रविवार 20 सितंबर 1964 की साकार मुरली - 1

> >

20-09-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj ravivaar septembar ki bees taareekh hai, praatah class mein baapdaada ki murli sunte hain।

record-

kisi ne apna banaake mujhko muskuraana sikha diya…

om shanti । ye record ne pahle pahle vachan sunaaya । granth ka vachan lete hain na । to ye record kehta hai kisi ne mujhko...... । agar ye record na bhi baje to koi harja nahin hai, parantu ramat-gamat ke liye, shuru karne ke liye aur jo bhi vidvaan aachaarya pandit hain vo koi na koi shaastra ka kuchh na kuchh shuru karte hain । geeta ka ya ved ka ya upnishad ka kuchh na kuchh unki buddhi mein rehta hai । ye jaante ho ki jo bhi manushya maatra hain unki buddhi mein shaastra hai aur tumhaari buddhi mein koi bhi shaastra vagairah kuchh bhi nahin hai । tum bachchon ke liye, khaas budidhayon ke liye bilkul hi, jo shaastron ki kuchh bhi baaten nahin samjhen ya kathaaen sun karke khush hoven । yahaan to pahle pahle khushi hoti hai ki ham kiske bane hain । aise nahin koi kahega ki jo hamaara guru hai, ham unke bane hain । nahin, banna hota hai baap ka । shareer chhod karke bhi phir kiska banna hota hai? baap ka banna hota hai । to dekho, yahaan sirf baap ka banna hai । ved shaastra granth vagairah-vagairah tum bachchon ko koi ki darkaar nahin hai । jab baap ko bachcha paida hota hai to baap khud samajh jaate hain ki meri milkiyat ka maalik paida hua hai । vaastav mein yahaan koi bhi padhne, karne, jap tap teertha daan-punya shaastra vagairah ki koi darkaar nahin hai । jaise koi raaja hai ya mahaaraaja hai unko koi bachcha nahin hai, aise bahut hote hain na, bahut saahookaar bhi hote hain । to unko bachcha nahin hone se vo bachcha mogte hain । bas, bachcha paida hua, vo samajhte hain ki meri jo bhi property hai unka maalik hai । inmen koi padhaai ki to baat nahin hai na, yeh to sambandh ki baat hai । tum bachche bhi aae ho, vaastav mein jaan gae ho ki ham sachpach pahle bhi shivbaaba ke hi hain, pahle bhi parlaukik baap ke hain; kyonki aatmaaen pahle hain aur ye shareer peechhe hai । peechhe hamko shareer milta hai । abhi tumko shareer to hai । abhi tumko behad ka baap mila hai । usne aa karke apna parichay diya hai । tum bachche sirf itna hi kehte ho ki haan, ham aapke hain । to dekho, yahaan sirf baap aur bachche ka sambandh hai, aur to koi sambandh hai nahin । phir uske baad jabki bachchon ko padhna bhi to hai zaroor । inko guru bhi karna hai zaroor, ye bhaarat mein kaayda hai । tum jaante ho ki barobar ham behad ke baap ke bachche ban gae hain । nahin to yahaan kya karte? yahaan inke paas rahne ki kya darkaar hai? ye kehte hain ki main koi guru-gosaaeen vagairah kuchh nahin hoon । sambandh bhi ye hai, board mein bhi laga hua hai - bramhaakumaar aur kumaariyaan । to kumaar aur kumaariyaan ka naam likha hai na, bahnon aur bhaaiyon ka । to zaroor unka baap hai । so bhi likhte hain ki ham brahma ke kumaar aur kumaariyaan hain । ye sambandh hua na । pahle pahle sambandh chaahiye । peechhe teacher, peechhe guru । pahle-pahle to maa-baap ka sambandh chaahiye । meethe bachche, tum hamesha gaate aae ho ki tum maat-pita.. । dekho, maata-pita ka sambandh ho gaya na । tum maat-pita ke ham jab baalak banenge phir se; kyonki gaate aate hain, ye samajhte hain ki phir jab aap aaenge to ham aapke baalak banenge । dekho, ye aatma kitni yaad karti hai । isko avinaashi yaad hai jaise bhaktimaarga mein । jab ham baalak banenge tum maat-pita ke tab tumhaare se ham varsa lenge । maat-pita se aur kya milta hai? varse ki baat ho jaati hai na । abhi tum bachche jaante ho ki ham maat-pita ke hain । bhale koi bhi yahaan se chale gae ho, phir bhi unko bulaakar poochhen ki ye tumhaara kya lagta hai? to phir bhi kahenge zaroor ki ye maat-pita hain, ham shivbaaba ke bachche hain । jab bachche hain to varsa hi yaad aana hai । abhi tumko koi doosri pustak vagairah to nahin padhaai jaati hai na । kuchh bhi nahin । tumko sirf ye nishchay baithaaya jaata hai ki jinke bane ho unko yaad karo to unse tumko kya phaayda hoga । vo khud kehte hain ki mere saath yog lagaane se ya mere ko yaad karne se........ । bane to ho na । dekho, bahut thodi si aur sahaj te sahaj baat bataate hain; kyonki vishaal buddhi to hona chaahiye na । aise thode hi hai ki beej aur jhaad ko koi samajh na sake ya in chakra ko koi samajh na sake । aur to kuchh nahin samjhaate hain, sirf apne hi kul ki baat samjhaate hain ki dekho, ham kitni badi biraadri vaale pahle baba ke bante hain, phir ham kaise 84 ke chakra mein aate hain । ye to samajh gae ho na, nahin to doosra koi bhi manushya samajhte nahin hain ki 84 ke chakra mein kaise aate hain । abhi tum bachchon ko ved shaastra ya jo jo bhi tum aadhaakalpa karte aae ho in sabse chhudaate hain । tumko na koi yagya, na tap, na daan, na teertha, na punya, na sandhya na gaayatri kuchh bhi karne ki darkaar nahin hai, kyonki tum baap ke bane ho aur unko yaad karte-karte aur phir srishti chakra ke aadi madhya ant ko jaanne se aur trikaaldarshi banne se he mere laadle bachche! tum itna oonch te oonch svarga ka maalik bante ho । abhi hai to bahut sahaj na । tum jo rote rote aate ho, tumko sadaiv ke liye harshit banaata hoon । kitni sahaj baaten hain । ismen difficulty to nahin hai; parantu ye sahaj baaten bhi bhool jaati hain । kya kaaran hai jo bhool jaati hain? bhoolne ki koi baat honi nahin chaahiye । maa-baap ko kabhi koi bhoolta nahin hai । so bhi aise maa-baap ko । baap sirf bachche ko kehte hain - baap ko yaad karo aur varse ko yaad karo, phir tum sadaiv harshit rahenge । vo geet ka point hai na - koi aaya hua hai... । vo gaate rehte hain, bhaktimaarga mein to gaana hi hai na । ye jo tumhaara hai ye avinaashi ho gai na । vo baras-baras kuchh na kuchh manaate hain - dashahra deepmaala rakhdi bandhan । are, ye to roj....... । aatma to duhkh mein apne baap ko yaad karti rehti hai । duhkh mein aur to kisko yaad nahin karte hain na । baap ko yaad karte hain; kyonki baap ne zaroor sukh diya hai aur koi hamko duhkh dete hain to baap ko yaad karte hain ki haay baba, haay bhagvan, aise kehte hain na । aise mat samjho ki isi janma mein, nahin, har ek janma mein ye haay-haay karte aae hain । abhi to bachchon ko bilkul hi sahaj samjhaate hai । bhale yahaan raho, to samjhaane ki baat ho gai, bhale agar bairak mein rehna chaahte ho ya jo bhi government ke sipaahi bairak mein rehte hain to tanduroosta hi rehte hai । kabhi service kar sakte hain । tanduroosti bigar to service thoda mushkil bhi kar saken । bhale tum taduroosta na bhi ho, bhale kitne bhi beemaar ho, jaise tum logon ke beemaar hone se vo aakar samjhaate hain ki aaraam karo - aaraam karo। tum phir kya karo? tum beemaari mein hi auron ko bataao ki tum shivbaaba ko yaad karo - shivbaaba ko yaad karo । vo marte hain aur vo khade hain । tum jab beemaar bhi ho to sirf itna unko kaho - are, shivbaaba ko yaad karo । tumko to koi yaad karaane se chhoot gaya । tumko auron ko yaad karaana pade, yaad dena pade । marte samay bhi tum auron ko ye knowledge de sakte ho ki shivbaaba ko yaad karo - shivbaaba ko yaad karo, behad ka baba hai, tumko varsa dega । uska svarga ka varsa hai । to service ka shauk jab pad jaata hai to marne vakta bhi agar koi aaega poochhne ke liye to unko gyaan denge - aisi bachchon ki avastha chaahiye । aise nahin ki hospital mein murde pade rahen to mukh band