सोमवार 20 जून 1977 की अव्यक्त मुरली

>

20-06-77om shanti avyakt baapdaadaamdhuban

sada sahajyogi banne ka saadhan hai - mahaadaani banna

sada har sankalp se seva karne vaale, udaarchitta aatmaaen, sada sarva khajaanon ki mahaadaani aatmaon ke prati baap-daada bole:-

sabhi brahman aatmaaen svayan ko sahajyogi va nirantar yogi ki shreshtha stage par sada sthit rahne ke purooshaartha mein, sabhi ka laksha sahajyogi banne ka hai। lekin apne kamzoriyon ke kaaran kabhi sahaj anubhav karte, kab mushkil। kamzori kahkar mushkil bana dete hain। vaastav mein harek shreshtha aatma va brahman aatma,master sarvashaktivaan aatma, trikaaldarshi,master gyaan saagar aatma koi bhi karma mein va sankalp mein mushkil anubhav nahin kar sakti। sahajyogi ke saath-saath aisi shreshtha aatma, svatah hoti hai। kyonki aisi shreshtha aatma ke liye baap aur seva - yahi sansaar hai। baap ki yaad aur seva ke brahman janma ke sanskaar hain। baap aur seva ke sivaae,na kuchh sansaar mein dikhaai deta hai, sanskaar mein aur koi sankalp utpanna ho sakta। kisi bhi manushyaatma ki buddhi sansaar mein sambandh aur praapti ki taraph hi jaati hai। brahman aatmaon ke liye sarva sambandh ka aadhaar aur sarva praapti ka aadhaar ek baap ke sivaae aur koi nahin। to svatah yogi banna mushkil hai va sahaj hai? na chaahte bhi buddhi vahaan aayegi jahaan sarva sambandh aur sarva praapti hai। to svatah yogi hue na? agar sahajyogi aur svatah yogi nahin hain;to avashya baap se sarva sambandh aur sarva praapti nahin hai । to svatah yogi hue na? agar sahajyogi aur svatah yogi nahin hai; to avashya baap se sarva sambandhon ka anubhav nahin hai। sarva sambandhon se baap ko apna nahin banaate hain। sarva praapti ka aadhaar ek baap hain। is anubhav ko apnaaya nahin hai।

ab sahajyogi banne ke liye kaun-sa prayatna karenge? sahajyogi banne chaahte ho na? to sada sahajyogi arthaat sada sahayogi। sada sahajyogi banne ka saadhan - sada apne ko sankalp dvaara, vaani dvaara aur har kaarya dvaara vishwa ke sarva aatmaon ke prati sevaadhaari samajh,seva mein hi sab kuchh lagaao। jo bhi brahman jeevan ke khazaane,baap dvaara praapta huye hai un sarva khazaanon ko aatmaon ki seva prati lagaao। jo baap dvaara shaktiyon ka khazaana,gunon ka khajaana, gyaan ka khajaana va shreshtha kamaai ke samay ka khajaana praapta hua hai, woh seva mein lagaao arthaat sahayogi bano। apni vritti dvaara vaayumandal ko shreshtha banaane ka sahayog do। smriti dvaara sarva ko master samartha shaktivaan swaroop ki smriti dilaao। vaani dvaara aatmaon ko svadarshan chakradhaari master trikaaldarshi banne ka sahayogi, karma dvaara sada kamal pushpa samaan rahne ka va karmayogi banne ka sandesh har karma dvaara do। apne shreshtha baap se sarva sambandhon ki anubhooti dvaara sarva aatmaon ko sarva sambandhon ka anubhav karaane ka sahayog do। apne roohaani samparka ke mahatva ko jaante hue, shreshtha samay ki soochna dene ka va samay pramaan vartamaan sangam ka ek second anek janmon ki praapti ke nimitta bana hua hai। ek kadam mein padmon ki kamaai bhari hui hai। aise samay ke khazaane ko jaante hue auron ko bhi samay par praapti hone ka parichay do। har baat dvaara sahayogi bano,to sahajyogi ban hi jaayenge।

