रविवार 23 जनवरी 1977 की अव्यक्त मुरली

>

23-01-77om shanti avyakt baapdaadaamdhuban

maheenta hi mahaanta hai

ek second mein is lok se parlok nivaasi banne vaali, indrasbha ki pariyon prati avyakt baap-daada bole:-

gaayan hai ‘indraprastha ki indrasbha’। indra arthaat sada gyaan ki barsaat barsaane vaale, kaanton ke jangal mein hariyaali laane vaale - aisi indrasbha,jiska gaayan hai pariyon ki sabha, arthaat sada udne vaali। pariyon ke pankh prasiddha hain। indrapastha mein sivaae pariyon ke aur koi bhi manushya nivaas nahin kar sakta। manushya arthaat jo apne ko aatma na samajh, maanav arthaat deh samajhte hain। aise deh-abhimaani indraprastha mein nivaas nahin kar sakte। indraprastha nivaasiyon ko deh-abhimaani manushyon ki badbu phauran anubhav hoti hai। aise indraprastha nivaasi manushya ke badbu arthaat deh ki badbu se bhi door apne ko indrasbha ki pariyaan samajhte ho? gyaan aur yog ke pankh majboot hain? agar pankh majboot nahin hote to udna chaahte bhi baar-baar neeche aa jaate hain। deh-abhimaan aur deh ki puraani duniya, puraane sambandhon se sada oopar udte rehte ho arthaat isse pare oonchi sthiti mein rehte ho? jara bhi deh-abhimaan arthaat manushyapan ki badbu to nahin?deh- abhimaan,indraprastha nivaasi nahin ho sakta। aise anubhav hota hai ki deh-abhimaan bahut gandi badbu hai? jaise badbu se kinaara kiya jaata hai, va mitaane ke saadhan apnaae jaate hain, vaise apne ko deh-abhimaan se mitaane ke saadhan apnaate ho?yeh saadhaaran sabha nahin - yeh alaukik sabha hai,pharishton ki sabha hai। apne ko pharishta anubhav karte ho?ek second mein is deh ki duniya se pare apne asli sthiti mein sthit ho sakte ho? yeh drill (Drill) karni aati hai?jab chaaho, jahaan chaaho, jitna samay chaaho, vaise sthit ho sakte ho?

aaj amritvele baap-daada bachchon ki drill dekh rahe the, kya dekha? drill karne ke liye samay ki seeti par pahunchne vaale nambarvaar pahunch rahe the। pahunchne vaale kaaphi the lekin teen prakaar ke bachche dekhe। ek the - samay bitaane vaale; doosre the - sanyam nibhaane vaale; teesre the - sneh nibhaane vaale। harek ka poj (Pose) apna-apna tha। buddhi ko oopar le jaane vaale baap se,baap samaan ban,milan manaane vaale kam the। roohaani drill karne vaale drill karna chaahte the lekin kar nahin pa rahe the। kaaran kya hoga?jaise aajkal sthool drill karne ke liye bhi halkaapan chaahiye, motaapan nahin chaahiye,motaapan bhi bojh hota hai। vese roohaani drill mein bhi bhinna-bhinna prakaar ke bojh vaale arthaat moti buddhi - aise bahut prakaar ke the। jaise mote shareer ki bhi variety (Variety) hoti hai, vaise hi aatmaon ke bhaareepan ke poj bhi variety the। agar alaukik camera (Camera) se photo nikaalo va sheesh mahal mein yeh variety poj dekho to badi hansi aae। jaise aapki duniya mein variety poj ka khoob hansi ka khel dikhaate hain na, vaise yahaan bhi khoob hansate hain। dekhenge hansi ka khel? bahut aise bhi the jo motepan ke kaaran apne ko modna chaahte bhi mod nahin sakte। oopar jaane ke badle baar-baar neeche aa jaate the। beej roop stage ko anubhav karne ke badle,vistaar roopi vriksha mein arthaat anek sankalpon ke vriksha mein ulajh jaate hain। yeh moti buddhi vaalon ke poj suna rahe hain। rooh-roohaan karne baithte hain lekin rooh-roohaan ke badle svayan ki va anya aatmaon ki shikaayton ki poori file khol kar baithte hain। baithte hain chadhti kala ka anubhav karne ke liye hain,lekin baap-daada ko bahaane-baazi ki kalaayen bahut dikhaate hain। baap-daada ke aage bojh utaarne aate hain, lekin bojh utaarne ki bajaay baap ki shreemat ke pramaan na chalne ke kaaran anek prakaar ki avagyaaon ka bojh apne oopar chadhaate rehte hain। aise anek prakaar ke bojh vaali bhaari aatmaon ke drishya dekhe।

