गुरुवार 2 सितंबर 1965 की साकार मुरली

> >

02-09-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshnon ko chandrahaas bhaai ki namaste, aaj guroovaar sitambar ki 2 taarikh hai। praatah class mein baapdaada ki murli sunte hain।

record :-

tumhein paake hamne jahaan pa liya hai…

om shaati!

meethi bachchiyaan is geet ke arth ko to achhi tarah se jaan hi gai hongi । phir bhi aaj baba ek- ek line ka arth karke bataate hain, kyonki ye bhi bahut sahaj hai jo in dvaara bhi mukh khul sakta hai । koi-koi geet aise hain jinka arth kuchh deep hota hai, koi-koi ka arth bilkul simple hota hai । to baba is geet ka arth line by line… । line by line bajaane aati hai? to phir in bachchon se class sahaj karaaya ja sakega aur unko khushi hogi aape hi baithkar arth karne ki aur aise hi jaise baba baithkar samjhaate hain ek-ek geet ki ek-ek line ki taise hi baith karke ek-ek arth(line) ki aur bahut simple aur sahaj hai । (record baja:- tumhein paake hamne jahaan pa liya hai…) abhi tumheen bachche baap ke aur tumheen baap ko jaante ho । kaun tumheen? brahman, kyonki shivvanshi to saari duniya hai aur ab jabki nai rachna rachi ja rahi hai to sammukh tum brahman ho aur abhi jaante ho ki baba se, shivbaaba se ya behad ke baba se brahma dvaara ham brahman aur braahmaniyaan ye saare vishwa ki baadshaahi le rahe hain, paay rahe hain, kyonki aasmaan to kya, kehte hain ham saari dharti, saara… to uske beech mein saagar aur sabhi nadiyon bhi aa gai । bolte hain- he baba! abhi phir se ham aapse behad duniya ki baadshaahi le rahe hain । liya nahin hai । bolenge, purushaartha… ye hai ant ka geet । jaanti ho ki barobar ham kalpa-kalpa baap se behad ka svarga ka varsa lete hain । vahaan bhi bas yahaan se jaise raajaai badalti jaati hai- sooryavanshi se chandravshi to sooryavanshiyon ko maaloom nahin hai । sirf ye samay hai jabki tumko saare is srishti-chakra ki pahchaan hai । peechhe ye srishti-chakra ki pahchaan, jo ab jab trikaaldarshi ban gae ho, vo praayah gum ho jaati hai । peechhe anaayaas aise hi chalte aate hain, neeche chalte aate hain । bas, peechhe vo phirti jaati hai । abhi tum jaante ho bachche ki behad ka baba aaya hua hai, jisko hi geeta ka bhagwan kaha jaata hai, kyonki pahle-pahle bhaktimaarga mein sarvashaastramayi shiromni geeta hi banti hai । phir zaroor bhaagvat bhi to mahaabhaarat bhi, jab bhakti shuru hoti hai, so bhi bahut din ke peechhe, koi jaldi se nahin ho jaati hai, na hi bhakti shuru hogi । to koi niklenge, aaste-aaste mandir banenge, shaastra banenge, to bahut time lagta hai । vo sooryavshi ye nahin jaante hain ki ham kshatriy vansh ke banenge । ye bhi abhi tumko maaloom hai ki abhi ham brahman bane hain, phir phalaana banenge, phir phalaana banenge… kyonki abhi tumko baap srishti ka saara chakkar samjha rahe hain । jaise baap is srishti ke aadi madhya ant ko jaante hain । usko kaha jaata hai jaani-jaananhaar । iska angreji akshar bada achha hai- knowledgeful yaani unko full knowledge hai । kaahe ki? ye koi kuchh nahin jaante hain । sirf naam rakh diya hai ki god father is knowledgeful । jaise ham kehte hai parampita paramatma jaani-jaananhaar hai । abhi jaani-jaananhaar vo samajhte hai ki sabhi ke dilon ko jaanne vaala hai । abhi aise nahin hai ki vo sabhi ke dilon ko jaanne vaala hai । srishti chakra ke aadi madhya ant ko jaanne vaala hai । sabhi vedon, granthon, shaastron in sabko jaanne vaala hai । to pharka pad jaata hai na । to abhi bachche ye line ka arth samajh gae ki ham behad ke baba se shreemat par vishwa ki baadshaahi lete hain । baba kehte hain, ye gyaan dete hain ki maamekam yaani mujh apne parampita paramatma ko yaad karo, jisko tum bhaktimaarga mein aadhaakalpa yaad karte aae ho, kyonki gyaanmaarga mein sab yaad nahin kiya jaata hai । vahaan gyaan maarga nahin hai, gyaan milta nahin hai । ye jo abhi is samay mein tumko gyaan milta hai ki bhakti murdaabaad hoti hai to inko chhodna pade aur gyaan maana din, jindaabaad