गुरुवार 6 अगस्त 1970 की अव्यक्त मुरली - 2

Brahma KumarisBrahma Kumaris> 06-08-70om shanti avyakt baapdaada madhuban

“drishti se srishti ki rachna”

sabhi avyakt sthiti mein rehte vyakta mein kaarya kar rahe ho? jaise baap avyakt hote vyakta mein pravesh ho kaarya karte hain vaise baap samaan bane ho? baap samaan banenge tab hi auron ko bhi baap samaan bana sakenge । apne aap se poochho ki drishti baap samaan bani hai? vaani aur sankalp baap samaan bane hain? baap ko kya smriti mein rehta hai? jaante ho? baap ki smriti mein sadaiv kya rehta hai aur aapki smriti mein sadaiv kya rehta hai? kya antar hai? samaan smriti hoti hai? koi smriti rehti hai ki koi bhi nahin rehti hai? smriti rehti hai ya smriti se bhi pare ho? koi baat mein baap ke samaan aapki smriti rehti hai? (nahin) ant tak smriti mein samaanta aa jaaegi? (nambarvaar) first bachche aur baap mein pharka rahega? baapdaada mein pharka rahega? samaanta aa jaaegi । jaise behad ka baap hai vaise daada bhi behad ka baap hai । baapdaada ke sameep, samaanta honi chaahiye । jitni-jitni sameepta utni samaanta । ant mein ab bachche bhi apni rachna ke rachayita bankar practical mein anubhav karenge । jaise baap ko rachna ko dekh rachayita ke svarup ki smriti svatah rehti hai aisi stage nambarvaar bachchon ki bhi aani hai । drishti se srishti rachne aati hai? aapki rachna kaisi hai? kukh ki va nainon ki? drishti se rachna rachenge? yeh jo kahaavat hai ki drishti se srishti banengi । aisa drishti jisse srishti badal jaae । aisi drishti mein divyata anubhav karte ho? drishti dhokha bhi deti aur drishti patiton ko paavan bhi karti । drishti badalne se srishti badal hi jaati hai । to drishti kahaan tak badli hai? drishti kya badalni hoti hai, yeh maaloom hai? aatmik drishti banaani hai । aatmik drishti, divya drishti aur alaukik drishti bani hai? jahaan dekhte, jisko dekhte woh aatmik swaroop hi dikhaai de । aisi drishti badli hai? jis drishti mein arthaat nainon mein kharaabi hoti hai to ek samay mein do cheezen dikhaai padti hain । aise hi drishti poorn nahin badli hai to yahaan bhi do cheezen dikhaai padti hain । dehi aur deh । kabhi woh kabhi woh । aise hota hai na । kabhi deh ko dekhte hain kabhi dehi ko । jab nain theek hote hain to jo cheez jaisi hoti hai vaisi hi yathaartha roop mein dikhaai padta hai । aise hi yeh drishti bhi jab badal jaati hai to jo yathaartha roop hai woh dikhaai padta hai । yathaartha roop hai dehi na ki deh । jo yathaartha roop hai woh dikhaai de । isse samjho ki drishti theek hai । drishti ke oopar bahut dhyaan rakhna hai । drishti badal gayi to kab dhokha nahin degi । saakshaatkaar drishti se hi karenge aur ek ek ki drishti mein apne yathaartha roop aur yathaartha ghar tatha yathaartha raazdhaani dekhenge । itni drishti mein power hai, agar yathaartha drishti hai to । to sadaiv apne ko check karo ki abhi koi bhi saamne aaye to meri drishti dvaara kya saakshaatkaar karenge । jo aapki vritti mein hoga vaisa anya aap ki drishti se dekhenge । agar vritti deh abhimaan ki hai, chanchal hai to aapki drishti se saakshaatkaar bhi aise hi hoga । auron ki bhi drishti vritti chanchal hogi । yathaartha saakshaatkaar kar nahin sakenge । yeh samajhte ho? inhon ki training hai na । is group ke liye mukhya vishay hai apni vritti ke sudhaar se apni drishti ko divya banaana । kahaan tak bani hain? nahin bani to kyon nahin bani hai? is par inhon ko spashta samjhaana । srishti na badalne ka kaaran hai drishti ka na badalna । drishti na badalne ka kaaran hai vritti ka na badalna । drishti badal jaae to srishti bhi badal jaae । aajkal sabhi bachchon ke prati vishesh ishaara baapdaada ka yahi hai ki apni drishti ko badlo । saakshaatkaarmoorta bano । dekhne vaale aise anubhav karen ki yeh nain nahin lekin yeh ek jaadu ki dibbiyaan hai । jaise jaadu ki dibbi mein bhinna-bhinna najaaren dekhte hain vaise aapke nainon mein divya rangat dekhen । nain saakshaatkaar ke saadhan ban jaaen ।

