गुरुवार 27 अगस्त 1964 की साकार मुरली - 1

> >

27-08-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj guroovaar agasta ki sattaaees taareekh hai, praatah class mein baapdaada ki murli sunte hain।

record :-

tu pyaar ka saagar hain…

om shanti। shivbaaba baith karke apne sikeeldhe bachchon ko samjhaate hain । kis par samjhaate hain? ki geeta ka bhagwan kaun hai; kyonki bhaarat mein jo kuchh bhi agyaan hai, isko kaha hi jaata hai- ghor andhera agyaan andhera । agyaan andhera to hai phir sojhra chaahiye gyaan ka । parampita paramatma ko hi manushya maante hain ki gyaan ka saagar hai । kisko maante hain? jab mahima ki jaae to angreji mein isko knowledgeful kaha jaata hai aur hindi mein gyaan ka saagar । baat to ek hi hai na । to abhi gyaan ka saagar hai । unse hamko kya milta hai? thoda-sa lota milta hai, aise kahenge na । kitna lota milta hai? vo jo nadiyon ka paani hota hai usmein to bhar-bhar kar bahut snaan karte hain । vaastav mein gyaan ke saagar se tum bachchon ko kya milta hai? vaastav mein ek second ek boond hai । dekho, boond milne se, kaun-si boond baap aa karke bachchon ko samjhaate hain । baap ne kaha ki tumko samjhaate hain main gyaan saagar hoon । tumko boond deta hoon ek sirf kah deta hoon ki bachche, ab bachchon ka baap hoon aur mujhe yaad karo । to ham lautkar kahaan jaate hain? apne dhaam mein । shantidham mein kaho aur sukhdhaam mein kaho । yoon vaastav mein hai to ek second ki baat । hai gyaan ka saagar । ek second mein jeevan mukti mein bhej dete hain athva vaikuntha bhej dete hain । so to dekhte ho ki ghar baithe-baithe vahaan se drishti dete hain । manushya yahaan baithe ek,do ko saamne drishti dete hain na । baba vahaan baithe bhi bachchon ko drishti dete hain । bahut hain jo ghar mein baithe-baithe dhyaan mein jaate hain, vaikuntha mein jaate hain aur dance karte hain । to baap kehte hain ki dekho, yeh jo gaaya hua hai na- ek lota, ek boond dene se ham yahaan se chale jaate hain । kahaan chale jaate hain? kyonki ye to bachchon ko samjhaaya hai na jab bhi koi dhyaan mein jaata hai to via mukti ya shantidham nahin jaata hai..yahaan baithe-baithe vaikuntha dekh lete hain । barobar gyaan ka saagar hai na । abhi mahima to unki hai । abhi baap baith karke samjhaate hain ki geeta ka bhagwan kaun? ye to..hai ki vo gyaan ka saagar hai aur ye niraakaar hai । vo gaate hain shreekrishna ke liye । abhi prashn uthta hai tumko bachchon ko samjhaana hai ki shreekrishna ne gyaan kab sunaaya? kyonki pahle pahle to vo kehte hain ki shreekrishna ne maata ke garbha se janma liya. kansapuri thi । kans ko aavaaj hua ki ye tumko maarne vaala hai । kisko? sirf kans । nahin, asur to sabhi ho jaate hain- kans, jaraasandhi vagairah- vagairah, jo paap aatmaaen hain un paap aatmaon ka vinaash karne ke liye unka janma dikhlaate hain । ye to zaroor hai hi kans jaraasandhi pootna akaasur bakaasur jo bhi naam hain sabhi, kyonki daitya to sabhi ek taraph ek jagah mein hote hain na । ek hi samay mein baith karke samjhaaya jaata hai । abhi shreekrishna ne agar janma bhi liya to chhota tha । gyaan kab diya? kyonki vo to yuddha ke maidaan mein bada dikhlaate hain । chhota to nahin dikhlaate hain । vaise hi shreekrishna jayanti ke baad phir geeta jayanti dikhlaate hain । kuchh samay laga dete hain । jab bada ho, zaroor javaan ho jaae । dikhlaate bhi aise hi hain, yuddha ke maidaan mein bachcha nahin dikhlaate hain । yuddha ke maidaan mein arjun ki gaadi haankate rehte hain to us samay bada hua na । chhote se to nahin hoga । jab ye bada hua hai, phir tab kehte hain to alag rakhte hain । chhota zaroor tha aur janma liya hai, kuchh bada hua hai uske liye ye dikhlaate hain । vo bhi dikhlaate hain ki janma liya hai barobar aur time bhi lagaate hain । yahaan tum bachche dekhte ho ki shivbaaba ki jo abhi saadhaaran tan mein padhraamni hui hai, to koi ko pata nahin hai । bachcha to bana hi nahin hai । vaastav mein agar kahen ki vaanaprastha avastha mein pravesh kiya hai yaani buddha । pharka hai na । phir kab aaya hai, kisko pata nahin hai । unki to tithi-taareekh hai badi achhi tarah se । jaise raamchandra ki raamnavmi kehte hain, jo peechhe aaya hua hai । usko bhi to nahin samjha sake । usko bhi bhagwan nahin samjha jaae । vo bhi garbha se paida hua । phir dekho geeta ke liye bada ho gaya hai aur yahaan shivbaaba aaya, aane se hi gyaan dena shuru kar diya । vo to gyaan saagar hai hi । unko chhota to nahin hona hai na, jo phir bada ho karke gyaan sunaave । abhi hai to manushya, manushya ko zaroor koi gyaan deve । unko gyaan saagar bhi nahin kaha jaave; kyonki vaastav mein raadhe-krishna ka janma hi vaikuntha mein dikhlaaenge । vahaan to vo raajayog sikhla hi na sake । law hi nahin kehta hai ki raajayog sikhlaae kyonki hai hi khud raaja । yahaan to patit ko paavan banaana hai ya raaja banaana hai । tum patit ho, barobar patit-paavan aate hain aur tumko baith karke raajayog sikhlaate hain । inka koi samay nahin hai ki kab aaya? bolte hain, raatri । tum bachchon ko bataaya ki unki raatri ka arth aur inki raatri ka arth, raat-din ka pharka hai । ye to aae hi hain sangam ki raatri arthaat ghor-andhiyaare ki raatri mein; kyonki jab brahma ka din poora hota hai, phir raatri shuru hoti hai । phir jab raatri aadha kalpa chal karke poori hoti hai tab brahma ka din hona hota hai । ab ye gaate bhi hain barobar ki ye jo behad ki raatri hui, isko agyaan andheri kaha jaata hai । vo sojhra vo andhera । andhera aur sojhra raat ko nahin kahenge । vo to krishna ka janma raat ko na 2 baje ke baad manaate hain । par ye to hui had ki raat aur ye hai behad ki raat, jismen baap kehte hain ki main aata hoon । main aata hoon to tithi-taareekh to kabhi rehti hi nahin hai । isliye shiv jayanti ki koi bhi tithi-taareekh nahin hai । peechhe jo satayug ka krishna hai unki tithi-taareekh hai । raam ki tithi-taareekh treta ki । mukhya do hain na । peechhe to dynasty chali hai । jab krishna ashtami aaegi to unko samjhaana chaahiye ki ye to bachcha hai aur raat ko din karne vaala to aaya hi nahin hai । ye to brahma ki gaai jaati hai । to brahma ka din hi shreekrishna hai aur brahma ki raat hi brahma hai, kyonki brahma so phir shreekrishna bante hain na । gaate bhi hain brahma ki raat । krishna ki raat koi nahin kahega, kyonki unko to abhi bhi kahenge- krishna to haajra hajoor hai । krishna to bhagwan tha । dekho, tum kehte ho ki vo janma-maran mein aate hain, 84 janma mein, to unko kitna gussa lagta hai । to ye samjhaana padta hai na bachchon ko, kyonki abhi krishna-janma ashtami aati hai । achha, koi geeta ki to gaaenge nahin । tumhaari to hai hi shiv jayanti । shiv jayanti kaho ya shiv raatri kaho । jayanti bhi kehna theek hai । kab? koi poochhe to bolo- jayanti ya raatri to manaate hain barobar । achha, to manushyon ko yeh samjhaana zaroor hota hai ki shiv aaya । vo to aa karke saadhaaran tan mein baith karke gyaan sunaate hain । tum dekhte ho ki barobar shivbaaba saadhaaran tan mein aaya hua hai । krishna to yahaan ek- do ko koi kehte nahin hain । samjhaaya jaata hai ki haan, bhavishya mein krishna bhi aaega । baba ne samjhaaya aath peedhi bhale prince oph...hoga । chhotepan mein to unko mohan hi kehte hain । mohan kahen ya krishna kahen, ye to ek hi baat hai, prince । jaise prince all Wales kahenge । jo pahli-pahli gaddi hogi indraprastha to aise kahenge na - prince oph indraprastha, jo phir king hote hain । phir jo unka bachcha hoga prince oph indraprastha phir vo king hoga । aise kahenge na, king to nahin hota hai; par mahaaraaja hi gaaya jaata hai; kyonki shri lakshmi aur naaraayan ko shri mahaaraani aur mahaaraaja kaha jaata hai । king akshar to angreji... ka hai । vo baadshaah kehte hain aur yahaan vaastav mein asal naam hai hi shri lakshmi mahaaraani, shri naaraayan mahaaraaja । to abhi aise to nahin kahenge ki shri naaraayan ne koi gyaan diya tha. kyonki krishna svayanvar ke baad bada banta hai, to naaraayan kaha jaata hai । abhi naaraayan to vo ek hi hua । vo bachcha hai, vo bada hai । abhi inka, gyaan saagar ka naam to badalta hi nahin hai । to unko samjhaana hai ki aane se hi gyaan dena shuru kar diya; kyonki rath to bada hai na । shuru se hi, jabse aae hue hain, vo bhale dhandhe mein the tabhi thoda bahut gyaan dena shuru kar diya thaah kyonki kiske bhi saamne baithta tha to prabhaav dikhlaate the । dhyaan mein chale jaate the । arth to kuchh samajh nahin sakte the । ye samajh mein aata hai ki barobar inmen koi aaya hua hai । jo ye sabko.. dete hain aur ye knowledge de raha hai; kyonki ye knowledge samjhaai zaroor thi, parantu samajh mein nahin aati thi । jaise bachche hote hain to unko kaho- likho, to ye likhkar aate bhi the । to baba anubhav sunaate hain ki jab ye banaaras mein gae to divaalon par baith karke aise gole nikaalte the । pencil le karke unki saari divaalen kharaab kar dete the । samajh mein ye nahin aata tha । udta tha beshak । bhale saakshaatkaar mein jaata tha; par samajh mein thode hi aata tha ki kya hai, kyonki baby ban gae na jaise ki aur naya janma liya na; jaise ye bachche bhi kehte hain- main aath din ka hoon 15 ka hoon 1 maheene ka hoon ya 6 ka hoon । to baba kehte hain- ham bhi to bachcha bana na । to sikhlaaya to lage na । to pahle itna samajh mein nahin aata tha । pahle itna gyaan nahin raha, kya samjhaate, phir ham kya repeat karte the kuchh pata hi nahin padta tha । agdam-bagdam sab chala jaata tha, shuru se hi । ab to bade ho gae hain । dekho, kitna baras hua seekhte-seekhte । to abhi achhi tarah se baap ki jo bhaasha hai, inko samajh mein aati hai kyonki pahle to ye bana na । to abhi baap baith karke samjhaate hain ki abhi ye nahin bataana hai, jo bachchon ko bataata hoon parantu nahin, bachchon ko geeta par aur krishna ke janma par samjhaana hai । chitra to hain hi barobar, dekho ye jhaad mein brahma ka photo bhi hai । usne ye haath kiya hai । unko makkhan milta hai । kaahe ka makkhan hai? barobar vishwa ke maalikapne ka makkhan hai । to krishna aaya hi hai satayugi praalabdha le karke, aise kahenge; kyonki satayug ka pahla prince hai । to vo aaya hi hua hai apni praalabdha le karke । to aise nahin kahenge usne baith karke auron ki praalabdha banaai hai । nahin, krishna ke saath krishna ki saari raajdhaani hai; kyonki prince vaale ki to raajdhaani hoti hai na । vahaan baap ki raajdhaani hoti hai, usne janma liya hai । zaroor kahenge ye praalabdha le aae hain । zaroor koi ne iski praalabdha banaai hai, kyonki vishwa ka jo pahla-pahla prince hai, zaroor unke peechhe prince bhi to banenge na । aise to nahin ki nahin banenge । us raajaai ke prince banenge । sooryavanshi raajaai chalaana hai to zaroor inki jo praalka hai, jo kalhayug mein bilkul nahin thi, ye in sooryavanshiyon ki praalabdha kaun banaaega? gaaya jaata hai na- gyaansoorya pragta agyaan andher vinaash । abhi dekho, gyaan saagar kahenge na phir bhi । jab vo shiv aaya hai hua to usne baith karke svarga ki sthaapna ki । svarga ki sthaapna abhi kar rahe hain, so to tum jaante ho । vo to tumko baith karke contrast samjhaana hai ki geeta krishna kaise ga sakte hain? jabki bachcha hai, garbha mein aaya hai, kans ka raajya hai । barobar asur hain zaroor । ye zaroor maanenge ki aise kehte hain ki asur the; parantu vahaan asur to ho nahin sakte hain na । satayug mein asur to ho nahin sake na । asuron aur devtaaon ki ladaai dikhlaate hain to zaroor devtaaon ne jeet pahni । to zaroor asur pichhaadi mein honge na । kalhayug ke ant mein honge । to satayug ke aadi mein hain devta; kyonki gaaya bhi jaata hai asuron aur devtaaon ki ladaai । ye to bachchon ko samjhaaya gaya hai ladaai to koi lagi nahin hai । mahaabhaarat ki ladaai lagi hai zaroor ; parantu koi bhi asur aur devtaaon ki nahin । devtaaen to yahaan ho bhi nahin sakte hain । to isliye asuron ki asuron mein ladaai dikhaai hai । yaani asur ye yavan hain, musalmaan ka raajya abhi tum dekhte ho barobar । dekho bombsa bhi hai, yaadav bhi hai, yavan me hai, paandav bhi hai । to paandavon ka kartavya hai non vaailensa । yogbal se । to ladaai kaise ho? rakta ki nadi yahaan kaise bahe? agar angrej log hote to aisi rakta ki nadi nahin bah sakti । rakta ki nadi bahti hi hai tab jabki dekho, ye transfer ho gaya hai । barobar samay hi aisa ban gaya hai, jinke saath dushmani hai aur dekho, dushmani to hai...। rakta ki nadi bahi thi, achhi hi bahi thi । jab partition hua hai na tab bahut hi hui hai । to vo jo kehte hain na bhaai-bhaaiyon ki yuddha hui । to ye bhaai-bhaai to hai na । dekho, aadha vo hain, aadha ye hain aapas mein । yoon to bhaai-bhaai to sabko kehte hain । cheeni-hindu bhaai-bhaai । abhi cheeni-hindu bhaai-bhaai kehte to hain lekin vo to door desh hain । bhaai-bhaai to ye baithe hain na । ek hi gov mein । dekho, bhaai-bhaai ek hi gaanv mein tha jo partition hui hai aur phir bhi baithe to hain na barobar । bahut musalmaan hain । karodo ke andaaj mein yahaan musalmaan hain । vaise vahaan bhi to bahut hindu hain । to dekho, ladaai to inki lagti hai na barobar । vo yuddha ki to baat hi nahin । rakta ki nadi kaise bahe? vo jo ladaai dikhlaai hai na, us ladaai mein rakta ki nadi nahin bahti hai । rakta ki nadi kehte hain, jab ek-do ko khoon karte hain, chhuri maarte hain ya talvaar maarte hain । so aajkal ye to samajhte ho ki talvaaren aur chhuriyaan to bahut hi rehti hain । jab partition hua to talvaaron aur chhuriyon ne hi bahut kaam kiya । to zaroor ye sangam ka samay hai । krishna ko sangam mein to dikhlaaenge hi nahin kabhi bhi । krishna ko satayug mein hi dikhlaaenge kyonki rakta ki nadi ke baad phir ghi ki nadi aati hai । kalhayug ke baad satayug aata hai । krishna ki to baat hi nyaari ho jaati hai bilkul । ek to bachcha aur phir unki baith karke jaise ki glaani ki hai । ye daraana-phalaana karna । unki to baat hi aur kah dete hain । unko to tu gyaan ka saagar hai, vo to kah bhi nahin sakega bilkul hi । unki yeh mahima hai hi nahin । dekho sarvagun sampanna, 16 kala sampoorn, sampoorn nirvikaari, ahinsa parmodharma, maryaada purushottam- ye kiski mahima hai? bachche ki mahima nahin ki jaati hai । mahima hamesha raaja-raani ki ki jaati hai । to barobar shri lakshmi aur naaraayan ke liye hi ye mahima kahenge । to ye jo lakshmi aur naaraayan ko le gae hain satayug mein aur krishna ko le aae hain ekdam dvaapar mein । to dekho, kitni bade te badi bhool ho gai hai ki krishna ka janma, raadhe ka janma svayanvar ke baad satayug mein hai, nahin to lakshmi aur naaraayan ki chhotepan ki koi kahaani bataao? satayug vaale ki to kahaani zaroor chaahiye na । seeta aur raam ki bhi kuchh na kuchh kahaani bataate hain । krishna ki bhi ulti-sulti kahaani bataate hain । donon ki ulti-sulti kahaani । bhala koi to sulti kahaani sunaao, jinhonne duhkh na dekha ho? to vo .... hain satayug mein shri lakshmi aur naaraayan । unki koi bhi glaani nahin hai । unki to mahima hi ye gaate hain- sarvagun sampanna । mandir mein jaaenge to donon ki ja karke ye mahima kahenge- sarvagun sampanna, solah kala sampoorn, sampoorn nirvikaari, ahinsa parmo devi-devta dharma, aise kahenge । ahinsa parmodharma barobar kahenge hi; kyonki hai hi satayug ka sooryavanshi raajya । to dekho, satayug ki mahima chaahiye na barobar । to satayug mein in lakshmi-naaraayan ko raajya kisne diya? nahin to krishna aur raadhe ka naam sun karke manushya moonjh jaate hain । ya to krishna-raadhe kaha to tum log chale jaate hain dvaapar mein । shri lakshmi-naaraayan kahne se tum chale jaate ho satayug mein । barobar ye hai bhi nar se naaraayan banne ki katha । ye aise nahin kehte hain ki nar se krishna banne ki katha hai । ye hai satya naaraayan ki katha । satya krishna ki katha nahin kahenge । satya naaraayan ki katha । abhi satya, jo sachcha baba hai, jo gyaan ka saagar hai, vo ye katha sunaate hain । kaun-si katha? ye saare is srishti ke aadi, madhya, ant ki katha । usmein shri lakshmi-naaraayan ki katha bhi aa jaati hai । unki kaun-si katha? unke 84 janma ki katha । raadhe-krishna ki, hai vaastav mein unki; parantu nahin, ye hai satya naaraayan ki katha । to satya naaraayan ki katha mein kya hoga? beda paar hoga । barobar abhi sachcha baap baith karke bachchon ko nar se naaraayan banne ki katha sunaate hain; kyonki raajayog hai । unmein phir samjha jaata hai ki shri lakshmi aur naaraayan jo raajayog seekhkar nar se naaraayan bante hain । to naaraayan bada dekhne mein aata hai na । ........ab inki katha, svayanvar jo hua, pahle kaun the? kya unka naam lakshmi aur naaraayan tha? ya koi doosra naam tha? to dikhlaate hain barobar raadhe aur krishna inki aapas mein sagaai hui । unke mahal mein raadhe aai aur vo bhi aae, apne mahal mein mile aur unki sagaai hui । svayanvar ke baad unka lakshmi-naaraayan naam rakha । to baba esse dete hain na । to unmein se achhi tarah se samjhaakar phir vichaar-saagar-manthan karna chaahiye । abhi vichaar-saagar-manthan karne vaale hain nambarvaar bachche । sabka ek jaisa vichaar-saagar-manthan nahin chal sakta, ek jaisi vaani nahin chala saken, ek jaisi murli nahin bajaay saken । to phir ye kyon baba kehte hain ki aaj to koi krishna janma ashtami nahin hai na । baba samjhaaenge to phir jhat unke paas jaaenge । phir yo baith karke ye baaten samjhaaenge ki bhai, yahaan pahli-pahli jo bhool hui hai. ...ye mahaabhaari mahaabhaarat ladaai jo lagi thi, so to jaante ho ki abhi kalhayug hai । dvaapar to hai nahin na । dekhte ho ki yaadav kaurav paandav abhi sab kalhayug ke samay mein hain । isko koi dvaapar nahin kahenge । to zaroor jab ladaai lagi hai to kalhayug ke baad zaroor satayug aaega; kyonki yeh to baap bolte hain ki main aaya hoon tumko liberate kar, guide ban kar yaani maaya raavan ke chambe se chhudaakar vaapas le jaane ke liye । to vaapas jaaegi aatma । ye to paramatma kahenge na, gaaya bhi jaata hai- aatmaaen paramatma alag rahe bahukaal । to zaroor vo aatmaon ke liye kaha jaata hai, aise nahin kehte hain krishna alag rahe । nahin, ye to mahima hi unki hai ki aatmaaen aur parampita paramatma alag rahe bahukaal । phir dekho, gaaya bhi jaata hai ki sundar mela kar diya jab vo sadguru mila dalaal । yahaan to satguru koi dalaal to nahin bante hain na । guru hi baith kar gyaan dete hain । ye kyon gaaya jaata hai, jab satguru mile dalaal? yaani sat jo parampita paramatma dalaal ke roop mein । to dekho, ismen aakar nivaas kiya hai na barobar । in dvaara । sauda kaise hota hai? dalaal dvaara । tumne suna hai bachchi, tumhaari sagaai kaun karaate hain? ye braahamni dalaal... hoti hai, dalaal bhi hote hain । raajaaon mein hamesha sagaai karne vaale dalaal hote hain, mel hote hain । unka naam hi bhaat rakha jaata hai । jodhpur ke taraph mein unko bhaat kaha jaata hai । vo.. .naariyal vagairah le karke jaakar sagaai karte hain । to