मम्मा की मुरली - gyan-sitar-40

८.१०.६२

baap se poora hak lene ke liye aagyaakaari, sapoot bano

paramatma ko saajan bhi kehte hain। woh saara haal baith bataate hain ki he aatmaayen, tum kaise mere se bichhudi, phir tum kaise aakar mili ho, phir milkar kya praapti hogi। to woh khud apna parichay de raha hai। aise nahin ki ab bhaktimaarga ki tarah koi apni bhaavna anusaar milega। lekin kehte hain ki mera jo kuchh hai sab bachchon ko hi deta hoon।

hamaari pahle yeh bhaavna thode hi thi ki ham paramatma ke hokar ke unke varse ke hakdaar banen। lekin bhakti-maarga mein to ham kisko bhi paramatma ka rup banaakar poojte hain, to bhaavna ka return milta tha । yeh pata nahin tha ki ham aise vaaris ban jaayenge । bhal bhakti-maarga mein kehte the ki sab tu hi hai, lekin yeh dimaag mein nahin tha ki main aisa oonch bhi ban sakta hoon, aisi bhi koi praapti hoti hai। ab yathaartha dimaag mein aaya hai ki ham aisa kyon na banen। to woh khud kehta hai ki mere ko jaankar mere par daanv lagaao, mere ho jaao। jaise bachcha god ka ho jaata hai laukik mein, to bachche ka hak lag jaata hai। lekin ismen to bachcha bankar phir bhi purushaartha hai। dhaarna kar laayak banna hai। bachche banne ke baad bhi phir bachcha aagyaakaari, sapoot, pharmaanbardaar ho । us laukik mein to kaisa bhi bachcha ho - hak le lega। lekin yahaan to bachcha bankar bhi phir unke pharmaan par poora chalenge to poori-poori marks milegi। kehte hain - sab tumhaare liye hai hai। us baap ko to kuchh apni laalsa rehti hai lekin yahaan to jo karega so paayega ।

abhi ke purushaartha se sab padaartha janma-janmaantar ke liye mil jaayenge । mrityu hote bhi janma-janmaantar hamaara sukh lagaataar chalta rahega । isliye vahaan hamaara marna, marna nahin hai। yahaan to akaale mrityu hoti hai। baba kehte hain – padaartha hain to unka sukh bhi practical mein chaahiye। manushyon ke paas dhan hai to bhi duhkh hai। to phir kah dete hain ki ichchha hi na ho kyonki dekhte hain ki ichchha hi kharaab cheej hai। to phir hath se ichchhaaon ko maarne ki koshish karte hain। lekin ismen hath aadi ki baat hi nahin hai। ab manushyon ke paas sukh rehta hi nahin hai, tab kehte hain ki sansaar kaag vishta ke samaan hai। yeh sansaar bana hi nahin hai। lekin apne paas knowledge hai ki sampatti hi sukh dene vaali hai। lekin sampatti bhi pavitra ho । pavitra shareer, pavitra sansaar ho । hamaare paas pavitrata ka woh bal chaahiye jisse har cheej pavitra ho jaae। is vikaari duniya ki pavitrata mein koi bal nahin hai, ismen vikaari khaata mix hai। pavitra, to janma aur maran mein bhi pavitra ho । pavitrata ki degree woh jismen sab pavitra ho। is puraani duniya ki pavitrata mein koi saar nahin hai- na iske martabe mein, na iske dhan mein. । sab tamopradhaan hain।

abhi hamko apna desh, apna vatan buddhi mein ghoomta hai। bhal aankhon se yeh duniya dekhte hain lekin inse bahut door hain। ab aankhon mein gati aur sadgati vaali duniya ghoomti hai। durgati ki duniya se kinaara kar buddhi usmein laga di hai। aise na samjho ki yeh kalpana hai, aankhon se nahin dekhte hain। lekin ismen sanshay nahin hona chaahiye। jab hoga tab to practical ho hi jaayega। yeh batlaane vaala koi manushya ya koi thagne vaala thode hi hai jismen kuchh neeche-oopar ho । hamaara guru niraakaar hai - yeh kab bhoolo mat। jab bhoolte hain tab chhote-chhote sanshay aate hain। agar in aankhon se dekhne ki cheej ho phir to koton mein koi kyon ho, sab jaan jaayen। yahi gunjaais hai, ismen bhoolo mat । jo kuchh hona hai woh to hona hi hai। banaane ka samay ab hai। ab itna samay nahin hai jo koi mar jaae phir doosre janma mein aakar yeh gyaan leve । chhota bachcha to gyaan le nahin sakta। isliye hi kehte hain ki yeh tumhaara antim janma hai। aise bhi nahin ki koi ab mare to janma nahin lega। lekin padhaai ka samay yeh hai। baap kehte hain - main vriddha tan mein aata hoon। uske hi anek janmon ki kahaani sunaai hai। agar drama ke raaz ko samjhen to sab baaten buddhi mein aa jaaen।