhi jo khatma hone par hai usko abhi se hi khatma kar do, pahle se hi, jara pahle se usko khatma kar do, honi to hai hi। tu na karenge to aisa nahin hai ki yeh khatma hone ki nahin hai, tu na karenge to bhi hone ki hai to kyon nahin pahle se hi apna usse pahle se hi aashakti athva mamatva nikaal dete ho to uska tumko phaayda milega, to main khaali kehta hoon tu pahle se jara, marni to aise bhi hai , khatma to aise bhi honi hai to jabki aise bhi tumhaare se chhootna hai sab kuchh, to kyon nahin tum pahle se hi apna jara dil se aashakti agar todenge to uska phal tumhaara dekho us aashakti todne ki sepling lag jaaegi। tum khaali aashakti tod rahe ho, yeh jo tum kehte ho deh sahit deh ke sarva sambandhon se buddhi hataate ho, bas usi mehnat ka hi tumhaara sepling lag jaati hai, to kyon nahin tum itna apna nai duniya ke liye bana lete ho, chhootni to vaise bhi hai। aise nahin koi kahe nahin ham nahin chhodenge, nahin chhodenge to haan dekho uska vinaash khada hai saamne। to yeh hai saari baaten iseelie baap kehte hain jabki abhi yeh saara raaj mainne samjhaaya hai aur samjha raha hoon aur buddhi mein aata bhi hai to phir uske mutaabik kaam karna chaahiye na, baaki mera sansaar hi meri duniya dekho kitni sukhdaai hai iseelie hai ki haan abhi ismen kuchh raha nahin hai, koi saar nahin kisi mein bhi saar nahin, sab kuchh ban ke is duniya ka bhi bade-bade ban kar bhi dekh liya martabe vaale, dhanvaan, bade-bade sab bankar dekh liya ismen bhi saar nahin hai, sab anubhvi ho na, is duniya ka anubhav dekhte chalte aae ho to yeh sabhi cheejen baithkar ke baap abhi samjhaate hain iseelie kehte hain jabki abhi yeh duniya ka time poora hone par aa chuka hai, abhi koi kahe ham kaise maane ki duniya ka time poora hua hai to abhi kya ismen abhi tak bhi aankhen nahin khulti hain, abhi tak yeh dhyaan mein nahin aata hai ki duniya ka time poora hone ka yeh sab dikhaai de raha hai, yeh duniya ke aasaar ya duniya ki jo bhi abhi haalaat hain woh kya abhi mahsoos nahin karaati hai ki duniya kis or ja rahi hai। to aise koi na samjhe ki nahin abhi koi hajaar ya laakhon baras, woh kai samajhte hain na ki kalayug abhi to bachcha hai, abhi to isko bada, buddha hone mein hajaaron kai laakhon varsha pade hain parantu nahin, agar hajaaron laakhon varsha pade hue hote na to aaj hi jitni sankhya hai vahi sambhaalna duniya ke liye bada ek museebat ki baat ho gai hai ki aage phir chalte chalte yeh sankhya aur ghatti chale aur yeh sab duniya ka to aisa hi chale to hajaaron laakhon varsha mein kya ho jaaega, aur hai hi nahin itne time ka jabki ham dekhte hain abhi-abhi thode dekho yeh krishchiyeniti ko 1965 varsha kahenge, uske andar bhi dekho kitni sankhya badh gai hai। jab Christ tha usne Christianity dharma ki sthaapna ki usi samay ki sankhya kaaphi lo aur abhi to 2000 varsha bhi nahin hua hai to uske andar andar itni sankhya badhti ja rahi hai to sochne ki baat hai ki abhi koi hajaaron ya laakhon varsha kahe ki pade hain to usmein jaakar kya hoga। abhi hi tang ho gae hain, abhi apni sankhya ko koi sambhaal nahin pa sakta hai, khaane peene rahne aur sab baaton mein dekho kitne tang pad jaate hain। tang pad jaate hain tabhi to ladte hain na, woh samajhte hain ki nahin hamaare ko jyaada jameen