dekho, yeh bhi to sagaai hoti hai na, jab satguru mile dalaal ke roop mein । kyon? ye aatmaaen aur paramatma alag । to kaise? vo to niraakaar hai na । phir unko aakaar kahaan se aave? to dekho, vo aa karke ismen pravesh karke tumhaari sagaai karaate hain । dalaal khud hi bante hain । iske roop mein baith karke phir bolte hain maam arthaat mujhe yaad karo na । mujh apne parampita paramatma ko yaad karo na । dalaal ke is shareer mein baith karke bolta hai- maamekam yaad karo । ye kisne kaha maamekam? main sabko liberate kar saath mein le jaaoonga ye kaun kah sakta hai? samjha । ab phir main le jaaoonga tumko raajaai de karke aur main phir nirvaandhaam mein baith jaaoonga । krishna thode hi aise kahenge । vo to shaadi karke raajaai kiya hai । ye to hain hi aatmaaen aur paramatma । krishna bhi to aatma hai na; kyonki unka shareer hai chhota, jo phir bada hota hai । samjhaane ke samay mein bahut hoti hain na, so bhi ye baaten samjhaane mein kitna time lagta hai । beech mein bhi kitni doosri baaten hain na, unko kat kar dena, jo baba ne baith karke samjhaaya ki kaise mere mein pravesh kiya aur main kaise pravesh jaise ki kuchh na samajhta tha; par tha, kyonki saakshaatkaar karne se maaloom pada, oh । main to koi baadshaahon ka baadshaah banta hoon ekdam । mere ko jaise ki knowledge aai । saakshaatkaar to bahuton ko hote hain । lakshmi-naaraayan ka bhi hota hai ... parantu ye thode hi samajh sakte hain ki...... saakshaatkaar hua, dil khush hui । achha, pahle jab saakshaatkaar, phir khushi । saakshaatkaar hua! barobar vishnu ka to saakshaatkaar hua! ye destruction bhala kya hua? to pahle samajh mein nahin aaega na । phir ek- do saakshaatkaar bhi karaay diya- phir pagdi vaala ho, phalaana ho । to vo bhi saakshaatkaar hua, vaastav mein tum nar se naaraayan banenge; parantu samajh mein thode hi aaya hoga । us samay mein itni samajh nahin thi । bilkul nahin । jaise raat ko baba kehte the na, mujhe khud pata nahin padta hai । pata nahin kya hota hai, bhoolta kyon hoon aisa to nahin hai ki baap jab pravesh karte hain tab main samajhta hoon aur jab bol bolte hain aise to feel hota hai jaise ki behad ka baap in dvaara ye samjha rahe hain, parantu main unka bachcha hoon to ye yaad ghadi-ghadi karo । ghadi-ghadi nahin ho jaati hai । to kya baap jab aate hain, tab yaad padti hai? jab yaad karta hoon ekdam kada ho karke, kya hota hai phir । chala jaata hai to main bhool jaata hu! kya hota hai! ya main khud hi mool jaata hoon । ye dekho, chalti hai na bahut । ye bhi vichaar ki baat ho jaati hai- kyon bhool jaata hoon? ya mere yaad se hi aata hai, aise kahen । to barobar mere yaad se aate hain, main inko khada karoon । main ghadi-ghadi yaad karta rahoon to mere paas bhale aave । to mera bhi to kalyaan ho jaaega na । yaad se hi to bachchon ka kalyaan hona hai । to yaad hi prinsipal(mukhya) ho jaati hai । to yaad hi karna hai । aave kabhi bhi, na aave kuchh bhi na ho; parantu baap ko yaad zaroor karna hai । abhi ye to hua bachchon ke liye direction parantu baba ne pahle hi samjha diya ki krishna jayanti janmaashtami aur peechhe hoti hai geeta jayanti । pahle bhala geeta jayanti, peechhe krishna jayanti ho to bhi kahen- haan, geeta jayanti ke baad krishna nikla hai । agar kahen ki krishna jayanti, peechhe geeta jayanti to phir aise ho jaata hai jaise ki krishna aa karke geeta sunaate hain । ye to tumko maaloom hoga ki geeta jayanti kab hoti hai, aage hoti ya peechhe hoti hai? peechhe hoti hai । isse siddha hota hai ki vo samajhte hain ki barobar krishna ne geeta sunaai । agar vo samjhe ki shiv jayanti, peechhe krishna jayanti to krishna peechhe aa jaata hai । pahle shiv jayanti hoti hai, peechhe bahut samay ke baad krishna jayanti hoti hai । to shiv jayanti aur phir geeta jayanti । geeta jayanti, phir krishna jayanti- ye hai right, kyonki shiv jayanti to uske saath hi; kyonki bada hai । phat se aaya aur geeta shlok shuru kiya hai, aise kahenge na; kyonki bada hai na । vo chhota thode hi hai jisko bada hone ka hai । to in baaton ke oopar bachchon ko achhi tarah se vichaar-saagar-manthan karna chaahiye ki kaise ham unko samjhaave, jo abhi bhaashan karne vaali hai ki pahle ye khyaal karo ki shiv kisko kehte hain, jinki raatri manaai jaati hai; kyonki mukhya prinsipal yeh hai; kyonki satayug hai shreekrishna ki raajdhaani । barobar nar se naaraayan banaane ki knowledge to zaroor father hi denge, aur to koi de bhi nahin sakte hain, kyonki vo knowledgeful hai । aur to kisko bhi knowledgeful kaha hi nahin jaata hai । naaraayan ko bhi knowledgeful nahin kaha jaata hai । jabki sooryavanshi ke bade ko knowledgeful nahin kaha jaata hai, trikaaldarshi nahin hai to phir raamchandra bhi nahin to dvaapar vaale ka bhi nahin, kyonki zaroor ek hi chaahiye । ye to samjhaaya gaya hai ki satayug mein shri lakshmi naaraayan ko to ye knowledge bilkul hi ho nahin sakti hai; kyonki knowledgeful god father to unko kaha jaata hai । vo to raajya karte hain । unko to 84 janma lena hi hai । agar shiv ka jab chitra dekhenge to vo bolenge- nahin, ye to hai barobar paramatma, ismen koi bhi shak nahin hai, parantu kaise aata hai, ye bhool gae hain । shivbaaba ka bhale koi ne puraan bhi] banaaya ho । agar koi ne shiv puraan banaaya ho to bhi to zaroor koi ke shareer mein aaya hoga । tab to un manushyon ne baith karke likha hoga na । geeta bhi jab koi ne boli hai tab likhi hai । agar shiv puraan hai to shiv to hai niraakaar, bhala usne puraan kaise racha? ya ved vyaas to baithkar likhne laga । vo to likhne vaala ho gaya । vo bhi to manushya ho gaya । us samay mein ved vyaas ka shaastra jo itna bana hua hai, ye sab jhoothe hi jhoothe hain; kyonki geeta ke in shaastra mein pahle hi pahle jhooth likh di; kyonki bahuton ke oopar ved vyaas likhte hain । shaastra ko bhagwan ved vyaas ne likhe । to zaroor jab geeta usne likhi hai to mahaabhaarat, raamaayan itne sabhi sab vyaas ne hi baith karke likhe honge । to aisi baaten to koi hai nahin । usne baith karke bhaktimaarga ke liye kuchh likha hoga; parantu phir bhi tum bachchon ko unke liye kahenge hi, ye bhi to anaadi hai । ye phir bhi to koi likhenge zaroor । to vyaas bhi koi hoga, jinhonne baith karke likha hoga; parantu hai to sabhi bhaktimaarga ke