मंगलवार 1 अक्टूबर 1963 की साकार मुरली

> >

` 01-10-1963 bambai praatah murli saakaar baba om shanti madhuban

helo, good morning, ham bambai se bol rahen hain। aaj mangalvaar hai san 1963 aktoobar ki pahli taareekh hai, praatah class mein baapdaada ki murli sunte hain।

record :-

bachpan ke din bhula na dena…

omshaati । ye jo baap ke bachche hain, aise kahenge na bachche aur baap kahenge tum jo mere bachche ho । bachchon ne apne baap ko apne baap dvaara jaana hai । yeh to bachche jaante hain ki is saari srishti mein tum braahamnon ke sivaay aisa ek bhi manushya nahin hai, so bhi nambarvaar purushaartha anusaar, jo apne paarlaukik parmapriy parampita param-aatma ko jaanta ho । ek bhi nahin, bhale kitna bhi koi vidvaan, aachaarya ya pandit ho । phir bhi baap samjhaate hain । baba yeh sangamayug ki baat nahin kehte hain । ye satayug aadi mein hai devi-devta dharma । usmein shri lakshmi naaraayan ka raajya baba vahaan se le karke kehte hain, jo poojya hain ' kyonki aise to jab kisko maaloom pade haivin jisko kaha jaata hai usmein kaun raajya karte hain to phir apan ko unka samjhen । baap baith karke samjhaate hain ki satayug ke aadi se, shri lakshmi naaraayan se le karke kaliyug ke ant tak isko apan sangamayug kehte hain । vo kalhayug kehte hain । kaun? is samay mein jo bhi duniya ke manushya maatra hain । vo samajhte hain ki kalhayug to abhi bachcha hai aur 40000 varsha chalne vaala hai । sirf tum braahman jaante ho ki abhi kalhayug poora ho gaya hai, ye sangamayug hai । kalhayug ki aayu poori ho gai, yeh sangamayug hai; kyonki baap kehte hain ki main aata hoon kalpa ke sangamayug par । to sangamayug shuru ho gaya na, jisko dharmaau yug kaha jaata hai । agreji mein ospishas yug kahen, vo tum jaante ho aur duniya bhar mein koi bhi manushya nahin jaante hain । baap baith karke sabko bolte hain ki vichaar karo, samjho । hai koi jo apne behad ke baap ko jaanta ho? kyonki vo hai rachta । agar koi bhi apne baap ko jaanta ho to zaroor unki rachna ko, srishti ke aadi-madhya-ant aur srishti ke aadi-madhya-ant ki history aur jaagraaphi ko sab jaanta ho; kyonki vo hai rachta । rachta to zaroor, jaise ab apne bachchon ko rachna ke aadi-madhya-ant ka knowledge sunaay rahe hain na । agar koi jaanta ho to bataate aave, parantu koi shaastra mein, koi ved mein, koi granth mein, na ki geeta mein srishti ke aadi-madhya-ant ki knowledge hai, kyonki geeta mein bhi unhonne mixture lagaay diya hai । geeta mein likh diya hai kalpa ki aayu phalaana । yeh kahaan se laaya? yeh bhaagvat aur geeta se laaya hoga, aur kahaan se laaya hoga! na koi shaastra mein, geeta mein bhi nahin bolte hain । geeta mein agar likha hua hota, to geeta to padhte hain; partu geeta mein to koi ko bhi maaloom nahin hai ki baap kaun hai jo krishna laga hua hai । baap kaun hai koi nahin jaante hain । yaani rachta in srishti ka, kaun hai vo bhi nahin jaante hain । agar jaanta ho to vo note rakho ismen bhi to jaata hai na sabke paas । ek bhi nahin jaante, ye jitne bhi vidvaan aachaarya pandit apne ko shri-shri kahlaane vaale agar jaante hon to zaroor unko us rachta dvaara brahmaanda, jismen baap param-aatma bhi rehte hain aur ham sab aatmaaen rehti hain kyonki is samay mein kitni aatmaaen hongi yeh maaloom hai ? koi 400 karod hongi so 500 karod bhi shaayad ho jaaengi, jab talak vinaash ho । abhi yeh to koi nahin jaante hain, jo 500 karod aatmaaen hain so satayug mein to nahin hongi । satayug mein hongi? ho hi nahin sakti hain । vahaan to bahut thodi honi chaahiye । achha, zaroor inka rahne ka sthaan bhi to kahin hoga, jaho parmaaatma ka nivaas sthaan hoga । to paramatma likho । parmaaatma, to ho jaaega 'paramatma । hai param-aatma, jaise tumhaari aatma, baap ki, vaisi unki । vo cheej to koi badi-chhoti hoti nahin hai na । aise mat samajhna ki paramatma jisko kaha jaata hai, jisko supreme soul kaha jaata hai, unki soul koi lambi-chaudi hoti hai । na, unki koi lambi-chaudi soul nahin hoti hai । unki bhi vo hi hoti hai, jo kaha jaata hai ki bhrikuti ke beech mein chamakta hai ajab sitaara, vo hi aatma ka nivaas sthaan, jise star kah dete hain । aisi hai । jaisa hai baap, vaise hai bachcha । jaise unko kaha jaata hai 'param-aatma arthaat paramdham mein rahne vaali arthaat brahmaanda mein rahne vaali । yahaan ham sab dekho kitne hue! 