milni chaahiye, hamaare ko jyaada yeh hona chaahiye, hamaare ko yeh sab ladaai jhagda kyon hota hai। to yeh sab baaten baap baithkar ke samjhaate hain ki jabki abhi 2000 varsha ke andar ki sankhya bhi socho to jab pahle abhi krischiyan gharaane ki sthaapna ki thi tabhi kitni thi aur abhi uske 2000 varsha bhi nahin hue hain to kitni sankhya ho gai hai। to sochne ki baat hai ki jabki samajhte hain ki aisi speed sankhya ki hoti ja rahi hai to hajaar laakho varsha aur aage ho to kya ho jaaega phir to ek do ke oopar baithenge kya, kya rahega to iseelie baap kehte hain aisa hai hi nahin, abhi yeh sab time nishaaniyaan hai ki abhi yeh time aakar ke last pahuncha hai। baaki bhi jo kehte hain na ki ghor kalayug bahut jabki manushya bahut peeda, to woh bhi to time bahut nikat hai, jab yeh vinaash ka chalega to woh hai peeda ka time parantu woh peeda ka time bahutkaal nahin chalta hai। bahut duhkh ka samay phir bahutkaal nahin chalta hai kyonki agar bahut samay chale to bahut peeda mein aur bahut samay agar manushya chalte rahe to na maaloom kya ho jaae, dekho paakistaan aur hindustaan ka jo maamla hua to aisa thodi na hai ki bahut kaal chalta chale, nahin chala thoda time chala parantu woh time to tha, vo ghadi jo thi woh samay jo the vo kitne dardanaak the। agar yeh dardanaak samay bahut kaal chalta hi chale, chalta hi chale aise manushya ek do ko kaatte phaadte chalte hi rahe to aisa agar lagaataar chalta hi rahe to kitna kya ho jaae, to nahin vo peeda ka asli peeda ka time thoda time chalta hai lekin hoti peeda ka hai। to yeh bhi vinaash ka chalega lekin aisa thodi hai ki woh bhi koi hajaaron laakhon varsha chalne ki baaten hai to yeh sabhi cheejon ko bhi bahut achhi tarah se samajhne ki baaten hain ki haan time aaya hua hai aur yeh bhi jo baaki time hai jisko kehte hain ati peeda ka samay vo bhi aane ka hai। parantu usi time par to apna jo kuchh banaana hai woh usi time to nahin banaaenge na banaana hai pahle, jo kuchh karna hai to pahle karna hai woh karne ka abhi samay hai। peechhe to hai maut, usi time par jaise manushya marne par thodi hi kuchh kar sakta hai, marne se pahle। kehte hain na ghadi, aadhi ghadi, aadhi ki punah aadhi ke kuchh pahle, baaki aise thodi hai phir marne ke samay manushya kya karega। marne ke samay manushya marne mein hi hoga baaki usi time to kuchh nahin kar sakta hai na karna hai to pahle। to iseelie baap kehte hain yeh marne ki maano ek ghadi pahle hai, aadhi ghadi aadhi ki punah aadhi itna time samjho iseelie jabki abhi time hi itna raha hai to uske pahle kuchh kar lena chaahiye na। to yeh hai thoda time pahle ka jismen baith kar ke ham baap ke dvaara uski mat le karke aur apna uchcha saubhaagya banaate hain aur saubhaagya bhi kya banaate hain uski bhi hamaare buddhi mein saara saakshaatkaar gyaan se baithkar ke karaate hain। samjhaate hain ki abhi kya hai future aur kislie tumko main baithkar ke yeh mat de raha hoon, usse tumhaara kya banega, kya hone ka hai woh saari is film ki bhaavi jo hai na woh baith karke batlaate hain। to woh abhi buddhi mein hai na achhi tarah se ? jabki buddhi mein hai aur roshni hai abhi to phir uske mutaabik kaam karna chaahiye na। aur hai bahut sahaj, koi aur bhi aisi koi baat nahin hai ki kya