hota hai to phir unko yaad karna pade । din kya hai? satayug । raat kya hai? kaliyug । achha, abhi hamko kaliyug ke pichhaadi toge aur mukh satayug ke pichhaadi lagaana padta hai ye jaante hain ki ham aaenge phir bhi yahin, parantu piyar ghar se hokar phir sasur ghar aaenge । yahaan piya aate hain, baba aate hain shrringaar karaane ke liye । koi piyar ghar jaakar koi shrringaar nahin karna hai । piu aate hai, piya aate hain, shivbaaba aate hain । aa karke yahaan tumko shrringaar karaate hain, kyonki shringaar bigda hua hai । patit bana to shringaar sab bigda na । ye jo sarvagun sampanna, 16 kala sampoorn, sampoorn nirvikaari, maryaada purushottam, ahisa parmodharma- ye mahima hai na, ye shringaar hain, ye gun hain । vo shrringaar bigda hua hai । abhi to patit hain, neech hai, paapi-kapti, main nirgun haare mein kou gun naaheen । abhi tum aise nahin kehte ho, kyonki abhi tum badal rahe ho, manushya se devta ban rahe ho, begunon se gunvaan ban rahe ho । to hai paanch vikaaron ka daan । to tum bachche jaante ho ki ek to deh ka abhimaan, jo sabse kada hai, ye chhodna । baba ne raat ko bhi samjhaaya tha na ye deh ka abhimaan bada kharaab hai ekdam । ye ghadi-ghadi dehon mein mamatva pad jaata hai । baba kahe ki bachche, deh sahit apni deh ke mamatva chhodo to baaki aatma ban jaao to saari duniya mar jaave, parantu apni deh ka mamatva nahin chhootta hai to phir aur dehon se mamatva lag jaata hai । baba ne kaha na ki bachche ye jo shareer ka naam-roop hai inse hat jaao । inmen phaso mat । ek mein phanso । ismen badi manzil hai, kyonki bahut bachche jaante hain ki koi bhi ke pyaar mein, koi bachche ke pyaar mein, koi na koi mein dehaabhimaani unmein hat jaate hain aur pratigya karte hain- he baba । abhi kisne pratigya ki? aatma ne pratigya ki । baba ye detail mein kehte hain । iski samjhaane ki koi itni darkaar nahin hai । ye to hua jo centre chalaati hai, teekhi hai vo । baaki jo pahli hai unke liye pahle thoda ki ham behad ke baba se phir se ye bhaarat mein svarga ki baadshaahi le rahe hain । baba bigar behad ki baadshaahi koi nahin de sakte hain । us baadshaahi ko koi bhi hamaare se chheen nahin sakte hain, kyonki chheenne vaale koi hain nahin । dekho, ek-do se chheente hain na । jaise baadshaahi muslamaan chheen gae, phir angrej chheen gae । vahaan koi hai nahin to chheenenge kaise? to tumhaari vahaan… । abhi purushaartha kar rahe ho । aise kaho ki ham purushaartha kar rahe hain । phir jitna jo jaise purushaartha karega, shreemat par chalenge । shreemat par chalna hai । shreemat par na chalne se yaad rakh dena ki kabhi bhi koi ooncha pad pa hi nahin sakenge । abhi shreemat zaroor saakaar dvaara leni pade । samjha na । shreemat koi aise baithe baithe prerna se kabhi nahin milti hai । ye ghamanda aa jaata hai kai bachchon ko ki ham shivbaaba ki prerna se chalte hain । nahin । agar shivbaaba ki prerna se, to phir bhakti mein bhi to ye bhagwan bhi aakar prerna kyon nahin dete the ki manamnaabhav, madyaajeebhav? nahin । yahin aa karke baba ko inse kehna padta hai ki saakaar bigar ham kaise tumko mat de sakte hain? bahut aise hain jo kabhi baba se roothte hain to bolte hain ham to shivbaaba ke hain na, ham to shivbaaba se raay lenge, parantu kuchh bhi nahin milegi । khokhle ke khokhle rah jaaenge phir । mat zaroor baba dega । murli bajaaega to inse bajaaega na । nahin to prerna se kya kabhi murli bajti hai? nahin । yahaan se baith karke samjhaate hain aur bachche abhi sun-sunkar samajh gae hain ki barobar shivbaaba brahma dvaara hamko brahman banaay… । pahle to brahma baba ke bachche bante hain, phir unko samajh milti hai ki hamko daade se varsa mil raha hai । ye daada hi hamko aa karke brahma dvaara apna banaate hai aur phir brahma dvaara ye baith karke hamko shiksha dete hain । haan, doosri line karo । (record baja- mita na sakegi jise ab khija bhi, jala na sakengi jise bijliyon bhi, mohabbat ka vo aashiyaan pa liya hai…) baap se mohabbat