sahayogi banna aata hai na? sahayogi vahi ban sakenge jo svayan khajaanon se sampanna hoga। sampanna aatma ko anek aatmaon ke prati mahaadaani banne ka sankalp svatah aayega। mahaadaani banna arthaat sahayogi banna aur sahayogi banna arthaat sahajyogi banna। mahaadaani sarva khazaane svayan prati kam use karenge,seva prati jyaada use karenge। kyonki anek aatmaon ke prati mahaadaani ban dena hi lena hai। sarva prati kalyaankaari banna hi svayan kalyaankaari banna hai। dhan dena arthaat ek se sauguna jama hota hai। to vartamaan samay svayan ke prati chhoteechhoti baaton mein, va cheenti samaan aane vaale vighnon mein apne sarva khazaane svayan prati lagaane ka samay nahin hai। behad ke sevaadhaari bano। to svayan ki seva sahaj ho jaaegi। phiraakdil se udaarchitta hokar praapti ke khajaanon ko baantate jaao। udaarchitta banne se svayan ka uddhaar sahaj ho jaaega। vighna mitaane mein samay lagaane ke bajaay seva ki lagan mein samay lagaao। aise mahaadaani bano,jo har sankalp,shvaans mein seva hi ho। to seva ki lagan ka phal, vighna sahaj hi vinaash ho jaaega। kyonki vartamaan pratyakshaphal praapta hone ka samay hai। abhi-abhi seva ka phal svayan mein khushi aur shakti ka anubhav karenge। lekin sachchi dil ki seva ho। sachchi dil par saahab raaji hota hai।

kai bachche kehte hain, seva to ham karte hain,lekin meva nahin milta,arthaat saphalta nahin milti। yeh kyon hota hai? kyonki seva do prakaar se karte hain। ek dil se aur doosri dikhaave se। arthaat naam praapta karne ke alpakaal ki ichchha se। jab beej hi alpakaal ka hai - aise beej ka alpakaal ka phal naameegraami banne ka to lete hain, to saphalta ka phal kaise milega। naam ki bhaavna ka phal, naam aur shaan ke roop mein to praapta ho hi jaata hai। dikhaava karne ka, sankalp karne ka beej hone ke kaaran sarva ke saamne dikhaaven mein aa hi jaate hain। sarva ke mukh se alpakaal ke liye mahima ka phal praapta ho jaata hai, ki service bahut achhi karte hain। jab alpakaal ki mahima ka phal mil gaya arthaat kachcha phal hi sveekaar kar liya, to sampoorn phal ki praapti arthaat pake hue phal ki praapti kaise ho sakti?result kya hogi? kachche phal ko sveekaar karne kaaran va alpakaal ki kaamna ki poorti hone ke kaaran sada shaktishaali nahin ban sakte। adhikaari nahin ban sakte। aur seva karte hue bhi kamzor hone ke kaaran, na svayan se sada santushta rahega, na sarva ko santushta kar sakega। sadaiv question mark mein rahega ki itna karte hue bhi kyon nahin hota? ye aise karta, yeh aise kyon karte? aisa nahin hona chaahiye, yeh hona chaahiye। isi question mein rahega। isliye sevaadhaari bhi dil se bano। sachchi dil se sevaadhaari banne ka vishesh lakshya kya hoga? dilsikasta aatma ko shaktishaali banaane vaale,kaise bhi avgun vaali aatma ho, gareeb aatma ho, lekin sada baap dvaara mile hue, gunon se daan dvaara gunon ke khazaane se gareeb ko saahukaar banaane ka shreshtha sankalp va shubh bhaavna rakhenge। aise sachchi dil vaale sevaadhaari sada pratyakshaphal se praapta hui aatma mein,saphalta moortta ko anubhav karegi। to aise sada sahayogi bano to sahayogi ka phal sahjayog praapta hoga। sada sahayogi banne se sada busy rahenge। sankalp mein bhi busy rahenge to vyartha ki shikaayten, jo svayan se va baap se karte ho, woh sab sahaj hi samaapta ho jaaegi।

sada har sankalp se seva karne vaale, alpakaal ke phal ka tyaag karne vaale,sada saphalta moortta banne vaale, har aatma ke uddhaar arth nimitta banne vaale,udaarchitta aatmaaen, sada baap aur seva mein tatpar rahne vaali sameep aatmaaen,sada sarva khajaanon ki mahaadaani aatmaaen, aisi shreshtha aatmaon ko baap-daada ka yaad-pyaar aur namaste।