karna hai, koi aise nahin hai ki mushkil hai koi kya karen, kehte hain koi bhi ho, naari ho nar ho donon kar sakte hain। bachcha ho boodha ho koi bhi kar sakta hai kyonki baap ko yaad karna hai aur baap ke pharmaan ke oopar chalna hai to woh koi aisi diphikalta baat nahin jo bachcha bhi na kar sake। bachche ko bhi agar chhote ko kaho ki yeh teri maa hai tera baap hai to buddhi mein nahin baith jaata hai, baith jaata hai na? to jo bachcha bhi dhaaran kar sakta hai yeh itni easy baat hai। to iseelie aise bhi nahin koi kah sakte hain ki nahin bhaai sabhi aatmaaen kaise usko pa sakengi, nahin koi bachcha ho boodha ho sabko adhikaar hai aur iseelie baap kehte hain dekho main aata hoon to main to sabko baithkar ke bachche ko, boodhe ko dekho is school mein sab hai na, bachche bhi hain, boodhe bhi hain, aisa koi school dekha? aur school mein to dekhenge ki haan usmein to ek hi ej ke ya thoda kuchh varshon ka idhar udhar ho, parantu idhar to dekho buddha bhi, bachcha bhi, yang bhi sab ke liye aur nar aur naari koi bhi ho aur kisi jaat ka bhi ho aur kaisa bhi ho। bhale kehte hain beemaar bhi ho na to bhi aisi baat nahin hai ki main beemaar hoon nahin kar pa sakta hoon, aisi koi baat nahin hai ki tumko aasan lagaakar ke, kamar seedhe karke baithne ki hai isliye hamaara mushkil hai, nahin aisi bhi koi baat nahin hai bada simpal hai bhale lete raho, bhale soe pade raho parantu yaad rakhne ka hai, to yaad to buddhi se rakhne ka hai na। to usmein aise bhi koi diphikalti nahin hai ki koi kahe ki ham kaise kar sakte hain iseelie baap kehte hain ki main baat aisi sahaj batlaata hoon ki koi bhi karke apna bhavishya oonch bana sakta hai iseelie koi aisi diphikalta ki baat nahin hai kisi ke liye bhi nahin। aur sabko hak hai kyonki aatmaaen to sab meri santaan hai na, parantu jaanti nahin hai bichaari bhool gai hai। abhi phir yathaartha reeti se mujhe jaan karke aur mere dvaara woh apna hak paane ka purushaartha rakhne ka hai। to yeh to abhi sab buddhi mein hai na kaise usko yaad rakhne ka hai aur yaad ka bhi sahaj tareeka batlaate hain, kal batlaaya na sahaj tareeka, aisa bhi nahin hai ki kaam karen to bhool jaaen kyonki hamaare saamne to koi chitra hi chaahiye, hamaare saamne to kya uski soorat hi chaahiye, peechhe ham kaam karenge to phir surat kaise aaegi, nahin woh kehte hain aisi bhi nahin hai ki meri shakla dekhte raho। nahin main aisa nahin kehta hoon ki meri bas meri soorat ke oopar tum prem lagaao, meri soorat, soorat hi meri kya hai, main to hoon hi bindi starlaait, woh to tu bhi bindi star light hai ekdam। to meri soorat ke oopar thodi hi aashik hona hai, woh to aashik maashook hote hain to bhi ek do ke shareer ke oopar unka prem jaata hai, yeh to kehte hain ki nahin tumhaara mere par prem koi soorat ke oopar nahin hai ki tum meri soorat dekhte raho ya koi moorti chaahiye tumko uske liye, nahin main kya hoon tera baap hoon mera relation hai tere se । haan to baap bhi kismen hoon, baap bhi kyon kaha jaata hai kyonki baap se hak milta hai tabhi usko baap kaha jaata hai। baap krietar hai aur baap se varsa milta hai iseelie to main kaise krietar hoon aur kaise mere se kya varsa tumhe mein milta hai woh to mera relation samjho। to vo jo praapti hai na tumko mujhse usi