400-500 karod aatmaaen vahaan rehti hain । achha, kya vahaan saari jagah kabhi khaali hoti hai? na । saari jagah sirf is samay mein, jabki ant hoga । sab aatmaaen jab yahaan aa chukegi kyonki actors sabhi yahaan chaahiye na । jo bhi naatak jab poora hota hai to sabhi actors aakar stage par khade rehte hain । to ab baap aaya hua hai aur phir sabko lekar tab jaaega, jab sabhi actors aa chukege । baba ne kal bhi samjhaaya tha na । tab phir vinaash hoga । tab ye sabhi chale jaaenge, baaki aise nahin ki phir sabhi chale jaaenge । kuchh to phir bhi rahenge; kyonki pralay to hoti nahin hai । yahaan kuchh to zaroor rehte hain na; kyonki yahaan is khanda mein manushya phir chaahiye na । baaki thode jaakar rehte hain । unmein koi raavan ki sampradaay, to koi raam ki sampradaay । koi malechchha bhi rehte hain, koi svachchha bhi rehte hain । peechhe ant mein baaki jo malechchha rehte hai, vo abhi khatma ho jaana hai । beech mein yeh time laga hua rehta hai । jab peechhe sab khatma ho jaate hain, phir unko kahenge 'satayug aur jab talak na gaya, unko kahenge 'sangamayug । donon hain. vo bhi hai, vo bhi hai । donon ka sangam hai na! jo vichaar-saagar-manthan karne vaala hoga, vo in sab baaton ko aape hi buddhi se achhi tarah se nikaal sakte hain ki barobar aisa hoga na । to dekho, pahli-pahli baat abhi parampita, jinko param-aatma, kehte hain । abhi unke liye hai to zaroor reincarnation ya avatran aur vo to zaroor patit-paavan hai, baap hai । so aaega hi, unka part hai hi svarga ke rachne ka, nahin to unko aana hi nahin hai । baap kehte hain- bachche, main yahaan kabhi bhi nahin aata hoon; kyonki mujhe sankalp hi tab aana hai drama anusaar jabki mujhe patiton ko paavan kar svarga ki sthaapna karni hai । mujhe tab talak aaega nahin, kyonki bhaktimaarga ka bhi drama mein poora time mukarrar hai । jab aadha kalpa poora bhaktimaarga chal karke ant hoga, tab phir main sabhi bhakton ko bhakti ka phal deta hoon; parantu baap kehte hain ki nahin, yeh to zaroor bhaktimaarga । jab yeh gyaanmaarga jindaabaad hoga to bhaktimaarga murdaabaad hone lag padega । abhi jaise ki dekho, tum gyaan mein aati ho to tumhaare liye bhakti murdaabaad ho gai, mar gai aur tum gyaan mein jinde ho gae । aise nahin hai ki yeh gyaan koi thoda samay chalta hai, nahin । yeh gyaan poora aadhaakalpa chalta hai । us samay phir koi gyaan deta nahin hai । bhakti mein bhakti seekhte jaate hain । avyabhichaari se vyabhichaari । yahaan gyaan praapta kiya, 16 kala sampoorn bana । phir satayug se le karke kalaaen thodi-,thodi kamti hoti hi jaani hai; kyonki yeh behad ka hai na! yeh grahan lagta hai na! to is samay mein bhaarat ko poora grahan laga hua hai । jab yeh kalhayug ka ant hota hai tab ekdam poora grahan kaha jaata hai । phir manushya kah dete hain raahu ka grahan । raashtra bhi daitya ko kaha jaata hai na । to daitya hi raavan hua । raavan jaisa bada grahan aur to koi nahin hai na । aadha kalpa inko yeh grahan lagne mein lagta hai । vo grahan to raat ko 2 baje se dekho, thodra-thoda lagte-lagte saara kaala ho jaata hai; par yeh to behad ka hai । iski satayug se phir kala kamti hona shuru ho jaati hai । samjho abhi kitni thodi kala chadhti hogi kyonki sooryavanshiyon ki bhi to do kala kamti hone mein saadhe baarah sau baras lagta hai । do kala kamti hone mein yaani vo bhi to grahan kahenge na peechhe । grahan yoon to maaya se lagta hai; parantu jo chakkar lagta hai, vo jo 16 kala aur 14 kala ka hisaab hai, to zaroor do kalaaen kamti hoti jaaegi; parantu vo bahut joon ke muaaphik । iska jaise koi asar nahin rehta hai ; kyonki usko ekdam svarga kah dete hain । saare satayug ko svarga kahenge । aise nahin ki phir treta ko koi svarga kahenge । svarga sirf kahenge, jahaan se lakshmi naaraayan ka raajya shuru hota hai; kyonki vo to treta ho gaya na, do kala kamti ho gai । to yatha raaja-raani tatha praja, jo svarga mein rehte hain, unko hi svarga kaha jaata hai; kyonki unko daiveekul bhi kaha jaata hai, phir kshatriy kul kaha jaata hai । do kala kamti ho gai na! parantu phir bhi hamko svarga aur narka ka do hissa to karna pade na । isliye satayug aur treta, phir dvaapar aur kalhayug । is srishti ko poora aise half and half karenge na । dekho, baap baith karke samjhaate hain ki paramatma ka arth kya hai । param aatma maana paramatma । sabhi