गुरुवार 10 सितंबर 1964 की साकार मुरली

> >

10-09-1964 madhuban aabu praatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj guroovaar septembar ki das taareekh hai, praatah class mein baapdaada ki murli sunte hain।

record-

kaun aaya mere man ke dvaare paayal ki jhankaar liye… … …

om shanti । meethe bachchon ne geet suna ki abhi hamaari buddhi mein kiski yaad aai? sabki buddhi mein ye hai ki patit-paavan, kyonki akshar zaroor yaad karna hai । angreji mein phir unko liberator bhi kah dete hain । shaayad inglish mein patit-paavan ka akshar bhi ho; parantu vaastav mein inko liberator bhi kehte hain । kisse duhkh se । duhkhaharta aur phir sukhkarta; kyonki inka naam hi ye hai । ye koi manushya ka naam nahin hai, devta ka naam nahin hai । ye hai hi patit-paavan, phir guru to ho gaya । patit-paavan ko guru hi kaha jaata hai । sarva ka patit-paavan, sarva ka sadgati daata । pichhaadi kehte to hain god father । to tum bachchon ki buddhi mein ye aaya ki barobar jisko patit-paavan kaha jaata hai, vo ek hi pita hamko yaad hai । dekho, yeh ek ki hi mahima hai na । manushya ki ye mahima kabhi bhi ho nahin sakti hai । lakshmi naaraayan ko patit-paavan nahin kaha ja sakta hai । brahma vishnu aur shankar ko patit-paavan nahin kaha jaata hai; kyonki patit-paavan oonche te unch rehta hai । oonche te ooncha bhagwan ya parampita paramatma । ooncha unka naam bhi to thaanv bhi । thaanv kaha jaata hai rahne ka sthaan । abhi tum bachchon ki buddhi mein yeh nishchay hai ki ye hamaara baba bhi hai, kyonki yeh to kiski buddhi mein baith nahin sakta hai ki ye hamaara baba bhi hai zaroor । shivbaaba ko to baba hi kehte hain aur jab 'shiv' akshar kehte hain to vo to niraakaar hi hai । uska naam koi shivshankar nahin hai । shiv ka alag chitra hai, shankar ka alag chitra hai । bachchon ko to samjhaana bhi padta hai na ki vo baap bhi hai, patit-paavan bhi hai yaani shikshak bhi hai to sadguru bhi hai । aaj guruvaar hai, parantu tumhaara to satguroovaar roj hai; kyonki satguru tumko roj padhaata hai aur vo tumhaara baba bhi hai । yeh to bachchon ko buddhi mein nishchay hona chaahiye na ki abhi meri buddhi mein kya nishchay aaya; kyonki isko sarvavyaapi nahin kahenge । har ek ki aatma ki buddhi mein aaya ki ye patit-paavan parampita paramatma hamko raajayog bhi sikhlaate hain; kyonki gyaan ka saagar hai । yeh har vakta tum bachchon ki buddhi mein rehna chaahiye । manushya to sirf ek guru ko yaad karenge, ek krishna ko yaad karenge, phalaana ko yaad karenge । ye ek hi hai jisko tum koi bhi naam se yaad karo to baat ek hi rah jaae । pita hai to bhi buddhi oopar chali jaae । koi bhi aakaar ya saakaar mein nahin hai; kyonki aatma ko to abhi paramatma se kaam pada hai na । dekho, bhaktimaarga mein sabhi jeev ke aatmaon ko parampita paramatma se, usko kehte bhi hain pita se kaam pada hua hai; parantu ye koi jaante hi nahin hain । nahin to tumko baba ne samjhaaya hai ki ye jo trimoorti hain ye barobar unka bhi hai । dikhlaate hain brahma vishnu shankar । trimoorti ka to hai hi yahaan, phir me shiv ko udaay diya hai । jaise ki unko vinaash kar diya hai । kyon vinaash kar diya hai? unko patthar mein, thikkar mein, bhittar mein, jaise kahen ki unka laash hi gum kar diya hai । laash unki kaun si hai? ye shareer ki laash nahin, vo aatma hi hai । unka naam to doosra