liye, kyonki vo padhte aae hain zaroor । bhala padhte-padhte, padhte? durgati ko to chale gae । koi phaayda to hua hi nahin, kyonki bhaktimaarga hai । bhaktimaarga ke liye tum bachchon ko samjhaana hai ki ye hai durgati maarga । bhaktimaarga mein phir koi ko aana chaahiye jo sadgati deve । to sadgati daata bhi to ek hi kah dete hain, jo sabko aa karke vaapas le jaate hain । to bachchon ko janmaashtami ke din kya samjhaaven। ki ye jo shreekrishna hai, vo to manushya hai, unko gyaan saagar to nahin kah sakenge । gyaan saagar to hamesha parampita paramatma ko kaha jaata hai । unko hi knowledgeful kaha jaata hai । barobar god is knowledgeful । unko knowledge kaun-si hai? zaroor rachta hai, beejroop hai, chaitanya hai aur unko hi kaha jaata hai knowledgeful gyaan ka saagar । to zaroor aa karke knowledge sunaaenge । kiski? jhaad ki aur is drama ki yaani naatak ki । nahin to kisko pata hi nahin hai ki naatak kab se shuru hua aur kab se poora hota hai । koi ko bhi pata nahin hai । repeat karta hai zaroor, par iski aadi kya hai ye nahin jaante hain । vo bhi samajhte hain ki satayug aadi hai aur kaliyug ant hai । abhi satayug se lekar kalhayug tak world ki history aur geography kaise chalti hai ye koi nahin jaante hain । usko kaha jaata hai world ki history-geography ye chakra kaise repeat karte hain । abhi ye suna to koi bhi jaanta nahin hai । abhi ye sunaave to koi bhi jaanta nahin hai । ye sunaave vo jo trikaaldarshi ho । abhi trikaaldarshi to koi hai nahin bilkul hi sivaae ek ke । tum jaante ho ki tumko hi baith karke trikaaldarshi banaate hain । trikaaldarshi vaalon ko hi teesra netra bhi kaha jaata hai । bhai, inko teesra netra laan ka milta hai । buddhi ka netra to sabko hai । ye andhe aur soordaas ki to koi baat hi nahin hai । parampita paramatma teesra netra yahaan dete hain । bhrikuti mein to aatma rehti hai । aatma ko divya drishti milti hai । usko hi kaha jaata hai teesra netra । abhi tum bachche jaante ho, jo jo jaante hain nambarvaar un sabko teesra netra hai? nahin hai bilkul hi । dekho, hote hue bhi koi ko teesra netra nahin hai । agar hai to koi chooche hain, koi kaane hain, koi kojhe hain aur koi ko achha netra mila hua hai । gyaan ke oopar hai na । koi to bilkul hi andhe ka andha hai । koi choocha bhi nahin bana hai । koi andha se sooba bante hain । koi ko ekdam junjhaar kahen, jo gyaan samajh mein nahin aaya hai । sunta hoon par kuchh samajh mein nahin aata hai । koi ko to achha milta hai, jo baith karke samjha sakte hain । to ye jo teesra netra gyaan ka hai, vo bhi to netra hua । barobar dekhte ho ki abhi to sabko jaldi netra khatma ho jaate hain aur chashma pahan lete hain । abhi vo to netra nahin hai na । inko phir samjhaaega- koi ka netra gyaan ka bilkul hi joonjhaar hai, jaise ki aatma ka netra bilkul khulta hi nahin hai । koi hote hain na jo koi andhe ko thoda theek bhi kar sakte hain । koi doctor ekdam certificate dete hain ki ye bilkul hi andha hai । ye abhi kuchh sujaag ban hi nahin sakega । baap bhi yahaan samjhaate hain. bilkul hi andha hai । kabhi bhi inko divya drishti ka netra milta hi nahin hai, jaise shaayad milega hi nahin । yaani andhe ka andha rah jaaega । jo andhe ki aulaad andha tha, phir vo andhe hi unko yaad padte rahenge । vo andhe ki aulaad, tum sajje ki aulaad । jinko netra nahin milne ka hoga vo andhe ki aulaad andhi ko hi yaad karta rahega । to bachchon ko ye jo andhe ki aulaad andhe hain unse to mamatva mitaana hai na । jab gyaan mila hai, teesra netra mila hai to kisko yaad karna hai? baap ko yaad karna hai, world ki history-geography ko yaad karna hai aur apne martabe ko yaad karna hai । agar apne martabe ko ya em-object ko yaad na kare to padhega kya? martaba yaad nahin hai to bhi padhte kuchh nahin hain । padhte kyon nahin hain, kyonki baap yaad nahin aata hai । teacher yaad nahin aata hai । teacher yaad aave to kuchh to bhala yaad pade na । bahuton ko teacher yaad aata hi nahin hai । to vo padhte hi nahin hai । phir uska kaaran samjhaaya jaata hai ki buddhi puraani duniya ki taraph bhatakti hai । vo vikaari bandhan mein bhatakte hain, isliye unko ham jhunjhaar kahenge । jinki buddhi nahin bhatakti hai phir vo achha hota jaata hai । mehnat hai na in sab baaton ko samajhne ki; kyonki ye bada pad hai oonche te ooncha vishwa ka maalik banna । bhaaratvaasi ye jaante hain ki ye lakshmi naaraayan vishwa ke maalik the' parantu lakshmi naaraayan ka raajya kab tha? bilkul hi andhe ban gae hain । abhi dekho, tum kitne sajje ban gae ho । tum jaante ho ki jo bhi vidvaan-aachaarya ya lakshmi naaraayan ki pooja karne vaale ya mandir banaane vaale bilkul hi andhe ke aulaad andhe, buddhiheen hain । lakshmi naaraayan ka chitra banaate hain; parantu pata nahin hai ki lakshmi naaraayan ka raajya kab tha । aisa kabhi koi manushya dekha jo bigar occupation koi cheej banaave? isliye kaha jaata hai guddiyon ki pooja yaani guddiyon ka jaise mandir banaate hain । pata nahin hai ki ye hai kaun । chaahe to lakshmi naaraayan ka mandir bada banaao ya chaahe chitra lagaao । chaahe to lakshmi naaraayan ki kapde ki guddi bhi banaao, baat meri ek rehti hai, kyonki knowledge nahin hai to peechhe bhale kitna bhi bada mandir bane; par knowledge nahin hai to kya phaayda ? tum jaante ho kitne-kitne karodapti hain, jo mandir bhi to aise banaaenge na । bade mandir maana bade,.. । to usko phir kahenge bade andhe, buddhiheen । itna kharcha karte hain, samajh mein nahin aata hai ki ham kya karte hain? ye hain kaun? isse hamko phaayda kya hoga? to bhaktimaarga mein bahut darshan karenge । unse milta to kuchh bhi nahin hai । nahin to dekho, shivbaaba ka darshan karne jaate hain । tum abhi jaan gae uph! shiv baba ka mandir! ye to bhaarat ko eevilsa banaaenge, ye to hamko padha rahe hain । dekho hamko padha rahe hain, tum aise kahenge । ye to baba, jinki yaadgaar hai, vo to hamko brahma ke tan mein aakar padha rahe hain । kahaan? shri lakshmi naaraayan ke mandir mein । are, ye to ham ban rahe hain padhaai se । raajdhaani sthaapan ho rahi hai । jagdamba to haajir hai । hai na barobar! kya the, abhi kya bane ho । poore andhe, buddhiheen the aur kitne sajje ban rahe ho, so bhi nambarvaar purushaartha anusaar । aise khushi ka paara chadhna chaahiye । tum abhi ja sakte ho na kahaan । tumko mana to nahin hai ki apna yaadgaar na dekho; kyonki aise to manushya hote hain na, apni yaadgaar dekhte to hain na yahaan bhi । dekho, nehru hai, kuchh to unki yaadgaar jaakar dekhte hain ki hamaara yaadgaar banaaya hua hai । ye nehru park hamaari yaadgaar bana hua hai, aise kahenge na ।....yahaan ham dekhte hain ki uph । ham jis samay mein service kar rahe hain na unki phir yaadgaar peechhe banegi । to apan ko samjho । jo jo achhi tarah se samajhne vaale hain aur samajhte hain ki baba ne aakar hamko kya se kya bana diya hai । ekdam aap samaan knowledgeful । barobar ham yahaan se jaaenge, baba ke paas gale ka haar hokar rahenge । hamko gyaan hoga, phir praayahlop ho jaata hai, kyonki praalabdha mili to gyaan khatam । jab talak mile । zaroor yahaan se sanskaar le jaate hain, peechhe ye sanskaar phir badal karke raajaai ke aa jaate hain । tab talak hoga na! baap bhi gyaan ka saagar, tum bhi gale ke haar, gyaan ke saagar । vahaan tak to zaroor rehna chaahiye । bhool to nahin jaana chaahiye na । rehte hain । ab jaate hain baadshaahi karne । to bas, baadshaahi mil gai, phir baadshaahi ke sanskaar shuru ho jaaenge, kyonki drama mein phir baadshaahi ke sanskaar shuru honge na । ye sanskaar vahaan tak le jaaenge । jaise sanskaar saath mein le jaate hain, janma lete hain to phir doosre saskaar aa jaaenge । maat-pita vagairah sab doosre ban jaaenge । tumhaara bhi aise hi hai barobar । vahaan svarga mein maat-pita doosre ban jaaenge । ye tumhaare yahaan ke maat-pita, phir vahaan ke daivi maat-pita banenge । abhi ye eeshvareey maat-pita hain । tum maat-pita, ham baalak tere, tumhari kripa te sukh ghanere, ye kahkar eeshvar ko pukaarte hain । jab kabhi bhi pukaarte hain na tab ye raadhe-krishna lakshmi naaraayan ko nahin yaad karenge vaastav mein, parampita paramatma ko yaad karenge । pita hai na । lakshmi aur naaraayan koi tumhaare thode hi maat-pita rahenge । vahaan honge to unka ek hi bachcha rahega na । vo aise to nahin kahenge- tum maat-pita । ye to dil mein samjhenge ki main shahjaada hoon barobar । vo pukaarenge thode hi, kahenge thode hi । yahaan koi kehte thode hi hain ki tum maat-pita, ham baalak tere । ye to behad ke hain na । sab koi kehte hain । kangaal bhi kahenge ki maat-pita, ham baalak tere, tumhari kripa se sukh ghanere; kyonki is samay ka gaayan aatma mein yaadgaar ke roop mein chala aa raha hai । bhaktimaarga mein ye chala aata hai ekdam; kyonki duhkh hota hai na । peechhe unko sukh yaad padta hai । to pukaarte hain aao baba, phir aao । to kitna pukaarte hain । aadhaakalpa pukaarte-pukaarte jab thak jaate hain drama anusaar tab baap aate hain । aa karke bachchon ko sammukh samjhaate hain । hai na barobar abhi dalaal ke roop mein । abhi samjha! dalaal ka roop jo gaate hain, aatmaaen paramatma alag rahe bahukaal sundar mela kar diya jab satguru dalaal ke roop mein mila । vo jo guru log hain vo dalaal ke roop mein to hain nahin na । vo to aatma se paramatma ki sagaai to nahin karte hain na । vo nahin kar sakte hain । ye sikhlaate hain- ek । vo to sagaaiyaan devtaaon se karaate hain ya apne se karaate hain- bas, hamko yaad karte raho, aur baap aa karke kehte hain...hamko yaad karte raho । to bachchon ko yaad hai । achha, aaj to bhog ka din hai; parantu is krishna janma ashtami par aur geeta jayanti par bahut achha samjhaana hota hai । shiv jayanti par to bahut samjhaana pade । tum shiv kehte ho, vo to hai hi niraakaar parampita paramatma । unko paramatma kaha jaata hai । ....abhi maala to unko kuchh hai nahin । jashna to nahin karna hai । shivbaaba ka kuchh jashna to abhi hota hi nahin hai । phir bhi shreekrishna ki jayanti par to daal-pudiyaan khaate hain, maal khaate hain । shiv ka rot karte honge aur ja karke mandir mein bhog lagaate hain । ghar mein itna kya karenge, vahaan ja karke rot laga karke le aate hain । krishna jayanti par to bahut maal khaate hain । deepmaala mein bhi to bahut mithaaiyaan hoti hain । bahut...hote hain; kyonki khushiyaan to vahaan’ manaai jaati hain । deepmaala ki khushiyaan manaate hain; kyonki jyot jagi thi, khushiyo mana rahe the । ham vahaan to bahut hi khushiyon manaate hain । vahaan to khushiyo hi khushiyaan hain । ye utsav nahin manaate hain, bas khushiyaan hi khushiyaan hain । koi baras-baras deepmaala nahin manaai jaati hai । baras-baras koi krishna janma ashtami nahin manaai jaati hai । vahaan ever happy, aivar helthi । achha, le aao, taiyaar hai bachchi । .. hoga jo jo bhaashan karne vaala hoga ya jo kuchh centre chalaane vaale honge । to krishna janma ashtami ke samay hamko kya saavdhaani dena hai? ki jab krishna ki janma ashtami hai, bhale raadhe ki janmaashtami thoda peechhe manaate hain, parantu manaani to donon ki chaahiye na । lakshmi aur naaraayan ki donon ki ikatthi manaani chaahiye । ...deepmaala par lakshmi aur naaraayan ki pooja hoti hai । to donon ko ikattha poojte hain । ek ko nahin pooj sake । lakshmi ko pooj karke naaraayan ko na pooje, ye to bbekaayde ho jaave । isliye mahaalakshmi ko poojte hain । mahaalakshmi ko chaar bhujaaen dete hain baaki arth kuchh nahin samajhte hain । ek taraph mein lakshmi aur doosre taraph mein vo hai । vo bhi bichaare nahin jaante hain । to tumhaari buddhi mein bhi.......ye kyon ulti baaten samjhaate hain । to ulti baaten samjhaane se manushya durgati ko paate hain । tum achhi tarah se samjha sakte ho ki ved-shaastra-granth vagairah jo bhi baith karke sunaate hain, ye to baap ne kaha hai ki inse mere ko koi nahin mil sakte hain yaani bhagwan ke paas koi aa nahin sakte hain yaani muktidhaam mein koi aa nahin sakte hain । manushya to mukti pasand karte hain na । tum kisko bhi kaho ki svarga ke sukh chaahiye to bolenge ki nahin, svarga koi hain nahin vaastav mein । vahaan bhi duhkh hai । mukti kahenge to vo khush honge; kyonki yahaan sabhi mukti ke liye hi samjhaate hain, jeevanmukti ke liye koi samjhaay nahin sake । ye bhi adulteration hai, jo manushya ja karke kehte hain ki ham bhaarat ka praacheen raajayog sikhlaate hain । raajayog to koi sanyaasi sikhlaay nahin sake । sanyaasi ke vesh mein vo log chale jaate hain ki ham raajayog bhi sikhlaate hain । abhi sanyaasi raajayog kaise sikhla saken? jaante ho ki vo