मंगलवार 24 जनवरी 1978 की अव्यक्त मुरली

>

24-01-78om shanti avyakt baapdaadaamdhuban

nirantar sevaadhaari

sada mahaadaani aur vardaani, nirantar yogi va nirantar sevaadhaari banaane vaale vishwa kalyaankaari satguru shivbaaba bole –

aaj baap-daada harek bachche ke mastak beech chamakta hua sitaara kaho ya heera kaho, dekhte hue harshit ho rahe hain। harek ki chamak nyaari aur pyaari thi। in chamakte hue sitaaron se har aatma ki takdeer ki lakeeren spashta dikhaai deti hain। baap-daada ko naaz hai, kaise-kaise bichhde hue bachche apna bhaagya banaane liye kitna gupta aur pratyaksha purooshaartha kar rahe hain। bachchon ka nasha aur teevra purooshaartha dekh baap bhi bachchon par balihaar jaate hain arthaat bachchon ke gale ka haar ban jaate hain। jaise haar sada gale mein piroye hue hota hai, vaise bachchon ke mukh mein, naynon mein, buddhi mein baap hi samaaya hua hai,arthaat baap ko apne gale ka haar banaaya hai। aaj baap-daada bachchon ke geet ga rahe the। aaj kaun sa-geet gaaya। bachchon ki mahima ka। har bachche ko baap ko pratyaksha karne ka umang dekha। sivaay bachchon ke, baap pratyaksha ho bhi nahin sakta। to baap ko bhi pratyaksha karne vaale kitne shreshtha thahre?itna nasha ya seva ki smriti sada rahe। jaise baap avinaashi hai,aatma avinaashi hai,sarvapraapti sangamayug ki avinaashi hai,aise hi smriti ya nasha bhi avinaashi hai?antar nahin hona chaahiye। antar aana arthaat mantra ko bhoolna। agar mantra yaad hai to nashe mein antar nahin ho sakta।

aaj to baap-daada milne aaye hain sunaaya to bahut hai lekin aaj sunaaye hue ka swaroop dekhne aaye hain swaroop mein kya dekh rahe hain? service bahut achhi ki,anek agyaani aatmaon ko smriti arthaat jaagrata dilaai। dehli ki dharni ne sarva brahman aatmaon ko halchal mein laaya। abhi question utha hai ki yeh kaun hai aur yeh karttavya kya hai? jaise soye hue manushya ko jagaaya jaata hai,aankh kholte thoda sa neend ka nasha hone kaaran yeh question karta hai, kaun hai? kya hai aise dehli nivaasi agyaani aatmaon ko bhi question zaroor utha hai ki yeh kya hai kaun hain? sunne aur dekhne mein antar anubhav kiya। sab nazar braahmanon ko dekh itna zaroor anubhav karti hai ki kamaal hai। saadhaaran kanyaaon maataaon ne gupta mein hi itni sena taiyaar kar li hai। aisa kab socha nahin tha-samjha nahin tha। sabki divya soorton ne baap-daada ki moortta ko karttavya dvaara logo ke saamne pratyaksha zaroor kiya hai। abhi sirf halchal machaai hai। jaise dharni mein pahle hal chalaate hain na-aur hal chalaate hue beej daala jaata hai aise apne bhavishya raajdhaani mein ya apni aadi dharni mein halchal roopi hal chala -- koi taakat hai,koi shakti hai, saadhaaran vyaktiyaan nahin hain, halchal ke saath yeh beej daala hai। sammukh na dekhte hue bhi chaaron or yeh dhoom machaai hai ki yeh kaun hai aur kya hai? gavarnmenta ke kaanon tak yeh aavaaz pahunchi hai। abhi is beej ko vaani dvaara aur yaad ki shakti dvaara phaleebhoot karna hai। lekin ab tak jo kiya woh bahut achha kiya।

