शनिवार 25 अक्टूबर 1969 की अव्यक्त मुरली

> 25-10-69om shanti avyakt baapdaada madhuban

“maala ka manka banne ke liye vijayi bano”

baap-daada jab bachchon ko dekhte hain to mukhya baat kya dekhte hain?aaj yahi dekhne aaye hai ki harek ratna apne mein kya-kya parivartan laaya hai to aaj parivartan dekhne liye aaye hai । harek ne yathaashakti parivartan to laaya hi hai । lekin baap-daada kaun-sa parivartan dekhne chaahte hai? usko bhi jaante ho na । baap-daada parivartan ke saath paripakvata bhi dekhne chaahte hai । parivartan to dekha lekin parivartan ke saath apne mein paripakvata bhi laai? baap ko avinaashi satya bolte ho na । to aise hi baap ke saath avinaashi parivartan laaya hai?jo khajaana milta hai woh bhi avinaashi hai,jo praalabdha milti hai, woh bhi avinaashi hai । to parivartan bhi avinaashi laaya hai va sochte ho ki jaane ke baad maaloom padega । na maaloom kaun-si paristhitiyaan aaye, na maaloom paripakva rah sake va nahin,vaayda to karke jaate hai lekin kahaan tak nibha sakte hai, woh dekhenge । ek to yeh sochte hai । phir doosre hai nishchay buddhi jinhon ka baap ke saath apne mein bhi poora nishchay hai ki jo parivartan laaya hai woh sada kaayam rakhenge । aur jo vaayda karke jaate ho woh karke dikhaayenge । woh hai sampoorn nishchaybuddhi aur koi to bichaare himmat dhaaran karne ki koshish karte hai, lekin ab tak agar aise hi karte chalenge to ant tak bhi kya koshish karte rahenge?aise purushaarthi ko jhaatku kahenge?deviyon par bali chadhte hai to shaktiyaan va deviyaan hi bigar jhaatku sveekaar nahin karti hai to kya baap-daada aise ko sveekaar kar sakta hai । agar yahaan sveekaar na kiya to svarga mein oonch pad ki sveekriti nahin milegi । isliye sunaaya tha ki jo sochna hai vahi kehna hai, jo kehna hai vahi karna hai । sochna, kehna,karna teenon hi ek hona chaahiye । lekin vartamaan samay kai aise bachche hain jo sochte bahut hain,kehte bhi bahut hain lekin karne ke samay kam rah jaate hain । isliye kaha tha is bhatthi mein pakka kar jaana arthaat pakka vaayda karke jaana hai । pahle to vaayda karne liye himmat hai ki himmat dhaaran karenge? jo himmatvaan bachche hain unki nishaani kya hai? woh kabhi haar nahin khaate । agar aap sabhi himmatvaan hain to jarur aaj se kabhi haarenge nahin । bahut samay se jo vijayi bante hain vahi vijay maala ke manke bante hai । agar vijay maala mein pirone chaahte hai to vijayi banne ka parivartan laana padega । parivartan mein mukhya- mukhya baaten check karni hai । bahut sahaj hai ।

