बुधवार 18 जनवरी 1978 की अव्यक्त मुरली

>

18-01-78om shanti avyakt baapdaadaamdhuban

baap-daada ki seva ka return

sada ateendriy sukh va khushi ke jhoole mein jhoolaane vaale sukh ke saagar paramatma shiv bole

aaj smriti divas arthaat samarthi divas par sab bachchon ne apni-apni lagan anusaar bhinna-bhinna roop se yaad kiya। baap-daada ke paas chaaron or ke snehi sahayogi shakti swaroop samparka vaali aatmaon ke sab roop ki yaad vatan tak pahunchi। baap-daada dvaara harek bachche ki jaisi yaad vaisa return usi samay mil jaata hai। jis roop se jo yaad karta hai usi roop se baap-daada bachchon ke aage pratyaksha ho hi jaata hai। jo yogi tu aatma hai use yog ki vidhi mil jaati hai। kai bachche yogi tu aatma ki bajaay viyogi aatmaaen ban jaati hain। jis kaaran milan ki bajaae judaai ka anubhav karte hain। yogi tu aatma sada baap-daada ke dil takhtansheen hoti। dil kabhi door nahin hota। viyogi aatmaaen viyog ke dvaara baap-daada ko saamne laane ka prayatna karti hain। vartamaan ko bhool beeti ko yaad karti hain। is kaaran baap-daada kab pratyaksha dikhaai dete, kab parde ke andar chhipa hua dikhaai dete। lekin baap-daada sada bachchon ke aage pratyaksha hain। bachchon se chhip nahin sakta। jabki baap hai hi bachchon ke prati, jab tak bachchon ka sthaapna ke karttavya ka part hai tab tak baap-daada bachchon ke har sankalp aur second mein saath-saath hain। baap ka vaayda hai saath chalenge- kab chalenge?jab kaarya samaapta hoga। to pahle hi baap ko kyon bhej dete hain। baba chala gaya yeh kah avinaashi sambandhon ko vinaashi kyon banaate ho। sirf part parivartan hua hai। jaise aap log bhi seva sthaan change(Change) karte ho na। to brahma baap ne bhi seva sthaan change kiya hai। roop vahi,seva vahi hai। hazaar bhuja vaale brahma ke roop ka vartamaan samay part chal raha hai tab to saakaar srishti mein is roop ka gaayan aur yaadgaar hai। bhujaaen baap ke bina karttavya nahin kar sakteen। bhujaaen baap ko pratyaksha kara rahi hain। karaane vaala hai tab to kar rahe hain। jaise aatma ke bina bhuja kuchh nahin kar sakti vaise baap-daada combined (Combined) roop ki soul (Soul) ke bina bhujaaen roopi bachche kya kar sakte। har karttavya mein ant tak pahle kaarya ka hissa brahma ka hi to hai। brahma arthaat aadi dev। aadi dev arthaat har shubh kaarya ki aadi karne vaala। baap-daada ke aadi karne ke bina arthaat aarambha karne ke bina koi bhi kaarya saphal kaise ho sakta। har kaarya mein pahle baap ka sahayog hai। anubhav bhi karte ho, varnan bhi karte ho phir bhi kab-kab bhool jaate ho। prem ke saagar mein prem ki lahron mein kya ban jaate ho। lahron se khelna hai, na ki lahron ke vasheebhoot ho jaana hai। gungaan karo lekin ghaayal nahin bano। baap dekh rahe hain ki bachche mere saathi hain aur bachche judaai ka parda daal dekhte rehte hain। phir dhoondhane mein samay ganvaate hain। haazir hajoor ko bhi chhipa dete। agar aankh michauni ka khel achha lagta hai to khel samajhkar bhale khelo lekin swaroop nahin bano। bahlaane ki baaten nahin suna rahe hain। aur hi seva ki speed (Speed) ko ati teevra gati dene ke liye sirf sthaan parivartan kiya hai। isliye bachchon ko bhi baap samaan seva ki gati ko ati teevra banaane mein busy (Busy) rehna chaahiye। yeh hai sneh ka return । baap jaante hain bachchon ko baap se ati sneh hai lekin baap ka bachchon ke saath-saath seva se bhi sneh hai। baap ke sneh ka pratyaksha swaroop seva se sneh hai। jaise pal-pal baba-baba kehte ho vaise har pal baap aur seva ho tab hi seva kaarya samaapta hoga aur saath chalenge। ab baap-daada harek bachche ko light-might house (Light Might House) ke roop mein dekhte hain। mike powerful (Powerful) ho gae hain। lekin light,might aur mike teenon hi powerful (Powerful) saath-saath chaahiye। aavaaz mein aana sahaj lagta hai na। ab aisi powerful stage banaao jis stage se har aatma ko shanti, sukh aur pavitrata ki teenon hi lights (Light) apni might (Might) se de sako। jaise saakaari srishti mein jis rang ki light (Light) jalaate ho to chaaron or vahi vaataavran ho jaata hai। agar hari light (Light) hoti hai to chaaron or vahi prakaash chha jaata hai। ek sthaan par hote hue bhi ek light (Light) vaataavran ko badal deti hai jaise aap log bhi jab laal light (Light) karte ho to automatically yaad ka vaayumandal ban jaata hai। aise jab sthool light vaayumandal ko parivartan kar leti hai to aap light house pavitrata ki light se va sukh ki light se vaayumandal nahin bana sakte ho? sthool light aankhon se dekhte। roohaani light anubhav se jaanenge। vartamaan samay is roohaani lights dvaara vaayumandal parivartan karne ki seva hai। suna ab seva ka kya roop hona hai। donon seva ab saath-saath hon। mike aur might tab sahaj saphaltaamoortta ban jaayenge।

