गुरुवार 2 अगस्त 1973 की अव्यक्त मुरली

>

02-08-73 om shanti avyakt baapdaadaamdhuban

yathaartha vidhi se siddhi ki praapti

siddhi swaroop banaane vaale, nolejphul,powerful aur loveful banaane vaale, sarvashaktivaan baba bole :-

kya apne mein vidhi dvaara siddhi ki praapti samajhte ho? kyonki jo koi bhi purooshaartha karte hain unke purooshaartha ka lakshya hi hai-siddhi ko paana। jaise duniya vaalon ke paas aajkal riddhisiddhi bahut hain to us taraph hai riddhi-siddhi aur yahaan hai vidhi se siddhi। yathaartha hai - ‘vidhi aur siddhi’। inko hi doosre roop mein lene ke kaaran ve riddhi-siddhi mein chale gaye hain। to kya apne ko siddhi-swaroop samajhte ho? jo bhi sankalp karte hain, agar yathaartha vidhi-poorvak hai to siddhi zaroor hoti hai। agar vidhi nahin hai to samjho ki siddhi bhi nahin hai। isliye bhakti maarga mein bhi jo koi kaarya karte hain ya karaate hain value uski vidhi par hi hoti hai। vidhi-poorvak hone ke kaaran hi us siddhi ka anubhav karte hain। sabhi ka praarambha to yahaan se hi hua hai na? isliye poochhte hain ki siddhi-swaroop apne ko samajhte ho va abhi banna hai? samay ke pramaan donon hi kshetra mein parinaam swaroop ab tak 95% result zaroor hona chaahiye।

jaise samay ki raphtaar ko dekh rahe ho aur challenge bhi karte ho to jo chunauti di hai, woh sampanna tab hogi, jab aap logon ki sthiti sampanna hogi। yeh jo chunauti karte ho-woh parivartan kiske aadhaar par hoga? unki aadhaar shila (neenv) kaun hai?unki aap log hi to aadhaar shila ho na?agar aadhaar-shila hi mazboot na ho to aage kaarya kaise chalega?jab foundation ya aadhaar-shila taiyaar ho jaaye tab uske baad phir nambarvaar raajghaani bhi taiyaar ho। to jin ko raajya karne ka adhikaari banna hai woh apne adhikaar nahin lenge to doosron ko phir nambarvaar adhikaar kaise praapta honge? aur do varsha ki jo chunauti dete ho us hisaab se jo vishwa-parivartan ka kaarya hona hai woh jab tak aap logon ki sthiti vidhi dvaara siddhi ko praapta nahin hogi to is vishwa-kalyaan ke karttavya mein bhi kaise siddhi ki uplabdhi hogi? pahle to svayan ki siddhi hogi। itna bada karttavya itne thode samay mein sampanna karna hai to kitni tez raphtaar honi chaahiye? jabki37 varsha ki sthaapna ke kaarya mein 50% tak hi pahunche hain to ab do varsha mein 100% tak laana hai to uske liye kya karna padega? kya uske liye koi yojna banaate ho ki raphtaar ko kaise poora karen arthaat siddhi-swaroop kaise bane ki sankalp kiya aur siddhi praapta ho?yeh hai 100% siddhi-swaroop ki nishaani ki karma kiya aur siddhi praapta hui।

jab saadhaaran knowledge ke aadhaar par riddhi-siddhi ko praapta kar sakte hain to kya shreshtha knowledge ke aadhaar par vidhi se siddhi ko nahin praapta kar sakte? yeh checking chaahiye ki kaun-si vidhi mein kami rah jaati hai ki jo phir siddhi bhi sampoorn nahin hoti। vidhi ko check karne se siddhi automatically praapta ho jaayegi। ismen bhi siddhi na ho sakne ka mukhya kaaran yahi hai ki jo ek hi samay teenon roop se service nahin karte ho। teenon roopon aur teenon reeti se ek hi samay karna hai। nolezphul, powerful aur loveful, ismen lav aur law ye donon saath-saath aa jaate hain। in teenon roop se to service karni hi hai lekin in teenon reeti se bhi karni hai। arthaat mansa,vaacha aur karmana in teenon hi reeti se aur ek hi samay in teenon roopon se karni hai। jab vaani dvaara service karte ho, to mansa bhi powerful ho। powerful stage se to uski mansa ko bhi change kar denge aur vaani dvaara unko knowledgeful bana denge aur phir karmana dvaara arthaat jo bhi unke samparka mein aate hain to usse samparka aisa loveful ho ki jo automatically (svaymev) woh svayan mahsoos kare ki yeh koi apne eeshvareey parivaar (godly family) mein hi pahunch gaya hai। aur apni chalan hi aisi ho ki jisse woh svayan mahsoos kare ki vaastav mein yeh hi mera asli parivaar hai।

