मम्मा की मुरली - 211

> >

mama murli madhuban

011. Brahmano Ka Karthavya

record h

ik baat bataaen tumhein… ye jogan kab teri hogi…

ye jo geet mein suna ki yeh yogini kab teri hogi, kya abhi hogi ya ho chuki hai, kya kahenge aap? ho chuke ho unke ya abhi honge? hamaare aashutosh? ho chuke ho? ho chuke, haan yahi theek hai ki honge nahin abhi, ho chuke। ho chukne mein phir praapti bhi adhik rahegi । abhi honge to praapti to peechhe rah gai, aur agar honge, honge kehte svaans chhoot jaae to kya hoga? honge honge, yeh karenge, woh karenge, karenge, honge , to svaans agar chhoot jaae to rah jaaenge, aur agar ho chuke to haan, uske oopar daav lag chuka । to baap kehte hain bachche abhi mere par daav to jaldi laga do । koi svaans ke oopar bharosa to nahin na, abhi aaj daanv lagaaya aur samjho svaans nikal bhi jaae na to daav ka mil to jaaega na, kitna phaayda ho gaya । aur agar honge, karenge, yeh honge karenge kehte kehte aur svaans nikal jaae to bharosa nahin hai। saans nikal gaya to rah jaaenge na to phaayde ki baat woh hui na ki ho to jaaen । ho to kya jaaen, baap kehte hain, dekho purushaarthi to ham bhi hain, aise thodi kahenge ki nahin, parantu uske ho gae hain na। aise to kah diya ham uske to ho chuke hain, abhi aur kisi ke thodi hi hain abhi uske hain , to uske to ho chuke na baaki uska ho karke phir purushaartha kar rahe hain । uska hone ke baad aise nahin purushaartha karna hi nahin hai, nahin unke baad purushaartha karna hai kyonki vahi baap phir vahi teacher banta hai to pahle baap ke to ban jaae na। bachche unke practical ho karke peechhe phir baap baithkar ke bachchon ko apni nai raajdhaani jo sthaapan kar raha hai svarga ki usmein oonch status dilaane ke liye padhaata hai ki haan bachche svarga mein to adhikaar kar diya, mere ho chuke maana svarga ke to adhikaari ho chuke, uske oopar to apna hak lagaaya, abhi usmein phir ooncha pad praapta karo, uske liye phir yeh padho to is padhaai se phir tumko usi nai duniya mein bhi svarga mein bhi ooncha pad milega kyonki vahaan bhi to raaja praja hogi na svarga mein bhi aise to nahin na hogi, svarga mein bhi raaja praja sab hai to kehte hain ki phir usmein bhi phir tumko oonch pad praapta rahe uske liye phir ye padhaai padhaata hoon । lekin mere to ban jaao yaani svarga ke oopar apna adhikaar to laga do । iseelie kehte hain mere to jaldi ho jaao aur us hone mein koi aisi bhi baat nahin hai ki kya karna hai, kaise vaise nahin, kehte hain bas jaise koi saahookaar god ka bachcha lete hain, kisi ko bachcha na hove to kisi gareeb ka bachcha le leve, god ka bachcha to koi saahookaar ka bachcha thodi hi aa karke bachcha banega god ka , zaroor gareeb ka bachcha hi aa karke god ka bachcha banega, haan koi gareeb bachcha ban sakta hai baaki aise nahin hai ki koi saahookaar ka bachcha kisi gareeb ka jaake god ka bachcha bane, aisa nahin hai। to haan, baap kehte hain abhi main to shahan ka shaah, main to dene vaala daata hi hoon, abhi mere god ke bachche bano, adopted childran, to abhi kehte hain mere bano, kaise bano woh baith karke bataate hain। abhi kehte hain mere bano, bano ka matlab hi hai khaali shoodrapan ka jo hai woh chhod karke abhi brahman ho jaao yaani pavitrata ka apne mein dhaarna ko le aao to uska matlab hua ho jaao ki bas, hamko abhi jaise yeh kahenge vaise main karoonga, vaisa ho karke chaloonga, abhi unke pharmaan par hi rahoonga, bas yahi to sankalp athva dridhta apne dil ke andar rakh lo baaki hai ki woh jaise daayrekshans dete jaaen, chalaate jaaen usmein to chalte hi chalna hai, woh to abhi bhi ham unke daayrekshans par unki mat par, unki raay par kadam kadam chalaate rehte hain parantu uske to ho gae hain na, bhaai unke hain to haan unke hain woh to ho jaao । jo kehte hain na ho chuke hain woh theek hai parantu ho chuke hain sach kya woh to har ek ko apne aap hi pata hai । woh kehte hain na braahmanon ka kaam hai padhna padhaana parantu kya padhna kya padhaana, woh bhi to samajhna hai na । woh to jaakar ke shaastra padhte hain aur padhaate hain to samajhte hain braahmanon ka kaam yeh hai, kyonki vo bhakti maarga unhonne phir aisa utha diya parantu asal mein baat yeh hai ki braahmanon ko to khud paramatma ne baithkar ke padhaaya hai । woh jismaani brahman nahin, sachche brahman to yeh hai na mukh vanshaavli to braahmanon ko dekho hamko khud baithkar ke paramatma padhaai padhaate hain। kya padhaai padhaate hain aa jaati hai, aa jaati hai na? to iseelie kehte hain baap ismen sab aa jaati hai, sabse oonche status ki padhaai hai, iske oopar koi status hai hi nahin to tumko baaki kya chaahiye । yeh status mil jaae devi devta to abhi sooryavanshi aur usi ke raaje mahaaraaje agar yeh status ki padhaai tumko mile phir kya doctor banna hai? engineer banna hai? barrister banna hai? are! doctor kyon banenge, rog hi na hoga to kahe ke liye banenge, sab padhaai aa gai । barrister kyon banenge, is padhaai ki status uske aage kya hai, kuchh nahin hai hi nahin iseelie kehte hain aise status svarga mein hai hi nahin, idhar to koi doctor banta hai to kehte hain, bhaai doctor hai bada hai yeh barrister hai badi baat hai, beeeelaelbi badi baat hai, bada unka rakhte hain idhar uska maan hai, satayug mein to kehte hain woh hai hi nahin । chor chakaar hi na hoga to barrister kya karega, darkaar