rakha hi nahin jaata hai । ab gaate bhi hain ki barobar gyaan ka saagar hai । baap ne bachchon ko samjhaaya hai ki lakshmi naaraayan ko kabhi bhi koi gyaan ka saagar nahin kah sakte hain । gyaan kaasaagar maana jo gyaan sunaae, sadgati kare । abhi lakshmi naaraayan ko gyaan kahaan hai jo kiski sadgati karen? aur vahaan durgati vaale kaha hain jo kisko gyaan sunaae tum bachchon ko maaloom ho gaya ki barobar vo gyaan hai hi nahin, vo to dant-kathaaen hain yaani gyaan vo jo gyaan saagar se mile, kyonki gyaan-saagar ko hi kehte hain manushya-srishti ka beej । baap hai beej । stri ko adopt karte hain, god mein lete hain aur bachchon ko paida karte hain, to phir unko baap kah dete hain । ye bhi to sabhi aatmaon ka baap hai । inko bhi baap hi kaha jaata hai; kyonki creator hai । to vo hai behad ka baap aur vo hain had ke baap । abhi to behad ke baap ko sabhi had ke baap bhi yaad karte hain; iseelie kehte hain baapon ka baap । yaani pati hai to bhi unko yaad karte hain saajan ko isliye patiyon ka pati kaha jaata hai । achha, koi kahenge guruon ka guru । to barobar ye sabhi jo bhi guru hain vo sabhi hi yaad karte hain । saadhu hai unka naam, isliye phir bhi unki saadhna karte hain । aajkal chitron mein bhi bataay diya hai ki raam ke aage, shankar ke aage ling rakh dete hain, kyonki yeh bhi to samjha jaana chaahiye ki vo niraakaar hai, oonche te ooncha hai barobar । to abhi unko hi kaha jaata hai barobar vo liberate karte hain । abhi tum jaante ho ki kya karte hain । hamko is maaya, paanch vikaar roopi ye duniya se hi chhudaate hain; kyonki bachchon ko samjhaana chaahiye ki dekho, abhi to sabhi patit hi patit hain । 5000 varsha pahle jab in aadi sanaatan devi devtaaon ka raajya tha us samay bhaarat mein ek hi raajya tha aur barobar sukhdhaam tha । us samay mein aarya ka raajya nahin kaho । bhaarat mein pavitrata bhi thi, shanti bhi thi, sukh bhi tha … । uska naam hi rakha hua svarga, vaikuntha, heaven । … so bhi to yahaan hoga na । heaven ko sookshm vatan, mool vatan to nahin kahenge na । heaven ke against hai hell । patit ke against hai paavan । ye buddhi mein rakhna hai na । ye to koi mushkilaat nahin hai samjhaane ki aur usmein bhi baap ne kaha hai ki dekho, ek hi ka naam hai, ek ko yaad karo to bhi bahut achha । baba hai, barobar unse varsa milna hai, barobar sadguru hai, paavan duniya mein le jaane vaala hai, raajaai deta hai, raajayog sikhlaate hain ek hi । dekho, ek ki kitni mahima hai । aise to koi manushya ki va devta ki to mahima hai nahin । … naaraayan ko to yeh mahima de nahin sakte hain । ek hi niraakaar ki hai…sabhi aatmaaen niraakaar hi hain jabki shareer se alag hain । unko bhi niraakaar kaha jaata hai । barobar baap bhi kehte hain- bachche, tum bhi niraakaar ho, yahaan shareer le karke apna part bajaate ho । part kaise bajaate ho? yeh to baap ne bachchon ko sab samjha diya ki kitna janma tum part lete ho ya kitna janma tum ye shareer, chola badalte rehte ho । sabka jab chola milta hai to unka naam padta hai । brahma ka bhi chola hai, bhale sookshm vatan mein jaao to sookshm chola hai । phir bhi shareer to hai na, bhale sookshm shareer hai । bhale zaroor kahenge । unmein bhi aatma hai । jaise ghost hota hai to zaroor unmein bhi aatma hai na, jo vo chhaaya ke maaphik chakkar lagaata rehta hai, phirta rehta hai । dekhne