bhakta us param-aatma, jisko paramatma kehte hain, unko pukaarte rehte hain । yeh drama mein bhaktimaarga vaalon ka part noondha hua hai; kyonki jo part hai, usmein yeh jo lucky star hai, jisko aatma kaha jaata hai, unmein baap baithkar samjhaate hai ki meri jo aatma hai, jisko tum param-aatma kehte ho, unmein bhi part noondha hua hai । main part bigar kabhi kuchh nahin kar sakta hoon । koi apne devi-devtaaon, mitra aur sambandhiyon ko bulaate hain, koi pitron ko bulaate hain, bolenge- vo bhi part noondha hua hai, tab hota hai । jo-jo cheej hoti hai, vo drama mein noondh hai । koi navaai nahin hai । koi wonder ki baat nahin hai, kyonki wonder pahle se noondha hua hai- yeh kya hota hai, kaise hota hai!, phalaane ko bulaay diya sookshm vatan mein । sekand-sekand tik-tik to chalti hai na । vo hoobhu noondh hai । are, koi navaai nahin hai । are, jo gyaani tu aatma hai na, vo koi navaai nahin dekhte hain । bolte hain- jo bhi kadam-kadam, second by second chalta hai, vo drama ki noondh hai । kehte hain na- patta pata bhi eeshvar ke hukum se chalta hai । tab kehte hain ki patte-patte mein eeshvar hai । abhi ye to moorkhata hui na ki patte-patte mein eeshvar hoga! nahin, baap bolte hai is samay mein hava lagi, yeh second paas hua, vo drama anusaar hava lagi, paas hua, isi samay phir vo hi samay aaega jo hava lagegi, vo patta hilega । to drama ke aadhaar par hua na । jo baap ne baith karke samjhaaya hai, samjhaaya to bilkul theek hai; parantu theek samjhaate hai, jabki un logon ne shaastron ko betheek banaay diya hai ki patte-patte mein bhagwan hai । abhi patte-patte mein thode hi bhagwan ki koi baat rehti hai । manushya ke shareer mein hi bhagwan nahin hai, aatma hai । baaki bhagwan param aatma paramatma nahin hai । baaki aatmaaen hain । aatmaaen jaisi tum bachchon ki vaisi unki, parantu nahin, unki mahima hai । vo jo param aatma maana paramatma hai, unki mahima alag hai । phir unse jo bhi kam sab aatmaaen hain, un sabki mahima alag hai । sabka part alag bajta hai । brahma ka alag, vishnu ka alag, shankar.ka alag - ye sabhi hue bhinna-bhinna actors । aise nahin ki naatak banaane vaale sabhi apna roop dharte hain । har ek ki aatma ko apna-apna part mila hua hai । 5000 varsha mein bhi jo baap kehte hain- main jo tumhaara param-aatma maana paramatma hoon iska bhi to naam zaroor chaahiye । 'shiv । mere ko bhi part mila hua hai । main bhi part anusaar ye service bajaata rehta hoon vo baith karke samjhaate hain । tumko yeh seekhna hai, kyonki sivaay tumhaare koi bhi manushya is samay mein nahin hai, jo rachta aur rachna ke aadi-madhya-ant ko jaante hai । isliye tumko abhi kahenge master knowledge, abhi full nahin bane ho । vo baba hai knowledgeful । vo sab kuchh achhi tarah se jaanta hai, jo baith karke samjhaata hai aur jo baap kehte hain mere mein knowledge hai, jo mujhe kehte hain knowledgeful so main jo bhi knowledge jaise tumko deta aata hoon jahaan jienge tahaan main deta aaoonga । jab yeh knowledge poori ho jaaegi, tum nambarvaar master knowledgeful ban jaaenge, tab yeh drama poora ho jaaega । ye samajhne ki baaten thahri na । ab sabki samajh aane ki buddhi apni niraali-niraali । koi bhi bachchon ko koi bhi samjhaane mein koi takleeph ho, koi point ko na samjhaay sake, to vo likh karke bhej bhi sakte hain ya aa karke koi bhi pahle braahamni se poochhni hai । agar vo bhi rispaanda na de sake to phir baap ke paas bhi aa sakte hai; kyonki baap to samjhaaega na; kyonki sabko samjhaana hai । abhi brahmaanda ko koi bhi nahin jaante hai । brahmaanda kiska naam hai, koi bhi vidvaan-aachaarya-sanyaasi nahin jaante hain । vo kah dete hain-braham । braham eeshvar hai । na braham eeshvar hai, na brahmaanda eeshvar hai । aise kahenge- brahmaanda ka maalik hai, jismen ham andon ka baap, jisko ham param-aatma kehte hain aur ham uske bachche usmein nivaas karte hain । braham-mahtatva mein ande nivaas karte hain; isliye unko kaha jaaega brahmaanda । is srishti ko brahmaanda nahin kaha jaaega । dekho, sabhi achhi tarah se note karo । is srishti ko srishti kahenge, kyonki srishti ka chakra phirta hai । to usmein sirf gyaan hai । yeh manushya chakra to phirta hi hai; partu aate kahaan se hain? yeh jo naam gaaya hua hai ki mool vatan sookshm vatan । mool vatan mein parampita paramatma, oonche te ooncha