hi nahin hai in degree ki vahaan kuchh value nahin hai, vo degree hi nahin hai, kyon ? chor chakaar ho, court ho to haan beeeelaelbi bhi ho, vahaan yeh hai hi nahin to yeh degree hi nahin hai । vahaan rog hai hi nahin to doktari hi nahin hai to yeh vahaan yeh degree hai hi nahin, kuchh kaam ki nahin hai । idhar dekho woh degree hai, koi padha likha hai to haan bhaai ye doctor, baristar phalaana yeh paas hai, udhar kehte hain yeh sab inki darkaar hi nahin hai yeh cheejen hi main nahin rakhta hoon, na rog rakhta hoon ki tu unke liye to doctor ban to iseelie kehte hain ki yeh padhaai jo main padhaata hoon uski status itni oonchi hai jiske oopar tumko koi status lene ki baat hi nahin hai, sab kuchh tum ko praapta ho jaata hai । to yeh meri vidya sab vidyaaon ki raaja, kaha hai na geeta mein main woh vidya padhaata hoon jo sab vidyaaon ki raaja hai to dekho yeh sabhi vidyaaon ki sabka mukhya hai na । to baap kehte hain main tumko aisi knowledge padhaata hoon, main aisa school kholta hoon, aisi college kaho, university kaho kholta hoon jo main woh padhaai padhaata hoon jiske oopar phir koi padhaai ki stage hi nahin hai । padh karke dekho tum kya bante ho jismen oopar phir kuchh banne ki margin hi nahin hai, jo tum ichchha rakho ki nahin isse degree ye oopar hai, isse degree yeh oopar hai ham agar yeh padhen yeh padhen hota hai na, parantu nahin usmein kehte hain tumko isse oopar koi hai hi nahin, margin hi nahin hai aage kuchh, oonche mein ooncha manushya banaata hoon tumko kyonki baap bhi oonche mein ooncha hai na, jaise main hoon oonche mein ooncha hoon to tum ko bhi oonche mein ooncha banaata hoon । kyon main oonche mein ooncha, mera gaayan hi kyon hai kyonki manushya ko main oonche mein ooncha banaata hoon jiske oopar manushya ke liye kuchh aur hai hi nahin banne ka । devi devta se oopar kya banega, manushya ko paramatma to banna hi nahin hai, woh to paramatma to ek hi hai baaki manushya ke liye oonche mein ooncha mein hai hi kya, bas yahi devi devta, devi devtaaon ke oopar koi hai hi nahin । manushya ke liye jo oonche mein ooncha pad hai, status hai woh yeh hai aur devi-devtaaon mein bhale sabko kahenge na vahaan satayug mein, sabko devi devta kahenge raaja raani praja sab parantu haan phir bhi unmein raaja raani oonch pad iseelie kehte hain main tumko woh baith karke padhaata hoon jo satayug mein bhi tera oonch pad rahe phir uske oopar kya raha । to aisi padhaai baithkar ke baap padhaate hain parantu kehte hain baap padhaata hai na, to baap ke to ban jaao jaldi, usmein to deri nahin lagaao baaki teacher se padhaai mein jara time lagta hai, to teacher se padhaai mein jara time lagta hai lekin baap ka ho jaane mein deri nahin lagti, woh to bas ham tumhaare hain aur bas abhi tumhaare ho karke rahenge, woh kehte hain bas yeh jeevan mere havaale kar do mere ho jaao to jaise main chalaaoon kyonki abhi shageer ho, baalig nahin hue ho jaise chaaho vaise jaakar ke karo । woh to dekho arjun ko bhi kaha na pichhaadi mein ki abhi tum nashtomoha, poonchha usse to jab usne kaha ki haan nashtomoha, abhi mera moh nashta hua tab usko kaha ki ab tumko jo chaahe so kar, yeh hai na geeta mein bhi aisa hai, parantu woh tabhi jab woh baalig bana, kaha ki haan abhi mera nashtomoha, abhi koi vikaar sataata nahin hai tab, abhi to vikaaron ka vaar ho jaata hai na iseelie kehte hain abhi shageer ho, chhote ho to abhi to mere direction par, shareer ka kaam hai baap ke par daayrekshans par, aur us par woh baap ka pharja hai ki baap ko sambhaalna hi hai, jabhi baaleeg ho jaae to phir apne paanv par, body ko apne paanv par, ye nahin hai na abhi kehte hain meri mat par, abhi kehte hain teri mat par abhi vo tamopradhaanta ka baitha hai woh bhoot yeh paanch vikaaron ka to kabhi phir vo teri mat tere ko kahaan ulta na le jaae iseelie meri raay, meri mat, meri aagya mera pharmaan jo kuchh hai sabhi baaton ka lete aur usi par chalte raho to usmein tumhaara kalyaan hai । to abhi baap ka to ban jaao baaki teacher ki padhaai ke liye to padh hi rahe hain woh to ham sab dekho athaaees varsha hua hai padhte rehte hain, padhte rehte hain । yeh padhaana bhi padhna hai na । doosron ko padhaate hain yeh bhi apni padhaai hai । doosron ko ham kehte hain pahle to apne ke oopar attention rakhenge na bhaai ham kehte hain doosron ko yeh mat karo pahle hamaare mein dekhen, ham agar karte hain to doosron ko kahne ka vo asar nahin padega, hak nahin kyonki pahle to apna hai na, to yeh padhaai ho gai na ye to apni padhaai hai । to baap baithkar kehte hain ki padho-padhaao yeh bhi padhaai jo hai usi tarah se to yeh braahmanon ka kaam hai to sachche brahman banna chaahiye na । to abhi brahman aur braahmaniyaan sachche ho na? kehte hain na ho chuke hain, yeh to phir sabne kaha na? haan sab ho chuke ho na unke, to abhi unke to ho chuke ho, abhi hai padh karke padhaana, to abhi sachche braahmanon ka kaam kya hai । brahman dekho roj katha karte hain, kehte hain na jaaenge katha sunaaenge to abhi braahmanon aur braahmaniyon ka kaam kya hai katha sunaate ho? khaali sunte ho, nahin, sunaao braahmanon ka kaam hai katha sunaana kyonki aise bahut niklenge, dekho abhi nikle ho na, katha sunne vaale aap bhi nikle ho, niklenge bhale sau ko sunaaenge na ek nikle na usse to bhi samjho bahut hua kyonki