agar in teenon reeti se unki mansa ko bhi control kar lo aur vaani se knowledge de light, might ka vardaan do aur karmana arthaat samparka dvaara apne sthool ektiviti dvaara eeshvareey parivaar ka anubhav karaao to kya is vidhi-poorvak service karne se siddhi nahin hogi? kaaran ki aap ek hi samay mein teenon reetiyon aur teenon roopon se service nahin karte ho। jab aap vaacha mein aate ho to mansa jo powerful honi chaahiye, woh nahin hoti hai woh kam ho jaati hai aur jab ramneek ektiviti se kisi ko samparka mein laate ho, to bhi mansa jo powerful honi chaahiye woh nahin rehti hai। to ek hi samay yadi ye teenon ikatthi hon to siddhi zaroor milegi। ab is reeti se service karne ka abhyaas aur attention chaahiye। aap unke sambandh mein nahin aate hain arthaat deep samparka mein nahin aate hain sirf oopar-oopar ke samparka mein hi aate hain। parantu woh oopar-oopar ka samparka alpakaal ka hi hota hai। bhale lav mein laate bhi ho lekin loveful ke saath powerful bhi hona chaahiye taaki un aatmaon mein bhi power bhare jisse ki woh samasyaaon ka,vaayumandal ka, vibrations ka saamna kar sada kaal sambandh mein rahen, lekin woh nahin hota। ya to ve knowledge par aakarshit hote hain ya phir lav par hote hain। jyaadaatar ve lav par hi aakarshit hote hain, phir second number mein knowledge par। lekin powerful stage aisi ho jo ki koi bhi baat saamne ho to woh hile nahin, abhi keval yeh kami hai।

jo serviceable nimitta bante hain un mein bhi knowledge jyaada hai, aur lav bhi hai lekin power kam hai। powerful stage ki nishaani kya hogi? ek second mein koi bhi vaayumandal ya vaataavran ko maaya ki koi bhi samasya ko khatma kar denge,ve kabhi haar nahin khaayenge। jo bhi aatmaayen samasya ka roop ban kar aati hain,woh unke oopar balihaar jaayengi jisko doosre shabdon mein prakriti daasi kahen। jab paanch tatva daasi ban sakte hain to kya manushya-aatmaayen balihaar nahin jaavengi? to powerful stage ka practical swaroop yeh hai। isliye kaha ki ek hi samay teenon roop se service karne ki jab roop-rekha ban jaayegi tab harek karttavya mein siddhi dikhlaai padegi। to vidhi ke kaaran siddhi hui na?vidhi mein kami hone ke kaaran hi siddhi mein kami hai। ab siddhi swaroop banne ke liye is vidhi ko pahle theek karo।

bhakti-maarga mein karte hain saadhna, yahaan hai saadhan। saadhan kaun-sa? baapdaada ki harek visheshta ko apne mein dhaaran karte-karte vishesh aatma ban jaayenge। jaise imtahaan ke din jab nazdeek hote hain to jo kuchh study ki hui hoti hai- theory ya practical-donon ko revise kar aur check karte hain ki kaun-si sabjekt mein kya-kya kami rahi hui hai। isi prakaar ab jabki samay nazdeek aa raha hai, to har sabjekt mein apne-aap ko dekho ki kaun-si aur kitni percentage tak kami rahi hui hai? theory mein bhi aur practical mein bhi - donon mein hi check karna hai। harek sabjekt ki kami ko dekhte hue apne aapko complete karte jaao। lekin woh complete tab hongi jab pahle revise karne se apni kami ka pata padega। subjects ko to jaante ho। subjects ko buddhi mein dhaaran kiya va nahin, uski parakh kya hai?jaise siddhi ki percentage badhti jaayegi to time bhi vesta nahin jaayega। thode time mein saphalta jaasti hogi। isko kaha jaata hai siddhi। agar samay jyaada, mehnat bhi jyaada karte ho, phir saphalta milti hai to isko bhi kam percent kahenge। sabhi reeti se kam lagna chaahiye। tan bhi kam lage,man ke sankalp bhi kam lagen। nahin to kitne sankalp karte ho? plan banaate-banaate dedh maas lag jaata hai। to samay va sankalp va apni jo bhi sarva-shaktiyaan hain un sarva- shaktiyon ke khajaane ko jyaada kaam mein nahin lagaana hai arthaat ‘kam kharcha baala nasheen’ arthaat sankalp vahi utpanna hoga,ki jisse siddhi praapta ho jaayegi। samay bhi vahi nishchit hoga ki jismen saphalta hui padi hai। isko kehte hain siddhi-swaroop।