hua na । to vo kehte hain ki tum bhi to oonche te ooncha rahne vaale ho na । tum bhi sab vahaan ke rahne vaale ho, jahaan main rehta hoon jo ab aaya hoon tumko apna aur rachna ke aadi-madhya-ant ka knowledge dene । srishti ki behad ki history and geography samjhaane ke liye, jo koi shaastra mein hai nahin । jabki baap aakar kehte hain- hai nahin, tab to koi nahin jaante hain na । yaani kahaan se aave? agar aati ho to satayug se aana chaahiye; kyonki abhi kalhayug sangamayug poora hoga to satayug se aani chaahiye, parantu nahin, satayug mein koi nahin jaante hain, vo baap baith kar samjhaate hain । bilkul nahin jaante hain aur phir kaaran bataate hain- kyon nahin jaante hain? kyonki ye gyaan tumko milta hai । gyaan ka saagar baap aate hain tumhaari sadgati karke tumko raaj-bhaag dene । to tum praalabdha paay lete ho, varsa le lete ho aur vahaan bhogte ho । phir vahaan to gyaan ki darkaar hai nahin । agar phir unmein gyaan hota ya abhi ham 16 kala hai aur kal hi kahenge, dekho ham log kehte hain na- 'kal svarga aaega, abhi narka hai, to kal ham phir do kala kam ho jaaenge aur thode janma ke baad phir ham vaammaarga mein girenge to bichaare ka vo sukh ekdam chhin jaave । aur phir, gyaan hai sadgati ke liye । vahaan to hai hi sadgati, vahaan gyaan ki to koi baat hi nahin hai; kyonki yahaan hai durgati । to durgati ko sadgati banaane vaala to ek hi hai । sab durgati mein hi hain । vo baap hi baithkar samjhaate hain । nahin to, jo bhi ho unse jaakar poochho । vo tumko brahmaanda, sookshm vatan aur srishti ke aadi-madhya-ant ki history-jaagraaphi bataaven । bilkul kabhi nahin, koi aisa hai nahin jo kah sake ki haan; kyonki koi ved-granth-shaastra-upnishad, koi mein hai nahin । geeta mein bhi nahin hai । baap bolte hain na ki geeta mein nahin hai, kyonki main kahkar jaata hoon ki yeh gyaan praayahlop ho jaata hai । praayah ka arth bataate hain । devi-devtaaon ka chitra to zaroor rehna hai na । vo rah jaate hain । phir kuchh na kuchh unka shaastron mein varnan hona chaahiye na; kyonki vo ho gaya hai, unka kuchh to hona chaahiye na ki kaun the? jo rishi-muni the, inhon mein jiski achhi buddhi thi us samay mein, unhonne baith karke kuchh na kuchh banaaya hai । aise nahin hai ki raamaayan koi us samay banaaya hai । raamaayan kahne ke liye to vaalmeeki ne banaaya । vo chor tha । chori karne vaale se daaku dvaapar mein bhi nahin ho sakte hain; kyonki dvaapar phir bhi rajo hai । jab tamopradhaan manushya hote hai tab daaku aur chor hote hain । to likh dete hai daaku । to koi manushya ne baith karke ye sab gapode usmein lagaae hai, jaise baba ne kal samjhaaya na । yeh jaise baith karke ek novel banaay diya hai । inko nonsensa novel kaha jaaega aur yahaan to dekho raamaayan ki kitni mahima hai । baat mat poochho । raamaayan bahut sunenge । jab dashahra aata hai to sab jagah mein raamaayan hi raamaayan sunenge aur roenge- bas, seeta chali gai । bichaare bahut rote hain । naatak hota hai to bahut rote hain । jab harishchandra ka khel hota hai, usmein uska bachcha ja karke marta hai to bahut rote hain । hain sab dant-katha aur kuchh nahin hai । kab ye hoengi? aisi koi baat hi nahin hai । yeh shaastra ki baat hai nahin, ye sab baith karke novels banaaya hai, dher ke dher banaae hain । jabki baap kehte hain ki jisko bhagvat geeta kaha jaata hai, inse ooncha to koi shaastra hai nahin na । sarva shaastramai shiromni bhagvat geeta, yeh ho gai sabse badi-badi । achha, baap khud kehte hain ki is geeta mein bhi jo manushyon ne baith karke banaai hai, unmein main baith karke jo knowledge deta hoon vo hai hi nahin, kyonki unhonne pahle hi ekdam jhooth likh diya hai ki krishna bhagvaanuvaach aur so bhi bachcha aur bachchi, parantu jab vo bade hote hain, shaadi karke lakshmi naaraayan bante hain, unmein bhi yeh gyaan nahin hai । to phir yeh geeta kahaan se aai? to baap bolte hain agar koi mein rachta-rachna ka gyaan hota to maalik ho jaate; kyonki rachta aur rachna ke gyaan se tum maalik bante ho । isliye tum achhi tarah se dhindhora peeto shankh dhvani karo । is srishti bhar mein ek bhi manushya nahin jo rachta aur rachna ke aadi-madhya-ant ke history aur jograaphi ko jaanta ho । tumko aa karke baap samjhaate hain । unmein bhi sab koi aise thode hi baith karke samjhaati hain, jaise baap baith karke samjhaate