ho jaaen । mukh to kabhi band nahin hota hai na । mukh se kuchh na kuchh haay raam - haay raam, raam-raam to nikalta hi rehta hai na । to tum bachchon ki kitni achhi avastha honi chaahiye, kitni buddhi mein ye baat honi chaahiye ki sirf hamko baba aisi ek sahaj baat samjhaate hain, jo chaak hain, change-bhale hain, tandaroosta hain ya beemaar hain, ham beemaari mein bhi bahut first class service kar sakte hain । koi bhi mitra-sambandhi aavenge hamaari service karne liye; sab to samajhte hain ki inko koi darkaar nahin hai, to bhi vo bichaare aaenge to kahenge ki achha, prabhu ko yaad karo, vo hi tumhaara rakhvaala hoga aur kya tumhaara koi rakhvaala ho sakta hai! isliye eeshvar ko yaad karo, prabhu ko yaad karo, raam- raam kaho । to phir unko kya samjhaana hai? vo to tum jaante ho ki apni buddhi mein hai ki main to hu gyaan saagar ka bachcha । ham tumko aur hi kehte hain ki tum shivbaaba ko yaad karo । baba ek hai aur varsa bhi sabko ek se milta hai; kyonki baap ka varsa bachchon ko to milta hi hai na । usmein bhi jo mel hote hain unko varsa milta hai, female ko nahin milta hai । unko kuchh daan kiya jaata hai । usko daan kehte hain । kanyaaen sau braahmanon se uttam hain, kyonki pavitra hain । to pavitra ko to daan diya hi jaata hai । sanyaasi pavitra hain to unko daan diya jaata hai । brahman pavitra nahin hain to bhi unko daan diya jaata hai, parantu tum kanyaaen to sabse jaasti pavitra ho । isliye baap-maa tumko doosron ko dene ke liye kehte hain ki ham kanya ko daan dete hain । kanya ko bhi dete hain, to kanya ko daan bhi dete hain । unko bahut bada daan samajhte hain; parantu is samay mein vaastav mein daan to hota hi nahin hai । daan to abhi hai । dekho, aajkal tumko bahut kehte hain, jo gareeb hain vo to bichaare chhoot jaate hain na । ham apni kanya ye yagya mein shivbaaba ko dete hain । maata bhi kehti hai main shivbaaba ki banti hoon । to kanya to deni hai na । vahaan deni hai katleaam hone ke liye aur yahaan kanya di jaati hai svarga ki mahaaraani banne ke liye । narka bhaarat ko svarga banne ke liye । dekho, agar koi kanya daan dete hai to kanya bhi aisi honi chaahiye jo padhi-likhi ho । tum chhoti bachchi kanya to nahin le lenge । kanya leni hai jo achhi tarah se apne kul ki bhi ho aur unko kuchh samjhaane se vo samajhti jaae; kyonki sarvisebul to chaahiye na । tumko chhote bachche nahin sambhaalna hai । na ki tumko chhoti kanyaaon ka kuchh bhi lena hai । kanya aave, jab dekho ki ye thodi baat mein samajh leti hai ki yahaan kya kaam hai! yahaan aur to padhaai jaasti nahin hai, tum itna kaam kar sakengi? to tum bhi shivbaaba ko yaad karo । parichay do aur unko kaho ki abhi baap ke varse ko yaad karo । ye to zaroor hai ki barobar behad ka baap hai aur ye chitra saamne rakh dena hai । ye chitra bada achha hai । hain to sabhi chitra ek-do se achhe । ye nutshell mein hote jaate hain । unse kaho ki dekho, ye satayug ka varsa pa rahe hain । nahin to satayug ke liye ye lakshmi-naaraayan ka varsa, ye kahaan se, kisne de diya? shri lakshmi-naaraayan ko achhi tarah se pakdo । isliye lakshmi-naaraayan ke bade chitra tum bachchon ke liye banaae jaate hain, raadhe-krishna ka bhi nahin । to ye bhi dekho baithi hui hai, thodi baat samjhaate hain । unko kya karna hai? abhi ye naatak poora hota hai । aur sab baat bhool jaaven । ye ek naatak hai aur hamne 84 janma ka part bajaaya hai । abhi poora hota hai, ham jaate hain baba ke paas । baba ke paas jaaengi aur phir nai duniya mein aaengi, kyonki hamaara baba nai duniya ka rachne vaala hai । nai duniya ka maalik nahin hai, maalik hamko banaate hain । vo hamko uski yukti maarga ya paath kehte hain, vo tareeka bataate hain ki behad