मम्मा की मुरली - gyan-sitar-11

२९.१२.५८

karmayog sanyaas karne ka yathaartha tareeka

om shanti। paramatma dvaara is samay jo ५ vikaaron ka sanyaas sikhaaya jaata hai, uske bhi arth ko samajhna hai। kyonki hamaara koi karma-sanyaas nahin hai। hamaara hai karmayog - sanyaas । ham sanyaas karte hain ५ bhooton ka। woh karma-sanyaasi rachna ko maante nahin hain। woh to jyoti jyot mein samaane athva mukti pad ko hi mukhya maante hain। ham paramatma dvaara jaante hain ki manushya ka jeevanmukti hi status hai। unko kaise praapta karen, so paramatma hi aakar sikhlaate hain।

kai bichaare moonjh padte hain। sunte hain na - deh sahit deh ke sab sambandhon ka sanyaas karna hai। to samajhte hain ki phir sambandhiyon se hamaara koi tailuk nahin। jaise sanyaasi ghrina rakh chale jaate hain। yahaan to samjhaaya jaata hai -- charity begins at hom। jaise ham gyaan se maalaamaal ho rahe hain to auron ko bhi maalaamaal karna hai। yahi hamaara karma hai। jabki hamaari knowledge, hamko lakshya hi deti hai ki karmayog - sanyaas karo, to ismen sanyaasiyon ke maaphik sabse todna nahin hai। sambandh jarur rakhna hai। parantu vikaari sambandh ka naata badalkar is pavitra sambandh mein rehna ki ham us baap ki santaan hain, woh hamko maalaamaal kar rahe hain। to pahle ghar vaale jinke saath naata tha, jinhon se seva li hai, unhon ke return mein yeh oonchi service karni hai। todne ka matlab yeh nahin ki ghrina karen। hamaara kaam hai seva karna। baap bhi kehte hain - main world ki service par upasthit hoon।

aage jo sambandh tha usmein duhkh dena, duhkh lena hota tha। ab sukh dena hai, sukh lena hai। alpakaal ka sukh to anek janma lete aur dete aae, ab hamaari seva hai sadaakaal sukh dene ki। jabki anubhav kar rahe hain to anubhvi doosron ko dene ke sivaae rah nahin sakte। woh samjhenge ki aur bhi laabh uthaaven, pahle ghar vaalon ko maalaamaal banaaven । hamaara sambandh itna rahega, ismen karmabandhan ki baat nahin hai। yeh sambandh to jodna hai। yeh bhi tum dekh rahe

ho ki is knowledge mein aane se phir pareekshaayen bhi aati hain। kyonki yeh knowledge bhi nai hai aur unke charitra bhi naye hain। unhonne shaastron dvaara kuchh aur baaten suni hain aur paramatma jo practical part bajaate hain, in charitron ko to ham hi jaante hain। isliye in baaton ko samjhaane mein yuktiyaan bhi rakhni padti hain। seedha hi kisko kahenge ki hamko paramatma aise kehte hain, to samjhenge -- pata nahin yeh kis chakra mein pada hai। sabke vichaar, sanskaar apne-apne hain na। to dekhkar chalna hai। doctor sabko ek ilaaj to nahin denge। to yahaan bhi yukti se kaam lena padta hai। jhat se josh mein nahin aana hai ki hamaara koi se connection nahin hai।

baba to kehte hain ki puraani duniya ko nai duniya banaana hai। baap ne bhi aakar tamoguni aatmaon se sambandh joda hai। tamoguni aatmaon ka hi baap-teacher-guru bana hai, unhon ko sadgati dene ke liye। durgati vaalon ka hi to guru banenge na, jinko is knowledge ki aavashyakta hai। aisi aatmaon se sambandh jod unhon ko varse ka hakdaar banaate hain। ham bhi is kaarya mein nimitta rahenge । yahi sarvottam seva hai। harek lene ke liye hakdaar hai, ham dene ke liye hakdaar hain। in baaton ko achhi reeti samajhna hai। na samajhne ke kaaran ghabra jaate hain। isliye baar-baar saavdhaani milti hai। jabki haath mein haath diya hai, to woh batlaayenge ki kaise kadam uthaao। hamaare eeshaare par chalne se hi tumhaara kalyaan hoga। har ek ka potaamel unke paas hai। jo poora haath dete hain unhon ka saakaar mein aakar sab potaamel lete hain।

yeh knowledge hai hi practical ki । ५ bhooton ka sanyaas karna hai। maili aatma ko saaph karna hai। karmabandhan se chhootne ka tareeka ruhaani baap hi sikhlaate hain। attention dena padta hai, tab roshni milti jaayegi । sanyaas akshar puraana hai। parantu yeh karmayog - sanyaas koi ne sikhlaaya nahin hai। ab ham seekh rahe hain। unke direction mein hi kalyaan hai। ismen ghabraane ki zarurat nahin hai। baaki manzil badi hai। jeete ji. poora marna hai। baap ke poorn eeshaaron par chalna bachchon ka kaam hai। practical ki baat hai। unko jeevan di hai to sab kuchh unke saamne rakhna chaahiye। samjhaane vaala baitha hai, yeh to jeevan banaane ki bahut oonchi baat hai। baaki kiske bhaagya mein nahin hai to uski baat hi nahin hai। apna kaam hai purushaartha karna aur karaana।