बुधवार 2 फ़रवरी 1977 की अव्यक्त मुरली

>

02-02-77om shanti avyakt baapdaadaamdhuban

sada alankaari swaroop mein sthit rahne vaala hi svayan ka tatha baap ka saakshaatkaar kara sakta hai

sada alankaari, nirhankaari,niraakaari sthiti mein sthit, vishwa ko roshan karne vaale deepkon ke prati baba bole-

baapdaada snehi bachchon ke roohaani sneh ki mahphil mein aae hain। aise roohaani sneh ki mahphil kalpa mein ab sangam par hi hoti hai। aur kisi bhi yug mein roohaani baap aur bachchon ke sneh ki mahphil nahin ho sakti hai। is mahphil mein apne ko padmaapadma bhaagyashaali samajhte ho? aisa shreshtha bhaagya jo svayan almighty authority baap, bachchon ke is bhaagya ka varnan karte hain। aise bhaagyashaali bachchon ko svayan baap dekh harshit hote hain। to socho aisa bhaagya kya hoga? bhaagya ko sumiran karte hi baap ki sumarni ke manke ban sakte ho। itna ooncha bhaagya jiska aaj kaliyug ke ant mein bhi sumiran karne vaale bhakta apne ko bhaagyashaali samajhte hain। aise shreshtha bhaagya ke anubhav ke anchali ke liye bhi sabhi tadaphte hain। aise bhaagyashaali ho jinke naam se bhi apne jeevan ko saphal samajhte hain। to socho woh kitna bada bhaagya hai! sadaiv apne ko itna bhaagyashaali aatma samajhte ho? to socho woh kitna bada bhaagya hai!

bade se bada brahman kul hai, aise brahman kul ke bhi aap deepak ho। kul ke deepak arthaat sada apni smriti ki jyoti se brahman kul ka naam roshan karta rahe। aise apne ko kul ke deepak samajhte ho? sada smriti ki jyoti jagi hui hai? bujh to nahin jaati?akhand jyoti arthaat kabhi bhi bujhne vaali nahin। aapke jad chitron ke aage bhi ‘akhanda jyoti’ jagaate hain। chaitanya akhanda jyoti ka hi woh yaadgaar hai to chaitanya deepak bujh sakte hain? kya bujhi hui jyoti achhi lagti hai? to svayan ko bhi check karo, jab smriti ki jyoti bujh jaati hai to kaisa lagta hoga?kya woh akhanda jyoti hui? jyoti ki nishaani hai - sada smriti swaroop aur samarthi swaroop hoga। smriti aur samarthi ka sambandh hai। agar koi kahe smriti to hai ki baba ka bachcha hoon, lekin samarthi nahin hai, yeh ho hi nahin sakta। kyonki smriti hi hai ki ‘main master sarvashaktivaan hoon।’ master sarvashaktivaan arthaat samartha swaroop। samartha arthaat shakti। phir woh gaayab kyon ho jaati hai? kaaran?ek shabd ki galti karte ho। kaun-si galti?baap kehte hain ‘saakaari so alankari’ bano। lekin ban kya jaate ho? anlakaari ke bajaae deh-ahankaari ban jaate hain। buddhi ke ahankaari,naam aur shaan ke ahankaari ban jaate ho। sada saamne alankaari swaroop ka symbol (Symbol;chinha) hote hue bhi apne alankaaron ko dhaaran nahin kar paate। jaise had ke raajkumaar aur raajkumaariyaan bhi sada saje sajaaen royliti (ROYALTY) mein hote hain। vaise hi brahman kul ki shreshtha aatmaaen sada alankaaron se saje-sajaaen hone chaahiye। yeh alankaar brahman jeevan ka shrringaar hain, na ki devta jeevan ka। to apne alankaar ke shrringaar ko sada kaayam rakho। lekin karte kya ho, ek alankaar ko pakadte to doosre alankaar ko chhod dete hain। koi teen pakad sakte hain to koi chaar pakad sakte hain। baap-daada bhi bachchon ka khel dekhte rehte hain। bhuja arthaat shakti, jis shakti ke aadhaar se hi alankaari ban sakte hain,woh shaktiyon roopi bhujaayen hilti rehti hain। jab bhujaaen hilti rehti hain to sada alankaari kaise ban sakte hain? isliye kitni bhi koshish karte hain alankaari banne ki, lekin ban nahin sakte। to ek shabd kaun-sa yaad rakhna hai? kisi bhi prakaar ke ‘ahankaari’ nahin lekin alankaari banna hai। sada alankaari swaroop mein sthit na hone ke kaaran svayan ka, baap ka saakshaatkaar nahin kara sakte। isliye apne shakti roopi bhujaaon ko majboot banaao,nahin to alankaaron ki dhaarna nahin kar sakenge। alankaaron ko to jaante ho na? jaante ho aur varnan bhi karte ho phir bhi dhaaran nahin kar sakte। kyon? baap-daada bachchon ki kamzori ki leela bahut dekhte hain jaise prabhu ki leela aprampaar hai to bachchon ki bhi leela aprampaar hai। roj ki nai rangat hoti hai। maaya ke nai rangat mein rang jaate hain। svadarshan chakra ke bajaae vyartha darshan ka chakra chal jaata hai। dvaapar se jo vyartha kathaaen aur vhaaniyaan badi roochi se sunne aur sunaane ki aadat hai, woh sanskaar abhi bhi ansh roop mein aa jaata hai। isliye kamal pushpa samaan arthaat kamal pushpa ke alankaar dhaari nahin ban sakte। kamal ki bajaay kamzor ban jaate hain। maayaajeet banne ka doosron ko sandesh dete,lekin svayan maayaajeet hain ya nahin, yeh sochte hi nahin। isliye alankaari nahin ban sakte। ahankaari।’