sanyam nibhaane vaali aatmaon ka drishya bhi bahut hansi vaala hota hai। woh kya hota hai, maaloom hai? baap ke aage gungaan karne ke bajaay,baap dvaara sarva shaktiyon ki praapti karne ke bajaay, nindra ke nashe ki praapti jyaada aakarshan karti hai। semi (Semi) nasha bhi hota hai। samay ki samaapti ka intajaar hota hai। baap se lagan ke bajaay semi nindra ke nashe ki lagan jyaada hoti hai। in sabhi ka kaaran? aatma ka bhaareepan arthaat motaapan। jaise aajkal ke doctors (Doctors) motepan ko kam karaate hain,vajan kam karaate hain, halka banaate hain, vaise braahmanon ki bhi aatma ke oopar jo vajan athva bojh hai arthaat moti buddhi hai, us bojh ko hataakar ‘maheen buddhi’ bano। vartamaan samay yahi vishesh parivartan chaahiye। tab hi indraprastha ki pariyaan banenge। motepan ko mitaane ke liye shreshtha saadhan kaun-sa hai? khaan-paan ka parhej aur exercise (Exercise)। parhej mein bhi andaaj fix (Fix) hota hai। vaise yahaan bhi buddhi dvaara baar-baar ashreereepan ki exercise karo aur buddhi ka bhojan sankalp hai unki parhej rakho। jis samay jo sankalp roopi bhojan sveekaar karna ho us samay vahi sveekaar karo। vyartha sankalp roopi eksatra (Extra) bhojan na ho। to vyartha sankalpon ke bhojan ki parhej ho। parhej ke liye self control (Self Control;svayan par niyantran) chaahiye। nahin to parhej poorn reeti nahin kar sakte। to self control arthaat jis samay jaise chaahe,vahaan buddhi laga sake tab hi maheen buddhi ban jaayenge। ‘maheenta hi mahaanta hai।’jaise shareer ki reeti se halkaapan parasnailiti (Personality) hai; vaise buddhi ki maheenta va aatmaon ka halkaapan brahman jeevan ki parasnailiti hai। to ab kya karna hai? anek prakaar ke motepan ko mitaao। motepan ka vistaar phir sunaayenge ki kis prakaar ka motaapan hai। bojh ke anek prakaar hain uska vistaar phir sunaayenge। to aaj ke drill ka samaachaar kya hua? bojh ka motaapan। isko mitaane ka hi lakshya rakh svayan ko pharishta arthaat halka banaao। achha।

aise indraprastha ki pariyaan, second mein is lok se paar parlok nivaasi banne vaali,sada baap samaan ban baap se milan manaane vaali maheen buddhi arthaat mahaan aatmaon ko baap-daada ka yaad-pyaar aur namaste।

