मंगलवार 4 फ़रवरी 1975 की अव्यक्त मुरली

>

04-02-75 om shanti avyakt baapdaadaamdhuban

gyaan ko svayan mein samaane se hi anmol moti aur amogh shakti ki praapti

gyaan ka khazaana dekar sada-khush banaane vaale tatha sarva shaktiyaan dene vaale shiv baba bole -

abhi sangamayugi shreshtha aatmaayen is samay chaatak ke samaan hai jaise seep ke liye kehte hain ki har boond ko svayan mein samaane se moti bana deti hain, aise hi aap sabhi bhi jo gyaan ke bol va mahaavaakya sunte ho aur dhaaran karte ho,woh ek-ek bol kya ban jaata hai? aap bhi use moti bana dete hain aur yahaan ek-ek bol padam-pati banaane vaala ban jaata hai। ek-ek bol amoolya tab banta hai jab use dhaaran karte ho। jaise chaatak boond ko dhaaran kar lete hain,vaise hi aap bhi is gyaan ko sunkar sama lete ho। samaane ka pratyaksha swaroop kya dikhaai deta hai? aise har sankalp, har bol aur har karma padmon ke jama karne ka aadhaar ban jaata hai। arthaat har second ke bol mein woh aatma padam-pati swaroop mein dikhaai deti hai। sthool dhan ka nasha aur khushi chehre par chamakti hui dikhaai deti hai lekin hoti woh alpakaal ki hi hai parantu gyaan-chaatak ke chehre par khushi ki jhalak sada spashta dikhaai deti hai।

apne darpan mein, teesre netra dvaara,apni aisi jhalak ko har samay dekhte ho? har second ke jama ka hisaab check karte ho?plus kitna hota hai aur minus kitna hota hai - aisa apna spashta hisaab rakhne ke abhyaasi bane ho? vishesh samay nikaal kar hisaab-kitaab dekhte ho? abhi-abhi kamaai, abhi-abhi ganvaai - yeh utaar-chadhaav agar jyaada hoga to sochne, dekhne aur karne ka vishesh samay nikaalna hoga। agar ek-ras kamaai hai, jama hi hota jaata hai, baar-baar nuksaan ki koi baat nahin hai,arthaat khaata clear (Clear; spashta) hai to jis samay bhi chaahe, ek second mein hisaab nikaal sakte hain? kya result dekhte ho? abhi to anek aatmaon ke anek janmon ke bane hue khaate, jisko paap-karmon ka khaata kaha jaata hai, usko bhasma karaane vaale hain, ve svayan apna aisa khaata bana nahin sakte। yeh to puraane khaate hain। aap to puraane khaate samaapta kar naya janma, naye khaate banaane vaale ho। puraane khaate sab khatma ho rahe hain - aisa anubhav hota hai? yadi puraane khaate ko poorn reeti se chukta karne ki yukti nahin aati hai to yeh thoda-sa raha hua khaata baar-baar dil ko khaata rahega। yahaan bhi yadi maaya ka koi karz hota hai to karjadaar baar-baar tang karte hain। aise karz ko merge kaha jaata hai।

yahaan bhi maaya ka koi karz puraane khaate mein raha hua hai, tab hi maaya baar-baar pareshaan karti hai va kisi-na-kisi maansik karz ke roop mein hai। woh karz chukta karna padta hai। to apne khaate ko check karo ki koi raha hua karz,sankalp va sanskaar ke roop mein ya svabhaav ke roop mein raha hua to nahin hai?jaise shaareerik rog va karz buddhi ko ekaagrachit nahin karne deta,na chaahte hue bhi apni taraph baar-baar kheench leta hai, aise hi yeh maansik karz ka merge buddhi-yog ko ekaagra nahin karne deta। balki vighna roop ban jaata hai।

abhi to samay ki samaapti ki sameepta hai, to apne bhi sab hisaab check karo aur samaapta karo। hisaab-kitaab aata hai na? master knowledgeful ho na? puraane khaate ka karz ya to vyartha sankalp-vikalpa ke roop mein hoga ya koi sanskaar va svabhaav ke roop mein hoga। in baaton se check karo ki sankalp ek hai? yaad bhi ek ko karte hain, athva karna ek ko chaahte hain, hota doosra hai? apni taraph kya kheenchata hai, kyon khinchata hai? bojh hai koi, jo apni taraph kheenchata hai? halki cheej kabhi bhi neeche nahin aayegi,woh chadhti kala mein hi hogi,kisi bhi prakaar ka bojh, kitna bhi oopar karna chaahe to oopar nahin jaayega,balki neeche hi aayega। aise hi saare din ki mansa, vaacha,karmana mein,samparka aur seva mein in baaton ko check karo।

seva mein bhi plan aur practical mein, sankalp aur karma mein antar kyon?us antar ka kaaran sochoge to spashta dikhaai dega ki koi-na-koi kami hone ke kaaran plan aur practical mein antar hota hai। sarvashaktiyon mein se kisi vishesh shakti ki kami hai। jaise yoddha maidaan mein sarvashastradhaari nahin ban jaate hain to samay par kisi saadhaaran shastra ki bhi aavashyakta pad jaati hai to unhein saadhaaran shastra ki kami bhi bahut nuksaan kar deti hai। yahaan bhi sarvashaktiyon ka samooh chaahiye arthaat sarva-shastradhaari chaahiye। apni buddhi se bhale hi judge karte ho ki yeh to saadhaaran baat hai, yeh kabhi bhi samay par bada dhokha deti hai। isliye title hi hai - master sarva-shaktivaan। baap sarvashaktimaan aur bachche master sarvashaktivaan nahin? vijayi ka arth hi hai - sarvashastradhaari। chaiking ke saath change kyon nahin kar paate ho? change tab honge jab sarvashaktiyaan svayan mein samaayi hongi,arthaat knowledgeful ke saath-saath powerful donon ka balance chaahiye। agar knowledgeful 75% aur powerful mein teen-chaar marks bhi kam hain, to bhi balance baraabar-baraabar chaahiye। knowledgeful ka result hai - planning, powerful ki result hai - practical। knowledgeful ka result hai - sankalp aur powerful ka result hai - swaroop mein aana। donon ki sameepta aur samaanta hi donon ka samaan roop banna arthaat sampoorn banna। yog mein aur seva mein jitna samay svayan ko busy rakhoge to automatically karjadaar ko aane ki himmat va phursat nahin milegi। achha!

avyakt vaani ka saar

1. seep ke liye kehte hain ki har boond ko svayan mein samaane se moti bana dete hain। aise hi aap bhi jo gyaan ke bol ya mahaavaakya sunte ho, us ek-ek bol ko moti bana dete ho।

2. jaise chaatak boond ko dhaaran kar lete hain, vaise hi aap bhi is gyaan ko sunkar sama lete ho। samaane ka pratyaksha swaroop yeh hai ki har karma padmon ke jama karne ka aadhaar ban jaata hai।

3. yahaan bhi yadi koi karz leta hai to karjadaar baar-baar tang karta hai। aise karz ko merge kaha jaata hai। yahaan bhi maaya ka koi karz puraane khaate mein raha hua hai, tab maaya baar-baar pareshaan karti hai।

4. knowledgeful ke saath-saath powerful bhi ho, tab change hoga।