do shabd yaad rakhna hai । ek to aakarshan moorti banna hai aur doosra harshit mukh । aakarshan karne vaala hai rooh । roohaani sthiti mein hi ek do ko aakarshan kar sakenge । agar yeh donon baaten apne mein dhaaran kar li to sampoorn vijayi hai hi । majority bachchon mein mukhya kaun-si baat hai woh bhi aaj suna rahe hai । nishchay buddhi to ho tab to yahaan aaye ho । baap mein nishchay hai,gyaan mein bhi nishchay hai lekin apne mein nishchay kahaan-kahaan dagamga deta hai । mukhya kami yeh hai jo controlling power nahin hai । yeh na hone kaaran samajhte hue, sochte hue, apne ko mahsoos karte hue bhi phir vahi baat kar lete hai । iska kaaran ki controlling power ki aavashyakta hai । mansa mein, vaacha mein aur karmana mein bhi aur saath-saath laukik sambandhiyon athva daivi parivaar ke sambandh mein aane mein bhi । kahaan tak kya karna hai,kya kehna hai । kya nahin kehna hai । aur jo nahin karna hai usko control karna - yeh poori power na hone kaaran saphal nahin hote ho । to controlling power ki kami kaise mitaavenge?kai baar aap gopon ne dekha hoga koi bhi cheez ko kahaan bahut zor se control karna hota hai to control karne liye bhi kai cheejon ko halka chhodna padta hai । patang kab udaaya hai?patang ko control karne aur ooncha udaane liye kya kiya jaata hai? yeh bhi aise hai । apni buddhi ko control karne ke liye kai baaton ko halka karna padta hai । sabhi se halki kya cheez hoti hai? aatma (bindi) । to jab apne ko control karna ho to apne ko bilkul halka bindu roop mein sthit karna hai । control karne liye fullstop karna hota hai । to aap bhi bindi laga do । jo beet chuka usko bilkul bhool jaao । dekha, kiya lekin phir ekdam usko samaapta kar do । samaapta karna arthaat bindi, fullstop karna । comma (,)lagaane aati hai, ya question (?) karne bhi aata hai । ajab ki nishaani (!) bhi lagaane aati hai, lekin fullstop lagaana nahin aata hai । kaagaz par nishaaniyaan lagaana to sahaj hai lekin apne karmon ke oopar yeh nishaaniyaan lagaana ismen mushkil kyon?kaagaj par nishaaniyaan lagaate ho na । aur jo nishaani jahaan lagaani hai vahaan hi lagti hain isko kaha jaata hai praveen । agar comma ke badli koi fullstop likh de to praveen nahin kaha jaayega । jahaan question karna hai vahaan question na kare to bhi praveen nahin kahenge । yahaan bhi question kis baat mein,ajab kis baat mein, fullstop kis baat mein dena hai, yeh poori pahchaan na hone kaaran praveen nahin bante hai । ab samjha । control kyon nahin kar paate kyonki us samay gyaan ka paitrol kam ho jaata hai । agar gyaan ka paitrol hai to control hai । isliye apne buddhi roopi tanki mein paitrol ko jama rakho । minus aur plus ka hisaab seekhe ho? aur bailansa nikaalna bhi seekhe ho? aise to nahin sirf jod kiya, kat kiya lekin jama karna bhi seekho । agar jama nahin hoga to na auron ko de sakenge na apne ko aage badha sakenge । jama kiya jaata hai doosro ko dene ke liye,apni aavashyakta ke samay kaam mein laane ke liye । to yeh bhi dekhna hai kitna jama kiya hai? sirf kamaana aur khaana hai va jama bhi hota hai?kab hisaab kiya hai? 25 pratishat jama to bahut kam hai । agar 25 pratishat jama kiya hai to abhi ke hisaab se baap-daada bhi kaun si jimmevaari denge?yahaan se jaasti yaad kitne dinon mein karenge?teev purushaarthi kabhi vinaash ki date ka nahin sochte । bahut samay se agar sampoornata ke sanskaar honge to ant mein bhi sampoorn ho sakenge । agar ant mein banenge to phir baap daada bhi ant mein thoda de denge । jo abhi karte hain unko baap-daada bhi satayug ke aarambha mein kehte-aao । baap-daada to harek ratna mein ummeed rakhte hai ki yeh anekon ko ummeedvaar banaayenge । jo anekon ke ummeedvaar hain woh apne liye phir ant ki ummeed kaise rakh sakte hain । achha । is group ki bhatthi bhi samaapta hui । samaapta hui va aarambha hui? is group ka egzaamin (pareeksha) nahin liya hai । jo egzaampal dekha usko sada kaal ke liye kaayam rakhte aayenge to phir imtihaan lenge । koi bhi cheez ko majboot karna hota hai to kya kiya jaata hai?foundation majboot rakhne ke liye gheraav ki aavashyakta hoti hai । jitna-jitna gheraav mein jaayenge itna majbooti hogi । oopar-oopar se neenv lagaane se majbooti nahin hoti । jitna gahraai se gyaan ko dhaaran kiya hoga, utna hi apni majbooti laai hogi । parivartan to sabhi ne kuchh na kuchh laaya hi hai, lekin kuchh na kuchh kyon kehte hai । kyonki final certificate practical laane ke baad denge । abhi certificate nahin denge । abhi harshit hote hai ki harek bachcha umang-utsaah se apne purushaartha ko aage badhaane mein bahut tatpar hai । lekin certificate tab milega jab practical mein result out hogi । aise nahin samajhna ki bhatthi samaapta hui,lekin aarambha hui hai । abhi sunna hua,phir karna hai । karne ke baad certificate milega ।

