रविवार 19 अक्टूबर 1975 की अव्यक्त मुरली - 1

>

19-10-75 om shanti avyakt baapdaadaamdhuban

vrikshapti dvaara kalpa-vriksha ki durdasha ka aankhon dekha haal

manushya-srishti roopi vriksha ke beej roop aur naye kalpa-vriksha ke rachayita parampita shiv vriksha ki sair ka samaachaar sunaate hue baba bole :-

aaj vrikshapti aur aadi dev donon hi apne vriksha ki dekh-rekh karne gaye। aadi dev arthaat saakaar manushya srishti ka rachayita baap (prajaapita brahma) ne jab vriksha ko chaaron or se dekha to kya dekha? har-ek manushya aatma roopi patta puraana to ho hi gaya hai lekin majority patton ko beemaari bhi lagi hui hai jisse us patte ka rang- roop badla hua hai arthaat raunak badli hui hai। ek taraph raajya-satta ko dekha, doosri taraph dharma satta, teesri taraph bhakti ki satta, chauthi taraph praja ki satta - yeh chaaron hi sattaayen bilkul andar se shaktiheen, khokhli dikhaai deen। andar khaali,baahar se sirf roop raha hua tha। jaise deemak lagti hai to andar se khaaya hua hota hai sirf baahar ka roop hi dikhaai padta hai, aise hi raajya satta mein raajya ki satta nahin thi। naam raajya lekin andar din-raat ek-doosre mein kheenchaataan arthaat eershya ki agni jal rahi thi। raajya se sukhon ki praapti to kya lekin ek minute bhi chain nahin। neend ka bhi chain nahin। jo maanav jeevan mein saare din ki thakaavat ka,sankalpon ko samaane ka saadhan nidra ka niyam bana hua hai, woh alpakaal ka bhi chain bhaagya mein nahin। arthaat bhaagyaheen raajya। na raajya satta,na raajya dvaara alpakaal ki praapti ki satta, aisa sattaaheen raajya dekha। sada bhay ke bhooton ke beech kursi par baitha hua dekha। yeh dekhte hue phir aur taraph kya dekha?’’

dharma satta - dharma satta mein kuchh thode bahut chhote-chhote naye patte dikhaai de rahe the, lekin un patton ko bahut jaldi ahankaar arthaat sva-abhimaan aur siddhi sveekaar ki chidiya kha rahi thi। doosri taraph kya dekha-naam dharma lekin hai ati kukarma। kukarma arthaat vikarma ka keeda unhon ki dharma satta arthaat shakti ko khatma kar raha hai। anek prakaar ke ulte nashon mein choor, dharma ke hosh se behosh the। to dharmasatta bhi baahar ke aadambar roop mein dekhi। tyaag, tapasya aur vairaagya ke badle logon ko riddhiyon-siddhiyon mein khelte hue dekha। vairaagya ke bajaay raag-dvesh mein dekha। majority jaise raajya satta lottery ki jua khel rahi hai vaise hi ve dharma satta hote hue bhi bhoole bhakton se alpakaal ki siddhiyon ka jua khel rahe the। bade-bade daav laga rahe hain - yeh praapta kara doonga to itna dena hoga, beemaari ko mitaayenge to itna daan punya karna hoga। aise siddhiyon ke jua ke daav laga rahe hain। phir kya dekha?

bhakti ki satta - usmein kya dekha? andha-shraddha ki pattiyaan okhon par bandhi hui hain - aur dhoondh rahe hain manjil ko। yeh khel dekha hai na, jo okhon par patti baandhe hue hote hain to phir raasta kaise dhoondhate hain?jahaan se aavaaj aayega vahaan chal padenge। andar ghabraahat hogi kyonki okhon par patti hai। to bhakta bhi andar se duhkh-ashaanti se ghabda rahe hain। jahaan se koi aavaaj sunte hain ki phalaani aatma bahut jaldi praapti karaati hai to us aavaaj ke peechhe andha-shraddha mein bhaag rahe hain। koi thikaana nahin। doosri taraph gudiyon ke khel mein itne masta ki yadi koi ghar (paramdham) ka sahi raasta bataayen to koi sunne ke liye taiyaar nahin। bhakti ki satta hai ati sneh ki lekin sneh ki satta svaartha mein badal gai hai। svaartha ka bol baala hota hai। sab svaartha mein bhikhaari dikhaai diya - shanti do,sukh do, sambandhi ki aayu badi do,sampatti mein vriddhi ho,yeh do, yeh do, woh do - aise bheekh maangane vaale bhikhaari the। to bhakton ko bhikhaari roop mein dekha aur aage chalo।

