रविवार 3 दिसंबर 1978 की अव्यक्त मुरली

>

03-12-78om shanti avyakt baapdaadaamdhuban

paap aur punya ki guhya gati

paap aur punya ki gati ko samjhaane vaale, mahaakaal shivbaaba boleh -

aaj baap-daada sarva bachchon ko vishesh abhyaas ki smriti dila rahe hain - ek second mein is aavaaz ki duniya se pare ho aavaaz se pare duniya ke nivaasi ban sakte ho। jitna aavaaz mein aane ka abhyaas hai sunne ka abhyaas hai, aavaaz ko dhaaran karne ka abhyaas hai vaise aavaaz se pare sthiti mein sthit ho sarva praapti karne ka abhyaas hai?jaise aavaaz dvaara ramneekta ka anubhav karte ho,sukh ka anubhav karte ho aise hi aavaaz se pare avinaashi sukh-swaroop ramneek avastha ka anubhav karte ho! shant ke saath-saath ati shant aur ati ramneek sthiti ka anubhav hai! smriti ka switch on kiya aur aisi sthiti par sthit hue। aisi roohaani lift ki gift praapta hai?sada ever ready ho। second ke ishaare se ekras sthiti mein sthit ho jaao। aisa roohaani lashkar taiyaar hai? va sthit hone mein hi samay chala jaayega। ab aisa samay aane vaala hai jo aise satya abhyaas ke aage anekon ke aythaartha abhyaas svatah hi pratyaksha ho jaayenge। kehna nahin padega ki aapka abhyaas aythaartha hai - lekin yathaartha abhyaas ke vaayumandal,vibration dvaara svayan hi siddha ho jaayega। aisa sangathan taiyaar hai? abhi samay anusaar anek prakaar ke log checking karne aayenge। sangathit roop mein jo challenge karte ho ki ham sab brahman ek ki yaad mein ekras sthiti mein sthit hone vaale hain - to brahman sangathan ki checking hogi। indeevijyuval (Individual) to koi badi baat nahin hain lekin aap sab vishwa kalyaankaari vishwa parivartak ho - vishwa sangathan,vishwa kalyaankaari sangathan vishwa ko apni vritti va vibration dvaara va apne smriti swaroop ke samarthi dvaara kaise seva karte hain- uski checking karne bahut aayenge। aaj ki science dvaara silence shakti ka naam baala hoga। yog dvaara shaktiyaan kaun si aur kahaan tak phailti hain unki vidhi aur gati kya hoti hai yeh sab pratyaksha dikhaai denge। aise sangathan taiyaar hain ? samay pramaan ab vyartha ki baaton ko chhod samarthi swaroop bano। aise vishwa sevaadhaari bano। itna bada kaarya jiske liye nimitta bane hue ho usko smriti mein rakho। itne shreshtha kaarya ke aage svayan ke purooshaartha mein halchal va svayan ki kamzoriyaan kya anubhav hoti hain? apni kamzoriyaan,itne vishaal kaarya ke aage kya anubhav karte ho,achhi lagti hain va svayan se hi sharma aata hai? challenge aur practical samaan hona chaahiye। nahin to challenge aur practical mein mahaan antar hone se sevaadhaari ke bajaae kya title mil jaavega? aise karne vaali aatmaayen anek aatmaon ko vanchit karne ke nimitta ban jaateen, punya aatma ke bajaae bojh vaali aatmaaen ban jaati hain - is paap aur punya ki gahan gati ko jaano। paap ki gati shreshtha bhaagya se vanchit kar deti। sankalp dvaara bhi paap hota hai। sankalp ke paap ka bhi pratyakshaphal praapta hota hai। sankalp mein svayan ki kamzori, kisi bhi vikaar ki - paap ke khaate mein jama hoti hi hai। lekin anya aatmaon ke prati sankalp mein bhi kisi vikaar ke vasheebhoot vritti hai to yeh bhi mahaapaap hai, kisi anya aatmaon ke prati vyartha bol bhi paap ke khaate mein jama hota hai। aise hi karma arthaat sambandh aur samparka dvaara kisi ke prati shubh bhaavna ke bajaae aur koi bhi bhaavna hai to yeh bhi paap ka khaata jama hota hai - kyonki yeh bhi duhkh dena hai। shubh bhaavna punya ka khaata badhaati hai। vyartha bhaavna va ghrina ki bhaavna va eeshya ki bhaavna paap ka khaata badhaati hai isliye baap ke bachche bane, varse ke adhikaari bane arthaat punya aatma bane,yeh nishchay,yeh nasha to bahut achha। lekin nasha aur eershya mix nahin karna। baap ke banne ke baad praapti anginat hai lekin punya aatma ke saath paap ka bojh bhi sau guna ke hisaab se hai। isliye itne albele bhi mat banna। baap ko jaana aur varse ko jaana, brahmaakumaar kahlaaya - isliye ab to punya hi punya hai, paap to khatma ho gaya va sampoorn ban gaye aisi baat na sochna - brahmaakumaar jeevan ke niymon ko bhi dhyaan mein rakho। maryaadaayen sada saamne rakho। punya aur paap donon ka gyaan buddhi mein rakho। chaik karo punya aatma kahlaate hue mansa-vaacha- karmana koi paap to nahin kiya, kaun sa khaata jama hua - kisi bhi prakaar ki chalan dvaara baap va knowledge ka naam badnaam to nahin kiya। baap ke paas to harek ka khaata spashta hai lakin svayan ke aage bhi spshta karo। apne aapko chalaao mat arthaat dhokha mat do -yeh to hota hi hai,woh to sab mein hain! bhale sab mein ho lekin main safe hoon - aisi shubh kaamna rakho - tab vishwa sevaadhaari ban sakenge। sangathit roop mein ekmat ekras sthiti ka anubhav kara sakenge। ab tak bhi paap ka khaata jama hoga to chuktu kab karenge, anya aatmaon ko punya aatma banaane ke nimitta kaise banenge। isliye albelepan mein bhi paap ka khaata banaana banda karo। sada punya aatma bhav ka vardaan lo। agyaani log yeh salogan kehte - bura na suno, na dekho, na socho - ab baap kehte vyartha bhi na suno, na sunaao aur na socho। sada shubh bhaavna se socho,shubh bol bolo, vyartha ko bhi shubh-bhaav se suno - jaise science ke saadhan buri cheez ko parivartan kar achha bana dete, roop parivartan kar dete to aap sada shubhchintak,sarva aatmaon ke bol ke bhaav ko parivartan nahin kar sakte ?sada bhaav aur bhaavna shreshtha rakho to sada punya aatma ban jaayenge। svany ka parivartan karo na ki anya ke parivartan ka socho। svany ka parivartan hi anya ka parivartan hai। ismen pahle main,aisa socho - is marjeeva banne mein hi maza hai। isi ko hi mahaabli kaha jaata hai। ghabraao nahin। khushi se maro- yeh marna to jeena hi hai,yahi sachcha jeevdaan hai।