mein aata hai । to vaise hi brahma vishnu shankar ko bhi apna sookshm shareer hai । mere ko to apna shareer hai nahin; isliye mujhe kehte hi hain niraakaar । usko baap kahat bhi hain zaroor । bachchon ko bahut achhi tarah se samjhaaya hai kisko samjhaana ho to unko bolo ye tumko maaloom hai ki tumko do baap hain? tumko do baap hain, tumhaare baap ko bhi do baap hain, kyonki baap to chalte hi aate hain aur vo sabhi baap ko yaad karte hain zaroor । vo ek hai aur vo anek baap hain । bachchon ko to ye buddhi ke andar baithna chaahiye ki phir bhi ek bhool jaae to bhala teacher yaad pade, teacher bhool jaae to bhala sadguru to yaad pade na । kisko bhi to yaad karna chaahiye na । teen hain tumko yaad karne ke liye । ye tumhaara baap bhi hai । baap khud bhi kehte hain, tum sab jaante bhi ho, achhi tarah se samjhaate hain । baap zaroor hai, patit-paavan zaroor hai, kyonki samjhaao ki bhaarat jab paavan tha, abhi patit hai zaroor । paavan tha to sirf paavan tha । … abhi yeh vichaar karo ki itni jo aatmaaen hain, vo kahaan nivaas karti hongi? muktidhaam mein, nirvaandhaam mein ya unko vaanaprastha bhi kah sakte hain, vaani se pare sthaan; kyonki yahaan jo manushya buddhe hote hain to vaanaprastha uski avastha ko kaha jaata hai ki vaani se pare jaane ke liye guru ki sharan lete hain । phir hamko nirvaandhaam mein pahunchaave kaun । guru ko pahunchaana hota hai na, parantu vo koi sadguru to nahin hai । pahunchaay sakte bhi nahin hain; kyonki jhaad ko to badhna hai hi । har ek ko apna sato rajo tamo part to bajaana hi hai । bachchon ko samjhaaya gaya hai ki bachche, mukhya part hai tum bhaaratvaasiyon ka । kiska? sabhi bhaaratvaasiyon ka? na । bhaaratvaasi jo tumhaara aadi sanaatan devi devta dharma hai, 84 janma vo lete hain; kyonki gaaya bhi to jaata hai na- aatmaaen paramatma alag rahe bahukaal । abhi hisaab karna chaahiye na bahukaal ka । sahaj hai na । bahukaal maana jo is srishti par pahle pahlepaarta bajaane vaale aae, jinko ant tak part bajaana hai । nahin to 84 janma kisko kahen? to maiksimam samjhaaya gaya hai ki barobar 84 janma, 84 ka chakkar kaha jaata hai । aise kabhi nahin kehte hain ki 84 laakh ka chakkar । to tum bachchon ko 84 ka chakkar to samjhaaya । tum aage to nahin jaante the na । dekho, baap poochhte hain, tum aage jaante the? mama se bhi poochhen, aage jaanti thi 84 ka chakkar kaise hota hai? achha, inse kaise poochhen? inse poochha to jaise inse bhi poochha; kyonki inki aatma bhi sunti to hai na । to ye do aatmaon ka bhi samajhna chaahiye bachchon ko ki barobar doosri aatma pravesh kar sakti hai । jabki ashuddha aatma ka koi shuddh aatma mein pravesh ho sakta hai to yeh kyon nahin ho sakta hai? baap to khud aakar kehte hain na, main kaise tum bachchon ko raajayog sikhlaaoon? zaroor mujhe ५१ chaahiye na । gyaan ka saagar mujhe kehte ho na । satayug ko sthaapan karne vaala bhi koi manushya to nahin hoga na । nahin । usko to kaha hi jaata hai heavenly god father । tum bhi vaikuntha ko aise yaad karte ho to… vaikuntha ka maalik zaroor hain raadhe aur krishna । so bhi to raajdhaani hai yaani ek to nahin hain na । jab manushya vaikuntha kehte hain to shri krishna ki raajdhaani aa jaati hai । gaate hain barobar ki theek hai, shri krishna ka naam rakhna chaahiye, kyonki vo pahla number ka prince hai aur us samay mein