गुरुवार 5 मई 1977 की अव्यक्त मुरली

>

05-05-77om shanti avyakt baapdaadaamdhuban

vardaani, mahaadaani aur daani aatmaon ke lakshan

vardaani, mahaadaani bachchon ko dekh baba bole:-

vardaata baap apne vardaani, mahaadaani aur daani bachchon ko dekh rahe hain। jinhonne svayan ko sarva khazaanon se sampanna kiya hai, woh hain ‘vardaani’ bachche। jinhonne sarva khazaanon se svayan ko sampanna nahin kiya hai, lekin thoda bahut yatha shakti jama kiya hai, woh hai ‘mahaadaani।’jinhonne jama nahin kiya,lekin abhi-abhi mila, abhi-abhi liya aur usi samay hi jo kuchh liya, woh diya,woh hain daani aatmaaen, jo jama nahin karte,lekin kamaaya, kuchh khaaya, kuchh diya। aise teen prakaar ke bachche baap dekh rahe hain।

‘vardaani’bachche,svayan ke jama kie hue khazaanon ko arthaat svayan ki shakti,svayan ke gun dvaara,svayan ke gyaan khazaane dvaara, nirbal aatmaon ko vardaan dvaara, himmat,hullaas ki shakti aur khushi ka khazaana, apne sahayog ki shakti se dekar,un kamzor ko shaktishaali bana dete hain।

‘mahaadaani’purooshaartha karaane ki yuktiyaan ya hullaas, umang mein laane ki yuktiyaan bataate hue, kamzor aatmaon dvaara purooshaartha karaane ke nimitta bante hain। smriti dilaate hue,samarthi mein laane ke nimitta bante hain - apne shaktiyon ka sahayog nahin de paate,lekin raasta spashta dikhaane ke nimitta bante hain। aise karo,aise chalo,is tarah maarga darshan karaane ke nimitta bante hain।

‘daani’bachche,jo suna, jo achha laga, jo anubhav kiya, woh varnan dvaara aatmaon ko baap taraph aakarshan karne ke nimitta bante hain, lekin maarga darshan karaane vaale, va apne shaktiyon ke sahayog dvaara kisi ko shreshtha banaane vaale,mahaadaani nahin ban sakte। to ‘pahla number hai, sahayog dene vaale। doosra, maargadarshan karaane vaale। teesra, maarga bataane vaale।’ab, teenon mein apne se aapko dekho ki main kaun? kyonki realisation (REALIZATION;anubhav) karna hai। kisko? self (Self;svayan) ko। self realisation,yahi course chal raha hai - jisse ab tak jo kami rah gai hai, usse svayan ko liberate kar sakenge।

jaise baap liberator (Liberator) vaise bachche bhi ‘master liberator’ hain। lekin pahle ‘self liberator’banenge,tab auron ko bhi liberate kar apne sva-swaroop aur svadesh ko svamaan mein sthit kar sakenge। aajkal ke vaataavran mein har aatma kisi na kisi baat ke bandhan vash hain। chaaron or ki aatmaaen,koi tan ke duhkh ke vasheebhoot, koi sambandh ke vasheebhoot, koi ichchhaaon ke vasheebhoot, koi apne sanskaar jo ki duhkhadaai sanskaar hain,duhkhadaai svabhaav hain,unke duhkh ke vasheebhoot,koi prabhu-praapti na milne ke ashaanti mein bhatakne ke duhkh vasheebhoot, koi jeevan ka lakshya spashta na hone ke kaaran pareshaan,koi pashuon ki tarah khaaya-piya,jeevan bitaaya, lekin phir bhi santushtata nahin। kaai saadhna karte,tyaag karte,adhyayan karte, phir bhi manzil ko praapta nahin hote, pukaarne,chillaane ke hi duhkh ke vasheebhoot, aise anek prakaar ke bandhanon vash,duhkh- ashaanti ke vash aatmaaen apne ko liberate karna chaahte hain। aise apne aatma ke naate,bhaaiyon ko duhkhi dekh raham aata? dikhaai deta hai? aatmaon ke duhkhamay jeevan ko koi sahaara nahin mil raha hai। dekhne aata hai va apne mein busy ho?

laukik reeti se jeevan mein bachpan ka samay, study (Study;padhaai) ka samay apne prati hota hai। uske baad rachna ke prati samay hota hai arthaat doosron ke prati jimmevaari ka samay hota hai। alaukik jeevan mein bhi pahle svayan ko paripakva karne ka purooshaartha kiya, ab vishwa-kalyaankaari ban vishwa ki aatmaon ke prati va apne niji parivaar ke prati। vishwa ki sarva aatmaaen aapka parivaar hain,kyonki behad ke baap ke bachche ho;to behad ke parivaar ke ho। to apne parivaar prati raham nahin aata? to abhi raham dil bano। master rachta bano। svayan kalyaankaari nahin, lekin saath-saath ‘vishvakalyaankaari’bano। apne jama ki hui shaktiyon va gyaan ke khazaane ko master gyaan-soorya ban, vritti,drishti aur smriti ke arthaat shubh bhaavna ke shreshtha sankalp dvaara,apne jeevan mein gunon ki dhaarnaaon dvaara,in sab saadhnon ki kirnon dvaara ashaanti ko mitaao। jaise soorya ek sthaan par hote hue bhi apne kirnon dvaara chaaron or ka andhakaar door karta hai,aise master gyaan-soorya ban duhkhi aatmaon par raham karo।