rakhne se ye sabhi aashaaen hamaari ab poori ho rahi hain । ab shivbaaba se achhi mohabbat chaahiye । ye jo aatma ki hai uski mohabbat… । baba ne kaha na abhi aashik baneen sab aatmaaen tumhaari । tum bachche aashik bane baap ke, kyonki chhotepan mein bhi bachche aashik bante hain baap ke, kyonki baap ko hi yaad karenge tabhi to varsa milega । to jaise ki bachche bhi laukik baap ko yaad karte hai to goya jaise aashik bane । baba se hamko varsa milna hai । bachcha paida hoga, jitna bada hota jaaega, bachche ko samajh mein aata jaaega । bachchi ko nahin, bachche ko । baba bhi yahi kehte hain na ki hamaare tum sab bachche ho । bhale kisi bhi vesh mein ho, stri ke, kanya ke kismen bhi, parantu tum aatmaaen hamaare bachche ho । to tum aatmaaen baap se varsa le rahe ho । to zaroor apan ko aatma samajhna pade aur parampita paramatma ko yaad karna pade । to donon ka dehbhaan chhoot jaave- streepne ka bhi to purushapne ka bhi yaani deh ka abhimaan chhoot jaana chaahiye । jab aashik banenge to jaante ho ki tumhaari sab aashaaen poorn ho jaani hain । zaroor aashik aur maashook । zaroor aashik maashook ko yaad karte hain koi aasha rakh karke । ab baba ne samjhaaya na- bachcha bhi aashik banta hai baap ke paas ki baap se hamko varsa milna hai । baap to yaad hi rehta hai aur property bhi yaad rehti hai bachchon ko । to abhi ye bhi aise hi hai । abhi vo hai bachchon ke liye aashik banne ke baap ke had ki property aur ab aatmaon ko aashik banna hai baap ka, jo sabka maashook hai । bachche hain na । dekho, baba kitna sahaj karke samjhaate hain । jaise laukik taise parlaukik । parlaukik ka behad ka varsa, so bhi jaante ho ki baba se ham vishwa ki baadshaahi lete hain । usmein sab kuchh aa jaata hai । partition koi nahin hoti hai । hissa koi ka nahin hota hai । na vahaan koi aag lagti hai । satayug-treta mein kabhi bhi koi upadrav nahin hote hain । jab vaammaarga mein jaate hain tab bade jor se upadrav aate hain, phat se ekdam । to koi bhi upadrav nahin hote hain । tumhaare paas duhkh ka naam-nishaan nahin । achha, duhkh ka naam-nishaan nahin to zaroor aisi duniya ke maalik banna chaahiye । dekho, yeh duhkh ki duniya hai । to harek purushaartha karte hain ooch pad paane ke liye । ismen raaji na ho jaana hai ki ham svarga mein jaate hai, parantu svarga mein bhi jaise mama-baba unko follow karna chaahiye । ab jabki mama-baba hain aur vo barobar maalik bante hain to ham kyon nahin gaddi ke vaaris banen! itna purushaartha karna chaahiye । usko kaha jaata hai follow mother and father, kyonki ye jo gaanv hai bhaarat, isko mother and father kantri kaha jaata hai । baahar vaale log, Christian log, jaapaan log father kantri kahenge, kyonki vo mukti lene vaale hain na । nahin to kehte hain bhaarat maata, parantu pita bhi to chaahiye na । bhaarat maata koi dharti ko to nahin kaha jaata hai na । abhi tum samjhe na- tvamev maataashcha pita । to donon maata-pita chaahiye । ye jo aajkal vande maatram kehte hain, to bhaaratmaata ko kah dete hain । bhaaratmaata ko vande maartam kyon kehte hain? kyonki bhaarat avinaashi khanda hai । ismen parampita paramatma ka janma hota hai । to ye dharni oonch hui na । jahaan bhi koi avtaar lete hain to usko teertha samajhte hai । to ye bhi teertha hai । is bhaarat ko ki sabhi ko vandana karni chaahiye, kyonki shivbaaba ka yahaan avatran hota hai, parantu ye gyaan to poora achhi tarah se koi mein hai nahin । to ye log vande maatram bhaarat maata ko kah dete hain । unko vande maatram nahin kah sakenge, kyonki vandana ki jaati hai pavitrata ko । apvitra vandana karte hain pavitron ko । to aise nahin samajhna ki vo log vande maatram koi maataaon ke liye kehte hain । ye baba kehte hain phir vande maatram kyonki ye pavitra ban rahi hai । to pichhaadi mein tum sabhi pavitra ban jaaengi na to phir vande maatram shivanshakti bhaarat maata, jinhonne ye svarga banaaya hai । dharti ne nahin banaaya । dharti par baap aaya, isliye ye dharti sabse oonch hai । harek ko apni dharni achhi lagti hai na । kahin bhi marte hain to laash ko vahaan jaakar daphan karte hain ki apni janmabhoomi par inka kabristaan ho । to abhi vaastav mein sabse oonch te oonch bhoomi ye hai, kyonki baap aa karke sabko paavan banaate hai ।