satopradhaan hai । to hamesha jo satopradhaan hote hain unko kaha hi jaata hai yoon hi mahaatma, phir bhi to yugal ho jaate hain na । jaise yahaan akele hai to kumaari,shaadi kiya to adharkumaari । adhar kumaari se kumaari ka maan unch to hai na । bhale raadhe-krishna svayanvar ke baad pavitra rehte hain, phir bhi to yugal ho gae na । phir bhi kahenge to sahi na ki vo bhi adhar ho gae yaani yugal ho gae । phir kumaar ka naam badal jaata hai, kumaari ka naam badal jaata hai । peechhe to maata aur pita ban jaate hain na । jab ye aapas mein milte hain to jaise maata-pita ban jaate hain । jab bachcha paida hoga tab unko maata-pita kahega । yoon bhi shaadi ke baad to zaroor ye samajhna chaahiye zaroor ki barobar ye pita hai, ye maata hai । jab do honge to koi bhi bolenge ki ye maata hai, ye pita hai; kyonki ye andarastud hota hai ki zaroor inko koi santaan bhi hogi ya hone vaali hogi । kahenge to maata-pita na, peechhe kumaar ya kumaari to nahin kahenge na ।kumaari to nahin kahenge na phir; isliye ye krishnaapuri, abhi kansapuri । hai bhi barobar na । kans kaha jaata hai aasuri sampradaay ko, krishna kaha jaata hai daivi sampradaay ko । to ek kans, ek krishna to nahin thahra na । kans sampradaay phir vo shreekrishna sampradaay । barobar unki raajaai hogi । phir ye kans । to inki bhi raajaai hai । abhi ye raavan ki raajaai hai । raajaai mein kaun-kaun rehte hain? phir dekho, naam rakh diya hai na- akaasur bakaasur, kans, jaraasindhi shishupaal, meghnaad phalaana-phalaana bahut naam daal dete hain । jab raavan ka nikaalte hain to nikaalte hain na ki ye meghnaad hai । kya-kya naam nikaalte hain । to ye baap aa karke achhi tarah se sab samjhaate hain ki ye raam aur raavan to koi hai nahin । ye to baith karke khel banaaya hai, jaise aur naatak bante hain । abhi naatak kitne bante hain? nae-nae naatak bante rehte hain, hai to kuchh nahin na । vo baith karke khel banaate hain manushya ko dikhlaane ke liye । hai kuchh bhi nahin । yahaan ja karke vo kya samajhte hain । unko gaana achha lagta hai, dancing achhi lagti hai । jaise koi akhaani ya novel padhte hain aur ye us novel ko dekhte hain । ye naam-roop dekh karke sab, kyonki novel mein bhi naam hai, baaki roop nahin hai । to ye bhi novel aise bana dete hain, naatak bana dete hain । to ye kitaab bhi banaay di hai । isko kitaab kaha jaaega । kitaab naam to school mein hai । inko kitaab bhi to na kah saken; isliye inko shaastra kah diya hai । abhi shaastra hain zaroor । dharmashaastra । jis-jisne dharma sthaapan kiya, unka shaastra । ye to bachche jaante hain ki har ek dharma ko aaryasmaaji, chidaakaashi raadhaasvaami harek ko apna shaastra hai । raadhaasvaamiyon ka kaun tha jisne ye math sthaapan kiya? aur phir unmein ye shaastra hain, jo padhte hain । tum dekhenge shaastra mein har ek dharma ki padhaai alag hai । ham phalaane raadhaasvaami ke dharma mein, math mein jaate hain । math kahenge, panth kahenge kyonki samjhaaya gaya hai na ki dharma to bade hote hain । dekho, kitne bade islaami, bauddhi Christian । ye apna dharma kitna bada hai aur vo phir thoda । phir yeh bhi to hai unka; kyonki unko aana hai । aatmaon ko aa karke phir se apna apna… । koi se poochho ki tumhaara dharma sthaapan karne vaala gurunaanak aaya । achha, phir ye kab aaega? to vo bol dete hain- jyoti-jyot mein samaaya । jyoti-jyot mein samaaya to khalaas ho gaya । to nahin aane ka hai phir kabhi? nahin to phir srishti kaise chakkar lagaati hai? bhala tum kyon unko yaadkarte ho? vo to ho gaya । dharma sthaapan karke khud bhi aaya । ye bhi jaante nahin hain, ye tum bachchon ko samjhaaya gaya hai । khud guroonaanak ki soul aai । phir unki jo bhi sensas hai, jo bhi unke aadamshumaari ke sikkha dharma vaale hain, bas vo… aate-jaate hain । dekho, abhi kitne sikkha dharma ho gae hain । achha, phir bhi to history repeat karenge na । achha, phir bataao ye gurunaanak kab aaega? bechaare kuchh bataay nahin sakenge । tum bataay denge achhi tarah se hisaab karke ki bhai 5000 ka chakkar hai, unko abhi 500 varsha hua hai । achha, phir ye jab aaya tha aur phir vo 4500 varsha ke baad phir aaega । tum aise kah denge na । 4500 varsha ke baad phir tumhaara vo gurunaanak aa karke sikkha dharma sthaapan karega; kyonki ham khud hi baith karke apna aadi sanaatan devi devta dharma sthaapan karte hain to zaroor doosre dharma vaale bhi aa karke nambarvaar phir karenge । to tum bachchon ko chakkar ka aur dharmon ka achhi tarah se raaj samjhaaya gaya hai । abhi koi kehte hain ki meri buddhi mein itna nahin baithta hai । bhala thoda to baithta hai na । baap kehte hain yeh jo tum patit-paavan bulaati ho vo to zaroor tumhaara satguru ho gaya । achha, ye father kehti ho, so to tum aatmaon ka baap hai hi । tum bhakton ka, saadhu-santa-mahaatma jo bhi hain, sabka pita bhagwan thahra । vaastav mein koi ko bhi jab bhi kaha jaata hai to aatma hi kahi jaati hai- punyaatma pavitra aatma, apvitra aatma, mahaan aatma । kabhi kisko pichhaadi mein paramatma to kaha hi nahin jaata hai । aise nahin hai ki ye aatmaaen ja karke parmaatmaaai banengi, na hi paramatma koi aisi cheej hai jismen ye aatmaaen ja karke leen ho jaaengi । jaise misaal dete hain ki budbuda hai, nikal karke saagar mein leen ho jaaenge । aisi to baat hai nahin । dekho, kitne gapode hain । phir unke jo followers hain, jo unko sikhlaaya jaata hai bas vahi kehte aaenge । kisse poochho to kahenge jyoti-jyot mein sama jaate hain, kisi ko poochho to bolega budbuda jaise saagar mile usmein ho jaata hai । koi phir kehte hain ki nirvaandhaam mein gaya । abhi nirvaandhaam to nirvaandhaam hi ho gaya । jaise kehte hain- buddha ki soul kahaan gai? paar nirvaan gai । nirvaandhaam kaho, paar nirvaan kaho, baat to ek hi rehti hai na । yahaan kehte hain jyoti jyot mein । abhi kaun right? budbuda, paar nirvaan to theek hai । nirvaandhaam se ham aate hai; kyonki nirvaan kaha hi jaata hai unko jahaan vaani ki gam nahin hai । aatmaon ko shareer mile tab kuchh movie ya talkie bane । sookshm shareer hai to movie hai । ye bachche jaante hain, anubhav hai । duniya ko to anubhav nahin hai na ki yahaan movie chalti hai । mukh se aise-aise baat karte hain jaise goonge । to vo bhi ek laingvej hai । vahi ki kitni sookshm laingvej hai jo vo vahaan samajhte hain, samajh karke daayreksans le aate hain । talkie to vahaan hai nahin, phir vo sukshmavtan mein ja karke daayreksans kaise le aate hain? yeh bhi to wonderful baat hai na । to drama mein yeh bhi baat samjhaai hui hai ki barobar vo sukshmavtan hai । unko kaha jaata hai- movie, talkie silence । barobar movie ke baaiskop bhi the. jo aise-aise sab karte the, chalte the । peechhe unmein maja to