hain ya daada ya mama ya ananya । nambarvaar hain na phir bhi! to follow to karna chaahiye na, inmen hoshiyaar to banna chaahiye na । baap roj aa karke samjhaate hain, phir dekho kabhi koi aate hain, kabhi koi nahin aate hain, koi notes lete hain, koi nahin lete hain । ye to phir aisi cheej hai na doosre ko samjhaane ki । jab is aadi-madhya-ant ki history-jaagraaphi samajh jaaenge to chakravarti raaja banenge । to yeh jaise ki ham baap se ye avinaashi gyaan-ratnon ka daan le, phir daan karte hain । isko kaha jaata hai avinaashi gyaan ratna ka mahaadaani, philenthrophista । is gyaan ka philenthrophista । isko sprichual knowledge bhi kehte hai, ek bhi nahin hai । aise koi mat samjhe ki saadhu-sant-sanyaasi koi gyaan-ratnon ka daan dete hain । nahin, vo pattharon ka daan dete hain, aur hi patthar maarte hain, laat maarte hain । isko satsang nahin kaha jaata hai, latsang kaha jaata hai । kyon? vahaan jaane se hi parampita paramatma se bemukh karna shuru ho jaata hai । pahle hi pahle se shuru ho jaate hain । sirf yahi kehna ki eeshvar sarvavyaapi, patte-patte mein hain । abhi dekho, patte-patte kahaan ka kahaan se nikla! drama hai na । baba kehte hain- yeh gaya na । yeh second hua na । yeh baat phir 5000 varsha ke baad phir ye aisa chalenge । patte bhi aise hi, harek cheej aise hi, dekho ismen kitni maheen buddhi chaahiye । bahut-bahut maheen buddhi chaahiye । is par vichaar-saagar-manthan karne ki bahut darkaar rahni hai । isko hi kaha jaata hai raat ko jaagna aur vichaar-saagar-manthan karna, maana kamaai । isliye baap kehte hain ki tum chup ho karke raho, tumko haath-pair na chalaana hai, shareer tumhaara bhale chale, usmein koi mana nahin, sirf buddhi se kaam lo ki barobar baap ko, rachta ko agar koi jaan jaae to uske rachna ke svarga ka maalik banna chaahiye zaroor । samjha na! yaani baap ko jaane aur baap ke property ko jaane to zaroor property ka maalik bane; parantu yahaan to aisa koi nahin hai jo kahenge । haan, kehte hai barobar ki manushya kahaan gaya? svargavaasi hua । kyonki bhagwan ne unko bulaaya । are, yeh to theek hai barobar, koi badi baat nahin hai । svargavaas aur yahaan vaikuntha, ye to baat theek hai; partu svarga to satayug mein hota hai na । abhi to nahin milenge na, ab to punarjanma । satayug mein punarjanma satayug mein, treta mein, kalhayug mein punarjanma yahaan । bhaarat ki baat bilkul theek hai ki barobar bhagwan ko jo yaad karte hain bhagwan unko vaikuntha mein le jaate hain, parantu vaikuntha to satayug mein sthaapan hota hai na । ab vaikuntha ke liye to baith karke raajayog seekhna pade । aise thode hi ja sakenge! to baap aa karke bachchon ko raajayog sikhaate hain aur baap bhi kya hai, koi badi baat nahin hai, bolte hain- jaise tum aatma, vaise main aatma । main paramdham mein rahne vaala, mujhe kehte hain param-aatma maana paramatma । sirf akshar milaakar alag kar diya, doosri koi baat iski hai nahin । usko angreji mein kaha bhi jaata hai 'supreme soul, 'parampita । paramdham mein rahne vaala pita । usko aatma kaha jaata hai । param-aatma, paramdham mein rahne vaali aatma, usko kaha jaata hai paramatma । param-aatma yaad karo to paramatma ho jaati hai na । phir inka bhi bhaktimaarga mein aur is samay mein jo part noondha hua hai us anusaar aata hai । aaega poora ekdam raat ko bilkul, aur to koi kiski vela na bhi le sake । yeh to aate hi hain, kisko pata bhi na pade । krishna ke liye bhi likhenge na- janmaashtami ke samay raat ko 12 baj karke kitne samay? tippane vaale log, janyati vaale log time bataaenge । inka time kahaan se aa sake aur phir pata bhi nahin padta hai ki barobar koi aata hai । ham log moonjhate- moonjhate bahut samay ke baad, koi aaya hai, vo nahin maaloom padta hai ki rachta aaya hai । vo rachna ka raaj samjhaaenge uske liye to nahin । rachta aay karke aur phat jismen pravesh karta hai, unko saakshaatkaar kara dete hain । arjun ke rath mein rathi । to aatma hui na । paramatma arjun ke shareer mein baitha aur unko saakshaatkaar karaaya ki vinaash bhi dekho aur apna raajya bhi dekho । achha, unse bhi koi samjha thode hi jaata hai । nahin, yeh khushi ka paara automatically chadh jaata hai ki brahmaanda ki baadshaahi milti hai । jhat saakshaatkaar ho jaate hain na । bas, baaki koi gyaan nahin । bhuttu mein bhuttu । jaise kisko