… .parantu ye gyaan to koi mein hai nahin । nahin to ye patiton ko paavan karne vaala baap hai । vo aa karke sabko paavan karte hain । koi vo dharni kuchh nahin kar sakti hai ya vo kuchh nahin karte hai, jahaan dharni par ye mesenjar aate hain dharma sthaapna karne ke liye । nahin । vo log ek-ek apni us us dharni ko poojte hain, parantu un sabko paavan banaane vaala phir yahi । to baap baithkar mahima karte hain । is bhaarat ki mahima bahut bhaari hai, avinaashi khanda hai । avinaashi jo baap hai unka avatran yahi hota hai । yahaan aakar sarva ki sadgati karte hain, isliye bhaarat bhi avinaashi । ye kabhi bhi vinaash nahin hota hai, kyonki yeh baap ki jaise ki dharni hai jahaan aate hain, avatran । jaise ki eeshvar bhaarat mein avtaar lete hain, aate hain । aate hain to shareer to nahin dhaaran karte hain unko apna to nahin hai na । to ye shareer mein aakar pravesh karte hain jisko tum log nandeegan bhi kehte ho । brahman ke tan mein । to brahman koi jata nahin rakhaate hai । vaastav mein sachchi-sachchi jataaen to tumko hain । raajarishi to tum ho । dekho, tumko sab jataaai hain। tum abhi jaante ho ki ham raajarishi hain । rishi hamesha pavitra hote hain । ab ye rishi jab chhod jaate hain na, to cheej hai nahin, to kisse patit banen? tum ho raajarishi । tumko ghar mein baithna hai, chhodna nahin hai । to zaroor dheere- dheere, dheere- dheere pavitra banenge । vo phat bante hain, kyonki gharbaar chhod karke jangal mein rehte hain । tumko grihastha vyavhaar mein rahkar paanch vikaaron ko chhodna hai, pavitra banna hai । to pharka ho gaya na । vo hue gharbaar chhodne vaale । tum ghar mein rehte hue tum jaante ho ki abhi is puraani duniya se ham nai duniya ka raajya le rahe hain । isliye puraani duniya mein hi, is sangam par hamko pavitra banna hai, tab nai duniya mein jaaenge. । to baba bachchon ko samjhaate hain na ki meethe bachche, ye tumhaari padhaai koi is mrityulok ke liye nahin hai, is janma ke liye nahin hai । kabhi bhi koi teacher apne shaagirdo ko, stoodentas ko aise nahin kahenge ki ye tumhaari padhaai koi is samay ke liye nahin hai, bhavishya ke liye hai । tum bhavishya mein devta banenge । aise sanyaasi kabhi kisko thode hi kehte hain । vo aise kehte hi nahin hain ki doosre janma ke liye । to unko kya milega? doosre janma mein yahi phir sanyaas hi milega aur kya milega! tum jaante ho ki doosre janma mein ham badal karke pavitra devta ban jaaenge aur nai duniya par aaege । ye to nahin kisko kah sakte hain ki tum nai duniya par aaenge, devta bankar aaenge । ye to samajh ki baat hai ki bhale sanyaas karte hain, phir bhi isi mrityulok par sanyaas dharma mein bharti honge । tum phir yahaan bharti nahin honge । tum nai duniyaan mein bharti honge, puraani duniya mein nahin । to ye hai hi nai duniya ki baadshaahi ke liye । tum bachche dekho, purushaartha karte ho । kitna achha purushaartha karna chaahiye! kitna baap ko yaad karna chaahiye! (record baja- jamaane ke gam pyaar mein dhal gae hain…) dekho, abhi tum bachche jaan gae ki aadha kalpa hamne duhkh sahan kiya । baba aae hain to vo aadha kalpa ke jo gam hain unka gyaan mila ki drama anusaar gam sahan karne ke hain । abhi vo gam buddhi se nikal jaate hain । ab khushi ka paara chadh jaata hai । jitna hamne gam dekha, thoda- thoda । sadaiv gam nahin dekha । tum gam bahut neeche jab tamo mein aate ho, rajo mein bhi itna nahin, kyonki phir bhi 9 carat to hain na । jab tamo mein aate ho to baaki jaakar 2 carat, 3 carat sona banta hai । jab tamopradhaan bante ho, tumhaare. liye kehte hain, tum jo saare gunon mein chakkar lagaate ho unke liye hai । abhi tum jaan gae ki aadhaakalpa ke jamaane ke duhkh abhi utar jaate hain । tumko khushi hoti hai- abhi sukh ke din aae । baba kehte hain na- taali bajaao, khaggiyaan maaro ki hamaare abhi duhkh ke din ja rahe hain । abhi sukh ke din aa rahe hain । abhi sukhdhaam ke liye hamko kya varsa lena hai? ye to theek hai, yatha raaja-raani tatha praja । sabhi jaise maalik bante hain । raaja ka raajya nahin chheenta hai to praja ko bhi sukh nahin chheenta hai, parantu pad ke liye purushaartha karna chaahiye । harek manushya pad ke liye purushaartha karte hain । dekho, pad ke liye padhte hain । koi matric padhte hain, koi phalaana padhte hain, koi kya padhte hain । dekho, kitna ooncha padh jaate hain! kyon? padhte kislie hain? em-object hai sukh ke liye । ye bhi tumko maaloom hai ki ham vishwa ke maalik bante hain । sanyaasiyon ke paas jo rehte hain vo to bichaaron ko ye khushi nahin rehti hai । ye gyaan bhi nahin rehta hai । vo jo duhkh ke hain, vo sukh mein vo gam mit jaave, aise to ho bhi nahin sakta hai । ye jaan gai ho ki abhi ham baap se behad ka varsa purushaartha karke poora lete hain aur kehte bhi hain, chitthiyon mein bhi likhte hain- baba, ham aapse poora varsa le lenge । poore varse ka arth hi hai ki ham sooryavanshi raajaai par apna pair dharenge । jaan gae hain ki jab deeya bujhne lagta hai to dekho duhkh hi duhkh । deeye ujhte udaate rehte hain, udaate rehte hain, tah ki bujh jaata hai । abhi ye tumko gyaan hai । duniya ko koi ye gyaan nahin hai । vo to jaise hoobhu janaavar se bhi badtar hain । jaise tum bachche the janaavron se bhi badtar । baba to sab manushyon ke liye kehte hain na, usmein ye bhi aa gaya na, kyonki yahaan bhagvaanuvaach hai । ye nahin kehte hain, ye kehte hain ki abhi tumhaara jo duhkh hai vo sabhi mit jaane vaala hai । to tum bachchon ko khushi honi chaahiye ki abhi ham saare drama ko jaan gae ki duhkh ke din gae, abhi sukh ke din aa rahe hain । sirf hamaara abhi kaam hai purushaartha karke baap se poora varsa leven aur ham samajh sakte hain ki jitna abhi varsa lenge itna ham aise hi samjhenge ki ham kalpa-kalpa yahi varsa paane ke adhikaari bante hain । abhi to race hai । abhi race karte hain । maaloom padta hai । samjha na । ye race bahut hai na । dekho, tum kitne ho jaaenge! laakhon ho jaaenge । to harek ko apna- apna maaloom padega, kyonki service bhi karenge, auron ko sukh bhi denge । to samajhte jaaenge ki ham bahuton ko raasta bataate hain, isliye mera punya jaasti hoga । isliye baba kehte hain ki punyaatmaaen ekdam number one mein banna hai sooryavanshiyon mein । vo to samajhte ho ki sooryavanshi 16 kala punya aatmaaen bane, phir chadravanshi pol ho gae, 2 kalaaen kam ho gai theen, isliye peechhe mein aae । to koshish karke ek to baap se yog aur doosre, sabki laathi । laathi banaane ke liye baba bahut raasta bataate hain vo chhapaane ke liye । ghar mein chhapaay do । baba ye bana bhi rahe hai । sab kuchh baba supply to karenge na । nai cheejen bana rahe hain । tum sab apne ghar mein lagaana hai ki baap se parichay hai । prajaapita brahma se parichay hai । baap ho gaya ek । ek ko siddha karna hai ki sabka baap hai । ham bachche sab brothers hai । brotherhood hai na । to ham sab bhaai hain । ham brother hain yaani sabhi aatmaaen bhaai- bhaai hain aur phir behen aur bhaai kab bante hain? jab Adam aur beebi yaani prajaapita brahma aur tab । so bhi kab? jab bhagwan nai duniya sthaapan, patiton ko paavan karne aate hain । to dekho, patiton ko paavan karne aae hain to brahman hue hain brahma dvaara । to zaroor brahma dvaara hi rachte hain tab to tum brahman hue na । brahman se phir tum devta banenge, kyonki vo bhi to samjhaaya gaya hai na- ye shoodra, ye choti brahman, peechhe devta । to dekho, ye utarti kala poori ho gai । abhi chadhti kala, bilkul chadhti kala brahman, kyonki brahman-brahamniyaan hi baithkar bhaarat ko devta banaate hai । ye shoodra nahin banaaenge, ye sangamayugi । to inka aur choti ko kahenge sangam aur poora । dekho, baajoli khelengi to ye aa karke yahi se