to sarva-subjects mein ham kahaan tak paas hain iski parakh kya hai? jo jitne subjects mein paas hoga to utna hi un subjects ke aadhaar par object (lakshya) aur rispekta milegi। ek to praapti ka anubhav bhi hoga। jaise ki gyaan ki sabjekt hai to usse jo object praapta hoti hai-light aur might woh praapti ka anubhav karenge। us knowledge ki subject ke aadhaar par rispekta bhi itni milegi hi। chaahe daivi parivaar se, chaahe anya aatmaon se। jaise dekho aajkal ke mahaatma hain, un ko itna rispekta kyon milti hai? kyonki jo saadhna ki hai aur jo bhi subject adhyayan karte hain unki hi object aur rispekta un ko milti hai aur prakriti daasi hoti hai। to yeh ek gyaan ki baat sunaai। vaise yog ki bhi subjects hai unse kya object honi chaahiye?

yog arthaat yaad ki shakti dvaara object praapta honi chaahiye। woh jo bhi sankalp karenge woh samartha hoga। aur jo bhi koi samasya aane vaali hogi, unka pahle hi yog ki shakti se anubhav hoga ki yeh hone vaala hai। to pahle se hi maaloom hone ke kaaran ve kabhi bhi haar nahin khaayenge। aise hi yog ki shakti ke dvaara apne pichhle sanskaaron ka bojh khatma hota hai। koi bhi sanskaar apne purooshaartha mein vighna roop nahin banega। jisko nature kehte ho woh bhi vighna roop nahin banenge purooshaartha mein। to jis subject ko jo object hai woh anubhav honi chaahiye। object hai to iska parinaam rispekta zaroor milegi। aap mukh se jo bhi shabd repeat karenge va jo bhi plan banaayenge woh samartha hone ke kaaran use sabhi rispekta denge। arthaat jo bhi ek doosre ko raay dete ho to us raay ko sabhi rispekta denge kyonki samartha hai। is prakaar har subject ko dekho।

divya gunon ki va service ki jo sabjekt hai to uski praapti yeh hai ki nazdeek samparka aur sambandh mein aana chaahiye। nazdeek sambandh aur samparka mein aane se automatically respect zaroor milegi। aise har subject ki object ko check karo aur object ki check karne ka saadhan hai-rispekta। agar main knowledgeful hoon to jisko bhi knowledge deti hoon kya woh is knowledge ko itna respect dete hain? knowledge ko rispekta dena arthaat knowledgeful ko rispekta dena hai? agar yog ki subject mein object hai to aur bhi kiske sankalp ko parivartan mein laane ke samartha bana sakte hain। to ve zaroor rispekta denge। to is reeti har subject mein checking karni hai। har subject mein va sankalp mein object aur respect in donon ki praapti ka anubhav jo bhi karte hain to vahi perfect kahenge। perfect arthaat koi bhi effect se door, effect se pare hain to perfect hain। chaahe shareer ka,chaahe sankalpon ka aur chaahe koi bhi samparka mein aane se kiske bhi vibration va vaayumandal ka,sabhi prakaar ke effect se pare ho jaayenge to samjho subject mein paas arthaat perfect hain to aise ban rahe ho na? lakshya to yahi hai na?