praapti ke liye tum mujhse prem karte ho ki vahi hamaare sukhdaata hai, vahi hamaare shanti ke daata hai। kisi se kuchh milta hai tabhi to usse prem hota hai na, to tumko koi meri soorat nahin mili hai, jo uske oopar tumhaara prem ho, tum aashik maashook ki tarah se mera chitra hi dekhte raho ya mera tumko photo chaahiye ya tum mera saakshaatkaar karo ya soorat ko dekhte raho, meri soorat ke oopar thodi hi tum phida ho, tum phida ho usi par ki haan main jo tumko deta hoon na, mere dvaara tumko milta hai, kya milta hai sada ka sukh, woh bal milta hai, shakti milti hai to woh jo cheej tumko milti hai jo main tumko deta hoon usi ka gyaan tumko chaahiye ki usko yaad rakhne se athva uska hokar ke rahne se mere dvaara tumhein kya praapta hoga usko samjho। to samajhne se tumko baithega ki yeh hamaara daata hai, dene vaala hai isse kuchh milne ka hai, kuchh to kya sab kuchh aur sab kuchh kya uska to dikhlaata hai ki sab kuchh kya। sab kuchh mein sab kuchh hai na, health wealth everything। manushya ko chaahiye kya, aaj jeevan mein kya-kya chaahiye bataao। jeevan mein yahi to cheejen chaahiye na agar yeh cheejen ho to phir to vaah! phir koi kahega thodi ki sansaar aisa kyon, aise sansaar mein to hote hi nahin, yeh tabhi manushya ko hota hai jab duhkh aata hai। koi rog aata hai, koi akaale marta hai ya koi aisi nirdhanta ya kai aisi baaten hoti hain to manushya duhkhi ho karke kehte hain ki aisa sansaar bhagwan ne racha hi kyon, aisa bhagwan ne banaaya hi kyon, phir bhagwan ko bhi kai gaali de dete hain ki bhagwan tumne to sansaar apna hell samajhkar banaaya aur hamaare liye peeda aur duhkh racha, parantu baap kehte hain mainne woh nahin racha, yeh to tumne banaaya hai, mainne kaise rachaaya jo tum sada usmein sukhi the woh baith karke samjhaate hain ki mainne tumhaari jeevan kaisi banaai। iseelie to kehte hain main aaya hoon aur tumhaare liye abhi woh jeevan phir se bana raha hoon to abhi banaana chaahiye na। to yeh to abhi kantraasta buddhi mein hai na iseelie kehte hain geeton mein ki haan yeh duniya abhi jhoothi, maaya jhoothi kaaya, jhootha sab sansaar ismen ab sab jhooth ho gaya hai, sach nikal gaya hai abhi phir tu aaya hai sachcha sansaar, jisko sansaar kahen, abhi sansaar thode hi hai isko narka। to abhi kehte hain sachcha sansaar jismen sookh tha, kuchh saar tha woh abhi kehte hain saar vaala sansaar abhi banaate hain। to abhi banaata hoon to usmein tum bhi apna lagaaenge karma ka bal, tabhi to tum usmein aaenge na, nahin to aisi praalabdha kaun pa sakega। sivaay karma ke praalabdha to nahin mil sakti hai na to usi praarabdha ko paane ke liye tumhaare karma mein bhi taakat chaahiye iseelie kehte main aata hoon tumko woh bal dene ke liye। to yeh to baat seedhi aur saaph hai na ? to aisi saaph baaton ko samajh karke aur baap se apna aisa adhikaar lene ka poora poora purushaartha karna hai iseelie kehte hain abhi banvaari, banvaari woh lagaaya hua hai na woh le gae hain raamchandra ko bhi bhagwan banaaya, krishna ko bhi bhagwan banaaya le gae hain usi hisaab se aise aise, baaki koi ban mein nahin gae hain ya koi jaakar ke banvaas liya ya kiya, nahin yahi hai ham is duniya se vanvaas lete hain athva iska ham tyaag karte hain। hamaara hai saari duniya ka