aapka pahla vachan kya hai? ek baap doosra na koi arthaat marna। naam marna hai lekin sab kuchh paana hai - nibhaana mushkil lagta hai kya? hai sahaj sirf parivartan karna nahin aata - bhaav aur bhaavna ka parivartan karna nahin aata। vaah drama vaah! jab kehte ho to yeh sab kya hua। har baat vaah-vaah ho gai na ! haay-haay khatma kar do,vaah-vaah aa jaati hai। vaah baap, vaah drama aur vaah mera part। isi smriti mein raho to vishwa vaah-vaah karega। mushkil tab lagta hai jab baap ke saath ko bhool jaate ho - baap ko saathi banaakar mushkil ko sahaj kar sakte ho। akele hone se bojh anubhav karte ho। to aise saathi banaakar mushkil ko sahaj banaao। achha –

sada sahayogi, svayan ke parivartan dvaara vishwa parivartan karne vaale, har sankalp aur har second mein punya ka khaata jama karne vaale,apni samarthi dvaara vishwa ko samartha banaane vaale,aise mahaan,sada shreshtha punya aatmaon ko baap-daada ka yaad pyaar aur namaste।

party se mulaakaat

1. sada baap dvaara mila hua mahaamantra yaad rehta hai? kitna sahaj hai mantra। isi mantra se sarva duhkhon se paar ho sukh ke saagar baap samaan ban jaate ho koi bhi prakaar ka duhkh aata hai to mantra liya aur duhkh gaya। abhi duhkh ki lahar bhi nahin aa sakti। svapna mein bhi, zara bhi duhkh ka anubhav na ho,tan beemaar ho jaae, dhan neeche oopar ho jaae,kuchh bhi ho lekin duhkh ki lahar andar nahin aani chaahiye। lahar cross kar chali jaae। saagar mein kabhi nahaaya hai ? lahar aati hai to jump kar paar kar jaate hain -agar tareeka aata hai to usmein nahaane ka sukh lete, nahin to doob jaate। to lahron mein lahraana aata hai ya doob jaate ho? saagar ke bachche doob to nahin sakte। lahar ko cross karo jaise ki khel kar rahe hain। duhkh ke din samaapta ho gaye।