svayan aur seva - donon ka balance (Balance;santulan) rakho। svayan ko bhi nahin bhoolo aur vishwa-seva ko bhi nahin bhoolo। vishwa ki parikrama dena kitne samay ka kaam hai? vishwa ke maalik ke baalak ho to maalik ban vishwa-parikrama lagaao। jab teenon lokon ka chakra laga sakte ho, to vishwa ka chakkar lagaana kya badi baat hai! jaise pahle ke yogya raajaaen sada apne raajya ka chakra lagaate the। praja ko sada sukhi aur santushta rakhte the। yeh sab kisse seekhe? ‘sab reetirasma ka foundation (Foundation;aadhaar) sangam samay hai,aur sangam nivaasi brahman hain।’ isliye hi ab tak bhi koi rasma karne ke liye braahmanon ko hi bulaaya jaata hai। to aap logon se raajaaen rasma seekhe hain, aap sikhlaane vaale svayan to avashya kar sakte ho isliye master rachta ban vishwa ki rekhdekh karo। samjha, kya karna hai? abhi bachpan ke albelepan ko chhodo, samay aur shaktiyon ko seva mein saphal karo। achha।

sada sarva khazaanon ko saphal karne vaale, svayan aur vishwa prati ka balance rakhne vaale, master gyaan-soorya,sada raham dil,sada sarva prati sahayog ki bhaavna aur kaamna rakhne vaale, aise shreshtha aatmaon ko baap-daada ka yaad-pyaar, aur namaste।

vishwa parikrama lagaate ho? kitne samay mein? kyonki jitni jiski divya buddhi hoti hai, to divyata ke aadhaar par speed hai। jaise aeroplane bhi udte hain, to jitni power vaala hoga utni speed tez hogi। to yahaan bhi jiski jitni divyata hai, ‘divyata hi svachchhata’hai। arthaat double refineness (Refineness) hai। jiski buddhi divya hai, utni uski speed tej hogi। ek saikanda mein aur spashta roop mein chakkar laga sakenge। kyonki yahaan se hi sarva ko santushta arthaat sarva praapti karaane ka sanskaar bharna hai। tab hi, jab vishwa-mahaaraajan banenge to raajya mein koi apraapta vastu nahin,sada santushta, sarva praapti swaroop honge। to woh sanskaar kahaan se bharenge? yahaan se, isi vishwa-chakra ki yaadgaar ka samay bhi bahut mahatvapoorna gaaya ja raha hai। numaashaam ke samay ko ‘chakra ko samay’ gaaya jaata hai to yeh yaadgaar kaise bana? jab practical kiya tab hi,abhi tak bhi chakra lagaane ka yaadgaar kaayam hai। numaashaam arthaat parivartan ka samay, parivartan ka yeh yug hai na। to parivartan ka yug ka yaadgaar parivartan ke samay par banaaya hai। jitnaajitna chakravarti bankar chakra chalaayenge, utna chaaron or ka avaaz niklega ki ham logon ne jyoti dekhi, chalte hue pharishte dekhe, yeh aavaaz phailta jaayega aur jyoti ko pharishton ko dhoondhane niklenge ki kahaan se yeh jyoti aai hai,kahaan se yeh pharishte chakra lagaane aate hain। jaise aadi mein baap saakshaatkaar arth nimitta bane, ab ant mein baap sahit bachchon ko bhi nimitta banna hai। jaagte hue jaise dekhenge। svapna mein jaise achaanak kai drishya aa jaate hain na। to aise anubhav karenge tab hi science vaale bhi is vichitra leela ko jaanne aur dekhne ke liye sameep aayenge। aise vichitra nazaare bhi thode samay mein hi dekhenge aur sunenge। lekin parikrama lagaao tab to dekhenge na! aise kaise dekhenge?baithe-baithe aise anubhav karenge,jaise ki bahut door se koi rez (Rays) aayeen,kirnen aayeen aur kuchh jagaakar chali gayeen, aise bhi bahut anubhav karenge। iske liye kaha ki,abhi sampoorn moortta ban seva mein samay aur shaktiyaan lagaao। ghar baithe sab bhaagte hue dhoondhate hue aayenge। achha।

kamzoriyon ko door karne ka sahaj saadhan kaun sa hai? jo kuchh sankalp mein aata hai, woh baap ko arpan kar do। jo bhi aave woh baap ko saamne rakhte hue jimmevaari baap ko do, to svayan svatantra ho jaaenge। sirf ek dridh sankalp rakho ki‘main baap ka aur baap mera।’ jab mera baap hai,to mere ke oopar adhikaar hota hai na? adhikaari swaroop mein sthit honge to adheenta automatically nikal jaaegi। har second yeh chaik karo ki adhikaari stage par hoon? vishwa ke maalik ka main baalak hoon,yeh pakka hai?to ‘baalak so maalik।’

