गुरुवार 5 दिसंबर 1974 की अव्यक्त मुरली

>

05-12-74 om shanti avyakt baapdaadaamdhuban

vyartha sankalpon ko samartha banaane se kaal par vijay

kaal par vijay dilaane vaale, sarva praaptiyon ke adhikaari banaane vaale baap-daada bole:-

avyakt-milan kisko kaha jaata hai? jisse milna hota hai,usi ke samaan banna hota hai। to avyakt-milan arthaat baap-samaan avyakt roopdhaari banna। avyakt arthaat jahaan vyakta bhaav nahin। kya aise bane ho? vyakta desh ka, vyakta deh ka aur vyakta vastuon ka jara bhi aakarshan apni taraph aakarshit na kare, kya aisi sthiti banaai hai? jo pahla-pahla vaayda hai ki tumheen se sunoon aur tumheen se boloon, yeh vaayda nibhaane ke liye saara din-raat jab tak avyakt va niraakaari sthiti mein sthit nahin honge, to kya baap-daada ke saath-saath rahne ka anubhav kar sakenge arthaat vaayda nibha sakenge? saare din mein aap kitna samay, yeh vaayda nibhaate ho? jisse milna hota hai,uske sthaan par aur vaisi sthiti, svayan ki banaani hoti hai। woh sthaan aur sthiti ye donon hi badalni padegi,tab hi yeh vaayda nibha sakte ho। vyakta bhaav mein aana va koi bhi vyakta va vastu mein bhaavna rehna ki yeh priy hai va achhi hai, yeh vyakta-vastu aur vyakti mein bhaavna rehna arthaat kaamna ka roop ho jaata hai। jab tak kaamna hai, tab tak maaya se sampoorn reeti saamna nahin kar sakte। jab tak saamna nahin kar sakte,tab tak samaan nahin ban sakte arthaat vaayda nahin nibha sakte।

jaise aap log chitra mein krishna ko srishti ke globe par dikhaate ho-aisa hi chitra apni practical sthiti ka banaao। is vyakta desh va is puraani duniya se upraam। vyakta bhaav aur vyakta vastuon aadi sabse upraam arthaat inke oopar saakshi hokar khade rahen। jaise paanv ke neeche globe dikhaate hain va globe ke oopar baitha hua dikhaate hain arthaat unka maalikpan va adhikaareepan dikhaate hain to aise apna chitra banaao। is puraani duniya mein, jaise apni sva-ichchha se,apne rache hue sankalp ke aadhaar se avyakt se vyakta mein aate, vyakti va vastuon ke aakarshan ke adheen hokar nahin। jaise lift mein chadhte ho,to switch apne haath mein hota hai chaahe first phloar par jaao, chaahe second phloar par jaao। jab switch control se baahar ho jaata hai tab via result hoti hai? beech mein latak jaavenge na?aise hi yeh smriti ka switch apne control mein rakho। jahaan chaaho, jab chaaho aur jitna samay chaaho vaise apne sthaan ko va sthiti ko sait kar sako,kya aise adhikaari bane ho? kya kaal par vijay praapta ki hai? kaal arthaat samay। to kaal par vijayi bane ho? agar paandav sena ki va shakti sena ki yeh stage ant mein aayegi to silence power to science se kam ho gai। kyonki science ne to abhi bhi in tatvon par vijay praapta kar li hai।

pradarshani mein, aap log chitra dikhaate ho na, ki raavan ne chaar tatvon par vijay praapta ki hai, usmein kaal bhi dikhaate ho na? jab raavan ne arthaat raavan ki shakti science ne abhi bhi kaaphi had tak tatvon par vijay praapta kar li hai, to science aapse powerful hui na? jab science ki shakti apna pratyaksha saboot de rahi hai to silence ki shakti apna pratyaksha saboot kya ant mein degi?samay par vijay arthaat kaal par vijay। iski percentage abhi kam hai। apne ko niraakaari sthiti va avyakt sthiti mein sthit to karte ho, lekin jitna samay sthit rehna chaahte ho, utna samay us sthiti mein sthit nahin ho paate ho। stage ke anubhav bhi praapta karte ho, mehnat bhi karte ho,lekin kaal par vijay nahin kar paate ho। iska kaaran kya hai? sochte ho ki aadha ghanta powerful yaad mein baithenge aur aadha ghanta baithte bhi ho aur plan bhi banaate ho lekin jitnaajitna jis stage ke liye sochte ho, utna hi samay us samay us stage par sthit nahin hote ho। sochte ho switch on third floor par karen,lekin pahunch jaate ho second floor par va first ya ground floor tak pahunch jaate ho। kyonki kaal par vijay nahin। iska kaaran yeh hai ki baar-baar saare din mein samay ganvaane ke abhyaasi ho। vyartha ke oopar attention dene se hi kaal par vijay praapta karne mein samartha banenge। jab tak samay vyartha jaata hai, tab tak vijay paane mein samartha nahin ban sakte। isi kaaran, jo milan ka anubhav karna chaahte ho va nirantar samay vyartha karne ke kaaran hi samartha nahin ban paate। 108 vaayda nibhaana chaahte ho woh nibha nahin sakte। to ab, apni takdeer ki tasveer sarva-tatvon par aur kaal par sada vijayi ki banaao। jab ek-ek second, vyartha se samartha mein change karo, tab hi vijayi banenge, achha।

aise sada vijayi, sada adhikaari, nirantar vaayda nibhaane vaale, harek ko vyartha se samartha mein parivartan karne vaale, sada vyakta bhaav se pare,avyakt sthiti mein rahne vaale lucky sitaaron va sameep sitaaron ko baap-daada ka yaad pyaar aur namaste।

mahaavaakyon ka saar

(1) jab tak koi kaamna hai,tab tak maaya se sampoorn reeti saamna nahin kar sakte hain।

(2) jahaan chaaho, jab chaaho, jitna samay chaaho vaise apne sthaan ko,sthiti ko set kar sako, aise adhikaari bane ho? kaal arthaat samay par vijay praapta ki hai?

(3) vyartha sankalpon ke oopar attention dene se hi kaal par vijay praapta karne mein samartha ban sakenge।