aise sada alankaari, nirhankaari,niraakaari sthiti mein sthit hone vaale, sada ke vijayi, sada jaagte hue deepak, vishwa ko roshan karne vaale deepak, baap-daada ke nainon ke deepkon ko baap-daada ka yaad-pyaar aur namaste।

deedi ji ke saath

‘‘nai duniya banaane vaalon ki, apne jeevan ko naya banaane ki raphtaar kaise chal rahi hai? pahle apne jeevan mein naveenta laayenge tab duniya mein bhi naveenta aayegi। to apne jeevan roopi building (Buidling;imaarat) ko sundar aur sampanna banaayenge, utna hi nai duniya mein bhi sundar aur sampanna raajya-bhaagya milega। karma dvaara apne takdeer ki lakeer kheench rahe hain। woh hai had ki hasta rekhaaen aur ye hain karma ki rekhaaen। jitna karma shreshtha aur spashta hoga, utni bhaagya ki rekhaaen shreshtha aur spashta hogi। to karma ki rekhaaon se apna bhavishya khud hi dekh sakte ho। yamuna ke kinaare par kaun rah sakenge? jinhonne sada ke liye puraani duniya se kinaara kiya hai aur baap ko sada saathi banaaya hai, vahi yamuna ke kinaare saath mahal vaale honge। shri krishna ke saath padhne vaale kaun honge? padhne padhaane vaale saathi bhi honge na? jiska sadaiv padhaai padhaane aur padhne mein vishesh part hai vahi vahaan bhi vishesh padhaai ke saathi banenge। raas karne vaale kaun honge? jinhonne sangam par baap ke saath samaan sanskaar milaane ki raas milaai hogi। to yahaan jinke baap samaan sanskaaron ke raas milti hai ve vahaan raas karenge। royal family (ROYAL Family;uchcha parivaar) mein kaun aayenge?jo sadaiv apni pyooriti ki royalti mein rehte hain। kahaan bhi had ke aakarshan mein aankh nahin doobti। sada alankaaron se saje hue hote hain। sada shrringaare hue moorti,aisi royalti vaale royal family mein aayenge। vaaris kaun banenge?vaaris arthaat adhikaari। to jo yahaan sada adhikaari stage par rehte,kabhi bhi maaya ke adheen nahin hote, adhikaareepan ke shubh nashe mein rehte, aise adhikaari stage vaale hi vahaan bhi adhikaari banenge। ab har ek ko apne aap ko dekhna pade ki main kaun hoon? yeh paheli hai। kisi-kisi ka saare jeevan mein saath-saath part bhi hai - saath padhne ka, saath raas karne ka,saath mahal mein rahne ka, royal family mein bhi saath honge। kuchhek aatmaon ka sarva adhikaar bhi hai। yeh hai nai duniya ki rooprekha।’’