tyaag ham koi ghar baar ka tyaag nahin karte hain, ham is puraani jhoothi saari duniya ka tyaag karte hain। yeh duniya, yeh duniya hi nahin chaahiye hamko, hamko chaahiye woh duniya to hamaara tyaag bada hai sabse। woh ghar baar ka khaali nahin, vo sanyaasi to khaali ghar baar ka sanyaas karke phir bhi jaate to isi duniya mein hai na, kahaan jangal jaaenge ya kahaan bhi jaaenge to phir jaate to idhar hi hai na, hamto kehte hain hamko yeh duniya hi nahin chaahiye। kaun si duniya, duniya to idhar hi rahegi lekin parantu phir yeh duniya parivartan mein, change mein aakar ke jisko sukh ki duniya athva svarga kaha jaata hai phir us duniya ka sukh paaenge iseelie buddhi mein abhi woh cheej hai na । to abhi buddhi mein woh cheej rakh kar ke abhi usi ka prayatna karna hai to aise prayatna kar karke apna saubhaagya banaana hai। achha saubhaagyashaali aur bhaagyashaali bhaagyashaali ka matlab hai jinhonne apne param poojya baap se yeh varsa paane ke liye poora poora apna paanv lagaaya hai। paanv lagaane ka matlab hai jinhonne pavitrata ko apnaaya hai to itna to hai bhaagyashaali baaki phir usmein bhi apna oonch status paane ka baith karke purushaartha karna usko phir kahenge saubhaagyashaali kyonki usmein bhi darje hai na। usmein bhi raaja praja nambarvaar hai । praja bhi to pavitra duniya mein hi hai, raaja bhi to pavitra duniya mein hi hai, to usmein bhi status hai na nambarvaar to phir usmein status paane ka purushaartha rakhna usko kahenge saubhaagyashaali। baaki bhaagyashaali to zaroor ho yahaan tak jo aae ho, baithe ho sunte ho, roj sun rahe ho aur zaroor pavitra duniya mein pavitrata ko bhi apnaaya hoga, tabhi to phir pavitra duniya mein chal sakenge na baaki usmein bhi apna oonch martaba paana uske liye hai yeh saara purushaartha to zaroor usmein bhi nambarvaar apna purushaartha teji se karte rehte honge। kaise lav ji? kya banne ka hai? double crown? haan… achha! double crown। aur banna hi chaahiye double crown so bhi sooryavanshi। sooryavanshiyon mein bhi pahla sooryavanshi bhi aath gaddi hain, kis gaddi mein? pahla, koshish to aisa rakhna hai na? pahla ka matlab abhi pahla to koi kahe sekand, third matlab pahle pahle number to koshish rakhne ki hai । dekho school mein bachche bhi padhte hain to hamesha yahi to rakhte hain na jo padhna jaante hain aur jinki tej buddhi hai unko apne dimaag ka bhi nasha rehta hai na, woh samajhte hain ham jab kar sakte hain to kyon nahin, to agar number bhi thoda kam aaenge na to kai bachche jo padhkar jaate hain janhon ko padhaai ka aur buddhi ka nasha hai to ek number se bhi vichaare aise ho jaate hain ki ek number bhi kyon hua, paas to hua parantu number bhi kyon woh samajhte hain number bhi ham len na । to yeh bhi to hai na, khaali paas mark mein paas hona, yeh bhi nahin, parantu ismen ham apna number bhi aage karen aisa purushaartha rakhne ka hai to aise purushaarthi jo hai na, woh teji se achhi tarah se apna dhyaan rakhkar ke apna apna banaaenge। achha, toli do। baap se apna poora poora aane ka poora varsa bhi poora, ismen aise nahin hai ki woh baap hai to bas hamko mil hi jaaega aisa koi khyaal na kare। jaise woh baap laukik mein aise ho jaae bhaai bachche ko, kaisa bhi bachcha hoga lekin baap ka varsa to me hi jaaega