party ke saath :-

abhi-abhi oopar, abhi-abhi neeche, itni eksarsaaeej karne ki practice hai?jisko practice nahin hoti hai ve mushkil hi kar paate hain। roohaani eksaraasaeez ke anubhvi ho? abhi-abhi direction mile ek second mein beej roop sthiti mein sthit ho jaao। jaise direction dete hain to second mein karte hain na,aise hi direction mile ki oonchi se oonchi sthiti mein sthit ho jaao to ho sakte ho ya time lagega?agar teacher haindsa up (Hands Up;haath oopar) kahe aur haindsa up na kar saken to teacher kya kahega ki line se kinaare ho jaao। line se baahar nikaal dete hain na?to yahaan bhi nikaalna nahin padta lekin otometeekli (AUTOMATICALLY;svatah) teevra purooshaartha ki line se kinaare ho jaate hain। purooshaartha ke line mein aa jaate hain। agar koi achhi stage par eksarsaaeej dikhaani padti ho to jo hoshiyaar honge vahi group stage par aayega na। iske liye first prize win (Win) karne vaala group chaahiye। to first (First) arthaat fast (Fast;teevra) purushaarthi। agar fast purushaarthi nahin to first nahin;second group ho gaya। jo bhaari hota hai vo fast nahin ja sakta hai। koi bhi prakaar ka bhaareepan va bojh nahin ho। nirantar yog nahin lagta iska matlab bhaareepan hai, bojh hai। bojh neeche le aata hai। neeche le aana hi siddha karta hai ki bojh hai। body- konses(Body-Conscious;deh-abhimaan) neeche le aata hai। jaise baap oonche se ooncha hai,unka nivaas sthaan oonche se ooncha hai, unka karttavya va gun oonche se ooncha hai, to aap sabke bhi nivaas sthaan, gun aur karttavya oonche se ooncha hai na? baap samaan ho na? oonche nivaas sthaan vaale, oonche gun va karttavya vaale, neeche kaise aa sakte hain?aana nahin chaahiye lekin aa jaate hain। usko kya kahenge - first purushaarthi ya second?lakshya first class ka aur lakshan second ka,yeh kaise hoga? baithna hai first class mein aur ticket li hai second class ki to first mein baith sakenge? maataayen aur kanyaayen to vishesh lucky hain। kyonki ye sabse gareeb hain। baap ko bhi gareeb-nivaaj gaaya hua hai। saahukaar-nivaaj nahin। to gareeb jaldi pad pa sakte hain। saahukaar nahin। takdeer vaan gareeb hi hain। to kumaariyaan aur maataayen takdeervaan hain jo sangamayug par kumaari va maata bani hain। charitra bhi jyaada gopi vallabh ke saath gopiyon ke hi gaaye gaye hain,gopon ke kam। to lucky ho jo gopi tan mein ho। sangamayug mein ‘shakti first’ ka baap-daada ka naara hai। svayan brahma baap ne bhi maataaon ko samarpan kiya। sunaaya na ki brahma baap ki bhi ‘maata guru’ hai। to itne takdeervaan ho। itna apni takdeer ko jaanti ho ya maankar chalti ho? ek hota hai jaanna,doosra hota hai maanna aur chalna। maataaon ka martaba koi kam nahin hai, aisi maataaen jinka shivbaaba ke saath part hai। itna nasha hai?itni khushi hai? is stage par raho to khushi mein udte rahenge। pariyaan sada udti rehti hain। to aise sangamayug ki pariyaan jo baap ke saath-saath avyakt vatan,mool vatan mein udti rehti hain। udna maana dhyaan mein jaana nahin, lekin buddhi ke vimaan mein sada udte raho। buddhi ka vimaan bahut bada hai। buddhi dvaara jab chaaho, jahaan chaaho pahunch jaao। moti buddhi nahin,lekin maheen buddhi। to abhi kya karna hai? bilkul is lok ke lagaav se pare। aisa hi purooshaartha hai na? is lok mein hai hi kya? asaar sansaar se kya kaam hai? to phir kyon jaate ho? jahaan koi kaam nahin hota hai vahaan jaana hota hai kya? to ab buddhi dvaara jaana banda karo। jab koi praapti nahin, koi phaayda nahin to buddhi kyon jaati hai? time vesta hoga na?phir vaapas lautna padega। vaapas lautne mein samay aur energy (Energy;shakti) vesta (Waste;vyartha) jaayegi। to vesta kyon karte ho? abhi to 21janmon ke liye jama karna hai sirf thode se samay mein। to kya itna thoda-sa mila time vyartha karna chaahiye? ek second vesta karna arthaat ek janma ki praalabdha vesta karna। itna mahatva sangam ke samay ka hai। achha, sada khushi mein to rehti ho na? kabhi roti to nahin ho? ek hota hai aankh ke aansu, doosra hota hai man ke aansu। to man ke aansu bhi nahin aane chaahiye। man mein duhkh ki lahar aana maana man ke aansu। donon prakaar ke aansu nahin bahaana। rone se mukta hona hai। abhi jo rote hain, ve khote hain। jo hansate hain woh paate hain। to kabhi bhi galti se bhi duhkh ki duniya nahin dekhni chaahiye। anubhvi phir dhokha khaate hain kya? dhokha kha kar anubhav kar liya, to phir dhokha khaayenge? phir duhkh ki duniya mein kyon jaati ho?ek baar khel mein girne vaala dobaara girta hai kya? yeh khel to ekdam raurav narka hai। ismen girne ka sankalp to svapna mein bhi na aana chaahiye। to maataaen padmaapadma bhaagyashaali hain। baap to usi shreshtha nazar se dekhte hain। saubhaagyashaali nahin, lekin padmaapadma bhaagyashaali। saubhaagyashaali banna to saadhaaran baat hai। lekin padmaapadma bhaagyashaali banna hai। sada khush raho। baap ke khazaane ko sumiran karte hue sada harshit raho। itna khazaana saare kalpa mein kisi janma mein bhi nahin milega। to kitni khushi mein udna chaahiye?pariyaan neeche nahin aati,oopar udti rehti hai। sada ek ki lagan mein rahne vaali ho na? sivaae ek baap ke aur koi lagan nahin। ek baap doosra na koi, galti se bhi doosri jagah buddhi nahin jaani chaahiye। sab sang tod ek sang jod - yahi baap ka direction hai। sada man se yahi aalaap nikalta rahe - ‘ek baap doosra na koi’। isi ko ajpaajaap kehte hain। ek doosre se aage jaana hai। jisko dekho vahi number- one nazar aae। baap ki sadaiv bachchon prati yahi aasha rehti hai; sab number-one ho। number-one arthaat sadaiv vijayi। vijayi ratna haar khilaane vaale hote hain, haar khaane vaale nahin। shakti arthaat vikarmaajeet। achha।