hathayogi hain aur ye sanyaas karaate hain । vo hi phir raajayog sikhlaate hain, ye impossible hai । zaroor raajayog to phir naam hi devtaaon ka rakh diya hai unke oopar । bhool kar diya khaali krishna ka, kyonki sangam hai na । shiv jayanti ke baad phat aati hai krishna jayanti । ye raajdhaani sthaapan ho .. aur phir lakshmi naaraayan kahe । abhi lakshmi naaraayan bhi kehna pade, krishna bhi kehna to padta hai na । vo kyon. to samjhenge donon ko mila dete hain- krishna aur raadhe aur vahaan lakshmi aur naaraayan । vo aise samajh lete hain । ye samjhaani badi mushkil hoti hai na । to jo-jo samajhne vaale hain vo sab baaten phir chhod karke apna raajya baap se le lete hain । baap ko to achhi tarah se pakad lete hain । haan, aao bachchi । is samay mein apan ko sukshmavtan ka gyaan hai । manushyon ko maaloom hai ki sookshmaytan bhi hota hai । brahma vishnu shankar vahaan rehte hain, kyonki teen lok to kehte hain na । uska gyaan to koi mein nahin hain । maante hain teen lok- mool vatan sookshm vatan, sthoolavtan ya incorporeal, subtle corporeal ..aate ho, dekhte ho, sab raaj samajhte ho । tumko padhaane vaala sab kuchh saakshaatkaar karaake aur samjhaate rehte hain । abhi tum jaante ho ye jaaenge sukshmavtan । aise nahin ki yahaan se inko pahle mool vatan jaakar phir sukshmavtan mein jaana padega । nahin । ye yahaan se seedhe sookshm vatan mein jaayenge । yahaan se seedhe vaikuntha mein nahin ja sakte hain । pahle hamko mool vatan jaana padega, peechhe ye aaega; parantu is samay mein tum mool vatan mein ... nahin, landan mein konkrensa ho rahi hai, vo dekh karke bataate hain । aise bhi baba ne akhbaar mein suna hai manushyon se bhi suna hai ki aise bhi koi riddhi-siddhi vaale hote hain । achha, bahut mehnat ki hogi । jaise riddhi-siddhi vaale ... ki pooja karke bahut mehnat karte hain । aag se bhi aise chale jaate hain । koi guru ke ...shishya ne bola ki ham to paidal paani se bhi paar ho jaate hain । bolta hai- haan, tumne to badi mehnat ki । bhala isse tumko phaayda kya hua? isse tumko kya milega? kuchh aise to nahin ki tumko mukti ya jeevanmukti milegi । nahin, baaki to ye mehnat hi phaaltu ho gai । to jo bhi manushya mehnat karte hain vo to sab phaaltu mehnat karte hain । sachchi mehnat to sachcha baba karaate hain । unko bhi koi ne sikhlaaya hoga, parantu vo to sabhi phaaltu mehnat hai na । mehnat to sachchi ...abhi tum kar rahe ho sachche dvaara । baaki jo bhi mehnat hai .sabhi jhooth । unmein koi phaayda nahin hai । riddhi-siddhi vaale bahut hain, lakhapti ho jaate hain, bhale karodapti bhi ho jaate hain । rishvat se bhi hote hain, riddhi-siddhi se bhi hote hain । bahut hain, vilaayat mein dance hota hai barobar । trance mein jaate hain । aise nahin samjho । bahut riddhi-siddhi vaale hain jo saakshaatkaar karaate hain । haridvaar mein ek hai jo krishna ka roop dharte hain । vo apna naam hi rakh diya aise । jisko koi vakta mein pakda bhi tha । to ye sabhi hain riddhi-siddhi । achha, phir samjho ki koi krishna ka roop dhar karke baith jaate hain । jinka bhi krishna mein bahut prem hoga, unko unse saakshaatkaar ho jaaega । samjhega ye krishna hai । bas, mare unke pichhaadi ekdam । bas, unko guru banaay dete hain । abhi vo to vesh bana karke phir bante hain । saara din aur raat chhatra to nahin pada hua hai na । to andhashraddha hai na । ye bhaktimaarga mein bahut hi khitkhit hai, bahut hi phans jaate hain । bhaktimaarga mein bahut hi thagi hai । ye to dekho, sachkhanda ka sthaapan.... ..everything real... । padhna ho, nishchay ho to padho nahin to yahaan aane ki kya darkaar hai? padhaai hai phir bhi । tumhaare har centre mein padhaai hai aur yahaan em-object hai । nar se naaraayan banna hai. ..baap ko yaad karo, vo to tumko varsa denge hi । geeta mein ye akshar bilkul poora likha hua hai- manmanaabhav madyaajeebhav । mujh apne baap ko yaad karo to vishnu ka raajya paaenge । arth to yeh bataate hain na । ab ye krishna kya kahenge mere ko yaad karo! krishna yaad mein aave to krishna kabhi bhoolen hi nahin phir । inko to yaad karne se phat bhool jaate hain.. । bhale inko yaad karte hain, parantu shivbaaba bada mushkil yaad padta hai, kyonki ye sthool hai, vo sookshm hai । to bachchon ko saakaar mama-baba jhat yaad aata hai । vo jo niraakaar, jisko kaha jaata hai- tvamev maataashcha pita.. .vo yaad karne mein badi mehnat lagti hai, kyonki sookshm te sookshm, ati sookshm hai । abhi to uska bhi ling-wing sab udaay diya hai । to abhi samjhaane ke liye ling zaroor rakhna pade । phir unka yathaartha roop kya hai? to kahenge bindi kyonki pooja ke mandir vagairah bane hue hain na । abhi lakshmi naaraayan ko phira nahin sakte hain । raadhe-krishna ko phira ... unko ham logon ko phiraana padta hai । ye jo mool hai, unka ye jo chitra bana hai, vo rong hai । krishna ka bhale bana den; kyonki raaja hai । lakshmi naaraayan bhi raaja-raani hain । raam aur seeta ka barobar chitra bhi theek hai । unka bhi to bana dete hain na । maan lete hain barobar aise hain । abhi inka jo ham batlaay dete hain ye badi mushkil ki baat hai । iske oopar chala-chala karke peechhe unko samjhaane se phir vo samjhenge । isko kaha jaata hai yathaartha । vo to theek hai ki raaja hai । vo bhi chandravanshi raajaaai theek hain । inko phir raaja bante hain । dekho, so bhi abhi aa karke phiraaya hai । itne din nahin phiraaya hai; kyonki guhya baaten hain, guhya raaj hain, guhya samjhaani hain । ab aa karke samajhte hain । main bolta hai pahle se kyon nahin? baba ne deri se samjhaaya । bachchon ko aisi koi bhi difficult baat aati hai to bolo- baba to samjha rahe hain, ye bhi aage chalkar baba samjha hi denge । ham to padh rahe hain । phir apan ko challenge dena padta hai । moonjhane ki darkaar hi nahin hai, kyonki baba aisi nai-nai baaten samjha rahe hain, jo ham samajhte hain bhala shuru mein kyon nahin samjhaaya? shuru mein hi sab samjha den, bas । peechhe jahaan jeey tah peey pichhaadi tak । tab kya bataavenge? zaroor nai-nai baaten samjhaate rahenge । achha, chalo bachchi aur bataana bhi kaun-kaun sikeeldhe aae hain? ye to baba-mama jaane, tum itna nahin jaan sakengi ki in sabmen kaun-kaun nambarvaar sikeeldhe hain । kaun-kaun baba ke achhe gulaab ke phool hain ।.. ye to tum nahin