is group ki mukhya khoobi yeh dekhi ki ekta hai । lekin ekta ke saath-saath ab doosra shabd bhi add karna hai । ekta ke saath ekaantapriy banna hai । jaise ekta mein number one hai vaise ekaanta mein bhi number one aana hai । yeh dhaaran kar lo to yeh group bahuton se aage ja sakta hai । ekta ke saath ekaantavaasi kaise bane yeh bhi apne mein bharna hai । ekaantapriy woh hoga jinka anek taraph se buddhi yog toota hua hoga aur ek ka hi priy hoga । ek priy hone kaaran ek hi ki yaad mein rah sakta । anek ke priy hone ke kaaran ek hi yaad mein rah nahin sakta,anek taraph se buddhiyog toota hua ho । ek taraph juta hua ho arthaat ek ke sivaay doosra na koi - aisi sthiti vaala jo hoga woh ekaanta priy ho sakta hai । nahin to ekaanta mein baithne ka prayatna karte hue bhi anek taraph buddhi bhatkegi । ekaanta ka aanad anubhav kar nahin sakenge । sarva sambandh,sarva rasnaaen ek se lene vaala hi ekaantapriy ho sakta hai । jab ek dvaara sarva rasnaaen praapta ho sakti haan । to anek taraph jaane ki aavashyakta hi kya? lekin jo ek dvaara sarva rasnaaon ko lene ke abhyaasi nahin hote woh anek taraph ras lene ki koshish karte । to phir ek bhi praapti nahin hoti । aur ek baap ke saath lagaane se anek praaptiyaan hoti hai । sirf ek shabd bhi yaad rakho to usmein saara gyaan aa jaata,smriti bhi aa jaati, sambandh bhi aa jaata, sthiti bhi aa jaati । aur saath-saath jo praapti hoti hai woh bhi us ek shabd se spashta ho jaati । ek ki yaad, sthiti ekras aur gyaan bhi saara ek ki yaad ka hi milta hai । praapti bhi jo hoti hai woh bhi ekras rehti hai । aaj bahut khushi kal gum ho jaati ismen praapti nahin hoti । jo ateendriy sukh hai woh bhi ekras nahin rehta । kabhi bahut to kabhi kam । ab to ekras avastha mein sthit hone ka paper dene liye ja rahe ho । dekhenge paper mein kitne marks lete hai । hamesha yeh koshish karo ham auron ko kar ke dikhaaye । hamaare karma aur hamaari chalan auron ki padhaai karaaye । koi bhi baat mein fail na ho iske liye sahaj baat suna rahe hai । to koi bhi baat mein fail na ho iske liye ek baat yaad rakhna follow father । saakaar roop mein jo kar ke dikhaaya woh follow karo to koi bhi baat mein fail nahin ho sakte । kahaan bhi jab fail hone ki baat saamne aaye to yahi yaad rakhna follow father kar raha hoon? jo itne varsha saakaar roop mein karma kiye, woh ek shabd bhi saamne aa jaata hai । to jab phaalophaadar karenge to jo bhi koi aise kaarya honge to woh karne mein brake aa jaayegi,judge karenge yeh karma ham kar sakte hai । follow father । father kahne mein donon hi aa jaate hai । follow father yaad aane se fail nahin honge । flawless ban jaayenge । baap-daada bachchon ko flawless banaana chaahte hai । maala mein najdeek laane liye yeh sahaj yukti bata rahe hai । dekhna aap ko sunaai yukti aap se pahle aur koi prayog na kar le । baapdaada to harek sitaare mein ummeed rakhte hai । isliye kahtehain ummeedvaar sitaare ।

vishesh sneh hai tab to aise samay bhi aaye hain । tyaag bhi hai na । apni neend ka tyaag hai to yeh bhi sneh । baapdaada abhi sneh ka return dete hai । abhi jaane ke baad dekhenge । jaate ho aane ke liye । jaana aur aana । jaana to hai hi । lekin jaana hai aane ke liye । jitna-jitna avyakt sthiti ke anubhvi hote jaayenge utna hi avyakt madhuban mein aakarshit ho aayenge । ab vyakta madhuban nahin hai ।

achha !!!