‘baap samaan sarva shaktiyon ka adhikaari master sarva-shaktivaan hoon’, is smriti ko baar-baar revise (REVISE) aur realise (Realize) karo, phir‘sada master sarva-shaktivaan anubhav karenge।’ teevra purushaarthi kabhi bhi kisi kaaran se thakenge nahin। kaaran ko nivaaran ka roop dete hue aage chalte jaayenge। bahut lucky (Lucky) ho, jo brahman parivaar mein brahman banne ki lottery mili hai। koton mein kou ko yeh lottery milti hai। kuchh bhi ho, kya bhi saamne aaye,lekin rookna nahin hai,hatna nahin hai, manzil ko paana hi hai,is ‘ek bal ek bharose’ke aadhaar par avashya pahoonchenge। guarantee hai। ‘dridh sankalp bachchon ka aur pahunchaana baap ka kaam।’

sada svayan ko baap ke saath rahne vaale hain, aise saatheepan ka anubhav karte ho?jab svayan‘sarvashaktivaan’saathi ban gaya to uska parinaam kya dikhaai dega? ‘sada vijayi।’bhakti mein bhi koi vighna aata hai to kya kehte hain?ek second ka saath de, to vighna mukta ho jaae। lekin abhi gyaan se baap ka sada saath,to jo baap ke sada saathi hain woh sada nirvighna hoga aur jo nirvighna hoga woh sada khush rahega। vighna khushi ko gaayab karte hain। agar master sarvashaktivaan bhi vighnon se pareshaan hon,to doosre bichaare kya honge! to master sarvashaktivaan kabhi bhi pareshaan nahin ho sakte।

kisi ke sanskaar-svabhaav ko na dekho, apne anaadi sanskaar-svabhaav ko dekho, baap ke svabhaav-sanskaar ko dekho। sunte hue bhi na sunne ki aadat hogi to hilenge nahin,paas ho jaayenge।

sabse sahaj baat kaun si hai jisko samajhne se sada ke liye sahaj maarga anubhav hoga? woh sahaj baat hai, sada apni jimmedaari baap ko de do। jimmevaari dena sahaj hai na। svayan ko halka karo to kabhi bhi maarga mushkil nahin lagega। mshkil tab lagta hai jab thakna hota ya ulajhte hain। jab sab jimmevaari baap ko de di to pharishte ho gaye। pharishte kab thakte hain kya? lekin yeh sahaj baat nahin kar paate tab mushkil ho jaata। galti se chhoti-chhoti jimmevaariyon ka bojh apne oopar le lete isliye mushkil ho jaata। bhakti mein kehte the - ‘sab kar do raam havaale’ - ab jab karne ka samay aaya tab apne havaale kyon karte? mera svabhaav, mera sanskaar - yeh mera kahaan se aaya? agar mera khatma, to nashto moha ho gaye। jab moh nashta ho gaya to sada smriti swaroop ho jaayenge। sab kuchh baap ke havaale karne se sada khush aur halke rahenge। dene mein phiraakdil bano, agar puraani keechadpatti rakh lenge to beemaari ho jaaegi।

‘nishchay buddhi ki nishaani hai sada nishchinta।’jo nishchinta hoga vahi ek ras rahega, dagmag nahin hoga। achal rahega। kuchh bhi hua, socho nahin। kyon,kya mein kabhi nahin jaao,trikaaldarshi ban nishchinta raho। har kadam mein kalyaan hai। jis baat mein akalyaan bhi dikhaai deta usmein bhi kalyaan samaaya hua hai,sirf antarmukhi ho dekho। braahmanon ka kabhi bhi akalyaan ho nahin sakta। kyonki kalyaankaari baap ka haath pakda hai na! akalyaan ko bhi woh kalyaan mein parivartan kar dega। isliye ‘sada nishchinta raho।’

sabhi sada santushta ho? sada santushta rahne vaala hi baap ke sameep rah sakta hai। santushtata sada baap ke sameep le jaane ka saadhan hai। santushtata nahin to sada baap se door hain। jo kuchh hota usko beeti so beeti karte hue,parakhne ki shakti se parakhte hue chalte chalo to sada santushta rahenge।

apne praapta kie hue khazaanon ko sadaiv chaik karte raho ki kitna khazaana aur kaun-kaun sa khazaana jama hai; aur kaun-sa nahin hai? samay bhi bade se bada khazaana hai, gyaan bhi khazaana hai,shaktiyaan aur divyagun bhi khazaana hai, to sabhi khazaane jama ho tab sampanna kahenge। sab hain ismen bhi santushta nahin rehna, lekin itna hai jo svayan bhi kha saken aur doosron ko bhi sampanna bana saken। jis roop mein uske paas kami hogi usi roop mein maaya aaegi। kyonki maaya badi chatur hai। isliye sarva khazaanon ko jama karte jaao, khaali nahin hone do। achha। om shanti।