hai hi apna last koto mein kou । kot sunenge niklega koi ek iseelie ismen thako nahin । koi sunta nahin hai, koi aisa karta hai, koi aisa karta hai, ismen deh abhimaan bhi nahin hona chaahiye koi kya karen, koi hamaari glaani karte hain, koi yeh nahin, woh to bichaare jaante nahin hain na, woh bichaare jaante nahin hai, woh to aise kahenge, karenge parantu haan phir bhi dekh karke nabja taakat, kehte hain gyaan bhi usko do jo satkaar se sune, aise nahin gyaan ka tiraskaar karen । agar tiraskaar karte hain to phir sunaane vaale ke oopar bhi, aise ko na sunaao jo khaali tiraskaar karen, haan parantu haan kisko samajhna bhi hai na ki haan bichaare ki jaagriti jagaani bhi hai parantu aise bichaare soe pade hain unko pata hi nahin hai kya karna hai, kya nahin karna hai to unko jagaana bhi hai । to yeh sab saukh rakhna chaahiye aur ja karke kisi ko katha sunaana aur yeh seva karna achhi hai । ho sakta hai sunne se kisi ka bhaagya jag jaae to uske bhaagya jagne ka hissa usko bhi mil jaaega na to uska saukh rakhna chaahiye jaise dekho kal bhi vo aai thi na ek woh maataaji, woh bechaari kehti thi bhale koi kaise bhi ho parantu apna kaam hai na ho sakta hai kabhi uski aatma jaagriti ho jaae to haan ek ke dvaara bahuton ka kalyaan ho jaae, to aise aise vo kehti thi vo aave hamaare paas, ham kuchh sunen to aise । aise bhi nahin hai ki service yahaan nahin hain, kaaphi dhang se service kar sakte ho । dekho us din bhi hamaara kehta tha yeh hamaara yeh kya naam hai siddhaartha to uski bhi shaayad gharvaali kuchh hai, bhale kuchh ho unka kaisa jaise yeh hamaari hai panjaab ki to inka hai aapas mein kyonki aapas mein panjaabi panjaabi to jaana chaahiye shauk hai jaise hamaari maataaji hai bujurga hai jaae ya jo bhi jiska asar pade to jaana chaahiye, aisi aisi service agar koi nikaale na, yeh hamaari sheela hai kya baithkar karti hai inka kaam hai aisi aisi maataaen jo hain haan chhoti ki jagah koi badi bujurga hongi na to jara sunne mein kahenge ki haan yeh aaj ki sunaati hai to ho sakta hai ki bujurga hai, anubhvi hai unhonne kuchh ganva ke apna sudhaara hai to vo apna sunaaenge na mainne kaise samay ganvaaya kya ham bhakti maarga mein kya karte the, kaisa hota tha, abhi hamko kya shanti mili hai kya sukh mila hai apna anubhav sunaaenge to woh to kahenge na ki bhaai sunaate hain to jhooth thode hi banaakar sunaaega । nahin, to ho sakta hai kabhi kisi ko teer lag jaae to aisi aisi bhi bahut service apne aapas mein bhi ho sakti hai aur aise kai sthaan bhi hon dhoondhane mein aise nahin hai ki nahin hon to jaakar ke kahaan sunaana, karna to jara yeh shauk rakhna chaahiye । baaki do-teen din aakar suna aur gaya aur ghar ko gaya aur ghar ka hi phir dhandha aur yeh sab aur usmein hi bas khaaya piya soya time gaya bas usmein, nahin thoda saukh rakhna chaahiye, kuchh service ko bhi apna dena chaahiye to isse kya hoga apne ko khushi aaengi aur apne ko hi bal aaega ki haan hamaare mein bhi kuchh hai dam jo ham kisi ko dam bhar sakte hain, kisi mein to bhar sakte hain to ye hai ki apne ka bhi hos unmein se dikhaai padega ki hamaare mein bhi kuchh hai to uska return milega । kehte hain na dhan daan karne se to uska milta hai to yeh bhi dhan daan hai na, dhan daan hai to yeh dekho yeh daan karna chaahiye । isi isi tareeke se dekho class mein bhi hai, koi veek hai class mein to haan jo achha hai uska kaam hai, aapas mein bhi aap sab kar sakte ho ki unko jaakarke ghanta aadha ghanta samjhaana, jo bhi aage ho ja karke usko uthaana chaahiye, unko khada karna chaahiye, woh saukh rakhna chaahiye । aise nahin koi sunta nahin hai jaaen pata nahin kya, koi aisa aisa karta hai to deh abhimaan aa jaata hai । koi sunta nahin hai yeh bhi deh abhimaan hai na, woh to bechaaron ko kisko jagaana bhi padta hai na । to yeh sabhi baaten apne paas honi chaahiye to yeh braahmanon ka kaam tabhi kahenge sachche brahman । to katha roj, roj samjho baba kehte hain na kabhi-kabhi murleeyon mein baba bhi samjhaate hain ki haan nahin to khaana nahin khaana chaahiye, ek katha roj zaroor sunaani chaahiye to samjho aaj hamne katha sunaai kisko, nahin to khaana achha nahin lagna, bhaai katha sunaai nahin to phir bina katha sunaaen kaise khaaen । to aisa hona chaahiye jaise khaana roj khaate ho na, do baari, teen baari jo bhi niyam khaane ka hai to yeh bhi katha bhi sunaane ka rakhna chaahiye to ye shauk hona chaahiye । jo class mein dheele , kabhi aate hain kabhi dekho koi kabhi-kabhi aate hain to haan kam se kam unko ja karke sunaana karna aapas mein bhi bahut kar sakte ho aur baahar bhi bahut service hai । jaate hain aap logon ka mujhe yahaan ka maaloom nahin hote honge koi satsang, koi kuchh idhar, jinhon ko hai, phir bhi teacher hai poonchh karke to ja karke sunaana chaahiye, to kuchh shauk rakhne se phir kya hai thoda khulenge aur khilenge, nahin to phir to dekho jaise ho jaate hain na khaali bas khaaya, khaaya, nahin kuchh usko daan bhi karo na to phir apna bhi dekhenge ki ham bhi kuchh karne vaale hain, ham bhi kuchh kar sakte hain to apne karne ka bhi pata padega ki hamaare mein bhi dam kitna hai, hamaare mein bhi taakat kitni hai to usse pata chalega na to yeh sabhi thode saukh rakhna chaahiye । to yeh bhi daan karne ka daani bano, khaali khaane vaale nahin, daani bhi bano to daan karo