शुक्रवार 25 मई 1973 की अव्यक्त मुरली

>

25-05-73 om shanti avyakt baapdaadaamdhuban

bhavishya plan

vishwa-parivartak, vishwa-kalyaankaari,vardaani va mahaadaani, nazar se nihaal karne vaale baba bole:-

apne ko vishwa-parivartak va vishwa-kalyaankaari samajhte ho? vishwa ki har aatma ko sandesh dene vaale samajhte hue vishwa mein kahaan tak sandesh de paaye hain, iska hisaab-kitaab nikaalte rehte ho? jahaan-jahaan sandesh dene ka karttavya ab hone vaala hai, iske liye naye-naye plaans (Plans) bana rahe ho? jo jiska karttavya va jimmevaari hoti hai, us karttavya ke prati uske sadaiv plaansa chalte rehte hain।

kahin bhi sandesh dene ke liye va baap ke parichay ka aavaaz phailaane ke liye abhi-tak jo bhi bhinna-bhinna plaansa practical mein laate ho un mein mukhya prayatna yahi karte ho ki jis dharti par va jis sthaan par sandesh dena hai vahaan pahle to stage(Stage) taiyaar karte ho, speech(Speech) taiyaar karte ho aur pablisiti (Publicity) ke bhinna-bhinna saadhan apnaate ho jis dvaara usi sthaan ki aatmaon ko sandesh dene ka karttavya karte rehte ho। lekin in saadhnon dvaara abhi tak vishwa ki ansh-maatra aatmaon ko hi sandesh de paaye ho। abhi thode samay ke andar, jab saari vishwa ki aatmaon ko sandesh dene,gyaan aur yog ka parichay de baap ki pahchaan karaane ka karttavya karna hi hai,saath-saath is prakriti ko bhi paavan banaana hai,tab hi vishwa-parivartan hoga। iske liye thode samay mein bahut bada kaarya karne ke liye bhavishya kaun-sa plan banaaya hai? woh roop-rekha buddhi mein aati hai? abhi jo kar rahe ho,vahi roop rekha hai ya woh kuchh bhinna hai? woh kya hai, woh in edvonsa (In Advance) dekhte ho ya woh chalte-chalte dekhenge? agar spashta hai to do shabdon mein sunaao।

jab samay bhi short (Short) hai to plan bhi short chaahiye। short ho lekin powerful ho। woh do shabd kaun-se hain? bhavishya plan practical roop mein do shabdon ke aadhaar par hi hona hai। woh do shabd pahle bhi sunaaye the। ek to ‘saakshaat baap-moortta’aur doosra‘saakshi aur saakshaatkaar-moortta’। jab tak yeh donon moortta na bani hain, tab tak saare vishwa ka parivartan thode samay mein kar nahin paayenge। is plan ko practical mein laane ke liye jaise ab bhi stage aur speech taiyaar karte ho, vaise hi aap ko apni sthiti ki stage taiyaar karni pade।

apne features dvaara future ka saakshaatkaar karne ke liye, jaise bhinna-bhinna points sochte hue stage taiyaar karte ho vaise hi is soorat ke beech jo bhi mukhya karmendriyaan hain, un karmendriyon dvaara baap ke charitra, baap ke karttavya ka saakshaatkaar ho, baap ke gunon ka saakshaatkaar ho। yeh bhinna-bhinna points taiyaar karni pade। naynon dvaara najar se nihaal kar sako। arthaat naynon ki drishti dvaara un aatmaon ki drishti, vritti,smriti aur kriti change kar do। mastishka dvaara apne va sabhi ke svaroopon ka spashta saakshaatkaar karaao। honthon dvaara roohaani muskaraahat se avinaashi khushi ka anubhav karaao। saare chehre dvaara vartamaan shreshtha position aur bhavishya position (Position) ka saakshaatkaar karaao। apne shreshtha sankalp dvaara anya aatmaon ke vyartha sankalpon va vikalpon ki bahti hui baadh se aur apni shakti se alpa samay mein kinaara kar dikhaao। vyartha sankalpon ko shuddh sankalpon mein parivartit kar daalo। apne ek bol dvaara anek samay ki tadapti hui aatmaon ko apne nishaane ka, apni manzil ke thikaane ka anubhav karaao। woh ek bol kaun-sa? ‘shiv baba।’ shiv baba kahne se hi thikaana va nishaana mil jaay। apne har karma arthaat charitra dvaara, charitra sirf baap ke nahin hain, aap har shreshtha aatma ke shreshtha karma bhi charitra hain। saadhaaran karma ko charitra nahin kahenge। to har shreshtha karma roopi charitra dvaara baap ka chitra dikhaao। jab aisi roohaani practical speech karenge tab thode samay mein vishwa ka parivartan karenge। iske liye stage bhi chaahiye।

