सोमवार 2 फ़रवरी 1976 की अव्यक्त मुरली - 1

>

02-02-76 om shanti avyakt baapdaadaamdhuban

baap-snehi banne ki nishaani- pharishta-swaroop banna

pharishtepan ki yogyataayen bharne vaale, sarva gunon ke bhandaar shiv baba vatson se bole –

sada apna future saamne rehta hai? jitna nimitta bani hui aatmaayen apne future ko sada saamne rakhengi, utna anya aatmaon ko bhi apna future banaane ki prerna de sakengi। apna future spashta nahin to doosron ko bhi spashta banaane ka raasta nahin bata sakengi। apna future spashta hai? ‘mahaaraaja ya mahaaraani’ - jo bhi bane,lekin usse pahle apna bhavishya pharishtepan ka,karmaateet avastha ka - woh saamne spashta aata hai? aisa anubhav hota hai ki main har kalpa mein pharishte swaroop mein ye part baja chuki hoon aur abhi bajaana hai?vo jhalak saamne aati hai। jaise darpan mein apne swaroop ki jhalak dekhte ho, aise knowledge ke darpan mein apne purooshaartha se pharishtepan ki jhalak spashta dikhaai deti hai?jab tak pharishtepan ki jhalak spashta dikhaai nahin degi, tab tak bhavishya bhi spashta nahin hoga। yeh sankalp aata hi rahega ki shaayad main ye banoon ya vo banoon?lekin pharishtepan ki jhalak spashta dikhaai degi to woh bhi spashta dikhaai degi। to woh dikhaai deta hai ya abhi ghoonghat mein hai?jaise chitra ka anaavran karaate; ho to apne pharishte swaroop ka anaavran kab karenge? aapehi karenge ya chief guest ko bulaayenge?yeh purooshaartha ki kamjori ka parda hataao to spashta pharishta roop ho jaayega।

abhi to chalte-phirte aise anubhav hona chaahiye jaise saakaar ko dekha -- chalte-phirte ya to pharishte roop ka ya bhavishya roop ka anubhav hota tha, tabhi to auron ko bhi hota tha। main teacher hoon, main sevaadhaari hoon - yeh to jaisa samay, vaisa swaroop ho jaata hai। ab svayan ko pharishte roop mein anubhav karo to saakshaatkaar hoga। saakshaatkaar ka roop kaun-sa hai? pharishta roop banna। chalte phirte ‘pharishta swaroop’। agar saakshaat pharishte nahin banenge to saakshaatkaar kaise kara sakenge? to teachers ke liye ab vishesh purooshaartha kaun-sa hai? yahi ki pharishta is saakaar srishti par aaya hoon seva arth। pharishte prakat hote hain, phir sama jaate hain। pharishte sada is saakaari srishti par thaharte nahin,karma kiya aur gaayab! to jab aise pharishte honge to is deh aur deh ke sambandh va puraani duniya mein paanv nahin tikega। jab kehte ho ki ham baap ke snehi hain; to baap sookshm vatan-vaasi aur aap saara din sthoolavtan-vaasi,to snehi kaise? to sookshm vatan-vaasi pharishte bano। sarva aakarshanon ya lagaavon ke rishte aur raaste banda karo to kahenge ki baap snehi ho। yahaan hote hue bhi jaise ki nahin hai - yeh hai last stage। vishesh sevaartha nimitta ho,to purooshaartha mein bhi vishesh hona chaahiye। jab doosron ko chalte-phirte yeh anubhav hoga ki aap log pharishte hain, to doosre bhi prerna le sakenge। agar saakaar srishti ki smriti se pare ho jaao to jo chhoti-chhoti baaton mein time vesta karte ho, woh nahin hoga। to ab high jump lagaao - saakaar srishti se ekdam pharishton ki duniya mein va pharishta swaroop isko kehte hain high jump। to chhoti-chhoti baaten shobhengi nahin। to yeh baap ki vishesh saugaat hai। saugaat lena arthaat pharishta swaroop banna। to baap bhi yeh pharishta swaroop ka chitra saugaat mein dete hain। is saugaat se puraani baaten sab samaapta ho jaayengi। ‘kya’aur ‘kyon’ki rat nahin lagaani hai। nirnay-shakti,parakhne ki shakti, parivartan-shakti - jab ye teenon shaktiyaan hongi to hi ekdoosre ko khushkhabri sunaayenge। agar khud mein parivartan nahin to doosron mein bhi parivartan nahin la sakenge। achha!

parivartan-shakti vaala hi saphal

prashn:-kisi bhi plan ko practical mein laane ke liye vishesh kaun-si shakti ki aavashyakta hai?

uttar:-parivartan karne ki shakti। jab tak parivartan karne ki shakti nahin hogi, tab tak nirnay ko bhi practical mein nahin la sakte hain। kyonki har sthaan par, har sthiti mein,chaahe svayan ke prati va seva ke prati ho, parivartan zaroor karna padta hai। jaise saphaltaamoortta banne ke liye sanskaar va svabhaav parivartan karna padta hai,vaise hi seva mein apne vichaaron ko kahin-na-kahin parivartan karna padta hai। parivartan-shakti vaala kaisi bhi paristhiti mein saphal ho jaata hai kyonki woh bahuroopi hota hai। plan ko seva mein laayenge aur points ko practical jeevan mein laayenge - to donon ke liye parivartan karne ki shakti chaahiye। knowledgeful hone ke naate yeh to nirnay kar lete hain ki ‘ye hona chaahiye’ lekin parivartan nahin hota hai। iska kaaran hai parivartan-shakti ki kami। jismen parivartan-shakti hai, ve sarva ke snehi honge aur sada saphal bhi honge। sankalp mein dridhta laane se pratyaksha phal nikal aata hai। parivartan karke saphal banna hi hai - yeh hai dridh sankalp। saphalta saphalta-moorton ka aahvaan kar rahi hai ki saphalta-moortta aaven to main unke gale ki maala banoon। achha!