saakshaatkaar hote hain na, bahuton ko hote hain, to aise hi vinaash । abhi vinaash to dekha, kab hoga, kya pata! vinaash dekha hai- bheeshan ladaai lagti hai. dhak se ladaai lagegi । first world vaar, to samjha shaayad yeh lagti hai, sab khatma ho jaaenge । bhai, aur kya karen! aise to baba ne nahin bataaya ki nahin, bahut time laga hua hai, yeh koi gyaan to diya hi nahin । to kaise samjhen! kyonki samajhna hai ant tak । to shuru mein to sab baaten nahin samjhaaenge na । baba kehte hain-main shuru mein to sab nahin samjhaaoonga । main to shuru se le karke jahaan jienge jahaan inka shareer hai, tahaan tak main gyaan bataata rahoonga, jab talak yeh bhi karmaateet avastha ko paave । abhi samajhte ho na । law aisa kehta hai- jab talak yeh bhi karmaateet avastha ko paave aur phir nambarvaar bachche bhi paas hon, tab phir yeh gyaan banda hota hai, isliye isko kaha jaata hai- jahaan jie tahaan hi yeh shiksha lete raho । abhi 'jahaan jiy tahaan peey kahaan ka arth lagta hai? kya ganga mein jaakar ke jal peekar aao? nahin, vo to jal hai na, unki to baat hi nahin । yeh is samay me bachchon ke liye hai ki jahaan tum jeeto raho, tahaan tum peete raho । lamba raasta hai na । suna hai na- hamaara jeevan ka lamba, yeh baap ke saath thoda lamba hai । jab talak yeh baap hai na, daada jaaega to baba bhi to pahle jaaenge na । to donon ikatthe jaate hain । to bolte hain- jahaan tak jio tahaan tak tumko ye sabhi baaten achhi tarah se samajhna hai aur samjhaana hai । abhi tum avinaashi gyaan ratno ka philainthropista yaani mahaadaani bante ho । double mahaadaani bante ho । ek to deh sahit sab kuchh bali chadhte ho, isko kaha jaata hai mahaadaani । yaani sab kuchh chadha de । bali chadhi eeshvar ke saath । yeh hua vinaashi dhan ka philaithropista । sanyaasi to aise nahin karte hain? nahin, vo to peechhe daan lete rehte hain । yeh kehte hain ki nahin, tum bachchon ko double daani banna hai । ek to tumhaara jo kuchh bhi hai, vo sab tum mere oopar bali chadhaao yaani phir unka trustee ban jaao; kyonki kya karega? koi aise thode hi hai, ham janak se, raaja se le karke, bali chadhkar, main unki raajaai sambhaaloonga kya? nahin । baap phir kehte hain- yaad rakho, tumko bali chadhna hai । jo tumne create kie hain vo bachche sambhaalne hain । jo rachna rachi hai unki tumko paalna karni hai । to phir yahaan dhan de karke paalna kaise karenge? nahin, phir kehte hain ki bachche, mat par chalte raho । phir kahaan bhi tumhaara jo dhan daan karte ho, vo phir koi paap ke kaam mein na aave । agar koi paap-aatma ko dhan denge to vo jo paap karenge vo phir tumhaare sir par chadhega; kyonki daan bhi jab diya jaata hai to kaayda hai ki paatra ko diya jaata hai । samjho, koi ko daan diya aur usse beedi piya, sharaab piya, gand kiya, vo kiya, vo paap daan dene vaale ke sir par aani hai । samjha na! abhi is samay koi bhi punya-aatma to hai nahin । achha samjho, braahamnon ko dete hain, vo bhi to paap karte rehte hain । ek-do ke oopar kaam-kataari chalta rehta hai, ulta gyaan sunaate rehte hain, jhoothi satya naaraayan ki katha, yeh kya sunaate hain braahman! sab jhoothi kathaaen । teejri ki kathaaen, satya naaraayan ki katha, ye sab jhooth karte hain na; kyonki jhoothi maaya, jhoothi kaaya, jhootha sab sansaar । to vo jhooth bolte rehte hain na । to vo bhi paap-aatma thahre na । paap-aatmaon ko daan to kiya nahin jaata hai । baap phir kehte hain- bachche, trustee ban jaao । baba ki mat par apna ghar sambhaalo । kaha tumhaari bhool na ho jaae, tumhaare tan-man-dhan se koi akartavya kaarya na ho jaae; isliye baap se raay poochh karke kaam karte raho । koi aise nahin kehte, makaan na banaao ya mahal na banaao ya aeroplane mein nahi chadho motor mein chadho । bahut bachche hain jo motor mein ghoomne-phirne jaate hain ya inke baapdaada ke paas motor hi nahin hain । rakhte hi nahin hain । yahaan balki baap phir kehte hain bachche, baadshaahi tumko deta hoon । isliye kyonki tum motor bhi denge to shivbaaba ko denge na । yahaan baba kehte hain- mujhe tumhaari motor-votar nahin chaahiye, yeh humein na do । tum bhale motor mein chadho aeroplane mein chadho sirf shreemat par chalo aur koi bhi baat nahin hai । apne dhan-daulat jo hai unse kya-kya karo, phir raay dete rehte ki tumhaare se koi bhi paap na ho; kyonki tum punyaatma bante ho । yeh hai paap-aatmaon ki duniya, unko kaha jaata hai punya-aatmaon ki duniya । aise koi lete nahin hai । haan, bachche ho aur tum logon ko hi baith karke centre jamaana hai aur ghar-ghar ko svarga banaana hai । aspataalen kholni hain, tum kholte jaao banaate jaao । dekho, aabu mein bhi bante hain kislie! yeh kislie bante jaate hain? bolte hain-vaah! jab bhi ye padegi, ye atyaachaar hoge, maar padegi, vo kahaan jaaenge? vo to bolenge, phir bhi mama-baba ke paas jaave; kyonki tumhaara yaadgaar bhi pahle hi se aabu mein bana hua hai । isse siddha hota hai ki tumne tapasya bhi vahaan ki hai । jahaan tapasya ki hai, tahaan pichhaadi me tumne rahvaas bhi kiya hai । yeh bhi tumhaare shaastra mein noondha hua hai ki jab ye paandav rahe the to bheelon ne aa karke loota tha । bhaagvat mein hai । isse siddha hota hai ki pichhaadi mein bhi vahaan rehna hai । to pichhaadi mein vahaan rahne ke liye bhi to makaan chaahiye । to makaan bhi tum bachchon ke liye hai । god father shiva se dear most bilvid children everything is for yu । srishti ki baadshaahi tumhaari to phir vo aur kya karenge! tumhaara connection to shivbaaba ke saath hai na । ham shivbaaba ke oopar bali chadhte hain । shivbaaba hamaare liye yahaan makaan to banvaana, karnakraavanhaar hai na । kabhi bhi aise mat samajhna daada se hamaara len-den ka connection hai, nahin । tumhaare daada ka bhi shivbaaba se len-den ka connection hai । vo kehte hain tumhaara bhi shivbaaba se connection hai । kabhi bhi tumne shivbaaba ke badle mein daada ko samajh liya to tumhaara daan bhi vyartha chala jaaega । yaani jo madad karte ho vo jaise ki vyartha hai । tumko kaarobaar hai hi shivbaaba se । khaata hi tumhaara shivbaaba se hai । vo raay denge ki haan, aise karo, aise karo; kyonki hai sab tum bachchon ke liye na । to usmein gareeb bhi aaenge । gareeb hain sabse achhe । vo mere ko aur hi pyaare hain । vo bhi to vahaan aaenge । to unke liye is samay yeh banaane chaahiye । pichhaadi mein bichaare aaenge, vivek kehta hai, drama kehta hai dekho aaenge । zaroor vahaan bahut rahe honge tab to vo kuchh loota hai na । achha, abhi bachchon ka time to hua hai । baba ne aaj achhi tarah samjhaaya tha; kyoki param-aatma, paramatma jisko kehte hain, vo koi bada-lamba nahin hai । paramatma ki aatma ka size ek hi hai । vo na chhota hota hai, na bada hota hai । aise nahi hai ki koi bada hai ya lakshmi naaraayan ki aatma koi badi thi ya is samay mein vo koi chhoti ho gai hai । nahin, aatma chhoti-badi vagairah nahin hoti, aatma ek hi hoti hai । unki gyaan ki jo jyot hai, knowledge hai, vo ujhaani hoti hai; kyonki drama hai । unko paavan se patit banna hi hai । ye raavan udne ka par kaat dete hai । kiska? aatma ka । phir koi ki bhi aatma vaapas nahin ja sakti hai । sabko aana hi hai aur sabko poora aana hai, tab vinaash hoga, uske pahle bhi vinaash nahin hoga । kyon? vahaan jo aatmaaen rehti hain, vo yeh ek dapha karmakshetra par aani to zaroor chaahiye na । baaki yahaan aati rehti hain । aise nahin samajhna chaahiye, baba aa gaya hai isliye vo nahin aati hain । are, vriddhi to hoti rehti hai na । vriddhi to aur hi jaasti hoti hai । multiplication bahut hoti hai na । agar multiplication ho to inka khaana khute kaise! ye to radiyaan maarte rehte hain- ham jitna aamadni ka, anna vagairah ka prabandha karte hain, unse jaasti praja utpanna ho jaati hai । ye bichaare karen kya! phir bhi to koi had hogi na, kahaan tak ye thahar sakenge । to baap kehte hain jab yeh drama poora ho jaaega । jab tum mere laadle bachche karmaateet avastha ko nambarvaar purushaartha anusaar praapta kar lete ho aur jab bhakti maarga ka poora ant hona hota hai, jab mere gyaan ka bhi poora ant hota hai, tab phir ye vinaash haata hai । jab talak hai, shivbaaba padhaate hain, tab tak yeh srishti hai hi aur baaki vinaash hone se to dekh lenge । achha toli to do bachchon ko । sanyaasi-udaasi ko tum yeh tape ja karke suna sakte ho ki vahaan aisi vaani chali । phir bhale inko gaali deve kyonki samjhega to kuchh nahin । bolenge- yeh kahaan se aaya? yeh sabhi inka hi taal hai, phalaana hai- aise-aise karke udaay denge; kyonki kuchh bhaagya mein to hai nahin । baaki baba koi darte nahin hain । koi bhi sune । koi bhi tumhaara guru-gosaaeen ho, jiske saath tum bachchon ki kiski dil ho, bole- bhala ek baar