lagenge । to kitna achhi tarah se baap samjhaate hai bachchon ko । dhaarna chaahiye na aur khushi bhi chaahiye । bachchon ko ateendriy sukh । to ateendriy sukh ki bhi baat ho gai pichhaadi mein jabki tumhaari final ho jaati hai ki barobar abhi ham apni raajaai abhi ye vinaash hona baaki hai । bas, vinaash hua to samjhenge hamaari baadshaahi sthaapan ho rahi hai। phir gyaan bhi band ho jaaega । phir tumhaara class poora hoga, kyonki phir tum shareer chhod karke nai duniya mein aaenge, amarlok mein aaenge । ye mrityulok hai । ye patit ko mrityulok kaha jaata hai aur us paavan ko amarlok kaha jaata hai । chalo bachchi, tum deedi ye arth karte rehna । baba thoda vistaar mein jaate hai । tum thoda arth mein jismen har ek ko geet sunaane mein 5 7 minute, bas । to unka mukh khule । (record baja- jahaan se mohabbat ki raahe mili hai, wahin se meri gardish tham gai hai । na bichhdenge ham, kaarvaan pa liya hai. … … ) abhi kiski to 20 varsha se mohabbat mili hai, kiski 10 varsha se, kiski 5 varsha se । aage chalkar kiski bahut milti rahengi । ismen aisa nahin hai ki jo puraani mohabbat vaale hai, kuchh ooncha pad paaege aur jo nae mohabbat vaale hain, kam pad paaenge । ye bhi nahin । ye saara purushaartha ke oopar hai । dekha ja raha hai ki jo nae- nae aate hain vo puraane se achhe teekhe ja rahe hai, bahut teekhe । to jo nae aaenge vo aur teekhe । kyon? samay dekhenge ki thoda naajuk bacha hai, purushaartha khoob karenge, aise jaise school ke bachche koi dull hote hai na, pichhaadi mein badi mehnat karte hai । vo mehnat karte-karte jo unko ummeed thi ki ham shaayad naapaas ho jaaenge, vo achhe marks se paas ho jaate hain । tumne dekha hoga jab imtahaan ke din hote hain to bageechon me. yahaan-vahaan bada padhte hai achhi tarah se । yahaan bhi school mein kabhi unko kaho bachchi ko chhutti. … nahin, abhi imtahaan ka din hai, abhi inko khoob padhna hai । abhi ham chhutti nahin denge, kyoki unko purushaartha karna hai । to jo peechhe aate jaaenge vo jaasti purushaartha aur unko points bhi sahaj milti jaaengi । jhat dekho sahaj kitni point milti rehti hai । ham to samajhte hain abhi inko baat sunaao, are baap ka parichay kitna sahaj dete hai । abhi bataao ki baap kaun hai? father kaun hai- krishna ya vo? vahaan to likha hua hai- rachta hai, ye rachna hai । are, bhagwan rachta ko kahenge । rachna ko thode hi koi bhagwan kehte hain । satayug ke baad 2 kala kam treta, treta ke baad dvaapar, to ye zaroor utarti kala hui na । to phir ye sab chadhti kala kaun karega? chadhti kala karne vaala phir baap, jo phir. sadgati denge, svarga ka maalik banaaenge ya gati denge । to sadgati aur gati । to phir gati ko bhi sadgati kahenge । sarva ka sadgati daata raam । kyon kehte hain sarva ka gati-sadgati? kyonki sadgati mein aana hi hai via gati । pahle ghar jaaenge zaroor । peechhe, pahle aaenge, peechhe aaenge, kabhi bhi aaenge, to pahle hai vo satopradhaan dukh se mukta sukh, peechhe duhkh mein aana hai । to bachchon ko ye samjhaani deni pade । samajhte ho?… tumne thoda- thoda jaasti add kar diya, parantu nahin, inko bilkul simple reeti se to inko khushi chadhegi ki baba abhi aa karke hamko phir se vishwa ki baadshaahi dete hain । bhaarat tha na, koi doosra nahin tha । abhi dekho kitni aatmaaen hai, kitne manushya hain, bhaarat mein kitna jhagda hai । phir baba aakar hamko. । dekho, bhaarat akela tha, aasmaan-jameen sab bhaarat ki thi । abhi dekho, aapas mein bhaarat hi paani-vaani ke liye ladte rehte hain । tumko to bahut halka… । jab ye deh ka bhaan chhootega to tum halke ho jaaenge na । baba kehte hain na- tum kabhi bhi ghoomne jaao dehaabhimaan chhod karke, apne ko dehi samajh baap ki yaad me rahkar tum chalo na, kabhi nahin thakenge, halke ho jaaenge । tumhaari vikh jaati rahegi baba ki yaad mein । khushi mein jaate rahenge । kitna bhi paidal chale jaao, tum thakenge nahin । ye bhi baba yuktiyaan bataate hain । halke ho jaaenge । shareer ka bhaan chhoot