party se

aatma ke sarva gunon ka anubhav kiya hai? jo svayan ke gun hain gyaan-swaroop,prem-swaroop va sukh, shakti,aananda swaroop - in sabhi gunon ka anubhav hai? aananda-swaroop va gyaan-swaroop ki stage kya hai, us stage par sthit hone ka anubhav hai? yeh anubhav karna arthaat sarva gunon ka anubhav karna hai। sirf shanti ko praapta karna svayan par hai। agar har gun ka anubhav hoga,to paristhiti ke samay bhi anubhav ke aadhaar se paristhiti ko badal dega,isliye vartamaan samay ka purooshaartha hai har gun ke anubhvi banna। aisa abhyaas chaahiye jaise sthool lift hoti hai, to jis number ka switch dabaao usmein hi pahunch jaaegi। to yeh buddhi ki lift hai,smriti ka switch on kiya aur pahunch jaaenge। kai baar aise bhi hota lift hote bhi kaam nahin karti, switch dabaate oopar ka aur aa neeche jaate, ya switch dabaaenge 2number ka pahanch jaaenge 3- 4mein। to aise to nahin hai?lift apne control mein honi chaahiye। agar na chaahte bhi neeche aa jaate to zaroor kuchh loose (Loose;dheela) hai। controlling power nahin। jo svayan ka svayan control nahin kar sakte woh raajya ka control nahin kar sakte,woh raajya ka control kaise karenge?vahaan raajya bhi lophul hai,prakriti bhi order par chalti। yahaan to prakriti dhokha de deti hai। to prakriti ke aadhikaari kaun banenge?jo svayan ke adhikaari hain। kisi bhi sankalp, svabhaav,vyakti va vaibhav ke adheen na ho - isko kaha jaata hai ‘adhikaari।’apne svabhaav ke bhi adheen nahin, mera svabhaav aisa hai isliye kar liya, to adheen hue na?adhikaari sada shaktishaali rehta।

vaah baba aur vaah drama ke geet gaate raho, to sada lagan mein magan rahenge,kyonki lagan mein magan vahi rah sakta hai jo saakshi hokar har part bajaata hai। jab geet koi gaata hai to usi mein magan ho jaata hai। aise yeh geet gaane vaale sada ek hi lagan mein magan rehte। ek baap doosra na koi yahi geet gaate raho। bahut lashkar hai। jitna bada lashkar hota hai,utna apna raajya sahaj hi praapta kar lete hain। itna bada lashkar hai to dilli par vijay hui padi hai। itne sab apne dridh sankalp se jo chaahen so kar sakte hain। woh aatmagyaani bhi jismaani tapasya se, alpakaal ki tapasya se alpakaal ki siddhi praapta kar lete hain। aap roohaani tapasvi parmaatmagyaani ho, unhonka sankalp kya karega। sadaiv vijayi ratna ki smriti rahne se maaya ke anek prakaar ke vighna aise samaapta ho jaaenge jaise kuchh tha nahin। jaise kaha jaata hai na - aise vijayi bano jo unka naamnishaan gum kar do। sada vijayi ka nasha va smriti rahegi,to maaya ke vighnon ka naam, nishaan nahin rahega। maaya ke vighna mari hui cheenti ke samaan hain to unse dhabraane vaale to nahin ho na? shoor,veer, mahaaveer vighnon se ghabraaenge nahin। vighnon ka samajh gae hona?kyon aate,kaise samaapta ho in sabka gyaan hai na। vighna aate hain aage badhaane ke liye। vighna aane se anubhvi aur majboot ho jaaenge। jaanne vaale gyaani-samajhdaar,vighnon se laabh uthaaenge,na ki ghabraaenge। vighna aaya hai - aage badhaane ke liye, yeh yaad aane se mahaaveer ho jaaenge। vyartha sankalpon se ghabraate to nahin? sankalp ke oopar vijay praapta karne vaale ghabraate nahin;ghabraaenge to maaya kamzor dekh aur vaar karegi। dekhegi bahaadur hain to vidaai le legi।