hamko to baithkar ye sunaao । tape bhi le jaao, parantu jaana chaahiye, koi sayaana samjhenge to unko samjhaave । baba ki mana nahin hai; kyonki yeh to jaati hai na । vo patna mein kile mein jaati hai, vahaan bade-bade sanyaasi aate hain, vo nikaal karke baith karke bajaate hain । unko samjhaate hain ki baba ne aaj vahaan yeh murli chalaai । kisne chalaai? shivbaaba ne । naam baba ka yaani shiv ka kaam hai na ki aise na koi samjhe ki brahma ka । shiv ka naam prabhu ke smaran । kaun-sa prabhu? shiv ka । bhai, yeh shivbaaba ne murli bajaai । to phir bhale koi shivbaaba se poochhe । unko phir poochhne ko aana pade na- yeh kaise? vo to phat se hi bataaega । baap to hai na, ek baap hoga na । sabhi patthar-patte-patte ko kah dena bhagwan- ye kahaan ki baat! to yeh bhi aaenge । yeh gyaan jab paripakva avastha mein ho jaaegi, jab tumhaari taakat hogi na, tab yeh bheeshmapitaamah, dron, ye sab naam unhonne rakh diya hai, koi vo naam nahin honge । aise mat samajhna bheeshmapitaamah jab talak nahin honge, naam nahin bataaega, ham gyaan nahin denge । aise nahin karna koi । yeh to unhonne naam rakh diya । sanyaasi, raajaaen-rajvaade jo-jo hamaare gharaane ke honge, vo sab tumhaare paas aaenge, poochhenge aur uthaaenge । koi to sun karke aise hi chale jaaenge; kyoki chale jaana hai, kyonki vo svarga ka pad paana nahin hai । baaki hai sabhi dharmo ke liye, sirf tumhaare bhaarat ke liye nahin । vo to sabka baap hai । vo bolta hai- jo-jo mujhe yaad karenge aur drama anusaar yaad bhi vo hi karenge, jo mukti ko paane vaale honge aur gyaan ko yaad vo hi karenge, jo jeevanmukti ko paane vaale honge aur jo na karne vaale hain, vo hisaab-kitaab chuktu karke phir vaapas jaaenge । holi, holika, bhambhor ko aag lagni hai । yaani vo bhi to chhota hai na । holi ke din sabke ghar-ghar mein aag jagti to hai na । phir samajhte hain; parantu arth koi nahi jaante । koi se poochhega bhi, holika ka bhi koi kitaab hoga, usmein kya-kya likha hua hoga । baaki yeh baat nahin hogi, jo baap baithkar samjhaate hain ki saare bhambhor ko aag lagni hai । abhi aag saare bhambhor ko to, sirf aag nahin lagti hai na । earthquake se, calamities se, moosaldhaar barsaat se । moosal kisko kaha jaata hai? ye aitmik bombsa । unki bhi barsaat aur vo barsaat bhi । moosal akshar vahaan se nikla hai na, pet se moosal nikle । vo paani to nahin hua na । vo moosal aur phir floods, jalmai jisko kaha jaata hai, vo to paani se hogi na । baba aise kehte hain- dekho, yeh bhi sunte hain aur sab tumhaari mama bhi sunegi; kyonki samjhaate hain unke paas । kalpa pahle bhi aise hi drama anusaar yahaan aae hue hain । yeh bhi drama mein part tha, tab is ghar mein aa karke baithe hain । nahin to pahle maaloom tha kya? aae, yeh drama mein raaj tha ki is ghar mein aa karke yeh hospital । badi hospital hai । koi virla samjhe । aise mat samjho, jinki hospital hai vo koi nishchay buddhi ho ja sakta hai । nahin, nishchay buddhi nahin ho sakte hain । nishchay buddhi ho jaae to aho saubhaagya! nishchaybuddhi vaale ka paara padhri ho jaata hai । abhi baap-daada, meethi mama ka meethe-meethe sikeeldhe bachchon ko yaadapyaar aur good morning । sikeeldhe ka arth kitna sahaj hai samajhne ka । vo hi milenge jo kalpa pahle svarga mein the, pahle aae hue the aur jinko padhaaya tha । jo bhasma hue pade the, unke oopar phir ja karke gyaan-amrit ki barsaat ki । gaaya bhi jaata hai- saagar । tum saagar ke bachche ho na । abhi gyaan-saagar ke direct bachche ho na । barobar ham gyaan saagar ke jo is samay mein bachche hain, to barobar ham gore bante hain, raajaai karte hain । abhi gyaan saagar ke gyaan-chita par baithe hain aur barobar raaj-bhaag lenge, gore ban jaaenge । peechhe gyaan saagar ke bachche drama anusaar dvaapar se phir kaam-chita par baith jaaenge । phir is muaaphik jal marenge । kabristaani ban jaaenge । phir yeh drama ke anusaar baba aaega । ye samjhe na bachche , kisko samjhaane ki kabhi bhi koi moonjh hove, na samjhe to baba se poochh sakte ho ki ham hi gyaan saagar ke bachche, ham hi kabradaakhil hain, jo phir hamko paristaani banaate hain, phir aadha kalpa paristaani to aadha kalpa phir maaya aa karke kabristaani banaati hai । paristaan ka bhi samjhaaya ki kaise ham neeche utarte hain । kabristaan bhi kaise bante hain । phir paristaani kaise bante hain ।