lekin yahaan to hai bachche ko laayak banna। laayki ke oopar hai saara kaam, laayak nahin banenge to varsa nahin milega, aisa nahin samajhna ki chalo haan varsa to mil hi jaaega । haan haan bhale paaenge thoda bahut jo kuchh jo kiya hai, aakar ke vahaan kuchh pa lenge parantu vo jo hai poorn praapti ki stage woh to apni mehnat se hoga na, to uske liye to purushaartha karna hai। to aisa khyaal rakh kar ke purushaartha rakh kar ke apne ko aage karte raho jitna ho sake। aise nahin hai ki hamaara saara samay buddhi jo hai aisi busy rehti hai jo ham attention ismen nahin de sakte hain nahin, bahut phaaltu buddhi chalti hai, agar attention deven to phaaltu se ham bahut kaam le sakte hain buddhi ko is practice mein athva ismen laga karke ham apna phaayda nikaal sakte hain। to phaaltu buddhi idhar udhar na jaae uski hamko sambhaal rakhne ki hai। jitna ho sake baap ki yaad mein rah karke usse apna bal lene ka hai। isliye baap kehte hain main tumhaara kaam bhi dekho, tumhaara koi kaam karke nahin karta hoon, tumhaara jo phaaltu hai na main kehta hoon tumhaari phaaltu buddhi idhar-udhar jaati hai usse tum mere mein man lagaao phaaltu ki udhar udhar best karte ho। to main tumhaara kaam itna oonch tumhaari jo vestej hai usse nikaalta hoon baaki tumhaara koi zaroori kaam thodi hi khoti aath ghante ya chh; ghante saat ghante dete ho ki zaroori hai buddhi usmein lage, nahin usmein kai aise samay milti hai jismen tum yeh bhi kaam karo aur woh bhi kaam karo, kar sakte ho। to bhi aath ghante bhi kehte hain tumko chhoot hai, din mein chaubees ghante hain, phir bhi solah ghanta bach jaata hai to solah ghanta kya karte ho? chalo usmein aath ghante aur bhi chhod deta hoon, neend karo, aaraam karo, jo karo chalo, baaki bhi aath ghante seedhe bach jaate hain to baaki kya ,hai chalo aath na to chaar ghante ka kuchh kar do, aadhi ghadi, ghadi ki bhi aadhi, aadhi ki bhi aadhi, to thoda to kuchh time ka yahaan karne se jitna ban jaaega। to apna time kaise saphal karna chaahiye aur kis tarah se uska poora attention rakhne ka hai। buddhi tik sakti hai na? jaise hamaari tiki hui thi body konshiyas mein ki ham phalaana hain, usmein kaise tiki thi, abhi body na samajh karke apne ko soul samajhna hai to phir usmein tik jaaenge। khaali cheej ko badalna hai bas, buddhi to tikti hai kisi na kisi bhi tikti hai। haan, pati ke saamne hoga to tikegi ki haan main inki stri hoon, dekho tiki hui hai na buddhi, bachchon ke saamne hoga ki main iski maa hoon, dekho tiki hui hai na buddhi, to jaise yeh buddhi tikaai hai, pahle to maa nahin thi na, pahle to kisi ka bachcha bachchi thi, peechhe maa bani to dekho tik gai na, to usi baaton mein jaldi-jaldi tikti hai na maa bane to maa ke oopar tik gai, stri ban gai to stri ke oopar tik gai, kanya thi to haan main kiski bachchi hoon usmein tiki to phir usmein kaise jaldi-jaldi tik gai, woh kaise buddhi mein jaldi aa jaata hai। baith jaati hai na buddhi mein, to woh buddhi jaldi-jaldi yeh grahan kar leti hai, ismen bhi baap kehte hain abhi yeh sab deh ke jo kuchh hain, jismen pahle se tiki hui buddhi hai usmein se nikaal karke abhi mere mein man lagaao, to abhi ismen badli karne mein kya museebat padti hai haan? (practice chaahiye) haan practice chaahiye