सोमवार 22 सितंबर 1975 की अव्यक्त मुरली

>

22-09-75 om shanti avyakt baapdaadaamdhuban

svamaan mein sthit hona hi sarva khajaanen aur khushi ki chaabi hai

sarva aatmaon ke shubh-chintak, avinaashi gyaan, shakti aur khushi ke khazaane dene vaale videhi shiv baba bole -

aaj ki sabha svamaan mein sthit rahne vaali, sarva ko sva-bhaavna se dekhne va har aatma ke prati shubh kaamna rakhne vaali hai। yeh teenon hi baaten svayan ke prati svamaan,auron ke prati sva ki bhaavna aur sada shubh kaamna aisi sthiti sada sahaj rehti hai?sahaj usmein sthit rehna aur mehnat se us sthiti mein sthit hona iska pharka to jaante hi ho। vartamaan samay yeh sthiti sada sahaj aur svatah honi chaahiye। apne ko check kare ki sada aur svatah hi woh sthiti kyon nahin ho paati?iska mool kaaran hai ki svamaan mein sthit nahin rehte। svamaan ek shabd practical jeevan mein dhaaran ho jaay to sahaj hi sampoornata ko pa sakte hain।

svamaan mein sthit hone se svatah hi sarva prati sva ki bhaavna va shubh kaamna ho jaayegi। yeh svamaan mein sthit hona pahla paath hai।’’ svamaan mein sthit hona hi jeevan ki paheli ko hal karne ka saadhan hai। aadi se lekar abhi tak is paheli ko hal karne mein hi lage hue ho ki ‘‘main kaun hoon?’’ shuru mein jab sthaapna ka kaarya aarambha hua tha to sabko kya sunaate the-what em aai arthaat main kaun hoon?yeh baat itni pakki smriti mein thi ki sab log jaante the ki in sabka ek hi paath hai ki what em aai?vahi ek paath ab tak chal raha hai। isliye isko paheli kaha jaata hai। is itni-si chhoti paheli ne oonche-se-oonche braahmanon ko bhi paraajit kar diya hai। pajal arthaat vyaakul, bhramit kar diya hai। arthaat sampoorn reeti se hal nahin kar paaye hain। svamaan ke bajaay deh-abhimaan va anya aatmaon ke prati abhimaan ki drishti ho jaati hai to kya kahe? kya yeh paheli hal kar li hai athva abhi tak bhi hal kar hi rahe hain।

‘‘main kaun hoon’’ is ek shabd ke uttar mein saara gyaan samaaya hua hai। yeh ek shabd hi khushi ke khazaane sarva, shaktiyon ke khazaane, gyaan dhan ke khazaane,shvaans aur samay ke khazaane ki chaabi hai। chaabi to mil gai hai na? jis din aapka janma hua to sarva braahmanon ko birth de par gift milti hai na? to yeh birth de ki gift jo baap ne di hai, usko sada use (kaam mein laana) karte raho। to sarva khazaanon se sampanna sada ke liye ban sakte ho। aise sarva khazaanon se sampanna aatma ke dil ke khushi ki umangon mein har samay kaun-sa aavaaj nikalta hai? mukh ka aavaaj nahin, lekin dil ka aavaaj kya nikalta hai? jo shuru mein brahma baap ke dil ka aavaaj tha - kaun-sa? ‘vaah re main!’ jaise auron ki vaah-vaah ki jaati hai na - vaise vaah re main! yeh svamaan ke shabd hain, na ki deh-abhimaan ke।