ke baap se tumko 21 janma ka sada sukh ka varsa kaise milega । ye ghadi-ghadi baith karke apan ko aise hi nishchay karo ki ek to, main aatma hoon । main aatma khaata hoon main aatma chalta hoon main aatma is shareer ko ye kartavya kara raha hoon । ye practice to tum logon ko badi chaahiye ki tum aatma ho, jisse deh-abhimaan to toot jaave । jab tum ye nishchay karengi to phir ye nishchay bhi rahega ki ham aatma kiska bachcha hoon । deh-abhimaani ko ghadi-ghadi laukik baap yaad karega । dehi-abhimaani ko paarlaukik baap yaad karega । ye bhi to ek kaayda hai na । deh-abhimaani hone se tumko dehaabhimaani ka laukik baap aur unka varsa yaad padega । to uthte-baithte thodi mehnat hai ki main aatma hoon main aatma khaata hoon peeta hoon chalta hoon । mera baap hai baba, unki mat par chalta hoon । ye bhi mat vo de rahe hain । shivbaaba mat de rahe hain ki apan ko aatma samajh karke mujhe yaad karo, kyonki sukh to tumko lena hi hai । sukh ke to bhaati ho gae; parantu thode sukh ke liye satisfy na ho jaao, bas khush na ho jaao । ham jaaenge to zaroor svarga mein, ismen to paai ka bhi shak nahin hai । baba-mama to kaha hai na; parantu pakke maatele bano, sautele nahin bano; kyonki sautele aur maatele ka yahaan bahut samjhaaya hua hai । maatela kisko kehte hain?... .jo bilkul hi baapdaada ko yaad kare, phir doosre na yaad pade । doosre yaad padte hain to sautela ho jaata hai । dekho, yahaan baithe-baithe bahut aate hain na । ye bhi baap yaad padte hain, vo bhi yaad padte hain । to phir ek yaad karna padta hai na । do baap nahin । ek baap jo avinaashi svarga ka varsa dene vaala hai । ek ka kul samjho । ye bhi kul hai, vo bhi kul hai । aur bhi baal-bachche sab hote hain । samjho biraadri hai । unse to duhkh hi milta hai । abhi to duhkh hi kahenge । alpakaal kshan bhangur sukh bhi kya kahenge! abhi sukh kya rakha hua hai yahaan! yahaan to maut aaya hua hai saamne । to ye buddhi se judge karna hai ki abhi ham kis taraph jaaven? laukik ke taraph ya parlaukik ke taraph । ye bhi geet to hai na tumhaare paas - kiski taraph jaayen, kiska saath pakde? buddhi kehti hai ki kyon nahin is baap dvaara baap ka ban karke, haath de karke ham apna svarga ki taraph jaave । phir vahaan buddhi kehti hai ki laukik ko kaise chhoden? jeete ji chhodna hota hai na । to tumko is samay mein jeete ji marna hai, chhodna hai । vo hamko jahannum ki taraph le jaane vaale hain, ye bahishta ki taraph le jaane vaale hain । ab buddhi kehti hai ki kis taraph jaaoon । raat-din ka pharka hai । us taraph to ham svarga ke maalik bante hain, is taraph mein to narka ke maalik bante hain । abhi kis taraph buddhi ko lagaaven? buddhi ko kahaan chhode? aatma kehti hai buddhi ko kahaan phenken?.. .shantidham aur svargadhaam jaaven ya yahaan jaaven? abhi ya yahaan jaave vo prashn uthna nahin chaahiye; kyonki yahaan ke to janma-janmaantar ho; isliye abhi to ham is baap ko to kabhi chhodenge nahin । tum baap ke paas baithe hue ho । yahaan koi laukik sambandheeto hain nahin tumhaare, bhale koi aapas mein bahnen hon ya phalaana hon, kehti hai ki ham baba ke saath muktidhaam, baba kehte hain na ki saveren mein bhi uth karke aise hi baitho । baithne se maja hi hota hai ki kis taraph jaaven । khainch kis taraph ki jaasti honi chaahiye? buddhi kehti hai ki kheench to svarga ki taraph ki honi chaahiye । meri buddhi is taraph yaadgaari mein kyon jaati hai? hamko ye maaya dhokha deti hai । ye apne se baat karni hai । vichaar saagar manthan ka koi arth to nikalna chaahiye na vo to nahin hai ki saagar mein laathi daali ya sarpa daala ya phalaana ।... em-object hai tumhaare paas । sanyaasi log ka koi bhi tum ye vichaar-saagar-manthan kar nahin sakti ho । abhi tum kinaare par ho ekdam ki kaha jaayen । is taraph mein to duhkh hi duhkh hai, us taraph mein 21 janma ka sukh hai । kis taraph buddhi ka yog lagaaven? baap kehte hain ki mere ko yaad karo । maaya kehti hai is kutumba, parivaar, puraani duniya ki taraph aao । main kahaan jaaoon? mujhe to abhi raasta mila hai jo raasta. .... sangam par aakar khade hue ho । ek taraph mein svarga jaane ka aur ek taraph mein hai narka । ye sangam hai na । vo tivaata nahin hai, ye to vivaata kaho । tivaata kaho to bhi theek hai । tivaate ka naam hota hai na । teen gali - ek is taraph mein, ek is taraph mein, ek is taraph mein, vahaan tivaata hota hai । abhi ham kahaan jaave? kis taraph jaave? is taraph jaayen, is taraph jaayen ya is taraph jaave? ek to gali hai narka ki, doosri taraph hai muktidhaam, teesri taraph mein hai jeevanmuktidhaam । abhi tivaate par gae ho । ye sangam abhi tivaata hai, jaise teen nadiyon ke sangam ko triveni kaha jaata hai । jaise teen nadiyo nikalti hain ek vahaan se, ek vahaan se, ek phir bolte hain ki gupta hai; par hai zaroor jo kahaan se aati hai । abhi tum jaante ho ki ek taraph mein hai muktidhaam aur doosre taraph hai jeevanmuktidhaam । bahut manushya hain jo bahut kehte hain ham to muktidhaam pasanda karte hain aur koi jeevanmuktidhaam pasanda karenge । is taraph mein to hai hi bandhandhaam jo aa karke khada hai । to teen raaste to hain na । teen vaatikaaen । ek vaatika mein to hain hi ham । us vaatika mein bhi to hain na। tivaate ka misaal to bada achha hi dekhne mein aata hai । to aur kaha jaaven? ye narka ke taraph to hamko chhodna hi pade । usmein to bahut duhkh hai ekdam । agar shanti hai to ek aankh mein ye line mein jaati hai muktidhaam mein, doosri line mein aa jaati hai jeevanmuktidhaam mein । ham tivaate par khade hain; isliye pichhaadi to nahin hatenge; kyonki pichhaadi se aakar tivaate par khade ho । duhkh ki gali se aa karke baba ne tumko tivaate par khada kiya hai । is taraph mein bahut bhayankar hai । shanti bhi hai aur svarga mein sukh hai । ye gali se tum aae ho janma-janmaantar paas karke, vahaan to duhkh hi hai । abhi vichaar rehta hai kahaan jaayen । buddhi kehti hai ki muktidhaam jaakar phir jeevan muktidhaam mein jaate hain । to kyon na ham kahen jeevanmuktidhaam । muktidhaam mein to baithna hai nahin । agar muktidhaam mein koi baith hi jaaen usko bhi phir moksha nahin kahen । moksha use kehte hain ki ham kahaan bhi na hon । vo log kehte hain na ki hamaara part hi na ho kahaan ka bhi । is part se chhoot jaayen । muktidhaam mein baithen to bhi chhoot nahin saken । bhale bahut vahaan baithna hota hai । muktidhaam mein koi 5000 varsha to koi 100, 200, 300 varsha kam rehte hain । to kya tumko vo part chaahiye? drama anusaar tumhaara vo part hai । phir aaenge, machchhar ke muaaphik marenge, aur to kuchh bhi nahin hai । itna jo duhkh dekha hai, unka kuchh shanti aur sukh bhi to dekhna chaahiye । to vaastav mein dekhne me aata hain ki baba ne drama mein ye vajan achha rakha hai । jo pichhaadi mein nirvaandhaam mein, muktidhaam mein bahut rehte hain, vo to abhi aae aur ek- do janma liye aur chale gae । vo bhi kahenge ye to aur hi achha । tum kisko baithkar yeh bataaenge ki kya tum muktidhaam mein hi rehna chaahte ho? tivaate par to khade ho । ek muktidhaam hai, doosra jeevan muktidhaam hai । vo shantidham mein hain, vo sukhdhaam mein hain । tum agar shantidham mein jaana chaahte ho to bas shanti ko hi yaad karte raho । ye mana kar do ki baba, mujhe to yahaan aana hi nahin hai । hamko bhale pichhaadi mein aane do, main to ye vichaar karta hoon । to bhi muktidhaam ko yaad to karna pade na । ye vivek kehta hai ki muktidhaam mein kyon rehna chaahte