praja ki satta - praja mein kya dekha? sabhi chinta ki chita par baithe hue hain। kha bhi rahe hain, chal bhi rahe hain aur koi karma bhi kar rahe hain lekin sadaiv yeh bhay ka sankalp hai ki abhi teeli arthaat. aag lagi ki lagi। sankalpon mein svapna muaaphik yeh dikhaai deta rehta hai ki abhi pakad gaye ki pakde gaye - kabhi raajya satta dvaara,kabhi prakriti ki aapdaaon dvaara, kabhi daakuon dvaara - aise hi sankalpon mein svapna dekhte rehte। aisi chintaaon ki chita par savaar, pareshaan,duhkhi aur ashaanta the jo koi raasta najar na aaye jisse apne ko bacha saken। vahaan jaayen to aag hai, vahaan jaayen to paani hai। aise chaaron or ki tension (tanaav) ke beech ghabraaye hue nazar aaye yeh thi aaj ki sair।

jab yeh sair kar laute to naye vriksha ki kalam ko dekha। kalam mein kaun the? aap sabhi apne ko kalam samajhte ho?jab puraane vriksha ko beemaari lag gai,jadajdeebhoot ho gaya to ab naya vriksha-aayepan aap aadhaar moortiyon dvaara hi hoga। brahman hain hi naye vriksha ki jaden arthaat foundation,aap ho foundation। to dekha ki foundation kitna powerful nimitta bana hua hai। brahma baap ko chaaron or ki durdasha dekhte hue sankalp aaya ki abhi-abhi bachchon ke tapasvi roop dvaara yog agni dvaara is puraane vriksha ko bhasma kar len। itne mein tapasvi-roop brahman va roohaani sena emerge ki। sab tapasvi roop mein apne-apne yatha shakti force (shakti) laga rahe the। yog-agni prajjavlit hui dikhaai de rahi thi। sangathan roop mein yog agni ka prabhaav achha zaroor tha,lekin vishv ke vinaash arth vishaal roop nahin tha। force tha lekin fullforce nahin tha। arthaat sarva braahmanon ke number anusaar yatha-shakti full stage jo har brahman ko apne-apne number pramaan sampoorn arthaat full stage praapta karni thi, usmein full nahin the arthaat sampanna nahin the is liye fullforce nahin tha, jo ek dhak se vinaash ho jaae va puraana vriksha bhasma ho jaay। ab kya karenge? brahma baap ke sankalp ko saakaar mein laao। baap snehi ban is vishaal kaarya mein sahayogi bano। lekin kab nahin,abhi se hi svayan ko sampanna banaao। samjha?achha।

aise sankalp ko saakaar karne vaale, sneh ka return sahayog mein dene vaale, sada raham dil,vishwa kalyaankaari sthiti mein sthit hone vaale,achal aur adol rahne vaale aur aise sada shubh chintan mein rahne vaale shubh-chintak bachchon ko baapdaada ka yaad-pyaar aur namaste।

is murli ka saar

1. is kalpa-vriksha ka har-ek manushyaatma roopi patta puraana to ho hi gaya hai, saath hi usmein beemaariyaan bhi lagi hui hain jisse uska rang roop badla hua hai arthaat raunak nahin hai। chaaron prakaar ki sattaaen -raajya satta, dharma satta, bhakti satta evan praja sattaabilkul andar se shaktiheen, khokhli dikhaai deen, baahar se sirf unka roop (dhaancha) hi raha hua hai।