aur bhi bahut tareeke se ho sakte hain । kahaan jo thode thode svatantra hain woh kahaan ja karke maas, aadha maas chakkar bhi laga sakti hain, aisi bahut jagah hain jahaan jaroorat bhi rehti hai, jo jo thoda time de sakte hain to aise aise bhi thoda try karna chaahiye । to isse kya hoga apni avastha mein bhi bahut pharka padega aur bahut kuchh aap mein parivartan bhi aaega aur yeh seva karne ka phal bhi milega so jo karta hai so paaega yeh bhi extra seva ho gai na । karte hain na ye karma shreshtha, yahi to shreshtha karma hua na to yeh karma karne ka bhi to phal milega na । to abhi phal apna kaise badhaaen, kis tarah badhaae to uske liye ye honi chaahiye apne mein shauk hona chaahiye to shauk se chalna chaahiye to kya hoga to phir apni avastha mein bahut aaega । to abhi jo avastha mein umang ullaas jo uthna chaahiye yeh tabhi uthega jab usi tareeke se kuchh apne ko karma shreshtha mein lagaao, karma karne mein । baaki haan aaya, suna, gaya bas isi se kuchh itna nahin hoga, usko phir do । dene ke bhi bahut tareeke hain jis tarah se kar sakte ho । to yeh sabhi baaten samajh karke apne ko chalaane se kuchh apna jeevan aur apna takdeer ooncha bana sakte hain yeh hai tadbeer ki baaten, takdeer samajhte ho na- purushaartha ki, to apne purushaartha mein kya-kya karen, kaise kaise badhaaen to yeh sab hain tareeke jis tarah se apne ko aage purushaartha mein badhaate aur phir apna jo kuchh hak hai baap se lena hai । baaki woh to baat samajh lo ki baap ke to ho hi jaao । usmein aisa nahin hai abhi koshish kar raha hoon, abhi uska banoonga । banoonga, banoonga, banoonga, banoonga kah kar ke phir na maaloom kuchh svaans ka thodi hi hai, samjho chala jaae, phir to rah gaya na । uska bana hi nahin to hak thodi hi laga । nahin, isliye baap kehte hain bachche mere to ban jaao iseelie mere ban karke phir woh purushaartha rakho to abhi baap ke banne mein to koi deri nahin daalen । koi agar yeh sochta ho koshish karoonga, banoonga, nahin uske to ho jaao । baaki hai jo uski padhaai mil rahi hai, unki sab baaten hain usi ko dhaaran karke aage badhne ka baaki jo unka hai woh to rakh karke jaise woh chalaaen jaise kahega vaise karoonga । aise jo teevra purushaartha vaale hain na dekho jaise yeh hamaare jeevanlaal hai aate hain abhi, unke andar mein hai ki haan abhi to unka ho karke bas chalenge, abhi baaki kya karne ka hai । abhi yeh aise hi aise keechad mein rah karke keechad vaala banna koi achha thode hi lagta hai । abhi jeevan ka kuchh karna chaahiye । abhi to dekho chhota bachcha hai na woh bhi vaanaprasthi hai, woh bachcha chhota abhi woh bhi vaanaprasthi hai । vaanaprastha ka matlab hai abhi aatmaaen sab jo hain na janma leti leti leti leti abhi uski old jenreshans ki bhi last janma hai, samjha । to abhi sab aatmaon ko vaapas jaana hai iseelie abhi koi chhota bachcha hai na woh bhi vaanaprasthi hai, bada jo hai woh bhi vaanaprasthi । bhale inka shareer chhota hai lekin aatma puraani hai । abhi sabhi puraani aatmaon ko jaana hai vaani se pare sthaan par iseelie to dekho abhi maut bhi paramatma ne aisa khada kiya hai jismen chhote, bade, boodhe sab mare, aise thode hi khaali boodhe marenge, nahin chhote-bade sab । to abhi baap kehte hain ki samay aaya hai vaani se pare sthaan jaane ka iseelie abhi sabhi ko hak hai, chhote bachche ko bhi hak hai to buddhe ko bhi hak hai har ek ko hak hai baap se apna yeh varsa lene ke liye to abhi usse praapti ke liye poora rakhna chaahiye na connection । to abhi baap se poora connection rakh karke aur aisa purushaartha karne se hi phir aage kuchh pa sakenge । to yeh rakhna chaahiye apne dil ke andar ki abhi ham kuchh karke rahenge । abhi ham aaj se apna, to ye bhi ek dridhta apni dhaarna hai, ye honi chaahiye, aise nahin chalte rahen haan, koshish karte rahe, karenge, karenge, kehte hain na karenge karenge kehte kehte aur phir kaal’ kha jaae to । to iseelie yeh khyaal rakhne ka hai nahin, jo karna hai woh kar do leven । haan baaki to jahaan jeee hai, vahaan pie woh to hai hi na । woh to ham bhi kehte hain jahaan tak jeete hain vahaan tak gyaan ka amrit peete hi rehna hai । to aisa matlab nahin hai ki haan woh to rakhna hi hai purushaartha baaki aise to nahin kahenge na abhi uske nahin hai, uske hone ki koshish karenge nahin, woh to ho jaae । to unke to hokar baithe hain na? haan apne mein bhi dekhna hai ki hamaari abhi samjho svaans nikal jaae to hamaare mein kya hai, ham kya bhar ke le jaaenge । to apna dekhna chaahiye hamaare mein stock achha hai, hamne apne paas achha jama kiya hai, hamaare mein kamaai achhi rakhi hai apne mein । to yeh dekhna chaahiye har ek ko apni avastha bhi । agar hammen koi aisi khaami hai koi moh ki koi krodh ki koi lobh ki, jo bhi jiski khaami hai agar koi aisi khaami hai to nikaal deni chaahiye kyonki woh agar rahi hui hogi to ant mati so gati, yeh hota hai na to iseelie jabki abhi pata chala hai to apni jaanch rakhni chaahiye ki aisi to koi hamaare mein nahin hai jo phir ham vo le jaaen isliye apne ko hamesha taiyaar rakho jisse ki hamaare mein koi aisi khaami rahe nahin jitne tak hamaare najar mein hai । yeh moti cheej hamaare mein dikhaai padta hai yeh moh, yeh lobh, yeh krodh to woh cheejen nikaal deni chaahiye । baaki haan sookshm thoda-thoda yeh unko to jitna jitna baap ki yaad mein