सोमवार 1 सितंबर 1975 की अव्यक्त मुरली

>

01-09-75 om shanti avyakt baapdaadaamdhuban

sameep aur samaan, maheen aur mahaan

sada hi karma-bandhanon se ateet shiv baba ne bachchon se karmaateet avastha ko praapta karne ka aahvaan karte hue kaha –

sabhi svayan ko karmaateet avastha ke nazdeek anubhav karte ja rahe ho? karmaateet avastha ke sameep pahunchne ki nishaani jaante ho? sameepta ki nishaani samaanta hai। kis baat mein?aavaaj mein aana va aavaaj se pare ho jaana,saakaar swaroop mein karmayogi banna aur saakaar smriti se pare nyaare niraakaari sthiti mein sthit hona,sunna aur swaroop hona,manan karna aur magna rehna, rooh- roohaan mein aana aur roohaaniyat mein sthit ho jaana,sochna aur karna, karmendriyon mein aana arthaat karmendriyon ka aadhaar lena aur karmendriyon se pare hona,prakriti dvaara praapta hue saadhnon ko svayan prati kaarya mein lagaana aur prakriti ke saadhnon se samay pramaan niraadhaar hona,dekhna,samparka mein aana aur dekhte hue na dekhna, samparka mein aate kamal-pushpa ke samaan rehna, in sabhi baaton mein samaanta। usko kaha jaata hai-karmaateet avastha ki sameepta।

aisi maheenta aur mahaanta ki stage apnaai hai? halchal thi ya achal the? final paper mein chaaron or ki halchal hogi। ek taraph vaayumandal va vaataavran ki halchal। doosri taraph vyaktiyon ki halchal। teesri taraph sarva sambandhon mein halchal aur chauthi taraph aavashyak saadhnon ki apraapti ki halchal। aise chaaron taraph ki halchal ke beech achal rehna, yahi final paper hona hai। kisi bhi aadhaar dvaara adhikaareepan ki stage par sthit rehna - aisa purooshaartha final paper ke samay saphalta-moorta banne nahin dega। vaataavran ho tab yaad ki yaatra ho, paristhiti na ho tab sthiti ho,arthaat paristhiti ke aadhaar par sthiti va kisi bhi prakaar ka saadhan ho tab saphalta ho, aisa purooshaartha final paper mein fail kar dega। isliye svayan ko baap samaan banaane ki teevragti karo।

apne aapko samajhte ho ki final paper jaldi ho jaae to sooryavanshi praalabdha praapta kar lenge। imtihaan ke liye evarredi ho? ya hona hi padega va ho hi jaayenge?athva samay kara lega aise albelepan ke sankalp samartha bana nahin sakenge। samartha sankalp ke aage yeh bhinna-bhinna prakaar ke vyartha va albelepan ke sankalp khatma ho jaate hain। albelaapan to nahin hai na? khabardaar,hoshiyaar ho?ever ready arthaat abhi-abhi kisi bhi paristhiti va vaataavran mein order mile va shreemat mile ki ek second mein sarva-karmendriyon ki adheenta se nyaare ho karmendriy-jeet ban ek samartha sankalp mein sthit ho jaao, to shreemat milte hue milna aur sthit hona saath-saath ho jaaye। baap ne bola aur bachchon ki sthiti aisi hi us ghadi ban jaaye usko kehte hain ever ready। jo pahle baaten sunaai samaanta ki jisse hi sameepta ki stage banti hai - aise sab baaton mein kahaan tak samaan bane hain?yeh chaiking karo। aise to nahin direction ko practical mein laane mein ek second ke bajaay ek minute lag jaaye। ek second ke bajaay ek minute bhi hua to first division mein paas nahin honge,chadhte, utarte va svayan ko sait karte first division ki seat ko ganva denge। isliye sada ever ready, sirf ever ready bhi nahin, sada ever ready।

vartamaan samay tak result kya dekhne mein aati hai, usko jaante ho? paandav teevra purooshaartha ki line mein hain ya shaktiyaan?majority teevra purooshaartha ki line mein kaun hain?sabhi paandav majority shaktiyon ko vote dete hain। lekin purooshaartha ke hisaab se paandav bhi shaktiroop hain। sarva shaktivaan ki sab shakti hain। baapdaada to paandavon ki taraph lete hain। agar paandavon ko aage nahin karenge to shaktiyon ke aage shikaar kaise laayenge?isliye paandavon ko vishesh brahma baap ki hamjinsa ke naate purooshaartha mein follow father karna chaahiye। paandav laukik jimmevaari uthaane mein bhi aage rehte hain। sirf laukik jimmevaari ke bajaay behad vishwa-kalyaan ki jimmevaari uthaani hai। kamaai karne ki lagan jaise had ki jaante ho vaise behad ki kamaai ki lagan mein magan ho jaao। kamaai ke peechhe svayan ke sukh ke saadhnon ka tyaag karne ke bhi anubhvi ho to behad ki kamaai ke peechhe deh ki sudh-budh tyaag karna va deh ki smriti ka tyaag karna kya badi baat hai? isliye paandavon ko teevra purooshaartha ki line mein number one lena chaahiye, samjha?peechhe nahin rehna! agar shaktiyon se peechhe rah gaye to brahma baap ke ham-jinsa aur baap ki laaj nahin rakhi - to kya yeh shobhta hai?isliye isi varsha mein - doosre varsha ka intazaar nahin karna - isi varsha mein number one lena hai।

shaktiyaan sochti hongi ki ham number do ho jaayengi kya? shaktiyon ke bina to shiv baap ki bhi koi chaal nahin chal sakti। chal sakti hai? shaktiyon ko ismen bhi tyaag karna chaahiye, shaktiyon ka tyaag pooja jaata hai। jo tyaag karta hai uska bhaagya svatah banta hai। isliye donon hi bhaai-bhaai ke roop mein teevra purooshaartha karo। samaachaar ke aadhaar par purooshaartha nahin karna। aapke purooshaartha se hi vinaash ke samaachaar chaaron or phailenge। pahle purooshaartha,peechhe samaachaar,na ki pahle samaachaar aur peechhe purooshaartha। achha।