party ke saath baatcheet

1. behad baap ko bhi had ke number lagaane padte hain। nahin to baap aur bachchon ka milna din-raat kya hai? aapki duniya mein yeh sab baaten hain। vahaan to sab baap ke sameep hain। bindu kya jagah legi, yahaan to shareer ko jagah chaahiye, vahaan sameep ho hi jaayenge। yahaan harek aatma samajhti ham sameep aayen। jitna jo baap ke gunon mein,sthiti mein sameep utna vahaan sthaan mein bhi sameep,chaahe ghar mein,chaahe raajya mein। sthiti sthaan ke sameep laati hai। yahi kamaal hai jo harek samajhta hai main sameep aur sameep ka anubhav bhi karta hai kyonki behad ka baap akhut hai, akhanda hai isliye sabhi sameep ho sakte hain। santushta rehna aur karna। yahi vartamaan samay ka slogan hai। asantushta arthaat apraapti। santushta arthaat praapti। sarva praapti vaale kabhi bhi asantushta nahin ho sakte।

2. sada apne ko godly (Godly) student (Student) samajhte ho?godly student life (Godly Student Lift) sabse best (Best) gaai jaati hai। aise sada best (Best) arthaat shreshtha jeevan ka anubhav karte ho। jaise student (Student) sada hansate,khelte aur padhte rehte aur koi baat buddhi mein vighna roop nahin banti aise hi padhna, padhaana nirvighna rehna,baap ke saath uthna,baithna,khaana peena yeh hai godly student life। laukik mein rehte bhi baap ka saath hai na। chaahe kahaan bhi shareer rahe lekin man baap aur seva mein lage rahe। khaana,peena, chalna sab baap ke saath iski hi mahima hai। jo priy vastu hoti uska saath chhodna mushkil hota hai saath rehna,yog lagna mushkil nahin, yog tootna mushkil - aise anubhvi ko kaha jaata hai godly student life। jisko chhodna mushkil hai,todna mushkil hai lekin saath rehna mushkil nahin, yahi best life hai। sada hansate raho aur gaate raho aur baap ke saath chalte raho। aisa saath saare kalpa mein nahin mil sakta। sangam par bhi agar aur kisi ko dhoondho to milega? nahin na। baap ne aapko dhoondha ya aapne? dhoondhate to aap bhi the,raasta wrong liya। dhoondhana to tha baap ko,dhoondha bhaaiyon ko isliye dhoondh nahin sake।

3. svayan ke purooshaartha mein aur seva mein sada vriddhi hoti rahe uska sahaj saadhan kaun sa hai? vriddhi ka sahaj saadhan hai amritvele se lekar vidhipoorvak chalna to jeevan vriddhi ko paayega। koi bhi kaarya saphal tab hota jab vidhi se karte। brahman arthaat vidhipoorvak jeevan। agar kisi bhi baat mein svayan ke purooshaartha va seva mein vriddhi nahin hoti to zaroor koi vidhi ki kami hai। chaik karo ki amritvele se lekar raat tak mansa-vaacha-karmana va samparka vidhipoorvak raha arthaat vriddhi hui?agar nahin to kaaran ko sochkar nivaaran karo। phir dilshikasta nahin honge। agar vidhipoorvak jeevan hogi to vriddhi avashya hogi। achha