rahenge utna utna woh bhi katte jaaenge । to yeh sabhi baaton ko khyaal mein rakhna hai aur karma se koi vikarma na hove usko to jhat se khatma kar dena chaahiye । dekho vaacha se ham kuchh bura bolte hain ya krodh ki jismen hai usmein aa karke to yeh to hamaara karma ho gaya na, to aise bhi koi aadat ho kuchh bolne karne ki ulte tatha usmein jhat se correction le aani chaahiye । jo hamaare karma ki baat ho to karmon mein to jhat se sambhal jaana chaahiye iseelie dekho ham yahaan brahmacharya ke oopar baap ka bahut force rehta hai ki uski paalna to jhat se kyonki woh to hamaara karma agar chalega, khaata vikarma ka ho jaaega na vikram woh to hai hi karma seedha hi seedha to iseelie aise nahin aaste aaste jaise kai samajhte hain aaste aaste, thoda-thoda karke chhodna hai, nahin thoda thoda usmein hota hi nahin hai । agar in vikaaron mein rehte shareer chhoot jaae to kya hoga, result mein to vikaari hua na, woh thoda-thoda ki result nahin hogi । usmein thoda bahut hota hi nahin hai, vikaar to vikaar na, na vikaar to na vikaar । karma to hua na vikarma to ban gaya na to ham vikrami to hoke jaaenge na to vikarmi ka nateeja kya paaenge zaroor vikarmi nateeja paaenge iseelie baap kehte hain karmon mein jo tumhaare vikaaron ka chalta hai, woh to ekdam control kar do baaki agar mansa, man mein agar koi sankalp vikaaron ke ya koi baat hoti bhi hai, haan woh to bahut kaal se sanskaar bane hue hain na to usko bhi kehte hain ki phaaltu jab buddhi dekho idhar udhar to meri yaad mein lagaao to vaise bhi, lagaae rakho to tumhaare paas phaaltu aave hi nahin parantu dekho phir bhi kabhi chali jaati hai udhar to jhat se brake de karke man ko mere mein sthit karo phir meri baaton mein, mere gyaan ke usmein buddhi ko laga do phir usi raphtaar mein buddhi chali jaaegi na to woh phaaltu nikal jaaega । to yeh phir yuktiyaan hain jiske aadhaar se ham phaaltu sankalpon se bhi apna time vesta na karen parantu usmein bhi vikarma nahin banta hai sankalp se । haan karma se to ban jaaega na kyonki hamne karma kiya bura aur hamaara vikarma bana iseelie karmon mein to phauran apna control daal dena chaahiye to abhi control daal do karmon mein to । baaki haan sankalp ke liye bhi raasta hai baap ne baithkar samjhaaya hai ki haan nirantar mujhe yaad rakhne se, yeh to yaad rakhne ki cheej ka to tumhaare ko kaam mila hi hua hai, jab dekho phaaltu buddhi idhar udhar jaati hai jhat vahaan se brake le karke band karke baap ki yaad mein aur nahin to yeh gyaan ka hai baith karke padho, murliya hain itna literature hai usmein man lagaao to phir kya hai usi raphtaar mein buddhi jaane se na phir phaaltu jo hai baaten woh nikal jaaenge buddhi se to woh aadat ban jaaegi phir shuddh vichaar chalne ka to usi mein buddhi chal jaaegi । to yeh sab yuktiyaan hai jiske aadhaar se apne man ko bhi safe rakhna hai apne karma ko bhi safe rakhna hai parantu pahle karma ko, aise nahin hai pahle man ko । kai aise samajhte hain man agar chalta hai na usse to achha karma kar den to achha hi hai na । man mein jo chalta hai paap to aise hi banta hai to woh samajhte hain ki man mein to vikaaron ke sankalp chalte hi rehte hain isi se to kar dete to achha hi hai to phir woh vikaaron mein chale jaate hain kyonki samajhte hain man to chalta hi hai na, parantu nahin man agar chalta hai to man mein koi vikarma nahin banta hai । yeh samajhne ki baat hai ki man se mainne koi karma to nahin kiya na, khaali man chala, sankalp chala to sankalp ka koi vikarma nahin banta hai khaali usmein time vesta ho jaata hai yaani vahi time agar ham baap ki yaad mein apna man lagaae to phaayda nikaal sakte hain to phaayda nahin nikalta hai woh hamaara time vesta jaata hai । baaki hamaara vikarma nahin banta hai, vikarma tabhi bante hain jab bhi ham karma mein aate hain । abhi samjho koi chor hai, usko chori ka khyaal aaya to khyaal aaya na to abhi karma to nahin kiya na। haan chori kiya to bhi kam ho gaya। to aise nahin sankalp aaya to usse to kar hi deven chori ya sankalp aaya man to chalta hi hai na, to man chalta hai ham koi bura kaam kar hi deven, nahin karne se to phir khaata jama ho jaaega na। ham karte hain aur khaata ho gaya iseelie khaate ko band karna hai abhi ulta khaata hamaara bane nahin, jute nahin to khaate ko hamaara control karna hai to ulta khaata bane nahin। baaki haan man ke bahut kaal ke puraane ulte sanskaar pade hue hain vo chalenge to usko bhi control karne ke liye baap ne raasta de diya hai ki uska control man ko mere mein lagaao, meri yaad rakho haan ham kaun, kiski santaan hai, abhi ham uski santaan hamko kya karna hai, phir baap ne jo knowledge sunaaya hai usi chakkar ko ghumaao jor se। dekho kitna gyaan hai vistaar hai saara to ghumaao andar se buddhi ko usmein le jaao usme le jaane se woh chakkar ghumaaenge na to svadarshan chakra jo hai na woh yeh vikaaron se kaat denge। woh kehte hain na jab dushman aata tha to woh svadarshan chakra phiraate the to uska gala kaat lete the, aise shaastron mein sunaaya hai। to dushman kaun se hain yahi vikaar । to jab yeh koi bhi vikaar dushman aae to yeh svadarshan chakra ghumaao। ghumaao to phir haan uske gale kat jaaenge arthaat woh jo bhi hai mar jaaenge। to asal mein yeh baat baaki woh koi chakra vakra nahin tha। yeh jo alankaar bhi diya hai na chaturbhuj