aaya nahin kisko, kyonki kuchh raag-vaag to tha hi nahin । to phir inmen sab talkie kar diya । ye bhi to siddha kar bataate hain kasaailensa movie aur talkie teen duniya hai । kehte hain silence me sirf brahma vishnu shankar bas, aur koi hote hi nahin hain, jiske liye samjhaaya jaata hai ki inke oonche parampita-paramatma hai, jo silence world me rehte hain aur ham aatmaaen bhi vahaan rehti hain । ab yeh bachchon ko to achhi tarah se samjhaaya hua hai na । kisko achhi tarah se kya samjhaave? patit-paavan guru to satguru ho gaya । aur koi bhi guru ho nahin sakte hain, kyonki sarva ka sadgati daataaek hai to zaroor sabhi jo bhi manushya hain, phir apne ko guru kahlaae, rishi kahlaae, muni kahlaae, sarasvati kahlaae, mahaamandaleshvar kahlaae jo bhi kuchh kahlaae, hain to sabhi patit, kyonki hai hi patit duniya । paavan banaane vaale ko jaante hi nahin hain । koi sayaana ho to government ko bhi likhe ki tum logo ne teen brahma vishnu shankar to theek laga diya hai । oonche te ooncha baap jisko kaha jaata hai unko to oopar mein lagaao । tum log unko to jiy daan do । inko to devta kaha jaata hai । inko rachne vaala kahaan? unko kyon kabradaakhil kar diya hai? to barobar unko kabradaakhil karne se sabhi manushya kabradaakhil ho gae hain । kaha bhi jaata hai barobar- paramatma aate hain, sabko kabra se jagaate hain, phir le jaate hain । aise hai na । barobar baap bhi kehte hain- bachche, ye kabristaan to banna hi hai । ye dekh rahe ho ki vinaash to hone vaala hi hai, mahaabhaarat ki ladaai to vahi hai । ye to zaroor hai ki is kabristaan yaani vinaash ke baad phir satayug ke gates khulte hain, kyonki raajayog seekh rahe ho satayug ke liye । ye aakar raajayog satayug ke liye sikhlaate hain । nahin to kahaan ke liye raajayog sikhlaate hai? nar se naaraayan so to satayug ka hi banenge na । ye hai hi raajayog । baap ne samjhaaya hua hai ki is samay mein tum baap se seekhte ho । kaise raajya lete ho? yogbal se । isko hi kaha jaata hai non vaaylensa koi si vaaylens nahin hain । ye manushya, saadhusant, mahaatma nahin samajhte hain vaaylens kisko kaha jaata hai । vaaylens hai ek-do ko kaam kataari nahin chalaana hai । vo sabse badi hinsa hai । devi-devta dharma ko kaha jaata hai ahinsa parmo devi-devta dharma aur tha barobar, jisko hi nirvikaari kaha jaata hai । kaam-kataari nahin chalti hai । baap ne aakar samjhaaya ki is vikaar se tum aadi-madhya-ant duhkh bhogte ho aur vo nirvikaari hone ke kaaran aadimadhya-ant duhkh nahin bhogte hain । vo ho gaya amarlok, ye hai mrityulok । amarlok aur mrityulok bhi hai to sahi na । mrityulok mein baith karke katha sunaate hain amarlok jaane ke liye । kahaan? ye manushya srishti mein । aise to nahin hai ki shankar phir baith karke paarvati ko vahaan amraktha sunaaenge । shankar bechaara kya jaane amraktha se! ye kisne kaha? zaroor inse ooncha koi hoga, vo to kah sakte hain, nahin to baap kehte hain- main unka baap hoon aur kehta hoon ki ye shankar bechaara kya jaane is amraktha se! vo koi trikaaldarshi thode hi hai । trikaaldarshi to main hu aur mujhe trikaaldarshi manushyon ko banaana hai । to barobar baith karke unko trikaaldarshi banaata hoon । trikaaldarshi, trinetri, phir trilokeenaath- ye tum bachchon ko titles milte hain na । teeno lokon ko jaanne vaale, teenon kaalon ko jaanne vaale- ye to bhagwan