गुरुवार 23 मई 1974 की अव्यक्त मुरली

>

23-05-74 om shanti avyakt baapdaadaamdhuban

had ke aakarshanon ya vibhootiyon se pare rahne vaala hi sachcha vaishnav

paanch vikaaron ke saath-saath paanch tatvon ke aakarshan se pare le jaane vaale, sachcha vaishnav banaane vaale, vaani se pare le jaakar vaanaprastha sthiti mein sthit karne vaale aur girti kala se chadhti kala ki or le jaane vaale sat shiv baba roohaani bachchon se bole:-

kya apne ko ek second mein vaani se pare vaanaprastha avastha mein sthit kar sakte ho? jaise vaani mein sahaj hi aa jaate ho,kya vaise hi vaani se pare, itna hi sahaj ho sakte ho? kaisi bhi paristhiti ho, vaataavran ho, vaayumandal ho ya prakriti ka toofaan ho lekin in sabke hote hue, dekhte hue, sunte hue, mahsoos karte hue, jitna hi baahar ka toofaan ho, utna svayan achal, atal, shant sthiti mein sthit ho sakte ho? shanti mein shant rehna badi baat nahin hai, lekin ashaanti ke vaataavran mein bhi shant rehna isko hi gyaanasvaroop,shaktisvaroop,yaadasvaroop,aur sarvagun-swaroop kaha jaata hai। bhinna-bhinna prakaar ke kaaran hote hue svayan nivaaran-roop bane, isko kaha jaata hai purooshaartha ka pratyaksha pramaan-roop। aise mahaaveer bane ho ya ab tak veer bane ho? kis stage tak pahunche ho? mahaaveer ki stage saamne dikhaai deti hai ya sameep dikhaai deti hai athva baap-samaan svayan ko dikhaai dete ho?

baap samaan teen stage nambarvaar hain। ek hai samaan, doosri se sameep teesri hai saamne। to kahaan tak pahunche hain?samaan vaale ki nishaani-ek second mein jahaan aur jaise chaahen, jo chaahen woh kar sakte hain va karte hain। second stage-ek second ke bajaay kuchh ghadiyon mein, svayan ko sait kar sakte hain। teesri stage-kuchh ghanton va dinon tak svayan ko sait kar sakte hain। samaan vaale, sada baap samaan, svayan ke mahatva ko,svayan ki sarvashaktiyon ke mahatva ko aur har purushaarthi ki nambarvaar stage ko, gundaan,gyaandhan daan aur svayan ke samay ka daan,in sabke mahatva ko jaanne vaale aur chalne vaale hote hain। ve karmon ko, sanskaar aur svabhaav ko jaanne vaale gyaan swaroop hote hain। kya aise gyaan-swaroop bane ho?

jitni vaani sunne aur sunaane ki jigyaasa rehti hai, tadap rehti hai, chonsa banaate bhi ho kya aise hi phir vaani se pare sthiti mein sthit hone ka chonsa banaane aur lene ke jigyaasu ho?yeh lagan svatah svayan mein utpanna hoti hai ya samay pramaan,samasya pramaan va programme pramaan yeh jigyaasa utpanna hoti hai? first stage tak pahunchi hui aatmaon ki pahli nishaani,yeh hogi। aisi aatma ko,is anubhooti ki sthiti mein magna rahne ke kaaran, koi bhi vibhooti va koi bhi had ki praapti ka aakarshan unhein unke sankalp tak bhi chhu nahin sakta। agar koi bhi had ki praapti ki aakarshan, sankalp mein bhi chhoone ki himmat rakhti hai, to isko kya kahenge? kya aise ko vaishnav kahenge? jaise aajkal ke naamdhaari vaishnav, anek prakaar ki parhez karte hain-kai vyaktiyon aur kai prakaar ki vastuon se,apne ko chhoone nahin dete hain। agar akaarnen koi chhu lete hain,to woh paap samajhte hain। aap,jaisa naam vaisa kaam karne vaale, jaisa sankalp vaisa swaroop banne vaale sachche vaishnav ho, aise sachche vaishnavon ko kya koi chhu sakne ka saahas kar sakta hai? agar chhu lete hain, to chhotemote paap bante jaate hain। aise sookshm paap,aatma ko oonch stage par jaane se rokne ke nimitta ban jaate hain। kyonki paap arthaat bojha; woh pharishta banne nahin dete; beej roop sthiti va vaanaprastha sthiti mein sthit nahin hone dete। aajkal majority mahaarthi kahlaane vaale bhi, amritvele ki rooh-rihaan mein, woh complaint karte va prashn poochhte hain ki powerful stage jo honi chaahiye, woh kyon nahin hoti? thoda samay woh stage kyon rehti hai?iska kaaran yeh sookshm paap hain, jo baap-samaan banne nahin dete hain।