ko apne yahaan bhi diya hai parantu vaastav mein ye alankaar koi cheejen thodi hi hai। koi shankh gada padam to yeh thodi hi jisse kuchh ham…nahin yeh jo ham gyaan sunaate hain yeh shankh hai । abhi woh shankh koi bajaane ka thodi hai woh to bhakti maarga mein rakha hai mandiron mein bajaate hain parantu un bichaaron ke paas woh gyaan ki baaten to hai hi nahin na to unhonne woh shankh rakh diya, nahin to asal mein shankh dhvani yaani yeh gyaan । yeh dekho gyaan suna rahe hain yeh to sunaane ki baat hai। woh dekho gada, gada koi haath mein thodi kuchh hai maarne ke liye , yahi ham jo baith kar ke yeh jo gyaan aur yog ke bal se yeh vikaaron ko maarte hain to koi vo cheej thodi hi hai haath mein, to yeh sabhi hain। kamal ka phool diya hai haath mein bhai yeh hai ki ghar grihastha mein rehte pravritti ka hai ki usmein rehte bhi pavitra rehna jaise kamal ka phool paani mein rehte paani ke sparsha se alag rehta hai, usi tarah se। to yeh sabhi hamaare jeevan ki dhaarnaaon ke alankaar hai baaki aise nahin koi cheejen hain ya yeh chakra bhi koi astra-shastra hai, nahin yeh astra-shastra ki bhai apni buddhi ko isi astra shastra ki dhaarna se phir hamaari buddhi sthir ho jaaegi aur usi se phir vo jo bhi vikaar ke toofaan aaenge na kuchh bhi woh mit jaaenge to dekho gala kat gaya na, mar gae na dushman to yeh hai svadarshan chakra phiraana। to isko kaha hai ki svadarshan chakra buddhi mein phiraate raho । jitna-jitna phiraate rahenge na utne utne tumhaare phaaltu sankalp vikalpa jo bhi phaaltu hai na, woh katte jaaenge to katte jaaenge dushman katte jaaenge, khatma hote jaaenge। to yeh sabhi baaten hain jo buddhi mein achhi tarah se rakhkar ke chalna hai । to yeh apne andar ki dhaarna rakhni hai phir doosron ko bhi dhaaran karaana hai। doosre ke peechhe bhi yeh svadarshan chakra ghumaana hai, lagaana hai na yaani yeh gyaan ka, to yaani yeh gyaan ka suna karke doosre ka bhi buddhi yog theek karna hai। uska bhi jo aasuri sir hai na woh kat karke dam sir rakhne ka hai samjha, to unko bhi aisa banaana hai। to yahi hamaara kaam hai svadarshan chakra phiraana aur doosre ko bhi svadarshan chakradhaari banaana samjha । to abhi tum sab svadarshan chakradhaari ho na? sab ho na? yeh shankh, chakra, gada, padamdhaari har ek ho, yeh har ek ka alankaar hai vo kuchh nahin hai ye ham hai aur hamaara hai abhi ka । devtaaon ko ye nahin hai , devtaaen vo kya karenge , woh thodi gyaan baithkar sunaaenge । devtaaon ke jamaane mein to koi agyaani hai hi nahin jahaan gyaan sunne ki darkaar ho agyaan to abhi hai na। vahaan to koi gada vada ya yeh vikaaron ko naash karne ki in sabhi baaton ki darkaar nahin hai kyonki vahaan to devtaaon ki duniya mein hai hi devtaaain sab to devtaaon ke paas mein to koi yeh vikaaron ki baat hai hi nahin na jahaan in sab cheejon se kaam lena pade parantu haan chitron mein woh devta ka roop de karke unko diya hai। agar isi samay tumhein de de deven na shankh chakra to vo pahle hi kehte hain daada ko brahma banaaya hai baaki bhi svadarshan chakradhaari banaakar inhon ko chakra gada padam de deven to kahenge dekho yeh bramhaakumaareeyaan apne ko bhi samajhne lagi hai chakradhaari, svadarshan chakradhaari aur gada padam yeh devtaaon ke alankaar khud ko de die hain। to bichaare samajhte nahin hai na, nahin to vaastav mein yeh sab hamaare hain yaani ham braahmanon ka jo abhi ham baithkar ke yeh purushaartha abhi karte hain na parantu yeh shareer mein। devta banenge phir thodi purushaartha karenge to karte abhi hain to hona to abhi hai na, hai to yeh sab alankaar abhi na, parantu agar chitron mein aisa den na correct karke to log bechaare moonjh jaaenge। abhi dekho jaise yeh satya hai abhi yeh purushaartha kar rahi hai। isko chaar alankaar hai । isko dekhkar ke iska chitra banaaen samjho, vo kahenge dekho yeh apne ko chaturbhuj samajhne lagi hai woh to ulta samajh lenge na । woh to nahin samajhte na in baaton ka parantu hai to hamaare liye to shareer to yeh hai na parantu chitrakaaron ne shareer woh devtaaon ko rakh karke uska de diya hai nahin to devtaaon ko kya aisi baaton ki darkaar hai mehnat karne ki। mehnat to abhi hai na woh to praalabdha hai। to yeh sabhi cheejen abhi apan jaante hain iseelie ham hain svadarshan chakradhaari ya shankh, chakra, gada, padma dhaari yeh sab hamaare liye hain to abhi sabko apna alankaar dekhna hai hamaare paas hai shankh hai, chakra hai, gada hai, padam hai, sab hai ? aise bhi nahin hai ek alankaar ho doosra ho hi na, sab hone chaahiye na nahin to phir kaisa ho jaaega, ek ho do na ho phir kaise kaam chalega to dekhna hai ki apne paas sab hai, to ham aise chakradhaari aur chakradhaari gada padam sab to yeh sabhi cheejen apni sambhaalni hai samjha। aise bhi nahin shankh ho , kaise siddhaartha? khaali shankh ho aur chakra na ho to bhi kaam kaise chalega, to bhi nahin hai। shankh chakra gada padam sab ho । pavitra pravritti ka bhi apna banaana hai aur gada bhi ho , poora maaya ke oopar vikaaron ke oopar apna bhi ho। aise nahin gada hi na ho keval shankh ho to kahenge ho hi phir pandit । doosron ko kehte rehte ho apna kuchh hai nahin phir aisi baat ho jaaegi to woh bhi to baat nahin banegi । to ek alankaar se bhi kaam nahin chalta hai chaaron hi hone chaahiye jisse buddhi mein yeh svadarshan chakra bhi ghoomta rahe