ab apni chaiking jyaada honi chaahiye। jaise doosron ko kehte ho ki samay ke saath svayan ko bhi parivartan mein laao, vaise hi sadaiv apne ko bhi yeh smriti mein rahe ki samay ke saath-saath svayan ko bhi parivartan mein laana hai। apne ko parivartan mein laate-laate srishti ka bhi parivartan ho jaayega kyonki apne parivartan ke aadhaar se hi srishti ko parivartan mein laane ka kaarya kar sakenge। yahaan yahi shreshthata hai jo doosre logon mein nahin hai। woh to sirf doosron ko parivartit karne ke yatna mein hain। yahaan svayan ke aadhaar par srishti mein tum parivartan karte ho। to jo aadhaar hai uske liye apne oopar itna attention dena hai। ab sadaiv yeh smriti rahe ki hamaare har sankalp ke peechhe vishwa-kalyaan ka sambandh hai।

jo aadhaar moortta hai, yadi unke sankalp samartha (saamarthya) nahin to unke samay ke parivartan mein bhi kamjori pad jaati hai। is kaaran aap jitnaajitna svayan samartha banenge, utna hi srishti ko parivartan karne ka samay sameep la sakenge। drama-anusaar samay bhale hi nishchit hai,lekin woh drama bhi kiske aadhaar se bana hai? aakhir aadhaar to hoga na? uske aadhaar-moortta to aap ho। abhi to aap sabhi ki nazron mein ho। challenge kiya hai na do varsha ka? jab yeh baaten sunte ho to thoda-bahut sankalp chalta hai ki agar sachmuch vinaash nahin hua to?yeh bhi ho sakta hai ki ‘do varsha mein na ho’-yeh sankalp-roop mein kya nahin chalta hai? chalo saamna kar lenge, yeh doosri baat hai। iska matlab hua ki sankalp mein kuchh hai tab to aata hai na? bilkul aapko pakka hai ki do varsha mein hoga? achha samjho aap logon se koi poochhte hain ki vinaash na ho to kya hoga? phir aap kya kahenge? jis samay samjhaate ho to yeh spashta samjhaana chaahiye ki aise nahin ki do varsha mein complete vinaash ho jaayega, nahin। do varsha mein aise nazaare ho jaayenge ki jisse log yeh samjhenge ki baraabar yeh vinaash ho raha hai aur vinaash shuru ho gaya hai। ek baat sahaj lag gai to doosri baat sahaj lagegi hi। vinaash mein samay to lagega na?jab svayan sampoorn ho jaayenge to kaarya bhi sampoorn hoga ki sirf svayan hi sampoorn honge?

advance party ka kya kaarya chal raha hai? aap logon ke liye aaj saari pheelda taiyaar kar rahe hain। unke parivaar mein jaao, na jaao lekin jo sthaapna ka kaarya hona hai uske liye woh nimitta banenge। koi powerful stage lekar nimitta banenge। aise powers lenge jisse sthaapna ke kaarya mein madadgaar banenge। aajkal aap dekhenge din-pratidin new-blood ka regard jyaada hai। jitna aage badhenge,utna chhoton ki buddhi kaam karegi jo ki badon ki nahin। badi aayu ki tulna mein phir bhi chhotepan mein satopradhaanta rehti hai। kuchh-na-kuchh purity ki power hone ke kaaran unki buddhi jo kaam karegi woh badon ki nahin karegi। yeh change hogi। bade bhi bachchon ki raay ko regard denge। ab bhi jo bade hain woh samajhte hain ki ham to puraane jamaane ke hain। yeh aajkal ke hain unko regard na denge aur unhein bada samajh nahin chalaayenge to kaam nahin chalega। pahle bachchon ko rob se chalaate the। abhi aise nahin। bachchon ko bhi maalik samaz kar chalaate hain। to yeh bhi drama mein part hai। chhote hi kamaal kar dikhaayenge। advance party ka to apna kaarya chal raha hai lekin woh bhi aapki sthiti advance mein jaane ke liye rooke hue hain। unka kaarya bhi aapke connection se chalna hai।

saare kaarya ka aadhaar aap vishesh aatmaon ke oopar hai। chalte-chalte thandaai ho jaati hai। aag lagti hai phir sheetal ho jaati hai। lekin sheetal to nahin hona chaahiye na? baahar ka jo roop hai, manushya woh dekhte hain,samajhte hain yeh to chalta aata hai, badi baat kya hai?parampara se khel chalta hi aa raha hai। lekin yeh chalte-chalte sheetalta kyon aati hai? iska kaaran kya hai?percentage bahut kam hai,lectures to karte hain, lekin lectures ke saath-saath features bhi atrekta karen tab lectures ka effect ho। to apne ko har subject mein check karo। aajkal lectures mein aap jab kampeeteeshan karo to ismen kai aur bhi jeet lenge lekin jo practical mein hai usmein sabhi aapse haar jaayenge।