2.vijayi bhav ke vardaan se maaya ko vidaai -baap-daada dvaara sada vijayi bhav ka vardaan praapta hua hai ? jab alaukik janma liya to saugaat va janma ka vardaan baap ne ‘‘vijayi bhav’’ka diya। jab yeh vardaan yaad rehta hai to maaya vidaai le leti hai। maaya moorchhit ban jaati hai, saamna nahin kar sakti। jaise sher ke aage bakri kya karegi? dekhte hi murchhit ho jaayegi na। to jab yeh vardaan smriti mein rehta to maaya saamna nahin kar sakti। maaya ka raajya to abhi samaapta hone vaala hai, yeh to sirf jaise koi hath se aage kiya jaata hai vaise thoda sa saans hote hue maaya apna hath dikha rahi hai। maaya shaktishaali nahin। aur aap sab hain ma. sarvashaktivaan। ma. sarvashaktavaan ke aage shaktiheen maaya kya kar sakti? jaise kalpa pahle bhi kaha yeh sab mare hue hain, aise hi yeh maaya bhi mari hui hai,jinda nahin hai, sirf nimitta maatra vijayi banna hai। achha –

3. vijayeepan ke nashe se sarva aakarshanon se pare –

sada apne ko roohaani shastradhaari shakti sena ya paandavsena samajhte ho ? to sena ko va yoddhaaon ko sadaiv kya yaad rehta hai? vijay। to sadaiv vijay ka jhanda apne mastak par lahraaya hua anubhav karte ho? sada vijay ka jhanda lahraane vaale vijayi ratan ho na? aise vijayi ratnon ka yaadgaar baap ke gale ka haar aaj tak pooja jaata hai। harek ko yeh nasha rehna hi chaahiye ki main gale ka haar hoon। vijayi ki nishaani sada harshit honge। kisi bhi prakaar ke aakarshan se pare honge। kya bhi ho jaae lekin baap jaisa aakarshan swaroop koi hai kya ? to sabse sundar kaun ? shiv baba hai na to sadaiv baap ki yaad rahe, usi aakarshan mein aakarshit raho phir koi aakarshan aakarshit nahin kar sakta। agar koi bhi aapko apna raajyabhaag dene aaye to lenge? (nahin) kyon?kyonki aajkal ke prezeedenta ki kursa kaanton ki kursa hai। taajtakhta chhodkar kaanton ki kursa kaun lega? aaj hai kal nahin। sada is nashen mein raho ki hamko jo mila woh kisi ko mil nahin sakta। abhi yeh president chaahe to svarga mein aayega? jab tak baap ka na bane tab tak svarga mein nahin aa sakte। yahin rah jaayenge। ham svarga mein jaayenge, aisa nasha aur khushi rahe - ham vishwa ke maalik ke baalak hain। sada bhaagya ka suhaag praapta hai - to sada suhaagin ho gai na।

4. chalta-phirta chaitanya aakarshak karne vaala board ‘‘khushi ka chehra’’ –

jo bhaagyashaali hote hain woh sada khush aabaad hote hain। jo bhi dekhe to khushi ka khazaana dekhte hue khazaane ke taraph aakarshit ho jaaye, vaise bhi dekho koi amoolya cheez rakhi hogi to na chaahte bhi sab aakarshit hote hain, to jinhon ke paas khushi ka khazaana hai, to uske peechhe to svatah hi sarva aakarshit honge। khushi ka chehra chalta-phirta chaitanya aakarshit karne vaala board hai। jahaan jaayega baap ka parichay dega। khushi ka chehra dekhenge to banaane vaale ki yaad zaroor aayegi jab ek board itnon ko parichay deta aap itne chaitanya board kitnon ko parichay dete honge - itne aakarshan karne vaale board taiyaar ho jaaen to aur bhi jagah badi karni padegi।

5. baap-daada ka sarvashreshtha shrringaar - santushtamni

jo santushta maniyaan hain vahi baap ka shreshtha shrringaar hain। jo sada santushta rehte hain unhein santushtamni kaha jaata hai। sada santushtata ki jhalak mastak se chamakti rahe, aise hi saakshaat-moortta ban sakte hain। baapdaada har ratna ko apna shrringaar samajhte hain। apne ko aise shreshtha shrringaar samajhkar sada khushanseeb rehte ho? aisa naseeb ya aisi takdeer saare kalpa mein bhi kisi ki nahin ho sakti। naseebvaan to sada khushi mein naachte rahenge। baap-daada ko jitni khushi hoti hai usse jyaada bachchon ka honi chaahiye, bhatakte hue ko thikaana mil jaae ya pyaase ki pyaas bujh jaaye to woh khushi mein naachega na। aisi khushi mein raho jo koi udaas aapko dekhe to woh bhi khush ho jaae,uski udaasi mit jaae।

6.’’vishesh aatmaon ka vishesh karttavya’’har karma par attention

jo karma main karoonga mujhe dekh sab karenge aisa attention har karma par rakhna yahi vishesh aatmaon ka karttavya hai। har karma aisa ho jo sabhi dekhkar‘‘vansa mor’’karen। jaise drama mein jo vishesh paartadhaari hote,jinhen hero paartadhaari kehte hain unka apne oopar kitna attention rehta hai, har kadam soch-samajhkar uthaayenge,kyonki sab ki nazar hero par hoti hai। to itna attention rakhkar chalo।