samjha sakengi । ya samjha sakengi? vo samajh jaaenge । (record:- ik maat-sahaayak, svaami-sakha, tum hi sabke rakhvaale ho....) kehte hain na । ek to raadhe ko murli suna dete hain; parantu nahin, yeh raadhe-vaadhe ki to baat nahin । yahaan to sarasvati maata hai, jinko baap gyaan ka kalash dete hain । goddess oph knowledge । abhi goddess oph knowledge to sarasvati ko kaha jaata hai । to sarasvati goddess oph knowledge kiski bachchi? brahma ki bachchi । zaroor phir unse goddess oph knowledge, to phir vo bhi hoga । achha, phir brahma kiska bachcha? brahma hai shivbaaba ka bachcha । to vo gyaan saagar barobar, knowledgeful unko kaha jaata hai । barobar brahma ko knowledge mili, brahma dvaara mili putri ko, to vo bhi knowledgeful ho gai । abhi raadhe ke liye to koi knowledgeful kehte nahin hain । hai koi? kuchh bhi nahin bilkul hi । goddess oph knowledge raadhe ko nahin kehte hain । agar god oph knowledge krishna ko kahen to raadhe ko to zaroor kehna pade, kyonki saathi hai । dekho, kitni hain in sab baaton ke oopar । sabhi points to ikatthi nahin aati hain; parantu points bahut hoti hain, jo achhi tarah se dhaaran karne vaale badi achhi tarah se samjha sakte hain । isliye school mein samjhaane vaale nambarvaar bhi hain । abhi to baba apan ko kahega ham thoda abhi samjha rahe hain । ye kahenge ki isliye ham to chashma pahan lete hain । hamko to kuchh bhi nahin hai । andhe ka andhe hi hain । kuchh bhi samjha hi nahin hai, buddhi mein kuchh nahin baithta hai । to nambarvaar hai na barobar । ye misaal to samjhaate aae hain- chooche aur phalaana aadi । brahma ke oopar bhi bahut moonjhara padte hain । to vo hai avyakt brahma, ye hai vyakta brahma । prajaapita zaroor chaahiye । baap ko aana hai zaroor । bahut janma ke ant ke bhi ant vaale janma mein, jo unko hi kehte hain aur unka hi naam rakhte hain phir prajaapita brahma । to ye ho gaya vyakta, vo hai avyakt । bachchon ko ye samjhaana pade ki yahi vyakta brahma, unki saari kahaani hai ki brahma ka din, brahma ki raat । ye jo brahma vyakta hai, vo abhi raat hai, jo phir din ban raha hai । abhi ye patit hai jo paavan ban raha hai । to isliye ye brahma ko dikhlaate hain । prajaapita so to yahaan hi hoga । ...... agar kahenge inka antim janma kya hai to kahenge lekhraaj ya lakheeraaj hai, par vo to prajaapita ban nahin sakta hai । ye itne sabhi jo baba-mama kehte hain, inko to prajaapita nahin kahenge । shaastron mein ek daksha prajaapti hai । laakha bhavan ko aag lagi, dekho unmein kuchh na kuchh asar aa jaata hai, parantu shaastron mein to ulta-sulta bataay diya hai na । bolo prajaapita to zaroor chaahiye na । praja yahi rachte hai । kaun-si praja rachte hain abhi? braahman । kaun rachte hain? brahma dvaara । brahma creator to nahin hai । creator to parampita paramatma ko kaha jaata hai, jiske ham sabhi bachche hain । to ab vo aave kiske tan mein? unko patit tan mein hi aana hota hai । to barobar shreekrishna so hi patit bankar phir unka naam baba dhar dete hain- prajaapita brahma; kyonki adopt hote hain । jaise ham logon ka bhi naam badal diya hai, taise ham bhi naam badli kiya । phir ye patit brahma, jiska naam rakha jaata hai, to vo un jaisa ban jaate hain । unke liye lakshya hai ki aise pharishta ban jaate hain । aise paavan ban jaate hain । to ham braahman so paavan ban pahle pharishte bante hain, peechhe devta bante hain । pharishte usko hi kaha jaata hai jisko haddi aur maans na ho । sukshmavtan mein haddi aur maans na ho । isliye ham phir pharishte bante hain, peechhe muktidhaam mein jaakar ke peechhe devta bante hain । isko pharishte kehte hain । enjilsa angreji mein naam hai । hindi mein bhi hai । vo pharishta kisko kaha jaay? devtaaon ko devta kaha jaata hai, yahaan manushya ka janma hota hai । pharishte kisko kaha jaay? pharishte phir sukshmavtan mein hain । pharishton ko haddi aur maans nahin hote hain । sookshmavtanvaasiyon ko ye haddi-mos nahin hote hain । vahaan jo brahma vishnu shankar dikhlaate hain unmein koi haddi maans thode hi hai । arth samjhaaya jaata hai ki ye brahma vyakta so avyakt banna hai । ye brahma patit so paavan banna hai । abhi brahma ko ham patit ismen kah sakte hain na । aise to nahin hai ki baba ne pravesh kiya, naam badla to ham paavan ho gae । naam badalne ke baad phir ham paavan hote rehte hain । naam badalte hain jab unke bachche bante hain । phir bhi dekho bachche bhi bante hain, to bhi bachche phir bhi bhaaganti ho jaate hain । mar jaate hain । usko kaha hi jaata hai kachche । koi kachche mar jaate hain । maataaen hoti hain na, koi ka thoda hi baahar nikla aur ye mar, koi ka to pet mein hi mar jaata hai । baahar hi nahin aate hain apna bataane ke liye. .door hi rehte hain aur bolte hain.... eeshvar ke bachche hain .wahin mar jaate hai । yaani pata bhi nahin padta hai ki koi hai aur girte bhi bahut hain ।.. .... achhe-achhe puraane buddhe hokar mar jaate hain । 20-20, 25-25 baras ke bhi mar jaate hain । vo to aise kahenge na 25 baras se baba ka bachcha hoon vo bhi mar jaate hain । 36 ka bhi, 40 ka bhi hokar mar jaaega । jiska hoga drama mein mili aur phir kah dete hain mar gai । chhod diya to phir kahenge mar gai .eeshvar ki taraph janma liya, mar gaya to maaya ki taraph mar gaya । varse ka arth hi hai raajaai ka varsa paana । isliye bachchon ko khoob purushaartha karna chaahiye aur hai bhi bahut sahaj । bhookh to marna hi nahin hai । kabhi bhi kuchh bhi ho jaave unko pet mein milega zaroor, kyonki shiv ke bhandaare se bhookh nahin marna hai । pet mein zaroor milta hai । nation ke oopar nation vaalon ka taras padta hai । paarsiyon mein koi bhookh mare to paarsiyon ko unki seva karni hai । taras padta hi hai । to ye bhi aise hi hai । sarvisebul braahman ho to bhookh kabhi nahin mar sakte hain । idhar nahin marenge । aur hajaaron, laakhon, karodon hi manushya bhookhe hokar mar.. jaaenge । ham bhookh ..nahin marenge । jo bachche honge vo bachche thahre na, sautele ki to baat nahin । bachche bhookh nahin mar sakte hain । mool vatan ko yaad karna hai; kyonki jaante ho ki via sukshmavtan jaaenge । yaad phir mool vatan baba ko karna hai meethe-meethe gyaan lucky sitaaron prati maat-pita, baapdaada ka dil va jaan, sik va prem se yaadapyaar aur good morning ।