मम्मा की मुरली - gyan-sitar-29

२१.९.५९

mansa mein bhi koi vikalpa na aaye - yahi hai sookshm purushaartha

om shanti । ham jab om shanti kehte hain to hamaari buddhi mein kya aata hai ? om shanti kahne se ab hamaari buddhi mein yahi aata hai ki ham aatmaayen paramatma ki santaan hain। abhi jo pakke brahman hain, aise to nahin kah sakte ki aatma so paramatma hai। ab yahi aayega ki ham aatma us paramatma ki santaan hain। us paramatma ka saara sijra saamne aata hai athva aise kahenge ki apna saara khaandaan, sarvottam braahmanon ka saara parivaar saamne aata hai। hamaare brahman kul ke jo bhi hain sab saamne aate hain। mool beejrup paramatma, phir unki rachna brahma, vishnu, shankar, phir hamaara daada, phir unke bade bachche – yeh hai hamaara kul। yeh hua niraakaar aur saakaar kul ।

dekho, om shanti ka kitna achha arth hai ! ham niraakaar, aakaar aur saakaar teenon ka arth jaante hain। braahmanon ko saakaar dvaara paramatma ne racha hai। vahi brahman kul vaalon ko niraakaar paramatma devi- devta, lakshmi-naaraayan ka pad dilaate hain। jiski ham santaan hain, unko occupation sahit jaante hain। hamko shoodron se brahman banaaya hai, ab brahman se devta bana rahe hain -- aisa saubhaagya pa rahe hain। woh bhi abhi sangam par। jisse janma-janmaantar sukh ko paate aate hain ।

ham aise nahin kahenge – chaahe gam do, chaahe khushi do। chadhti kala hai, ab to khushi hi hai। aise nahin sochenge - phir girna hai। bhal drama mein hai lekin ab isse chhoote hain। ab chalne ka samay hai। to uska nasha bhi rahega, khushi bhi rahegi। jaise laukik sambandh mein bhi laukik kutumba ka nasha rehta hai। lekin isse bhi koi oonche honge। apna hai sabse ooncha kutumba । isse ooncha aur koi hai nahin। jab tak yeh nasha, khushi practical nahin hai tab tak samjho bhavishya itna pad nahin banega। yeh hai abhi ki avastha se bhavishya pad ko jaanna । meter check karna chaahiye। kabhi nasha, khushi nahin rehti - kyon ? deh ke sambandh mein aane se khushi nahin rehti। bhal pravritti mein rehte ho lekin vahaan rehte bhi deh sahit deh ke sambandh se nyaara hona hai। yeh hai andar ki baat । baahar se na kuchh chhodna hai, na koi sthool saadhna karni hai। apna bahut sookshm gahra purushaartha hai। buddhiyog ki hi mehnat hai । buddhi kahaan latki to woh khushi, nasha kaayam nahin rehta। aise nahin, chhodne se chhoot jaata । tumko to aur hi ophreen hai jo saath rehte bhi buddhiyog na jaaye ।

aise nahin samajhna – bas, suna-sunaaya, yahi purushaartha hai। lekin sab kuchh buddhi se bhulaakar sampoorn karmaateet avastha mein jaana, mansa tak bhi koi vikalpa nahin aave – yeh hai mehnat । karmana mein chhodne se mansa bhi chhoot jaani hai। yeh abhi-abhi avastha banaani hai। isse bhavishya banega। to apne paas sab jaise mare pade hain। inhon se buddhi nikaal ek ke saath jodna hai। daivi sambandh se bhi deh ka sambandh nahin lagaate। paramatma ki santaan hain, is sambandh se bhaai-bhaai hain। to sabse nikal kehte mujh ek mein latko । avyakt devtaaon mein bhi latakna nahin hai, to sthool ki to baat hi nahin hai। to kitna oonch apne purushaartha mein rehna hai। isko hi purushaartha kaha jaata hai।

ab tak to krodh, lobh… yeh moti bhoolen hoti rehti hain। lekin inhon ko sanskaaron sahit mitaana hai। baahar se to chalan bahut saadhaaran hai, sookshm buddhi ko clear karte hain। to baahar se dikhaai nahin padega। buddhi ko theek thikaana dena hai। baaki shareer se kaise bhi baithen। hamaari buddhi mein ek hi ghoomta hai। baap, teacher, guru ek hi hai। had ke baap, guru, teacher se kuchh - kuchh milta hai, lekin usko milaakar bhi poora nahin milta hai। lekin ab humein ek se complete mil jaata hai। sirf purushaartha kar unse kheenchana hai। kheenchane ka kaam hai buddhi ka । buddhi ki hi kamaal hai। manushya to manushya hai। woh buddhi se itna vinaash kar sakte hain, to kya ham buddhi-bal se nai duniya nahin bana sakte hain ? woh samajhte hain - yeh inhon ki kalpana hai, duniya to bahut chalni hai। ham kahaan kehte nahin chalni hai ? lekin badal-sadal hone vaali hai। ham puraane karmon ke khet ko ukhed naya khet lagaate hain। apna hai sookshm purushaartha ।

buddhi sabse sookshm hai। aatma ka bhi saakshaatkaar ho sakta hai। lekin buddhi usse bhi sooksham hai। karma banaane-bigaadne vaali bhi buddhi hai। to buddhivaanon ka buddhi isko bana rahe hain। isliye itni gahraai, gambheerta se dhaaran karo । eeshvareey taakat hai na। duniya sthool taakat ke peechhe padi hai। lekin ruhaani taakat ko to jaanti nahin hai। sookshm yog lagaane se aatma pure hoti hai, to uska prabhaav karma par padta hai। itna thode mein khush nahin hona hai। poorn saaph hona hai। duniya itni badalti hai to hamko bhi itna badalna hai। paramatma baith itna kaarya karaate hain। sthool vinaash sthool dvaara karaaenge, sookshm phir vahaan chuktu karaaenge। manushyon ko samjhaao to kah dete – paramatma ko karaana hoga to karaayenge। had ki kamaai ke liye to khoob purushaartha karte hain। lekin is behad ki kamaai ke liye paramatma par rakh dete hain। yeh to kamaai hai, iske liye purushaartha karna hai, woh bhi ek baar। ghadi - ghadi to purushaartha nahin karna padega। jaise woh shareer nirvaah arth, thode sukh ke liye kamaai karte hain। phir bhi shaareerik rog aadi jhanjhat chalte aate hain। lekin hamaari kamaai se sab praalabdha mil jaati hai।

buddhi ko aur koi khalal (vighna) padne se shareer se bhogna jaasti achha hai। buddhi saalim hai to samajhte hain - yeh bhi hisaab-kitaab bhog kar chhootte hain। duhkh nahin bhaasega। buddhi mein khalal pade to kadi bhogna chalti hai। hisaab-kitaab to sabko bhogna hai। lekin ismen bhi sato, rajo, tamo stage hain। jaise jel mein bhi A, bi, si class hai। to is shaareerik bhogna mein bhi stages hain। use ham paramatma ki yaad se sooli se kaanta banaae khalaas kar dete hain। isse nuksaan nahin hota hai। buddhi ka khalal to bahut nuksaan karta hai। aise nahin, paramatma ki santaan hain, phir bhogte kyon ? nahin, vikarmon ka bahut bada stock hai। isko khalaas kar jaaenge to baba khush hoga। kuchh rah gaya to danda bhi milega, pad bhi nahin dega। aise to nahin, dande lagaakar pad bada dega ? isliye yahaan khushi se chuktu karte hain। woh chuktu ho gaya phir to chale jaaenge । phir nambarvaar aaenge ।