yaani yeh ho ki main so to aisi phir apni dhaarna bhi ho na। so khaali kahne ki thodi baat hai । so to so, to phir usmein sthit rehna hai na to yeh sabhi cheejen honi chaahiye । to baaki ek se kaam nahin chalta hai to dekho chaaron hai। hai chaaron to phir shankh bhi achha bajega, gada bhi achhi rahegi phir sab achhe chalenge to yeh sabhi cheejon ko achhi tarah se samajhte phir apna aisa purushaartha rakhne ka hai। peechhe aise purushaarthi jo tadbeer karne vaale hain uski takdeer kya hogi , woh to bahut oonchi takdeer aur us takdeer ka to saakshaatkaar baap kara hi rahe hain ki tumhaari takdeer kitni oonchi main banaata hoon aur aise bhi nahin hai ki yeh baithe hain, aise to nahin samajhte ho na । ye to manushya se devta ho chuke hue hain , vahi baat phir baap samjhaate hain ki abhi phir hone ki hai। jo ho chuki hai woh hogi na । aise koi samajhte hain kya ki ye devtaaen the hi nahin। nahin, yeh devtaaen the parantu un devtaaon ki jo biography baithkar ke sunaaie na usmein bahut baaten mixup ho gai hai parantu devtaaen the zaroor । devta ka matlab hi hai daiveey life vaale manushya, to khaali kya aasuri life vaale manushya the kya? sansaar kya aasuri aasuri hai ? aasuri kantraasta rakhta hai daiveey se to zaroor aasuri hain to daiveey bhi honge । aise hai nahin ki daiveey the hi nahin khaali aasuri hain । to aasuri bhi nahin kaho na phir to kaho bas khaali ye hi hai । aise na kaho ki yeh duhkh ashaanti hai । duhkh ashaanti bhi duniya na kaho na kaho bas duniya yahi hai। nahin, parantu hai nahin, yeh duhkh ashaanti ki bhi barobar hai to zaroor phir koi sukh shanti bhi to duniya honi chaahiye na । kantraasta koi cheej ka hota hai to do ka hota hai। ham kahe bhaai ye raat hai , agar raat hai to koi din ke bhent mein raat hai na । ham kahe ki sardi hai abhi to bhaai sardi koi garmi ke bhent mein hai to zaroor kabhi garmi bhi hogi na । to ho chuki hai garmi, phir bhi aaegi sardi ke baad garmi aaegi aise bhi to maanna padega na । to yeh sabhi cheejen samajhne ki hai iseelie aise nahin kahenge abhi khaali sardi hai, sardi hai to bhaai garmi ke bhent mein hai na। nahin to usko sardi bhi nahin kaho bas yeh hai । jo hai vahi hai bas uska kuchh kahne ka baat hi nahin hai । parantu nahin, kantraasta vaali cheejen is chakra mein chalti hain to yeh sabhi cheejon ko samajhna hai iseelie duhkh ashaanti ki duniya hai to sukh shanti ki bhi duniya hai । jab paavan duniya hai to usmein koi patit nahin, abhi pati to duniya hai to usmein koi paavan hai hi nahin। bhale koi saadhu, sanyaasi kitne bhi hain lekin unko paavan nahin kahenge । bhale aaj ki patit duniya ki bhent mein, patit manushyon ki bhent mein, woh unke bhent mein thoda paavan hai lekin paavan duniya ki bhent mein patit hain kyonki woh paavan to phir paavan the na। woh shareer chhodte, shareer mein rehte, shareer lete sada paavan the yaani unmein koi vikaar ka woh nahin tha, yeh to shareer chhodenge to kahaan jaaenge sanyaasi । vikaaron se janmenge, vikaari ghar grihastha mein jaaenge phir usmein thoda chhotepan ki paalna le kar ke phir unko sanyaas ka sanskaar aaega phir chale jaaenge sanyaas mein parantu vikaari duniya mein to unka sab connection chala na । koi rog hota hai koi duhkh hota hai karmon ka sabhi hisaab to hai na laga hua iseelie baap kehte hain vahaan koi hisaab hi nahin hai tumhaara is duniya ka । usko kaha jaata hai paavan duniya। to iseelie kehte hain paavan duniya bana raha hoon jismen koi patitapne ka khaata nahin । abhi patit duniya hai to usmein paavanpan ki koi nishaani hai hi nahin to iseelie kehte hain abhi uska khyaal rakho aur aisa apne ko banaane ke laayak banaao। to abhi purushaartha samjha na, kya karne ka hai aur pahle pahle to kya apne ko uska to bana lena hai iseelie uska to abhi ho hi jaao। iske liye aise nahin khyaal karo kal honge, kabhi honge, nahin baap ka bachcha banne ke liye to bachcha banna maana samjho aaj bana koi saahookaar ka god ka bachcha aaj bana kal mar jaata hai parantu haan samjho baap mar jaata hai to uska hak to ho gaya na। hak to lag gaya kyonki bachcha jo bana to uski property ka woh hakdaar ho hi gaya। ho jaata hai na, to dekho hak laga diya । agar bane hi na, jab talak bana nahin hai tab talak to uska hak ho bhi nahin sakta hai na । to bachche to ban jaao apna hak to laga lo to uski property ke oopar daav to lag jaaega na। baaki haan hai uske liye apne ko laayak banaana baaki purushaartha karna oonch duniya mein apni oonchi status banaana unheen sabhi baaton ke liye phir purushaartha karna woh to phir ham bhi kehte hain ham sab purushaarthi hain kar rahe hain, vo to jahaan jeey tahaan peey to uske liye to koi baat hi nahin hai । parantu iska matlab yeh nahin hai ki purushaartha chalna hi hai iseelie ham thande thande chalen kyonki chalna hi hai na। baba mama bhi kehte hain hamko ham purushaarthi hain to ham to zaroor purushaarthi rahenge na, ham to bhoolen karte hi rahenge na , aisa to khyaal nahin hai na ? nahin, jo karega to paaega । bhoole karenge to vikarma to ban hi jaaenge na, to vikarma thodi banaana hai, nahin। iseelie aisa bhi khyaal nahin rakhna hai apne purushaartha ko aage karte chalne ka hai। apni jo dekhne mein aati hai ki yeh bhool hai, yeh vikaar hai, yeh moh hai, yeh phalaana hai, yeh krodh hai, yeh bhoot hai, yeh