गुरुवार 16 अक्टूबर 1975 की अव्यक्त मुरली - 2

>

16-10-75 om shanti avyakt baapdaadaamdhuban

sankalp shakti ko control kar siddhi-swaroop banne ki yuktiyaan

gyaanvaan aur yogi vatson ko sangathan roop se ek sankalp aur ek vichaar vaala banne ki vidhi bataane vaale baapdaada bole -

sada baap-samaan niraakaari sthiti mein sthit hote hue is saakaar shareer ka aadhaar lekar is karma-kshetra par karmayogi bankar har karma karte ho? jabki naam hi hai ‘karmayogi’। yeh naam hi siddha karta hai ki yogi hain arthaat niraakaari aatmik swaroop mein sthit hokar karma karne vaale hain। karma ke bina to ek second bhi rah nahin sakte। karma-indriyon ka aadhaar lene ka arth hi hai-nirantar karma karna। to jaise karma ke bina rah nahin sakte, vaise hi yaad arthaat yog ke bina bhi ek second rah nahin sakte। isliye karma ke saath yogi naam bhi saath-saath hi hai। jaise karma svatah hi chalte rehte hain, karmendriyon ko natural abhyaas hai। aise hi buddhi ko yaad ka natural abhyaas hona chaahiye। in karmendriyon ka aadi-anaadi apna-apna kaarya hai। haath ko hilaane va paanv ko chalaane mein koi mehnat nahin karni padti, usi pramaan brahman jeevan ka tatha is sangamayugi jeevan mein buddhi ka niji kaarya va janma ka kaarya yaad hai। jo jeevan ka niji kaarya hota hai woh natural aur sahaj hi hota hai। to kya aise apne ko sahaj karmayogi anubhav karte ho ya yeh mushkil lagta hai? apna kaarya kabhi bhi mushkil nahin lagta hai,doosre ka mushkil lagta hai। yeh to kalpa-kalpa ka apna kaarya hai। phir bhi yadi mushkil lagta hai arthaat nirantar karmayogi sthiti anubhav nahin hoti hai to iska kaaran kya hai?

agar yog nahin lagta to avashya hi indriyon dvaara alpakaal ke sukh praapta karaane vaale aur sadaakaal ki praapti se vanchit karaane vaale, koi-na-koi bhog bhogne mein lage hue hain। isliye apne niji kaarya ko bhoole hue hain। jaise aajkal ke sampatti vaale va kaliyugi raaja jab bhog-vilaas mein vyasta ho jaate hain to apna niji kaarya,raajya karna va apna adhikaar bhool jaate hain,aise hi aatma bhi bhog bhogne mein vyasta hone ke kaaran yog bhool jaati hai arthaat apna adhikaar bhool jaati hai, jab tak alpakaal ke bhog bhogne mein masta hain। to jahaan bhog hai vahaan yog nahin। isi kaaran mushkil lagta hai।

vartamaan samay maaya brahman bachchon ki buddhi par hi pahla vaar karti hai। pahle buddhi ka connection tod deti hai। jaise jab koi dushman vaar karta hai to pahle telephone, radio aadi ke connection tod dete hain। light aur paani ka connection tod dete hain phir vaar karte hain, aise hi maaya bhi pahle buddhi ka connection tod deti hai jisse light, might,shaktiyaan aur gyaan ka sang automatically banda ho jaata hai। arthaat moorchhit bana deti hai। arthaat svayan ke swaroop ki smriti se vanchit kar deti hai va behosh kar deti hai। uske liye sadaiv buddhi par attention ka pahra chaahiye। tab hi nirantar karmayogi sahaj ban paayenge।

aisa abhyaas karo jo jahaan buddhi ko lagaana chaahe vahaan sthit ho jaayen। sankalp kiya aur sthit hua। yeh roohaani drill sadaiv buddhi dvaara karte raho। abhi-abhi param- dhaam nivaasi, abhi-abhi sookshm avyakt pharishta ban jaayen aur abhi-abhi saakaar karmendriyon ka aadhaar lekar karmayogi ban jaayen। isko kaha jaata hai - sankalp shakti ko control karna। sankalp ko rachna kahenge aur aap uske rachayita ho। jitna samay jo sankalp chaahiye utna hi samay woh chale। jahaan buddhi lagaana chaahe, vahaan hi lage। isko kaha jaata hai - adhikaari। yeh practice abhi kam hai। isliye yeh abhyaas karo,apne aap hi apna programme banaao aur apne ko check karo ki jitna samay nishchit kiya, kya utna hi samay woh stage rahi?

hathayogi apni kisi karmendriy ko, koi taang ko ya baanh ko ekaagra karne ke liye koi time nishchit karte hain ki itna samay ek taang va ek haath neeche karenge va oopar karenge,sir neeche karenge athva oopar karenge। lekin yeh wrong kaapi ki hai। baap ne sikhaaya hai buddhi mein ek sankalp dhaaran karke baitho। uski ulti copy kar ek taang oopar kar lete hain। baap kehte hain ki ek sankalp mein sthit ho jaao,woh phir ek taang par sthit ho jaate hain। baap kehte hain ki sada gyaan-soorya ke sammukh raho,vimukh na bano। woh phir sthool soorya ki taraph mukh kar baithte hain। to ulti copy kar li na? yathaartha buddhi-yog ka abhyaas abhi tum seekh rahe ho। woh hath se karte,aap adhikaar se karte ho। isliye woh mushkil hai,yeh sahaj hai। abhi uske abhyaas ko badhaate jaao। ek second mein sab ek mat ho jaayen। jab sangathan ka ek sankalp, ek smriti hogi,aur sabka ek swaroop hoga tab is sangathan ki jay-jaykaar ka naam baala hoga।

jaise sthool kaarya va seva mein vichaaron ka mel karte ho arthaat sab ek vichaar vaale ho jaate ho tab hi kaarya saphal hota hai, aise hi sangathan roop mein sab ek sankalp swaroop ho jaaye। beej-roop smriti chaahe va sthiti chaahe to sab beej-roop mein sthit ho jaayen। aise jab ek smriti-swaroop ho jaayenge। tab har sankalp ki siddhi anubhav karenge va siddhi-swaroop ho jaayenge। jo sochenge,aur jo bolenge vahi practical mein dekhenge। isko kehte hain - siddhi-swaroop। yahi jayjaykaar ki nishaani hai। isi ka hi yaadgaar hai - kaliyugi parvat, use ek saath mein hi anguli dena। yeh sankalp hi anguli hai। to abhi aise programmes banaao।

sangathan roop mein ek smriti-swaroop hone se vaayumandal powerful ho jaayega। lagan ki agni ki bhatthi anubhav hogi jiske vaaibreshansa chaaron or phailenge। jaise atom bam ek sthaan par chhodne se chaaron or uske ansh phail jaate hain - woh atom bam hai, aur yeh aatmik bam hai। iska prabhaav anek aatmaon ko aakarshit karega aur sahaj hi praja ki vriddhi ho jaayegi। jaise us atom bam ka bahut kaal ke liye dharni par prabhaav pad jaata hai, vaise hi chaitanya jeevan ki dharniyon par bahut karke behad ke vairaagya ka prabhaav padega। isliye sahaj praja ban jaayegi। achha।

aise roohaani drill ke abhyaasi, sada adhikaari, vishwa-kalyaani,har sankalp ko siddha kar siddhi-swaroop aatmaon, aise baap-samaan prakriti ko adheen kar chalaane vaale aur aise sarva samartha bachchon ko baapdaada ka yaad-pyaar aur goodmorning । achha।