रविवार 9 फ़रवरी 1975 की अव्यक्त मुरली

>

09-02-75 om shanti avyakt baapdaadaamdhuban

aadhyaatmik shaktiyon dvaara vishwa-parivartan kaise?

nirbal aatmaon ko shaktivaan banaane vaale, sarvashaktivaan shiv baba bole -

svayan ko ashareeri aatma anubhav karte ho? is shareer dvaara jo chaahe vahi karma karaane vaali tum shaktishaali aatma ho-aisa anubhav karte ho? is shareer ke maalik karmendriyon dvaara karma karaane vaale,in karmendriyon se jab chaaho tab nyaare swaroop ki sthiti mein sthit ho sakte ho? arthaat raajayog ki siddhi - karmendriyon ke raaja banne ki shakti praapta ki hai?raaja va maalik kabhi bhi koi karmendriy ke vasheebhoot nahin ho sakta। vasheebhoot hone vaale ko maalik nahin kaha jaata। vishwa ke maalik ki santaan hone ke naate, jab baap vishwa ka maalik ho aur bachche apni karmendriyon ke maalik na hon, to kya kahenge?maalik ke baalak kahenge?naam ho master sarvashaktivaan aur svayan ko maalik samajh kar chal nahin sake to kya master sarvashaktivaan hue? ham master sarva- shaktivaan hain - yeh to pakka nishchay hai na, ki yeh nishchay bhi abhi ho raha hai?nishchay mein kabhi percentage hoti hai kya?baap ke bachche to hain hi na? aise thode hi 90% hain aur10% nahin hai। aisa bachcha kabhi dekha hai? nishchay arthaat 100% nishchay।

aise100% nishchay-buddhi bachchon ki pahli nishaani kya hogi? nishchay-buddhi ki pahli nishaani hai - vijayi। kahaavat bhi hai - nishchay buddhi vijayanti। vijay milegi kaise?nishchay se। to nirantar is nishchay ki smriti ki - main master sarvashaktivaan hoon yeh smriti rehti hai? smriti ke bina samarthi thode hi aayegi?vijayi hone ka aadhaar hai - smriti। agar smriti kamzor hogi, nirantar nahin hogi aur smriti powerful nahin hogi to vijayi kaise honge?to pahle is nishchay ko sada smriti-swaroop banaana padta hai।

jaise chalte-phirte laukik occupation (dhandha) aur laukik sambandh sada smriti mein rehta hi hai na? usi smriti se samarthi aati hai ki main aise parivaar ka,aise okyupeshan vaala hoon, vaise hi jo marjeeva brahman janma ka sambandh va okyupeshan hai va svayan ka swaroop hai,woh sada smriti mein rehna chaahiye। smriti kamzor hone ke kaaran vijay dikhaai nahin deti hai। vijay ho usko sirf dekhte hue samay nahin ganvaao, balki vijay hone ka jo foundation hai usko majboot rakho। koi soche ki maarga tay karne se pahle manzil par pahunch jaayen - yeh ho sakta hai? maarga to zaroor tay karna hi padega। to vijay hai manzil aur maarga hai nirantar smriti। atah is maarga ko tay kar rahe ho ya intazaar mein ho ki manzil dikhaai de?

sadaiv yeh sochna chaahiye ki mili hui godly lottery agar poori kaam mein nahin lagaayenge to khushi va shakti ka anubhav kaise karenge? kitna bhi kisi ke paas dhan ho lekin sukh ki praapti tab hogi jab usko use (prayog) karenge। use na karen to dekhte hue sirf khushi hi hogi,lekin usse jo sukh ki praapti honi chaahiye woh anubhav nahin kar sakenge। lottery to mili lekin usko use karna arthaat jeevan mein laana - uske bina sukh ka, aananda ka va vijayi banne ki khushi ka anubhav nahin kar sakenge।

anubhvi banna chaahiye na? anubhav jeevan ka mukhya khazaana hai। laukik pahlu mein bhi anubhvi aatma mukhya gaayi jaati hai। is eeshvareey maarga mein bhi anubhvi aatma banna chaahiye। jo bola, woh anubhav kiya?yeh samajhte to ho ki main master sarva shaktivaan hoon, parantu kya iska anubhav bhi kiya hai? aise nahin ki anubhav to ho hi jaayega,chal to rahe hain। jab tak koi bhi kaarya karne ki date fix nahin ho jaati tab tak purooshaartha teevra nahin ho sakta।

kisi bhi laukik athva alaukik kaarya ki date fix hone ke baad phir automatically karma mein bhi bal aa jaata hai। maaloom hai phalaani date tak yeh kaarya sampanna karna hai। date ko smriti mein rakhne se karma ki speed bhi aise chalti hai। kal poora karna hai to speed aise rahegi? is gyaan ka mukhya slogan hi hai ki abhi nahin to kabhi nahin। iski date kal ya parson nahin hoti - iski date hoti hai abhi। ghante ke baad bhi nahin। isliye jitna nishchay rakhenge ki ye karna hi hai - karenge nahin - karna hi hai yeh hai dridh sankalp। dridh sankalp ke bina dridhta nahin aati। aur purooshaartha ka samay baaki kitna kam hai? jaasti samay dikhaai deta hai kya?samay ka khyaal to rakhna chaahiye na। yeh bhi socho ki praalabdha kitne samay ki hai? do yug ki praalabdha hai na। is purooshaartha ki praalabdha ka samay kitna kam raha? yeh sada smriti mein hona chaahiye।