mukhya visheshta practical life ki hai। practical koi bhi baat aap bataao to ve ekdam chup ho jaayenge। to jab lectures se practical ka bhaav pragat ho, tab woh lectures dene se nyaara dikhaai de। jo shabd bolte ho woh naynon se dikhaai de ki yeh jo bolte hain woh practical hai। yeh anubhvi moortta hai tab uska prabhaav pad sakta hai। baaki sun-sun kar to sabhi thak gaye hain, bahut suna hai! anek sunaane vaale hone ke kaaran sunne se sabhi thake hue hain। kehte hain suna to bahut hai,ab anubhav karna chaahte hain aur ab koi praapti karaao। to lecture mein aisi power honi chaahiye jo woh ek-ek shabd anubhav karaane vaala ho। jaise aap samjhaate ho na ki apne ko aatma samjho na ki shareer। to in shabdon ko bolne mein bhi itni power honi chaahiye jo sunne vaalon ko aapke shabdon ki power se anubhav ho। ek second ke liye bhi yadi unko anubhav ho jaata hai to anubhav ko woh kabhi chhod nahin sakte, aakarshit hua aapke paas pahunchenga।

jaise aap beech-beech mein bhaashan karte-karte unko silence mein le jaane ka anubhav karaate ho to is practice ko badhaate jaao। unko anubhav mein laate jaao। is puraani duniya se behad ka vairaagya dilaana chaahte ho to bhaashan mein jo pvaayantsa dete ho, woh dete hue vairaagya vritti ke anubhav mein le aao। woh feel kare sachmuch yeh srishti jaane vaali hai, isse to dil lagaana vyartha hai। to zaroor practical karenge। un panditon aadi ke bolne mein power hoti hai। ek second mein khushi dila dete aur ek second mein roola dete। tab kehte hain inka bhaashan effect karne vaala hai। saari sabha ko hansaate bhi hain,sabhi ko shamshaani vairaagya mein laate to hain na? jab unke bhaashan mein bhi itni power hoti hai to kya aap logon ke bhaashan mein woh power nahin ho sakti? ashareeri banaana chaaho to kya woh anubhav kara sakte hain ki woh lahar chha jaaye? saari sabha ke beech baap ke sneh ki lahar chha jaaye। isko kaha jaata hai -- practical anubhav karaana।

ab aise bhaashan hone chaahiye tab kuchh change hogi। ve samjhen ki in ke bhaashan to duniya se nyaare hain। woh bhale bhaashan mein sabha ko hansa lete ya roola dete, lekin ashreereepan ka anubhav nahin kara sakte aur na baap se sneh paida kara sakte। krishna se sneh kara sakte hain lekin baap se nahin kara sakte। un ko pata hi nahin hai, to niraali baat honi chaahiye। achha samjho geeta ke bhagwan par points dete ho। lekin jab tak unko baap kya cheej hai, ham aatma hain aur woh paramatma hai, jab tak yeh anubhav nahin karaao tab tak yeh baat siddha bhi kaise hogi? aisa koi bhaashan karne vaala ho jo unko anubhav karaaye ki aatma aur paramatma mein raat aur din ka antar hai। jab antar mahsoos karenge to geeta ka bhagwan bhi siddha ho hi jaayega। sirf points se unki buddhi mein nahin baithega,usse to aur hi lahren utpanna hone lagengi। lekin anubhav karaate jaao to anubhav ke aage koi baat jeet nahin sakti। bhaashan mein ab yeh tareeka change karo। achha।

murli ka saar

1. yaad ki shakti dvaara object praapta hoti hai। yogi jo bhi sankalp karenge woh samartha honge। jo bhi koi samasya aane vaali hogi, unka pahle hi yog ki shakti se anubhav hoga ki yeh hone vaala hai। to pahle hi se pata hone ke kaaran kabhi bhi haar nahin khaayega।

2. jo aadhaar-moortta hain yadi unke sankalp mein saamarthya nahin to unke samay ke parivartan mein bhi kamzori pad jaati hai। jitna-jitna svayan samartha banenge, utna hi srishti ko parivartan karne ka samay sameep la sakenge।