teachers ke saath:-

baap-daada ko vishesh khushi hoti hai। kyon, jaante ho? aap samaan shikshak ho na। jaise baap vishwa ka shikshak, sevak hai vaise teacher bhi shikshak aur sevak hain। to samaanta vaalon ko dekhkar khushi hoti hai। shikshak ki sthiti mein to samaan ho। bina seva ke aur koi baat aakarshit na kare। din-raat seva mein lagi raho। agar seva se free (Free;khaali) rahenge to phir aur baaten bhi aa jaayengi। khaali ghar mein hi bichchhu,tindan aate hain। khaali ghar ho ya puraana ghar ho। yahaan bhi aise hota hai। buddhi ya to khaali hoti hai ya to puraane sanskaaron vaali hoti hai,to vyartha sankalp roopi bichchhu,tindan paida ho jaate। (1) teacher arthaat sada busy (Busy;vyasta) rahne vaali। kabhi phursat mein rahne vaali nahin। sankalp,bol, karma se bhi free rahne vaali nahin।

(2) teacher ka arth hi baap samaan athva baap ke sameep vijayi maala ke manke। teacher ka yahi lakshya hai na - ‘vijayi maala ke manke’banna।

(3) teacher arthaat kabhi haar, kabhi jeet mein aane vaale nahin, lekin ‘sada vijayi।’ (4)teacher arthaat sada tilakdhaari,sada saubhaagyavti,suhaagavti। tilak suhaag ki nishaani hai na। to sada suhaagavti arthaat baap ko sada saathi banaane vaali। suhaagavti arthaat tilak vaali।

teacher ka sthaan hai - dil-takhta। sthaan chhodenge to doosre le lenge। teacher ka aasan baap ka dil-takhta hai। aasan chhod diya to tyaag, tapasya khatma। to yeh aasan kabhi nahin chhodna। jagah lene vaale bahut hain। sabhi ko yahi umang utsaah hota hai ki ham teacher se aage jaayen। teacher phir unse bhi aage jaae tab to dil takhta nasheen hogi? teacher ka chhota-sa sansaar hai na। teacher ka sansaar ek baap hi hai। maat-pita, bandhuskha…। to sansaar mein kya hota hai?sarva sambandh hota hai, vaibhav hota hai। yahaan sarva sambandh ki praapti baap se hai। hai chhota-sa sansaar lekin sampanna aur shaktishaali hai। is chhote se sansaar mein koi apraapta vastu nahin। sarva sambandh baap se। aise nahin pita ka sambandh hai to maata ka nahin, maata ka hai to bandhu ka nahin। agar ek bhi sambandh ki praapti baap se na hogi to buddhi doosre taraph zaroor jaayegi। baap se sarva sambandhon ka anubhav hona chaahiye। nahin to doosra sambandh apni taraph kheench lega। saara sansaar hi‘ek baap’ho gaya to sab roop ho gaya na। isko kaha jaata hai number one teacher। phloles (Flawless;bedaag) teacher, yogya teacher, naami-graami teacher। baap to sada oonchi nazar se dekhte hain। agar baap kami ko dekhe to sada ke liye us kami ko andar line (Underline) lag jaati hai। baap bhaagya-vidhaata hai na। isliye baap sada shreshtha nazar se dekhte hain। shreshthata ke aage, kamzori aap hi man ko khaati hai। shreshtha baaten sunne se kamzori spashta ho hi jaati hai। isliye baap sadaiv shreshthata ka varnan karte hain jisse kamzori svatah hi dikhaai de। agar kamzori ko dekhen to lambi-chaudi ved- shaastron ki khaaniyaan ban jaaen।