hain । ye jo pichhaadi vaale aate hain na unko muktidhaam mein jaasti rahne se muktidhaam jaasti yaad padta hai । tum jo pahle vaale aate ho to tumko jeevan muktidhaam yaad padta hai । hain to donon right, kyonki ham jeevan muktidhaam vaale hain to hamko yaad padta hai ki jaldi ham jaayen । vo nahin hain to unko itna khyaal nahin rehta hai । vo chaahte hain ki ham mukti mein rahen । to bhale mukti mein rahen, baba se var lena bhi koi kam to nahin hai na । bhale 84 janma se chhoot karke, baaki ham khaali do janma leve । chalo, bas baba ko yaad karte raho । jaana hai to unse itna hi varsa tum jaasti nahin.... । inmen bhi dekho kitna kalyaan bhara hua hai । koi ye bahut pasanda karenge । unse poochh sakte ho ki agar tum chaaho to ham nirvaandhaam mein hi rahen, sukhdhaam mein na aave, to bhale, to phir apan samajh jaaenge ki inka pahle jeevanmukti mein part nahin dekhne mein aata hai । sab to aakar ye nahin lenge na । jo aa karke purushaartha karenge samjhenge ki ye muktidhaam vaale jo peechhe aate hain islaami bauddhi Christian, inmen se koi hai, jo baap se apna vahaan ka varsa lete hain ki ham bahut vahaan rahen । hain to donon achhe na । buddhi kehti hai donon bahut achhe hain । vo sukhdhaam jaana nahin chaahte hain । tum ho jo sukhdhaam mein rahne vaale ho vo aaenge, tivaate par abhi khade rahenge aur zaroor purushaartha karenge । jo na aane vaale hain unko ye pasanda bahut hoga tumhaara sachcha yog । unse kaho ki tum aatma ho, baap ko yaad karo । tum chaahte ho ki ham baap ke paas jaakar rahen to bas baap ko hi yaad karte raho aur is chakra ko bhi yaad karne ki tumko darkaar nahin hai । svarga ko bhi yaad karne ki darkaar nahin hai । tum baap ko yaad karte raho; kyonki ye gyaan to sabhi dharma vaalon ke liye hai na । baap ka parichay dena to sabko hi hai । peechhe ye to samajhte hai ki drama anusaar jinhonne jitna jaakar liya hai, jis pad par pahunchna hai vo aaenge, aakar yahaan se pad lenge । bachchon ko to raasta bataana hi hai na । muktidhaam mein jaana chaahte ho to sirf baba ko yaad karo । varsa lena chaahte ho to chakra ko yaad karo । dekho, kitni sahaj baaten hain । bachchon ko samjhaate hain । agar ye geet ke muaaphik kehte ho ki ham shant nahin; par sada sukhi rahen, to vahaan shanti bhi hai aur sukh me hai । jo-jo jis-jis dharma ka hoga vo vahaan varsa apne baap se aa karke le lena hai zaroor । muktidhaam vaala bhi le lega, kyonki sarva ka jeevanmukti daata hai । to jeevanmukti daata vo bhi to pahle jab aaenge, tab sukh dekhenge । ek hi janma mein sukh bhi dekhenge to duhkh bhi dekhenge । vo to jaise machchhar ke muaaphik abhi-abhi; janma, ghooma-phira aur phir raat ko mara । abhi vo to koi aise nahin kahenge na ki amoolya jeevan hai । vo to machchharon jaise thode-thode jeene vaale hain । tum to bahut hi sukh lene vaale ho । tum to sadaiv harshit rahne vaale ho । khade to hona na abhi । baba tumko samjhaate hain ki barobar tum ek light house ho, khade ho gae ho, ek taraph mein donon raasta dikhla sakte ho । bolo- chaahe muktidhaam mein chalo, chaahe ye jeevanmuktidhaam mein chalo । chaahe sirf muktidhaam ko yaad karo, chaahe to donon ko yaad karo । hai to bahut thoda ।.. ismen na koi shaastra padhne ki darkaar hai, na alaph, be padhne ki darkaar hai । vaastav mein kiske liye? kumaariyon ke liye, kyonki kumaariyaan to padhne lag padti hain na । unko to bahut sahaj hai ekdam; kyonki seedhi jab talak na chadhi hai to bada sahaj hai unke liye । nahin to jo yaad hai, vo mitti nahin hai । chhotepan se hi kisko yaad dilaao to achhi tarah se pakke ho jaate hain aur chhotepan mein padhte bahut achhe hain । buddhi unki achhi hoti hai । koi bhi gaan-vaan kuchh bhi sikhlaao