शुक्रवार 5 सितंबर 1975 की अव्यक्त मुरली

>

05-09-75 om shanti avyakt baapdaadaamdhuban

pharishta swaroop mein sthiti

pharshavaasi manushya se arshavaasi pharishta banaane vaale, sada light roop, pramukh hero paartadhaari,zero shiv baba ne pharishta banne ke purushaarthi bachchon ke sammukh yeh madhur mahaavaakya uchchaare -

pharishte swaroop ki sthiti mein sada sthit rehte ho? pharishte swaroop ki light mein anya aatmaon ko bhi light hi dikhaai degi। had ke actors jab had ke andar apne act karte dikhaai dete hain, to light ke kaaran ati sundar swaroop dikhaai dete hain। vahi actor, saadhaaran jeevan mein, saadhaaran light ke andar part bajaate hue kaise dikhaai dete hain?raat-din ka antar dikhaai deta hai na?light ka focus unke features ko hi parivartit kar deta hai। aise hi behad drama ke aap hero heroine actors, avyakt sthiti ki light ke andar har act karne se kya dikhaai denge? alaukik-pharishte! saakaari ki bajaay sookshm vatanvaasi najar aayenge। saakaari hote hue bhi aakaari anubhav honge। har act harek ko svatahhi aakarshit karne vaala hoga।

jaise aaj had ka cinema va drama kaliyugi manushyon ke aakarshan ka mukhya kendra hai-chhodna chaahte hue aur na dekhna chaahte hue bhi had ke actors ki act apni or kheench leti hai, lekin uska aadhaar light hai, aise hi is antim samay mein maaya ke aakarshan ki ati ke baad ant hone par, behad ke hero actors,jo sada zero swaroop mein sthit hote hue zero baap ke saath har part bajaane vaale hain aur divya jyoti swaroop vaale jinki sthiti bhi light ki hai aur stage par har part bhi light mein hain - arthaat jo double light vaale pharishte hain - ve har aatma ko svatahhi apni taraph aakarshit karenge। aajkal ki duniya mein drama ke atirikta aur kaunsi vastu hai jo aise pharishton ke naynon jaisi aakarshan karne vaali hain? T.vi.। jaise T.vi. dvaara is sansaar ki kaiseekaisi scene-scenery dekhte hue kai aakarshit hote, arthaat girti kala mein jaate hain - aise hi pharishton ke nayan divya door-darshan ka kaam karenge। har ek ke naynon dvaara sirf is sansaar ke hi nahin lekin teenon lokon ke darshan karenge। aise pharishton ke mastak mein chamakti hui mani aatmaon ko search-light va light haaoos ke samaan svayan ka swaroop, sva-maarga aur shreshtha manzil ka spashta saakshaatkaar karaayengi।

aise pharishton ke yukti-yukta bol arthaat amoolya bol, har bhikhaari aatma ki ratnon se jholi bharpoor karenge। jo gaayan hai devtaaen bhi bhakton par prasanna ho phoolon ki varsha karte hain - aise aap shreshtha aatmaon dvaara vishwa ki aatmaon ke prati sarva-shaktiyon,sarvagunon tatha sarva vardaanon ki pushpa-varsha sarva ke prati hogi। tab hi aap sab ko devta arthaat dene vaala samajh kar bhakta-gan dvaapar yug se devtaaon ka gaayan aur poojan karte aa rahe hain, kyonki ant samay sarva aatmaaen, visheshkar ve bhaaratvaasi aatmaaen devta dharma ki ant tak vriddhi paane vaali aatmaayen jo satayug mein aapke devtaai roop ki paalna to nahin lengi balki baad mein is dharma ki vriddhi hone ke samay se lekar ant tak ke samay mein aapka devta roop, daata roop athva vardaata roop anubhav karengi। aapke antim devta roop ki anek praaptiyon ke sanskaar va smritiyaan sarva aatmaon mein merge rehti hain arthaat samaai hui rehti hain। is kaaran practical roop mein satayugi srishti mein na aate hue bhi dvaapar mein srishti-manch par aate hi devta swaroop ki praapti ki smriti emerge ho jaati hai aur gaayan-poojan karte rehte hain। samjha, apne antim pharishte swaroop ko?

aise behad ke actors svatah apni taraph aakarshit nahin karenge? yeh hi double light sthiti aur stage aap sabko aur baap ko pratyaksha karegi। zero aur hero donon pratyaksha honge। samjha (light chali gai) phir baba bole - abhi bhi dekho,light se kitna kaam hota hai। abhi bhi aap sabke aakarshan karne ki vastu light ke aadhaar par hai। achha।

aise sada zero ke saath hero part bajaane vaale, sada dene vaale devta swaroop,vishwa mein svayan ko aur baap ko prakhyaat karne vaale, vishwa ki sarva aatmaon ki sarva-manokaamnaayen sampanna karne vaale,aise pharishton ko pharishton ki duniya mein rahne vaale aur pharishton ki duniya se paar rahne vaale baapdaada ka yaad-pyaar aur namaste!