jaise paanch vikaaron ke vash kiye hue karma, vikarma ya paap kahe jaate hain-yeh hain paapon ka mota roop। aise hi maheen purooshaartha arthaat mahaarthi ke saamne, paanch tatva apni taraph,bhinna-bhinna roop se aakarshit kar, maheen paap banaane ke nimitta bante hain। paanch vikaaron ko samajhna, aur unhon ko jeetna, sahaj hai, lekin paanch tatvon ke aakarshan se pare rehna, yeh mahaarthiyon ke liye vishesh purooshaartha hai। jab in das ko jaankar inhon par vijay praapta karenge, tab hi sachcha dashahra hoga। vijaydashmi is sthiti ka hi yaadgaar hai। mahaarthiyon ki chaiking, maheen honi chaahiye। ashta ratna, aise vijayi hi prasiddha honge। pratyaksha roop mein dikhaai dene vaali, chhoti-chhoti galtiyaan aise maheen purushaarthi ke samaksha kya dikhaai deti hain?

aajkal royal purushaarthi ka, royal salogan kaun-sa hai? royal purushaarthi,kisko kaha jaata hai? royal shabd usko thamaane ke liye kaha jaata hai ki jisko har baat mein royalty va sahaj saadhan chaahiye। saadhnon ke aadhaar se aur praapti ke aadhaar se purooshaartha karne vaala royal purushaarthi kaha jaata hai। royalty ka doosra arth bhi hota hai। jo ab royal purushaarthi hain, unko dharmaraajpuri mein royalty bhi deni padti hai। royal purushaarthi ki nishaani kya hoti hai,ki jisse jaan sako ki main royal purushaarthi to nahin hoon?doosre ko nahin jaanna hai,lekin apne ko jaanna hai। jaise sthool royalty vaale,apne anek roop banaate hain,vaise royal purushaarthi bahuroopi aur chatur hote hain,ve jaisa samay vaisa roop dhaaran karenge। lekin royalty mein reality nahin hoti, mix hoga,lekin ek-ras sthiti mein apne ko fix nahin kar sakenge। aise royal purushaarthi,khel kaun-sa karte hain-up and down abhi-abhi bahut oonchi stage, abhi-abhi sabse neechi stage। chadhti kala mein bhi hero paartadhaari aur girti kala mein zero mein hero। aise purushaarthi ka karttavya kya hota hai?svayan prakriti ke va vikaaron ke vash,alpakaal ke maayaavi nirbhay roop mein rehna aur apne dvaara doosron ko bhaybheet karne ki baaten karna। unhon ka slogan kya hai-’yeh kar loonga ya woh kar loongi’-aapghaat mahaapaap ki bhaybheet chalan va vaisa bol un logon ka karttavya hai। aise royal purushaarthi kabhi nahin banna। kabhi bhi aise royal purushaarthi ke sang mein nahin aana। kyonki maaya ke vash hone vaali aatmaon ko aur purushaarthi banne vaali aatmaon ko svayan ke sang mein laakar prabhaavit karne ki visheshta maaya dvaara vardaan mein praapta hoti hai। aise sang ko badi-te- badi daldal samajhna। jo ki baahar se to bahut sundar lekin andar naash karne vaali hoti hai। isliye baapdaada sabhi bachchon ko vartamaan samay ki, maaya ke royal swaroop ki saavdhaani,pahle se hi de rahe hain। aise sang se,sada saavdhaan rehna aur hoshiyaar rehna। maaya bhi vartamaan samay aise royal purooshaarthiyon ki maala banaane mein lagi hui hai। apne manke bahut achhi tarah se aur teevra purooshaartha se dhoondh rahi hai। isliye maaya ke manke ki maala nahin banna। agar aise maaya ke manke ke prabhaav mein aa gaye, to vijaymaala ke mankon se kinaare ho jaayenge। kyonki aajkal donon hi maalaaen-ek maaya ki aur doosri vijaymaala baap ki, in donon ki silekshan bahut tezi se ho rahi hai। aise samay mein har second, chaaron or attention chaahiye। samjha?

aise sada sachche purushaarthi, sachche baap ke saath sada sachche rahne vaale, paanch vikaaron aur paanch tatvon ki aakarshan se sada door rahne vaale,sahaj vaanaprastha sthiti mein sthit hone vaale, vijaymaala ke vijayi mankon ko, baap-daada ke sada-saath rahne vaale, sada satya ke sang mein rahne vaale aur vyartha ke sang se nyaare rahne vaale, aise pyaare baap ke bachchon ko baap-daada ka yaadapyaar, good morning aur namaste।

murli ka saar

1. shanti mein shant rehna badi baat nahin, lekin ashaanti ke vaataavran mein shant rahne vaala hi mahaan kahlaata hai।

2. baap-samaan stage tak pahunchi hui aatmaon ko,jinhen koi bhi vibhooti ya had ka aakarshan chhu nahin sakta,ve hi sachche vaishnav kahlaate hain।

3. paanch tatvon ke aakarshan se pare rehna, mahaarthiyon ke liye maheen purooshaartha hai।

4. sookshm-paap aatma ko, oonch stage par jaane se rokne ke nimitta ban jaate hain।