to chhote bachche jaldi seekh jaate hain । badon ko to buddhi mein bahut hi hangaama hai na । dekho, shaadi ke baad kitne hangaame rehte hain । phalaane-phalaane ki yaad bahut hoti hai । kumaari ko to koi yaad hi nahin rehti hai ।. ..... .koi sunne ko aaenge to aise thode hi hai ki tum baith karke praja ka hisaab nikaalenge । hisaab nikaalenge ki hamaari maala kaise banti hai । chhoti maala kaise banti hai, badi maala kaise banti hai, tumhaara khyaal ismen rahega । phir ye bhi tumhaari buddhi mein rahega ki achha dekhen sabse saahookaar praja kaun banti hai । yahaan bhi aise hi hota hai.... -bade-bade; manushya kaun hain, phir bade-bade; saahookaar kaun hain । koi dekhenge ki aajkal guru bhi bahut saahookaar hain । dekho, aagaakhaan kitna saahookaar hai! guru bhi saahookaar hai na । phir dekho kahenge nijaam ka jo maalik tha, navaab tha, vo bahut saahookaar tha । vilaayat mein jaao to jo dhandhe vaale the rokphilar ya 'phorda' ye bahut saahookaar the । naam mein to aate hain na । to mukhya-mukhya naam mein nikal aaenge । baaki kiska hisaab karenge? tumhaare mein bhi aise hai ki kaun-kaun mukhya hain jo pahle sooryavanshi mahaaraaja-mahaaraani banenge aur phir kaun us dynasty mein raajya karenge, kaun hain jo chandravanshi banenge । kitni phir praja banne ki hai । ye bhi to hai na । yahaan tumko sab baat samjhaai jaati hai । saare jhaad ki, saare chakra ki, saare dharmon ki bhi । math panth ye daar mein dekho kaun hai, foundation hai, phir tyoomus hain, phir usmein se kitne chhote-chhote nikalte hain । abhi bhi jaise ki patte nikalte rehte hain । jab vahaan khaali ho jaaengi phir vinaash bhi shuru hona chaahiye । vinaash bhi kitna jaldi hota hai । kya wonder hota hai । vo jo badi ladaai hoti hai usmein koi bataate thode hi hain, kiske manushya mare, kitne mare । ye jo badi ladaai lagi thi na, usmein to karodon mare honge, par vo bhi anginat hai na । parantu yahaan to dekho kitne khalaas honge aur tum hi jaanti ho ki baaki kitne jaakar bachenge, jo vahaan satayug mein aakar rahenge । baaki itne sabhi... ke misal manushya chhaaye hue hain । anna hi itna nahin nikalta jo kha saken, so bhi khaas bhaarat mein । itne manushya hain, jo bhaarat mein itni anna ki paidaaish nahin hai jo bhaaratvaasi kha saken । kitna baahar se aata hai । abhi vriddhi to jaasti hoti jaati hai, unke oopar to pakka nahin hai । janma bahut jaldi hota hai, vo nishchay hai । bachche paida hote rahenge; parantu yahaan aaphten .. .....kitna anna khalaas ho gaya । chalo, phir baahar se mangaana pade । to dekho ye hai pichhaadi । tum bachche jaante ho ki baba aate hi hain sangamayug par aur abhi hamko bolte hain ki bhale tum bachche kuchh bhi na padho buddhi se kaam lo । abhi jo shareer nirvaah ke liye padhe hue hain unko shareer nirvaah ke liye prabandh to karna hi hai । baaki tumko apna banaana hai । poochhte jaao । harek ka apna-apna karma ka hisaab-kitaab hai । avinaashi surgeon se poochhte jaao, shreemat lete jaao । abhi kya karna hai, mere ye sarakmastaansej hain ham kya karen । sabko bataate jaaenge । saari duniya ko to nahin aana hai na । dekho aate kitne hai, than karke ekdam । tumko to koi bhi takleeph nahin hai bilkul hi । bhale vo dhandhe vaale hain to sab nahin bhoolenge na । unko dhandha to karna hai na । baaki jo yahaan aate hain, unko to ye samjhaaya jaata hai ki ye duniya sadi padi hai, khalaas hui padi hai । baap ko yaad karo, nai duniya ko yaad karo to tumhaara beda paar hai । sote raho, kuchh bhi karo । jo bhi aave, tum khatiya par pade raho, to bhi unko apna lakshya bataao ki tumhaare do baabaaen zaroor hain । jahaan bhi centre kholo । abhi dekho, bombe mein egjeevishan lagaaenge, vahaan