bahut kaal ki praalabdha paani hai, to purooshaartha bhi bahut kaal ka chaahiye na। agar last time purooshaartha karenge to praalabdha bhi last ki hi milegi। purooshaartha first nahin aur praalabdha first vaali chaahiye? last mein bacha-khucha milne se kya hoga? jaise praapti ka lakshya first ka hai, vaise purooshaartha bhi aisa karo! koi bhi baat saamne aaye usko ek saaeet aur scene samjho jaise raaste chalte anek prakaar ki saaeetsa aur scenes aati hai, lekin jo manzil ko paane vaala hota hai, woh usko dekhta nahin hai, uski buddhi mein manzil ki praapti hi rehti hai। to yahaan bhi buddhi mein manzil rakhni hai, na ki woh baaten। agar chhoti-si baat ko dekhne mein hi samay ganva denge to manzil par samay par pahunch nahin sakenge। to ab dridhta laane ka samay hai। nahin to kuchh samay ke baad is samay ko bhi yaad karna padega ki samay par jo karna tha, woh nahin kiya।

peechhe sochne se pahle kyon nahin samay ko parivartit kar do? vishwa ke parivartan ke nimitta ho to jo baap ka kaarya hai, baap ke saath apne ko bhi nimitta samjho! vishwa mein svayan bhi ho na! vishwa ko parivartit karne vaale ko pahle svayan ko parivartit karna pade। sadaiv yeh socho ki jab main hoon hi vishwa ko parivartan karne ke nimitta,to svayan ko parivartan karna, kya badi baat hai?to phauran hi parivartan karne ki shakti aayegi। kaise hoga, kya hoga, hoga va nahin hoga?yeh question nahin uthega।

doosri baat yeh smriti mein rakho ki yeh vishwa-parivartan ka kaarya kitni baar kiya hai? anginat baar kiya hai,yeh to pakka hai na? baap ke saath main bhi anek baar nimitta bana hoon। jab anek baar ki hui baat hoti hai to woh mushkil lagti hai kya? ati puraani baat ko sirf nimitta ban repeat kar rahe ho। repeat karna sahaj hota hai ya mushkil?to yeh bhi smriti mein rehna chaahiye। koi jara bhi mushkil ka sankalp aaye to yeh himmat ki baat yaad rakho। phir se anek baar ki hui baat ki smriti aane se samarthi aa jaayegi।

to yeh vardaan sada smriti mein rakhna ki main baap-samaan shaktiyon ka swaroop dikhaane vaala hoon - arthaat shakti swaroop hoon। sambandh rahne se yahaan tak pahunch sakte ho। lekin ab baap ka sneh, baap ke kaarya se sneh aur baap dvaara mili hui knowledge se sneh - in teenon ka balance rakho। abhi balance mein baap ka sneh jyaada hai, baaki do taraph halka hai। knowledge se shakti aayegi। ek-ek varshan padmapti banaane vaala hai। itna mahatva rakhte hue un versions ko dhaaran karo, to mahatva se sneh hota hai। jab tak mahatva ko nahin jaante tab tak sneh nahin hota। mahatva ko jaanenge to hi sneh automatically rahega।

nishchay-buddhi vijayanti ho। alaukik janma hua, nishchaybuddhi hue ki main baap ka bachcha hoon,to baap ka varsa hi vijay hai। master sarva-shaktivaan ka varsa kya hoga? shaktiyaan। to bachcha banna arthaat vijayi banna। vijay ka tilak svatah hi lag jaata hai,lagaana nahin padta aur woh avinaashi hai। adhikaari ho gaye ho na? snehi aur sahayogi banne ki takdeer achhi hai। parivaar ka parivaar ek mat ho jaaye to yeh bhi takdeer ki nishaani hai। parivaar ke sab saathi purooshaartha ki race mein ek-doosre se aage nikalne ki lagan mein lage hue hain। himmat se madad svatah hi praapta hoti hai। (veerchanda ko) yeh moh-jeet parivaar hai। aise moh-jeet parivaar kitne banaaye hain? lakshya shreshtha rakha hua hai। ab aise parivaaron ka guldasta banaao। agar das-gyaarah aise parivaar ho jaaen to ahamdaabaad ka number aage ho jaayega। gujraat ko, parivaaron ko chalaane ka vardaan draamaanusaar mila hua bhi hai। lekin moh-jeet parivaar aur sab ek lagan mein shreshtha purooshaartha ki line mein ho। aisa guldasta banaao। achha।