stage ki taiyaari mein kya-kya mukhya saadhan apnaate ho। woh to jaante ho na? woh aap logon ki vishesh nishaani hai। stage ko saphed karte ho,yahi aap logon ki mukhya nishaani athva symbol (Symbol) hai। jaise dress prasiddha hai na। to jaisi aatma ki stage, vaisi baahar ki stage ko bhi roop dete ho। to yeh baaten jo sthool stage par rakhne ka prayatna karte ho। unmein se agar ek cheej bhi smriti mein na rehti hai va sahi roop mein nahin hoti hai to stage ki jhalak achhi nahin dikhaai deti। isi pramaan jab apni sthiti ki stage dvaara practical speech karni hai to iske liye bhi in sabhi baaton ki taiyaari chaahiye,light chaahiye arthaat double light swaroop ki stage chaahiye। yeh to jaante ho na?donon hi light। agar stage par koi halka na ho,uthne baithne mein bhaari ho to speech sunne ke bajaay log usko hi dekhne lag jaayenge। to yahaan par double light ki sthiti chaahiye। aur mike aisa powerful ho,jo door tak aavaaz spashta roop mein pahunch jaaye। to mike mein bhi might ho। ek sankalp karo, ek najar daalne se hi woh najar aur woh sankalp light house ka kaarya kare। ek sthaan par hote hue bhi anek aatmaon par aap ke shreshtha sankalp aur divya najar ka prabhaav pade। aisa powerful mike banaana pade। to mike kaunsa hua -’sankalp aur najar’, ‘divya aur roohaani drishti।’ aise hi vhaaitnes(Whiteness) arthaat svachchha buddhi chaahiye unmein jara bhi koi daag na ho। agar stage par koi daag hoga, vhaaitnes nahin hogi to sabhi ka attention na chaahte bhi us taraph jaayega। aur baat mein salogansa (Slogans) ka shrringaar chaahiye। is sthiti ki stage par kaun-se salogan ka shrringaar chaahiye?-sthiti ki stage aur practical man, vaani,karma ki speech। aisi stage ke liye salogan kaun-se chaahiye?

ek ‘main aatma vishwa-kalyaan ke shreshtha karttavya ke prati sarvashaktivaan baap dvaara nimitta bani hui hoon’ - yeh salogan smriti mein rahe। is sthiti mein agar yeh salogan yaad na rahega to stage sundar nahin lagegi। vishesh dhaarnaaon ke hi salogansa hain। doosra salogan,main aatma mahaadaani aur vardaani hoon। jin bhi aatmaon ko daan lene ka va dene ka saahas nahin hain un ko bhi vardaata baap dvaara mile hue vardaanon dvaara apni sthiti ke sahayog dvaara vardaan dena hai। to salogan kya hua? ‘main mahaadaani aur vardaani hoon’ -yeh hai spashteekran। teesri baat mujh aatma ko apne charitra, bol va sankalp dvaara apne moortta mein sabhi aatmaon ko baapdaada ki soorat aur seerat ka saakshaatkaar karaana hai। is prakaar jo stage ko sundar banaane ka salogan hai woh bhi smriti mein rakhna hai। aisi apni stage aur speech ko taiyaar karo। stage par kursi par baitho arthaat apni status ki kursi par baitho। to stage, speech,aur status ye teenon hi aavashyak hain,phir thode samay mein vishwa ko parivartit kar lenge। yeh karna to aata hai na? lekin yeh bhi dhyaan rakhna ki stage aisi mazboot ho,ek-ras, achal aur adol ho jo koi bhi toofaan aur koi bhi vaataavran usko hila na sake। aisi apni taiyaari karo,kya aisi practice hai?kya aise ever ready ho aur ever happy (Ever-Happy) ho? jo ek second mein jaisi sthiti, jaisa sthaan aur jaisi aatmaon ki dharti usi pramaan thode samay mein apni stage taiyaar kar practical speech kar sako। samjha? yeh hai bhavishya plan। achha

aise sada apni stage dvaara, status dvaara sarva aatmaon ko apne sampoorn stage aur apne vaastavik status ka saakshaatkaar karaane vaale shreshtha aatmaon ko,vishwa-kalyaankaari aatmaon ko baapdaada ka yaad-pyaar aur namaste।

mahaavaakyon ka saar

1. jaise seva karne ke liye stage,speech taiyaar karte ho to vishwa seva ke liye apni sthiti ki stage taiyaar karni hai। soorat ke beech jo karmendriyaan hain, un dvaara baap ke charitra aur baap ke karttavya ka saakshaatkaar karaana hai। naynon dvaara nazar se nihaal kar sako, mastishka dvaara sabhi ke swaroop ka spashta saakshaatkaar karaao, hothon par roohaani muskaraahat se avinaashi khushi ka anubhav karaao।

2. har shreshtha aatma ke shreshtha karma charitra hain। saadhaaran karma ko charitra nahin kahenge। to har shreshtha karma roopi charitra dvaara baap ka chitra dikhaao। aisi roohaani practical speech karne se hi vishwa parivartan kar sakenge।