sabhi teachers ko vishesh ek baat ka dhyaan rakhna hai - kabhi bhi, kisi mein bhi royal roop mein bhi jhukaav na ho,kisi bhi aatma ke gunon ki taraph,seva, sahayog ki taraph, buddhi ki taraph, plaaning (Planning;yojna) ki taraph jhukaav nahin ho। usi ko apna aadhaar banaane se jhukaav hota hai। jab kisi aatma ka aadhaar ho jaata hai to baap ka aadhaar svatah hi nikal jaata hai; aur ab aage chalkar alpa kaal ka aadhaar hil jaata hai to bhatak jaate hain। isliye kabhi bhi kisi aatma ke kisi vishesh prabhaav ke kaaran prabhaavit hona, yeh ‘mahaan bhool’hai। bhool nahin mahaan bhool hai। ismen khush na ho jaana ki service vriddhi ko pa rahi hai। yeh alpa kaal ka jalva hota hai। foundation (Foundation;neenv) hila to service hili। isliye kabhi bhi koi aatma ko aadhaar na banaao। aise nahin ki iske kaaran service vriddhi ko nahin paayegi,unnati nahin hogi। yeh kaaran nahin kaalaapan hai, jo svachchha aatma ko kaala kar deta hai। yeh bade se bada daag hai। kisi aatma ko aadhaar banaana - yeh bade te bada phla hai। to phlaales (Flawless) nahin ban sakenge। baaki mehnat bahut karti ho। mehnat ki baap-daada mubaarak dete hain। sunaaya na ki shaastron ki kahaaniyaan bhi bahut hoti hain jinka koi foundation nahin। isliye pahle sunaaya ki teacher arthaat sada seva mein busy। sankalp mein bhi baap ke saath busy raho to kisi aatma mein busy nahin honge। jo busy hota hai woh kahaan jhukega nahin। free hone ke baad hi manoranjan ke saadhan, sneh,sahayog ki taraph jhukaav hota hai। jo busy hoga, unko in baaton ke liye phursat hi nahin। baap-daada teachers ko dekh khush hote hain। himmat, umang,ullaas to bahut achha hai। kadam aage badha rahi ho lekin apne kaaryon ki kahaani ka shaastra nahin banaana। karma ki rekha se shreshtha takdeer banaani hai। aisi kahaani nahin banaana jiska janma bhi ulta to kahaani bhi ulti। student (Student;jigyaasu) ko padhaana bhi khud ko padhaana hai। teachers se rooh-roohaan karna baap-daada ko bhi achha lagta hai। follow karne vaale tatha samaan vaalon se jyaada sneh hota hai। jisse sneh hota hai uski chhoti kamzori bhi badi lagti hai। isliye ishaara dete hain। ham kitne sameep hain dekhna hai। to amritvele darpan spashta hota hai। teachers salvation (Salvation;sahuliyat) dene vaali ban gai na, lene vaali nahin। teachers se poochhne ki aavashyakta nahin ki khush-raazi ho। sada khush raho aur seva mein vriddhi karti raho। parantu jab baahen ladakhdaati hain to yeh scene (Scene;drishya) bhi achha lagta hai। ek alankaar uthaati to doosra chhootta hai। kabhi svadarshan chakra ko theek karti to shankh chhoot jaata hai,shankh pakadti to kamal chhoot jaata hai। ab teachers ko shaastron ki katha banda karni hai। har sankalp, har second mein takdeer banaao। koi katha sunne vaali,sunaane vaali aur banaane vaali bhi hoti hai। jaise vyaas ki kamaal hai, vaise yahaan bhi kamaal karte hain। janma dete, paalna karte parantu vinaash nahin kar paate। to phir pashchaattaap karte hain aur kehte hain madad karo। achha।