ki mahima hai । baith karke tum bachchon ko aap saamaan banaate hain । aap samaan bana karke tum bachchon ko saath mein le jaate hain । jab tum vahaan jaate ho to tum is gyaan se jaante ho, tum gyaan saagar kebachche master gyaan saagar ban jaate ho । tumhaari buddhi mein kaun-sa gyaan rehta hai? ye srishti ka chakkar kaise phirta hai, kyonki kehte hain- main manushya srishti ka beejroop aur chaitanya hoon knowledgeful hoon । tum bhi aise kehte ho na- manushya srishti ka beejroop hai, patit-paavan bhi hai aur knowledgeful bhi hai । to mujh beej mein kaun-si knowledge hogi? kyonki chaitanya hoon knowledge hai । aise to nahin kahege ki us jhaad ke beej me koi knowledge hai । ye zaroor hai vo jad hai, isliye ham jo chaitanya hain jaante hain ki barobar vo jo aam ka ya koi ka beej hai, inse aise ooncha jhaad nikalta hai । unme kaise ye phal nikalte hain । abhi ham phir manushya srishti ke jhaad ko jaante hain । baba kehte hain- main beej oopar mein hoon, ye ulta hai, isliye main is ulte jhaad ke aadi-madhya-ant ko jaanta hoon srishti-chakra ko jaanta hoon drama ko jaanta hoon । doosre to koi nahin jaante hain na । baap baith karke bachchon ko samjhaate hain ki mujhe manushya kehte bhi hain- sat hai, chaitanya hai, aananda ka saagar hai, gyaan ka saagar hai, sukh ka saagar hai, shanti ka saagar hai, pavitrata ka saagar hai । achha, unheen se inheritensa milna chaahiye । barobar tum sab aatmaaen inheritensa le rahe ho mujh apne baap se । inheritensa kaahe ka le rahe ho? yahaan ki tum ever 21 janma ke liye paavan banenge । ever nahin banenge । vo bata dete hain- main to ever paavan hoon kyonki vahi rehta hoon । tumko to phir yahaan part bajaana hai, isliye tum 2। janma ke liye paavan banenge । so bhi samjha diya hai ki tumhaari kala kamti hoti jaati hai । is samay mein sirf tumhaari hai chadhti kala । ek granth mein hai, baith karke samjhaate hain- chadhti kala tere bhaage sarva ka bhala । baran, satayug me se vahaan se aay, kyonki vahaan par tum bachche master gyaan saagar ban jaate ho, phir vahaan se neeche aay tumhaari kala thodi kam ho jaaegi । chadhti kala abhi is samay mein hai । peechhe satayug mein kalaaai phir kamti hoti jaaegi। chadh karke neeche bhi to utarna hai na । to abhi tumhaari chadhti kala hai । abhi tum baap se behad ka varsa lete ho । abhi tum bahut service bhi karte ho । jaise baap ko yaad karte hain na- O patit-paavan aao । phir kaun tumhaare madadgaar honge? barobar shivshakti aur paandav sena । ye shivshakti phir aakar is patit duniya ko paavan karne me madad karti hai । naam bhi to gaaya jaata hai na jinko kaha jaata hai -chanda maatram' । patit ko to bachche maatram koi nahin kahege । khud hi maataaai jo kumaari rehti hain, paavan hone se unko sabhi vandana kar maatha jhukaate hain । phir jab maata ban jaati hai to jab bhi koi mattha jhukaaye । to baap aa karke maataaon dvaara .shakti dal dvaara gupta । tum kisko bhi haath nahin chhooti aur vikaar me nahin jaati to tum jaise ki double ahinsa vaale thahre । jaise kehte hain na- ahinsa parmo dharma । raajya bhi leti ho, parantu hathiyaar nahin chalaati ho aur pavitra bhi rehti ho । dekho to tum double ahinsak aur vo sabhi double hinsak, kyonki vikaar mein bhi jaate hain, manushyo ko maarte bhi hain । duhkh bhi dete hain na । kaun-sa duhkh? are! vo to kaam kataari se sab ek do ko duhkh de rahe hain । pahla number ka to duhkh vo hai na ।