pahle pahle\ ye baat bataao । ham tumko ek baat samjhaate hain ki tumko baap kitne hain? ek laukik aur doosra bhaktimaarga mein parampita, O god father yaad zaroor karte ho । isse siddha hota hai ki do baap hai । ek bada baap hai sabka aur vo hai har ek. ka alag- alag kutumba ka । ab ye bataao, unko kyon yaad karte hain? zaroor koi samay mein vo sukh dete honge । to samajh nahin sakte ho ki vo svarga ki sthaapna karte hain? so to ham jaante hain, tum nahin jaante ho । baba bhi kehte hain bachche । tum kuchh nahin jaante ho । apne janmon ko bhi nahin jaante ho । main tumko bataata hoon । tum bhi aise kah sakte ho na ki tum nahin jaante ho, ham jaante hain ki vo bada baba hai aur vo chhota baba hai । vo janma-janma milta hai, had ka varsa milta hai aur vo ek hi baar milta hai, jabki vo aate hain svarga ki sthaapna karne । jab svarga ki sthaapna karte hain to narka ka vinaash । satayug ki sthaapna karte hain to kalhayug ka vinaash । so saamne dekhte ho । ham raay dete hain, shreemat dete hain । shri-shri se mili hui mat tumko dete hain ki mujhe yaad karo to tum svarga ka maalik banenge । ismen likhne padhne ki koi bhi darkaar hai? budhiyon ke liye aur anjaan ke liye to bilkul sahaj hai । khaaskar ke budidhayaan; kyonki vo to marne ke liye taiyaar hain na । to unke liye to aur hi bahut sahaj hai । takleeph se aur dhakka khaane se hi chhuda dete hain । achha, abhi bahut kya sunaave bachchon ko । baap to aate hain tumko sadaiv harshaane ke liye va shant rahne ke liye aur sukhi rahne ke liye । yahaan to na hai shanti, na hai sukh । donon nahin hain na । ghar-ghar mein dekho kitni... kalah hai । to bhale 50 bagule baithe hue hain, hans apni mauj mein rahe । unko rahne ki power hai, bhale vo kya bhi aapas mein jhagda karte rahen । ham to apni mauj mein rahenge । jhagde ke beech mein nahin padna chaahiye । kya karen, ye gyaan nahin lete hain to ladte hi rahenge । ham raay denge । to aise nahin hai ki unke saath mil jaana padta hai । hans ke saath bagule ka aur bagule ke saath hans ko buddhi ka yog nahin lagaana । hans ka buddhi ka yog baap ke saath rehna hai, tabhi unko hans kehte hain । to ghar mein rahne ki yuktiyaan bahut hain । kisko bhi yukti na aati ho to poochhe । ghar mein ye-ye hangaamen mein kya karoon? baba bahut bataaega । shreshtha banne ki mat badi achhi denge । inse jyaada shreshtha mat dene vaala aur koi hota hi nahin hai । isliye naam hai shreemat bhagvat geeta । bhagwan ki shreemat । bhagwan to hai hi sabse oonche te ooncha bhagvat । svarga ka rachta hai to zaroor aisi mat denge jo svarga ka maalik bane ।.........................achha, toli le aao । ek akshar sunne se hi bachchon ko nasha chadh jaana chaahiye ।......guru bhi mantra pahle dete hain kaan mein, phalaana karo । tum bhi to mantra do na ki behad ke baap ko yaad karo aur varse ko yaad karo । so bhi yaad, ismen japna kuchh rehta hi nahin hai । baap ko yaad karo, varse ko yaad karo । na baba-baba karna hai, na varsa-varsa karna hai । vo pukaarti hain na ki mujhe jahar dene vaale se bachaao । ...... ..to unko cure to zaroor karna pade । yeh to samajh ki baat hoti hai । log difficult samajhte hain ki grihastha vyavhaar mein rahkar ham ye puraani duniya ko bhoolen । ye kyon nahin hota hai? ye koi badi baat to hai nahin । puraane makaan mein rehte-rehte nae makaan ko kaise yaad karte hain? nai duniya to yaad aaegi na । to bhala nai duniya ko yaad karo aur baap ko yaad karo, baat ek hi ho jaaegi aur pavitra to rehna hi hai । kaha jaata hai na, grihastha vyavhaar mein rehte hue kamal phool ke samaan pavitra hokar dikhlaao । maat-pita aur baapdaada ka meethe-meethe sikeeldhe bachchon prati yaadapyaar aur good morning ।