bhoot koi apne mein mat rakho। yeh bhoot hai na sab, bhooton ko bhagaao। to apne mein dekho hamaare mein koi bhoot hai to nahin hai to in bhooton ko bhagaao, nikaalo। to nikaalte jaane ka hai। kaisa arjun ? to abhi sachcha sachcha arjun banna hai , samjha। achha , yeh mohan hai । mohan hai na naam ? to kaisa, iska kya hai occupation , yeh bhi chalta hai kuchh । chalte raho, chalte ka arth samajhte ho na , purushaartha mein aage badhte raho। apni takdeer ko ooncha karte raho । uske liye tadbeer arthaat purushaartha karte raho। to apne ko chalaao achhi tarah se to baap se apna poora poora adhikaar pa sako sab । abhi kuchh thoda-thoda pune vaalon ka parichay raha hai । ham jab jaate hain na tab parichay poora hota hai phir chale jaate hain । phir to jo jeete rehte hain woh yaad rehte hain। jo ho jaate hain udhar to vo phir bhool hi jaate hain। vo bhulaate hain mere baap ko to hamaare ko bhi bhool hi jaaenge । jo mere baap ko yaad rakhte hain arthaat apne baap ko to haan woh baap vaale bachche , bhaai bahne kyon nahin yaad rahenge । so bhi jo achhe achhe honge woh zaroor rahenge । bhaai yeh achha sarvisebal hai, yeh achha kaam kar raha hai, yeh achha madadgaar hai to woh kyon nahin yaad rahega zaroor rahenge। baaki jo madadgaar bhi nahin honge aur hai hi nahin kuchh purushaartha to woh kaise rahenge vo yaad nahin rah sakte । agyaan mein bhi aisa hi hota hai jo sapoot bachche hote hain , achhe bachche hote hain unke prati maa-baap ka laad pyaar rehta hi hai woh to natural hai to iseelie apne ko dekho ki main kaisa hoon , main kitna achha hoon , baap ka laayak bachcha hoon? laayak hoon ya na laayak aur seedha agar kahenge to naalaayak , to naalaayak kisko kahenge to gaali ho jaaegi। baap kahenge bhaai yeh na laayak hai to na laayak kahne se woh jara koded hai kyonki koded hoti hai na koinen। to vo jara kotet, koinen ho jaati hai aur kahne se naalaayak to gaali ho jaati hai , parantu hai yahi to hai na। to apne ko kya banaana hai laayak, baap ke laayak bachche bano । to abhi har ek dekhe ki ham laayak hain ? laayki kya hai, so to abhi pata hai achhi tarah se, laayki aadarsha kaun sa hai woh to abhi achhi tarah se saakshaatkaar poora-poora buddhi mein har ek ke hain । kaisa pratyushan? to abhi kya banna hai ? laayak bachcha । agar laayak bachcha na hua to kya hua, kuchh nahin। kuchh nahin kya? laayak ke badle mein altarnetiv kya hua? naalaayak, haan, to abhi banna hai laayak bachcha। to aisa abhi apne ko laayak banaane ka aur laayak rakhne ka khyaal rakhne ka hai tabhi bakhtaavar baap se poora poora bakhta lenge to bakhtaavar baap ka bakhtaavar bachcha banna hai। agar na banenge to kya hoga, kambakhta । kambakhta, naalaayak tum bolo ham laayak aur bakhtaavar bole kyonki vo nikaalna hai। achha, iseelie apne in baaton ko samajhte aur apna aisa purushaartha rakho । achha। kaisa hai, baap ki or se ki yaad mein theek hai na । abhi usse poora-poora lene ka hai to aisa purushaartha rakhte rehna । uske liye kya karna hai sab buddhi mein hai । khaali buddhi mein rakhna nahin hai, karmon mein laana hai to usi ko achhi tarah se laate rehna hai । sabhi dharma vaale niraakaar paramatma ko maante hain। ye shivling ko shiv ki pratima ko, shivling ko, bhale hi iske kai shep hain, shivling ke bhi bahut shep banaate hain, unka kitaab milta hai bada kyonki ham to in baaton ke peechhe rehte hain na to mangaaya tha kitaab। shivling ki bhi bahut-bahut shep hai kahaan kaisa kahaan kaisa। to yeh musalmaan log bhi inke makke madeene mein bhi shivling ka hai। unko bhi pata nahin kya naam dete hain। kya kehte hain aap? sang A maksad, haan kuchh aisa hai baaki kuchh aur bhi naam hai। aap kya kehte ho haajir A aalam, haan hoga kuchh naam inke to dekho yeh kehte hain ye shivling ko kehte hain। inke mein bhi shivling ke pratima ki maanyata hai। inke makke madeene mein bhi hain aur vahaan Christian log mein bhi is cheej ki maanyata hai । to apna apna naam dete hain to dekho hain na parantu bichaaron ko unko pata nahin hai ki niraakaar paramatma ki pratima hai, jo sabka pita hai । to maante sab hain parantu haan yahaan shiv kehte hain vo udhar dekho doosra naam dete hain to apne apne naam de diya hai। to yeh sabhi cheejen hain iseelie yeh baap abhi sabka pita hai vo aa karke abhi apna bhi parichay dekar ke abhi kehte hain sabko le jaana hai hinduon ko, musalmaanon ko, sabko abhi vaapas le jaana hai to iseelie phir kehte hain abhi sabko muktidhaam aur phir jo jeevan apna pavitra bana rahe hain usko phir jeevan muktidhaam। yeh duniya bhi rakhni hai na to is duniya ko phir jeevan mein baaki to mukta। to abhi aise baap ko samjha hain na ki woh kaam karne vaala behad ka baap aaya hai। yeh woh padha raha hai yeh buddhi mein achhi tarah se laana chaahiye। achha aisa baap aur daada, haan baapdaada ko samajhti jaate ho na । daada main bhi moonjhate to nahin ho na। abhi baap aur daada, daada kya hai, baap kaun hai, baap daada ka kya bana raha hai, daada kya banta hai, yeh sabhi cheejen samajhne ki hai । yeh koi ek daada nahin hai uske saath mein ham bhi sab, sab purushaartha kar rahe hain, jo karenge so paaenge। to baapdaada aur maa ke meethe meethe aur bahut achhe aise samajhdaar, laayak, bakhtaavar aise jo bachche hain aise bachchon ke prati yaad pyaar aur good morning। good morning।