duhkh ke to pahaad girte hain na । kinho dvaara duhkh ke pahaad girte hain? manushyon ka manushyon ke oopar । dekho, ye krodh ka । isko kaha jaata hai behad krodh aur ye bhi samajhte ho abhi behad vaishyaalay hai bahut । barobar is samay mein to manushyo ne bahut hi gaali bhi de di hai-dropdi ko paanch pati । ye bhi kabhi ho sakta hai?to isi samay ke shaastron mein likha hai na । dropdi ko panch pati bhi in shaastron mein likha hua hai । krishna ko 16000 raani is bhaagvat shaastra mein likha hua hai । kahaan dropdi, kahaan unki raaniyaan, to gaaliyaan haan gaaliyaan thahri na । raamaayan mein, bhaagvat mein bhi gaaliyaan hi to hain na । isko hi kaha jaata hai dharma ki glaani । yaani meri bhi glaani, jo main bhaarat ka aadi sanaatan devi devta dharma sthaapan karta hoon । islaam ki, bauddhi ki…kabhi kiski glaani nahin karenge । ye to dekho, inhonne apne aap ko chamaat maari hai । sabki glaani yeh drama mein noondh hai bolte hain । bolenge- inka dosh hai? nahin, ye abhi to samjhaate hain drama mein noondh hai । barobar inko aise hi girna hai zaroor । to jabki girna hai to dosh kya! abhi chadhna hai, chadhti kala hai । to phir baap kehte hain- jaao, har ek jagah mein dhindhora pitvaao ki jisko tum bhakta yaad karte ho vo bhagwan aa gaya hai aur bhagwan apna svarga ka khajaana le aae hain । teeri par bahishta । to tum bachchon ko bhi samjhaaya gaya hai ki sabko samjhaao ki behad ka baap aaya hua hai । vo to hai hi svarga ka rachta । record --om nam shivaay sachchi to sachcha bataaega । ye to jhoothi maaya, jhoothi kaaya, jhootha sab sansaar hai । sach kaun bataaega? unko kaha hi jaata hai 'sach' aur barobar katha dekho kitni lambi-chaudi hai । abhi talak padhte raho । yeh katha tumko ant tak padhni hai । nar se naaraayan banaane ke liye tumko padhni hai । katha kaun-si hai? srishti ka chakkar kaise phirta hai, manushya srishti ke jhaad ki aadi-madhya-ant kya hai- yeh katha hai । barobar katha bhi isko kahen- longa longa ago। longa longa ago maana? 5000 varsha pahle । kya tha? shri lakshmi naaraayan ka raajya tha, devtaaon ka raajya tha । phir kya hua? to dekho, katha tum suna sakte ho na kaise vo log 84 janma mein aave । dekho, tumne kitni badi katha sunaai । katha mein anek kathaaen । kaun-si phir anek kathaaen? islaami aise aaya, bauddhi aise aaya, Christian aise aaya, phalaana aise aaya । ye sabhi kathaaen hain । kathaaon mein kathaayen । abhi tumhaari buddhi mein theek baith gai- saare srishti ke chakkar ki aadi-madhya-ant ki katha sabhi dharmo ke bhi aadi-madhya-ant ki katha । sabko buddhi mein to nahin hai na । nambarvaar hain । ye katha ko hi knowledge kaha jaata hai । katha bhi kahen । katha ki jaati hai puraani । 5000 varsha hua, phalaana raaja tha, ye tha, phir ye hua, ye hua usko katha kaha jaata hai । to unhonne poori katha bata di ki 5000 ke badle mein lakshmi naaraayan ka raajya laakhon varsha aage kar diya so bhi saari ulti katha । peechhe raam ko le aae, peechhe krishna ko le aae । phir raam ko bandar ki sena di aur krishna ko geeta ka bhagwan banaay diya aur bahut maaiyo de deen । sikeeldhe lucky gyaan sitaaron prati maat-pita baap-daada ka meethe-meethe bachchon prati nambarvaar purushaartha anusaar yaadapyaar aur good morning ।