yeh group maaloom hai kaun sa group hai? inmen visheshta kya hai? saare vishwa ke andar vishesh aatmaayen ho । aise to nahin samajhte ki ham saadhaaran hain । aise kabhi nahin samajhna । saare vishwa ke andar vishesh aatmaayen kaun hai? agar aap vishesh aatmaayen na hoti to baap ne apna kyon banaaya । apne ko vishesh aatma samajhne se visheshta aaegi । agar saadhaaran samjhengi to kartavya bhi saadhaaran karengi । ek-ek aatma apne ko vishesh samajh auron mein bhi visheshta laani hai । tum vishesh aatmaayen ho, yeh nasha eeshvareey nasha hai । deh abhimaan ka nasha nahin । eeshvareey nasha sadaiv nainon se dikhaai de । to is group visheshta kya hai? aap apne group ki visheshta samajhti ho? (kora kaagaz hai, kaeeyon ne vibhinna baaten sunaayi) is group ka title to bahut bada hai । training ke baad yahi gun kaayam rahe, yeh bhi training chaahiye । abhi to visheshtaaen bahut achhi sun rahi ho । kore kaagaz par jo kuchh likha jaata hai woh spashta hota hai । jitna spashta utna shreshtha । agar spashtata mein kami hai to shreshthata mein bhi kami । aur kuchh mix nahin karna hai । koi-koi mix bahut karte hain । isse kya hota hai? yathaartha roop bhi aythaartha ho jaata hai । vahi gyaan ki baaten maaya ka roop ban jaati hain । isliye is group ki yeh visheshta chitra mein dikhaai de ki yeh group sada spashta aur shreshtha raha । sadaiv apne yathaartha roop mein rahe । jo baap jaisi hai us roop se jaankaar dhaaran karni hai । aur chalte chalna hai । yeh hai spashtata । is group ko baapdaada kya title dete hain? jaise kahaavat hai chhote subhaanaalla । lekin baapdaada kehte hain chhote to samaan allaah । sabhi baaton mein kadam-kadam mein samaanta rakho । lekin samaanta kaise aaegi? samaanta ke liye do baaten dhyaan mein rakhna hai । saakaar roop mein kya visheshtaaen thi? ek to sadaiv apne ko aadhaarmoorta samjho । saare vishwa ke aadhaarmoorta । isse kya hoga ki jo bhi karma karenge jimmevaari se karenge । albelaapan nahin rahega । jaise baapdaada sarva ke aadhaarmoorta hain vaise harek bachcha vishwa ke aadhaarmoorta hain । jo karma aap karenge, woh sabhi karenge । sangam par jo rasma chalti hai, bhaktimaarga mein badalkar chalti hai । saare vishwa ke aap aadhaarmoorta ho । harek ko apne ko aadhaarmoorta samajhna hai aur doosra uddhaarmoorta banna hai । jitna aap uddhaar karenge utna auron ko bhi uddhaar kar sakenge । jitna auron ka uddhaar karenge utna apna bhi uddhaar karenge । apna uddhaar nahin karenge to auron ka kaise karenge । auron ka uddhaar tab karenge jab uddhaarmoorta banenge । chhote hote bhi kartavya baap ke samaan karna hai । yeh yaad rakhne se samaanta aaegi । phir jo is group ka title diya “chhota baap samaan” woh pratyaksha dikhaai padega । yeh bhoolna nahin । achha ab kya karna hai? (teeka lagaana hai) yeh teeka bhi saadhaaran teeka nahin hai । teeka kislie lagaate hain, maaloom hai? teeka saubhaagya ki nishaani hai । jo baaten suni un baaton mein tikne ki nishaani teeka hai । teeka bhi mastak mein tik jaata hai । to buddhi mein yeh baaten tik jaaen isliye yeh teeka diya jaata hai । aur kislie hai? (kaeeyon ne apna vichaar sunaaya) baapdaada jo sunaayenge woh aur hai । yeh teeka (injection) sada maaya ke rogon se nivritta rahne ka teeka hai । sada tandurusta rahne ka bhi teeka hai । ek teeka jo aap sabhi ne sunaaya aur yeh bhi hai । donon teeka lagaane hain । ek hai shaktishaali banne ka aur doosra hai sada suhaag aur bhaagya mein sthit rahne ka । donon teeka baapdaada lagaate hain । nishaani ek, raaz do hain । nishaani to sthool hoti hai lekin raaz do hain । isliye aise tilak nahin lagaana । tilak lagaana arthaat sadaakaal ke liye pratigya karna । yeh teeka ek pratigya ki nishaani hai । sadaiv har baat mein paas with honour banenge । is pratigya ka yeh tilak hai । itni himmat hai । paas nahin balki paas with honour । paas with honour aur paas mein kya pharka hai? paas with honour arthaat man mein bhi sankalpon se saja na khaaen । dharmaraaj ki sajaaon ki to baat peechhe hain । parantu apne sankalpon ki bhi uljhan athva sajaaon se pare । isko kehte hain paas with honour । apni galti se svayan ko saja dete hain । ulajhte hain, pukaarte hain, moonjhate hain isse bhi pare । paas with honour isko kehte hain । aisi pratigya karne ko taiyaar ho? sankalpon mein bhi na uljhen । vaani, karma, sambandh, samparka ki baat chhod do । woh to moti baat hai । aisi pratigya vaala group hai? himmatvaan hai ।

himmat kaayam rahegi to sarva madadgaar patte rahenge । sahayogi banenge to sneh milta rahega । jaise vriksha mein jo komal aur chhote patte nikalte hain, woh bahut priy lagte hain । lekin chidiya bhi komal patton ko hi khaati hai । sirf pyaare rehna kiske? baapdaada ke na ki maaya roopi chidiyon ke । to yeh bhi komal patte hain । komal patton ko kamaal karni hai । kya kamaal karni hai? apne eeshvareey charitra ke oopar sarva ko aakarshit karna hai । apne oopar nahin, charitra ke oopar । is group ke oopar poora dhyaan hai । is group ko apne oopar bhi itna hi dhyaan rakhna hai ।

achha !!!