jaaega । hava jaise udte rahenge takadre- takadre । budidhayo hogi to bhi aise ho jaaegi । gyaan to koi ke paas na raha na । samjha bachchi! gaaya jaata hai jabki gyaan anjan sadguru diya । abhi sadguru to vahaan ka kahenge na । usko sachcha guru, pahle sachcha baba, peechhe sachcha teacher, peechhe guru । to baba ke bante ho, padhte ho, saath mein le jaaega । usko kehte hain sachcha baba । to tum bachchon ko pahle baba ka parichay dena pade na । vo hamaara baba bhi hai, shikshak bhi hai aur sadguru bhi hai । unka phir koi baap teacher sadguru nahin hain, …oopar me koi cheej hai kya? abhi sampoorn to koi nahin bana hai । jismen jo koi bhi avgun hai uske liye baap ishaare karte rehte hain । ek to nahin hai na । baba kehte hain anek hain । braahmaniyaan bhi bahut hain । to jo jigyaasu hai vo bhi hain । koi sampoorn to bana nahin hai । bante ja rahe hai । to baap phir sabke liye… । jabaan se yeh akshar nahin niklega hamko isme moh bahut hai । vaah! tum bolte the- main aur sang buddhi ka yog, moh maana buddhi ka yog, kismen jaata hai? deh mein, chhod tum jo videhi ho, vichitra ho, unmein lagaaenge apan ko aatma samajh karke ।. deh ka abhimaan hone se phir dehdhaariyon ki taraph buddhi jaati hai, vo todni hoti hai । tabhi baba kehte hai grihastha vyavhaar mein rehte ho, sabhi dekhte hue, yeh to dekhte hain na, dekhte hi rahenge jab talak vinaash ho, buddhi ka yog vahi yaatra par lagaate jaao । vo yaatra ka chart rakho ki ham average haphte mein… । school ka register haphte ka hota hai na, ham haphte mein saare din mein yathaartha reeti se khaane par baithe aur baba ki yaad mein baitha, kitna deri baitha, kitna deri phir chalaaymaan ho gaya । thagi nahin chaahiye । phir yaad kiya, kitna deri baitha, kitna phir chalaaymaan… । jhat-jhat ghadi- ghadi yaad karte-karte yeh gai kahin na kahin buddhi, yaad karte-karte ye kahi gai inki buddhi! baba apna anubhav bataate hai tum bachchon ko, kyonki baba sab anubhav karte hai, kyonki baba ke paas sab toofaan aate hain, kyonki first mein hain । bahut sapne, bahut toofaan, bahut- bahut । to baba anubhvi ho jaate hain । jab koi aakar poonchhate hain, bolte hain- haan, ye to zaroor hoga । ye to din-pratidin jitna roostam banega itna tumko toofaan jaasti aaega । roostam se roostam hokar milegi ant tak । ladaai ant tak hoti hai na । aatma kahegi- mainne aaj snaan kiya hai, kisko snaan karaaya hai । dekho, prashn alag ho jaata hai । main aatma ne shareer ko snaan karaaya hai । main kabhi-kabhi, hansi se baba ko kehta hoon- aap aate ho, kabhi meri khaatiri karte ho । aap hi mere ko snaan karaate ho, aap hi baithkar mujhe khilaate ho । to kislie ye kehta hoon? mujhe baap yaad pade । yuktiyaan rachta rehta hoon । jab meri aatma hamko snaan karaati hai, baba bhi aakar baithte hain to phir baba bhi kyon nahin mujhe snaan karaate hai! apne rath ko kyon nahin shringaarte hain! to main apne se hi apne mein kehta hoon । …to bhi aise hi jaise ki meri aatma kyon, baba kya aap nahin chal sakte ho hamaare shareer mein baith karke? jaise ki sookshm vatan ko yaad karte hain, vahaan bhog laga rahe hain, ye laga rahe hain, vo laga rahe hain । aise to jaate hain na । is samay mein bhale tum bhool karke sukshmavtan ko yaad karo, koi harja nahin hai । time to bahut hai na parantu jab baap ki yaad mein baithte ho to uske liye phir purushaartha । yahaan abhi tum sukshmavtan ko yaad kiya to koi harja nahin hai, kyonki vahaan bhi jab ham pharishte banenge to pahle wahin jaaenge । wahin ke to bante hain, kyonki vahaan rahne ki jagah alag hai na, avyakt mama ki alag, baba ki alag, vyakta us mama ki alag । to jab ye jaaenge nimantran dene tab koi mama nahin dekhenge । jab bhog lagaane jaaenge to phir baba bulaaenge । mainne inse poonchha ki gai? kaun baithe the? bola- avyakt baba । yaani ye vyakta baba । phir avyakt mama thi? haan, vo bhi thi । poonchha, vyakta mama thi? bola, nahin thi । to tum bachchon ko phir samjha dete hain har