kyonki vaise bhi practice hai, dekho chhota dekho tha to usi samay isko thode tha ki main baap hoon, na abhi dekho bada hua, bachche paida kiya to abhi buddhi tik gai hai ki main baap hoon, to woh bhi buddhi badalti hai na। woh stage se is stage mein aaya to yeh buddhi baith gai abhi main baap hoon, bachche hain, mujhe sambhaalanna hai, yeh karna hai, woh karna hai, to ismen buddhi badalti hai aur usmein buddhi tik jaati hai jo bhi stage aati hai usmein buddhi tik jaati hai, abhi baap kehte hain us stage mein tik jaao aur kya hai। abhi body konshiyas nikalkar ke soul konshiyas mein aa jaao, bas usi stage mein chale jaao, ismen kya hai। kuchh nahin hai, to khaali apni practice aur samajh ki baat hai ki usmein rakhkar ke lagna hai। (bete se baap hai lekin baap phir apne ko beta samajhna mushkil hota hai) nahin, yeh bhi sahaj hai, bachche ko dekho chhota bachcha hota hai na, usko agar koi god ka bachcha le lete hain to kya woh relation nahin udhar chala jaaega? bahut chhote bachche ko bhi ho sakte hain, bhale bada bhi ho samjho aap koi bachche ko koi god ka bachcha banaata hai to kya nahin chaahega, koi dhanvaan hai, saahookaar hai, lakhapti hai, karodapti hai woh kehta hai mujhe bachcha nahin hai, koi tumko god ka bachcha lega, kya badli nahin ho jaaega? are! main iska bachcha hoon, kyonki samjhega na, nahin to bachcha na samjhoonga to luck nahin milega, haan pahle nahin milega, to jhat se buddhi chali jaaegi, kyon nahin jaaegi tempteshan koi hai to jaaegi aur yeh tempteshan koi kam thodi hi hai, bahut badi tempteshan hai to aise nahin hai ki buddhi nahin ja sakti hai, ja sakti hai (ye kehte hain ye dam se dilaase hain kaise hoga ) oho ye dam ke dilaase nahin hai, jo usmein dam hai na vo abhi sab jhooth ho jaane ka hai, dekho kehte hain na jhoothi kaaya jhoothi maaya, jeete hue bhi jhootha kah rahe ho kyonki abhi saar nahin hai, nikalta jaata hai baaki marne mein deri thode hi hai। iski haalat to dekhte jaate ho abhi haalat dekhte bhi nahin samajhte ho marne par hai, aise na ho to phir jab samay aae phir to kuchh nahin kar sakenge na karna pahle hain। achha, kuchh bhi hai jeevan aisi hi chalti hai, aap jab chhote the aapko to yeh dilaasa tha na khaali ki main baap banoonga, padhaaoonga likhoonga padhoonga, bachche paida karoonga to vo shaastra mein kaise chale, uska future kaise banaaya, woh bhi to future socha na? chhota tha to kaha main padhoonga, likhoonga, haan engineer banoonga, to pahle thodi engineer the lekin future socha na? woh ek jeevan ka socha, yeh hai doosri janma ka sochna, pharka sirf itna hai lekin woh bhi to future sochna hai na, to phir jaise usmein sochte ho vaise phir ismen sochna hai, yeh bhi to dam ke dilaase the na। pata tha kuchh abhi mar jaaoon to, koi pakka thode hi hai ki haan bache rahoonga, nahin usmein bhi to aisa hi tha na, jisko kehte hain dam ke dilaase to woh bhi to aisa hi tha phir usmein kaise chale aae? abhi ismen bhi kya hai ye aatma to janma leti rehti hai unka punarjanam hai yeh to sabhi baaten maante hi hain na, to phir baaki kya hai, to ismen kyon bhoolna chaahiye। achha! aisa baap aur daada aur maa ki meethe meethe bahut achhe aur aise nishchaybuddhi bachche hain aise bachchon prati yaad pyaar aur good morning।