to main kaun hoon ki chaabi ko ya to lagaana nahin aata ya phir rakhna nahin aata (ratna to aata hai) rakhna nahin aata। isliye samay par yaad nahin aata। is chaabi ko churaane ke liye maaya bhi chaaron or ghoomti hai ki kahin yeh ek second bhi albelepan ke jhutke mein aayen to yeh chaabi chori kar len। jaise aajkal ke daaku behosh kar dete hain vaise hi maaya bhi svamaan ka hosh arthaat smriti ko gaayab kar behosh bana deti hai। isliye sada svamaan ke hosh mein raho। amritvele svayan ko hi svayan yeh paath pakka karaao arthaat revise karaao ki - main kaun hoon? amrit vele se hi is chaabi ko apne kaarya mein lagaao। aur anek prakaar ke khazaane jo sunaaye hain unko baar-baar dekho ki kya-kya khazaana mila hai aur samay pramaan in sab khazaanon ko apne jeevan mein use karo। jaise kal sunaaya ki sirf bank balance nahin banaao lekin use kaam mein lagaao। to sahaj hi jaisi smriti vaisi sthiti ho jaayegi।

jaise kalpa pahle ke yaadgaar shaastra mein likha hua hai - baap ke liye kehte hain ki main kaun hoon to sarva mein shreshtha ka varnan kiya hai। aise hi jaise baap ka oonchese- oonche bhagwan ka gaayan hai, to bhagwan baap kya gaayan karte hain - oonche-se- oonche bachche। aise apne oonch arthaat shreshtha svamaan ko sada yaad rakho ki oonche baap ke bhi ‘baalak so maalik’ hain। svayan baap ham shreshtha aatmaon ki maala sumiran karte hain। baap ki mahima aatmaayen karti hain, lekin aap shreshtha aatmaon ki mahima svayan baap karte hain। sarva shreshtha aatmaon ke sahayog ke bina to baap bhi kuchh nahin kar sakta। to aap aise shreshtha svamaan vaale ho। baap ko sarva-sambandhon se prakhyaat karne vaale va baap ka parichay dene vaali aap shreshtha aatmaaen ho। har kalpa mein oonche se oonche baap ke saath unche se oonche part bajaane vaali ho। sabse bade svamaan ki baat to yeh hai ki jo sangam yug par baap ko bhi apne sneh aur sambandh ki dor mein baandhane vaale ho। baap ko bhi saakaar mein aap samaan banaane vaale ho। baap niraakaar roop mein aap samaan banaate hain aur aap niraakaar ko saakaar mein aane mein use aap samaan banaate ho aur aap svayan baap ki sarva mahima ke samaan bante ho। isliye baap bhi kehte hain - master ho। to ab samjha ki main kaun hoon? - jo hoon, jaisa hoon, vaisa hi apne ko jaanne se sada svamaan mein rahege aur deh-abhimaan se svatah hi pare rahege। svamaan ke aage deh-abhimaan aa hi nahin sakta। to apne birth de ki gift ko sada apne paas sambhaal kar rakho। albelepan mein bhool na jaao। isse hi svatah sahaj aur sada sarva prati sva ki bhaavna aur shubh-kaamna rahegi। samjha?paheli to sahaj hai na? samajhdaar ke liye sahaj hai aur albeli aatmaon ke liye guhya hai। aap sab to behad ke samajhdaar bachche ho na? sirf samajhdaar nahin lekin behad ke samajhdaar bachche ho। achha।

aise vishaal buddhi sarva mein behad buddhi ko dhaaran karne vaale, sarva aatmaon ko anek prakaar ke hadon se nikaalne vaale aise behad ke buddhimaan,behad samajhdaar,behad ki vairaagya vritti vaale,sada behad ki sthiti aur sthaan mein rahne vaale aisi sarvashreshtha aatmaon ko behad ke baap ka yaad-pyaar aur namaste।

is murli ke vishesh tatva

1. pahla paath ‘‘main kaun hoon’’ jaanna hi jeevan ki paheli ko hal karna hai। is ek prashn ke uttar mein saara gyaan samaaya hua hai। yeh ek shabd hi khushi ke khazaane,sarva shaktiyon ke khazaane,gyaan-dhan ke khazaane, shvaans aur samay ke khazaane ki chaabi hai। yeh sarva braahmanon ke janma din ki pahli saugaat hai।