ek ki jagah apni-apni hoti hai aur phir baba saakshaatkaar karaate jaate hain । vahaan jaaenge to phir saakshaatkaar । hain to sabhi saakshaatkaar na । phir kabhi koi saakshaatkaar mein donon ko dekh lenge, kabhi baba ko dekhenge । peechhe unki chaah hogi mama ko dekhen to mama ka saakshaatkaar hoga । samjha na । aise hota hai । phir vahaan kahenge- achha, vyakta mama se bhi to dekhen । to chalo unko hoga to bolenge achha । bolenge, achha peechhe aaegi na, peechhe aaegi to phir bataaegi । aise bhi kah dete । to ye hai sab saakshaatkaar । (record- om nam shivaay…) vishay saagar mein gote khaate hain । koi bhi aur nahin hai jo inko vishay saagar se nikaal ksheer saagar mein le jaave । to isliye gaayan hai, mahima hai । satguroovaar । isko satguru somnaathvaar bhi kah sakte hain, kyonki padhaai padhte ho na । shiv ka din hai somvaar । padhaai ka din hai phir ye । baithte hai school mein । bachche bante hain somvaar ke din । padhaai shuru hoti hai guroovaar ke din । to meethe-meethe, sikeeldhe gyaan sitaaron prati maat-pita, baapdaada ka dil va jaan, sik aur prem se yaadapyaar aur good morning aur namaste । (kisi ne kaha- baba, ye tape bambai ja raha hai) achha, hailo bombe! madhuban se baapdaada sabko yaad de rahe hain । jo bhi centre mein sarvisebul bachche hain- kumaarka, guddu ramesh, shaanta oosha aananda kishor, nirvair, sheel, raami. vagairah jo-jo bhi hain sabko baba yaadapyaar de rahe hain aur baba kehte hain ki kuchh samay ke liye shaayad baba na dilli jaaenge, na bombe jaaenge । aaj ki prerna is samay mein aisi hai । nai khabar ki baba ka is samay mein aisa vichaar nahin hai kahin bhi jaane ka । vichaar hai ki jab jaasti thandi hogi November-December tab shaayad vichaar karenge aa karke daanton ki plate lagaane ke liye । aisa is samay mein prerna aa rahi hai । samjha! peechhe aage jo drama । abhi bataao, shivbaaba sarvashaktivaan hai ya drama sarvashaktivaan hai? tum bataao bachchiyaan । shivbaaba jisko hi kaha jaata hai sarvashaktivaan, vo sarvashaktivaan hai ya drama sarvashaktivaan hai? main poochhta hoon jo samajhte hain ki baba sarvashaktivaan hai vo haanth uthaao । jo samajhte hai ki nahin drama sarvashaktivaan hai so haath uthaao । svayan baap bhi kehte hai main drama ke bandhan mein baandha hua hoon । drama kuchh aise nahin kehta hai । achha, drama bhi kehta hai ki tum mere drama ke bandhan mein baandhe hue ho । abhi kaun bada? shivbaaba bhi kehte hai main drama mein bandhan mein baandha hoon phir drama kehta hai ki tum sabhi mere drama ke bandhan mein baandhe hue ho । abhi bataao, kaun bada? (behen ne kaha- aape hi shivbaaba karne par to sab kuchh kar sakta hai) … ye gyaan seekhi hai daadi! ye buddhu gyaan seekhi hai । shivbaaba agar aave karne par, tumhaari maa ko kyon chhod dete the, unko bhi saath daal dete the । yahi baat nahin sakti hai, to baaki kya kar sakengi! ho gaya taiyaar? (kisi ne kaha- baba, ye tape dilli mein jaaegi) hailo dilli! ye tape shaayad dilli mein, kya sabhi jagah phirta hai? (kisi ne kaha- haan sabhi setarsa mein phirta hai? (kisi ne kaha- sabhi jagah ek hi jaati hai) vahaan ek hi tape hai । achha, hailo dilli! madhuban se baapdaada dilli ke sabhi centres ke sarvisebul bachchon prati yaadapyaar de rahe hai aur bachchon ke telegram bhi paai, nimantran bhi paae । baba kehte hai ki aaj maas-do to vichaar nahin hai kahin bhi nikalne ke liye, kyonki phir yahaan bachche aate rehte hai aur phir bhi madhuban, madhuban hai, ye samajhte ho । vahaan aaenge to kahaan ka kahaan rahenge । phir bachchon ko kahaan se kahaan aana padega । ye basej aati rahengi aur koi bhi aisa prabandh nahin hai jahaan sabhi bachche samaay saken । aisa koi prabandh hai nahin । vo jo rajauri ka doosra makaan, jismen pahle rehte the, are vo to bahut chhota hai । usme to bhaashan ho bhi nahin sakega । phir aage chalkar dekhenge jab koi aisi temptation kahaan se aaegi bombe ya dilli se ।. …prem mein nem nahin hai । achha! vidaai ।