baap-daada videsh se aaye hue bachchon ko ya bhaarat se aaye hue bachchon, jinhonne bhi seva mein anguli di arthaat apne raajya ka foundation daala unhein dekh harshit hote hain। yeh conference braahmanon ki apni-apni raajdhaani ke adhikaari banne ka foundation ston saireemni thi। isliye koi bhi videsh ke centres ki aatmaaain ya bhaarat mein bhi koi zone raha nahin। yeh ki hui gupta seva thode samay mein pratyaksha roop dikhaavegi। abhi to gupta vesh mein apna foundation ston daala hai। arthaat beej daala hai। lekin samay pramaan yahi beej phal ke roop mein aap sab dekhenge। yahi duniya ke log aapka aahvaan karenge, aajayaan karenge। (sabhi ki khaansi ki aavaaz hoti hai।) bahut mehnat ki hai kya? prakriti ka prabhaav jyaada ho gaya hai iska phal bhi mil jaavega। videshi aatmaon ko yeh bhi anubhav karna bahut zaroori hai ki jaisa mausam vaisa svayan ko chala saken। yeh bhi anubhav chaahiye। harek chhote bade ka is seva mein mahatva raha। mehnat bhi achhi ki hai,pahla foundation yeh question utha hai, ab dobaara phir question ka uttar milega। aaj baap-daada yeh rooh roohaan kar rahe the। aage ke liye bhi jaise nirantar yogi ka vardaan baap dvaara praapta hua hai vaise hi nirantar sevaadhaari। sote hue bhi seva ho। sote hue bhi koi dekhe to aapke chehre se shanti, aananda ke vibration anubhav karen। isliye kaha jaata hai ki badi meethi neend thi। neend mein bhi antar hota hai। har sankalp mein har karma mein sada service samaai hui ho isko kaha jaata hai nirantar sevaadhaari। baap aur seva। jaise baap ati pyaara lagta hai-baap ke bina jeevan nahin, aise hi seva ke bina jeevan nahin। aise nirantar yogi aur nirantar sevaadhaari sada vighnavinaashak hote hain। baap ki yaad aur seva। yeh double lock lag jaata hai। isliye maaya aa nahin sakti। chaik karo ki sada double lock rehta hai। agar single lock hai to maaya ke aane ki margin rah jaati hai। isliye baar-baar attention do ki baap ki yaad aur seva mein tatpar hain? sada yeh yaad rakho ki sarva karmendriyon dvaara baap ki yaad ki smriti dilaane ki seva karte rehte hain? har sankalp dvaara vishwa kalyaan arthaat light house ka karttavya karte rehte hain?har second ki powerful vritti dvaara chaaron or powerful vibration phailaate rehte hain arthaat vaayumandal parivartit karte rehte hain। har karma dvaara har aatma ko karmayogi bhav ka vardaan dete rehte hain? har kadam mein svayan prati padmon ki kamaai jama karte ja rahe hain?to sankalp,samay, vritti aur karma chaaron ko seva prati lagaao। isko kaha jaata hai nirantar sevaadhaari arthaat serviceable। achha

jaise madhuban mein mela hai vaise ant mein aatmaon ka mela bhi hone vaala hai। madhuban achha lagta hai ya videsh achha lagta hai। madhuban kisko kaha jaata hai? jahaan braahmanon ka sangathan hai woh madhuban hai to harek videsh ke sthaan ko madhuban banaao। madhuban banaavenge to baap-daada bhi aayenge। kyonki baap ka vaayda hai ki madhuban mein aana hai। to jahaan madhuban vahaan baap-daada। aage chal kar bahut wonders dekhenge। abhi jaise bhaarat ki sankhya badhti ja rahi hai vaise thode samay mein videsh ki sankhya badhaao। jahaan rehte ho vahaan chaaron or aavaaz phail jaae। question utpanna ho ki yeh kaun hai aur kya hai। jab aise sangathan taiyaar karenge to jahaan sangathan hai vahaan baap-daada bhi haazir naazir hain।

vahaan khushi hoti ya yahaan aane mein khushi hoti। kitna bhi kaho phir bhi bada-bada hai, chhota-chhota hai। kyonki direct saakaar tan ki janmabhoomi aur karmabhoomi, charitra bhoomi ka vishesh mahatva to hai hi। tab to bhakti mein bhi kuchh nahin hote hue sthaan ka mahatva hai। moorti puraani hogi aur ghar mein bahut achhi sundar moorti hogi bhakta phir bhi sthaan ka mahatva dete hain। to sthaan ka mahatva hai lekin apni phulvaadi ko badhaao। madhuban jaisa naksha banaao। jab mini madhuban bhi hoga to sabhi ko aakarshan hogi dekhne ki। achha

baap- daada vartamaan seva ki thanks dete hain aur bhavishya seva ke liye phir smriti dilaate hain। baap-daada ko bachchon se jyaada sneh kaho ya shubh mamta kaho, maa ki bachchon mein mamta hoti hai na, tadaphte nahin hain lekin sama jaate hain। udaas nahin hote lekin bachchon ko sammukh emerge kar sneh ke saagar mein sama jaate hain। baap ka sneh hai tab to aapko bhi sneh utpanna hota hai na। sneh hai tab to avyakt se bhi vyakta mein aate hain।

aise sneh ke bandhan mein baandhane vaale, sneh se baap ko pratyaksha karne vaale, seva dvaara vishwa ke kalyaan arth nimitta bane hue, sada mahaadaani aur vardaani, aise nirantar yogi nirantar sevaadhaari bachchon ko baap-daada ka yaad, pyaar aur namaste।