मंगलवार 12 दिसंबर 1978 की अव्यक्त मुरली

>

12-12-78om shanti avyakt baapdaadaamdhuban

paropkaari kaise banen?

gunon ke saagar, sada daata, sarvashaktivaan shivbaaba boleh -

aaj roohaani phulvaadi arthaat sada roohe gulaab bachchon ke sangathan ko dekh baapdaada harek bachche ki visheshta ko dekh rahe hain। teen prakaar ki visheshtaayen hain। ek sada apni roohaaniyat ki sthiti mein rahne vaale arthaat sada khile hue, doosre roohaaniyat ki sthiti anusaar sadaakaal khile hue nahin hain lekin nishchay swaroop hone kaaran roop ki sundarta achhi hai। teesre baap se sneh aur sambandh ke aadhaar se aadhe khile hue hote bhi sneh aur sambandh ki khushbu samaai hui hai। aise teenon prakaar ke roohe gulaabon ki phulvaadi ko dekhte baap-daada sada khushbu lete rehte। ab apne aap ko dekho main kaun hoon। number one bannen mein jo kuchh kami rah gai hai usko sampanna kar sampoorn bano। kyonki sampoorn baap ke bachche bhi baap samaan sampoorn chaahiye। harek bachche ka lakshya bhi sampoorn banne ka hai - to lakshya pramaan sarva lakshan svayan mein bharkar sampanna bano। iske liye vishesh dhaarna pahle bhi sunaai hai - sada brahmaachaari arthaat brahmachaari aur sada paropkaari।

paropkaari ki paribhaasha sahaj bhi hai aur ati guhya bhi hai। 1. paropkaari arthaat har samay baap samaan har aatma ke gunmoortta ko dekhte। 2.paropkaari kisi ki bhi kamzori va avgun ko dekhte apni shubh bhaavna se sahayog ki kaamna se avgun ko dekhte us aatma ko bhi gunvaan banaane ki shakti ka daan denge। 3.paropkaari arthaat sada baap samaan svayan ke khazaanon ko sarva aatmaon ke prati dene vaale daata roop honge। 4. paropkaari sada svayan ko khazaanon se sampanna begampur ke baadshaah anubhav karenge। begampur arthaat jahaan koi gam nahin। sankalp mein bhi gam ke sanskaar anubhav na hon। 5.paropkaari arthaat sadaiv vishesh roop se apni mansa arthaat sankalp shakti dvaara, vaani ki shakti dvaara, apne sang ke rang ke dvaara,sambandh ke sneh dvaara, khushi ke akhut khazaane dvaara akhanda daan karta rahega। koi bhi aatma samparka mein aave to khushi ke khazaane se sampanna hoke jaae। aise akhanda daani honge। vishesh samay va samparka vaale arthaat koi-koi aatmaon ke prati daani nahin lekin sarva ke prati sada mahaadaani honge। paropkaari svayan maalaamaal hone ke kaaran kisi bhi aatma se kuchh lekar ke dene ke ichchhuk nahin honge। sankalp mein bhi yeh nahin aavega ki yeh kare to main karoon, yeh badle to main badloon, kuchh woh badle kuchh main badloon। ek baat ka parivartan aatma ka aur 10baaton ka parivartan mera hoga, aisi-aisi bhaavna rakhne vaale ko paropkaari nahin kahenge। mahaadaani banne ke bajaae sauda karne vaale saudaagar ban jaate hain। ‘‘itna de to main itna doonga,kya sada main hi jhukta rahoonga, main hi deta rahoonga, kab tak kahaan tak karoonga।’’ yeh sankalp dene vaale ke nahin ho sakte। jab anya aatma kisi bhi kamzori ke vash hai, parvash hai, sanskaar ke vash hai, svabhaav ke vash hai, prakriti ke saadhnon ke vash hai - to aisi parvash aatma arthaat us samay ki bhikhaari aatma, bhikhaari arthaat shaktiheen,shaktiyon ke khazaane se khaali hai।

mahaadaani bhikhaari se ek naya paisa lene ki ichchha nahin rakh sakte। yeh badle va yeh kare va yeh kuchh sahayog de, kadam aage badhaave, aise sankalp va aise sahayog ki bhaavna parvash,shaktiheen,bhikhaari aatma se kya rakh sakte ! kuchh lekar ke kuchh dena usko paropkaari nahin kaha jaata। 7. paropkaari arthaat bhikhaari ko maalaamaal banaane vaale - apkaari ke oopar upkaar karne vaale। gaali dene vaale ko gale lagaane vaale,apne paropkaari ki shubh bhaavna se,sneh se,shakti se,meethe bol se,utsaah umang ke sahayog se dilshikasta ko shaktivaan bana de arthaat bhikhaari ko baadshaah bana de। 8. paropkaari trikaaldarshi hone ke kaaran har aatma ke sampoorn sahayog ko saamne rakhte hue, har aatma ki kamzori ko parakhte hue usi kamzori ko svayan mein dhaaran nahin karenge,varnan nahin karenge lekin anya aatmaon ki kamzori ka kaanta kalyaankaari swaroop se samaapta kar denge। kaante ke bajaae - kaante ko bhi phool bana denge। aise paropkaari sada santushtamni ke samaan svayan bhi santushta honge aur sarva ko bhi santushta karne vaale honge। kamaal yeh hai jo hopeless mein hope paida karen। 9. jiske prati sab niraasha dikhaayen aise vyakti va aisi sthiti mein sada ke liye unki aasha ke deepak jaga den। jab aapke jad chitra abhi tak anek aatmaon ki alpakaal ki manokaamna yen poorn kar rahe hain - to chaitanya roop mein agar koi aapke sahayogi bhaai va behen parivaar ki aatmaayen,besamjhi va baalhath se alpakaal ki vastu ko sadaakaal ki praapti samajh, alpakaal ka maan-shaan-naam va alpakaal ki praapti ki ichchha rakhti hain to doosre ko maan dekar ke svayan nirmaan banna yahi paropkaar hai। yeh dena hi sada ke liye lena hai। jaise anjaan bachcha nuksaan vaali cheez ko bhi khilauna samajhta hai to unko kuchh dekar chhudaana hota hai - hath se sadaakaal ka nuksaan ho jaata hai - aise besmajh aatmaayen bhi usi samay alpakaal ki praapti ko arthaat sada ke nuksaankaari baaton ko apne kalyaan ka saadhan samajhti hain। aisi aatmaon ko zabardasti in baaton se hataane se kashamkash mein aakar unke purooshaartha ki zindagi khatma ho jaati hai। isliye kuchh dekar ke sada ke liye chhudaana aise yukti-yukta chalan se svatahhi alpakaal ki bhikhaari aatma besmajh se samajhdaar ban jaavegi। svayan mahsoos karenge ki yeh alpakaal ke saadhan hain। aisi besmajh aatmaon ke oopar bhi paropkaari। aise paropkaari svatah hi svayan upkaari ho jaate hain - dena hi svayan prati milna ho jaata। mahaadaani hi sarva adhikaari svatah ho jaate। samjha – paropkaari ki paribhaasha kya hai।

aise paropkaari hi sarva aatmaon dvaara dil ki aasheervaad ke adhikaari bante hain। ais paropkaari aatmaon ke oopar sada sarva aatmaon dvaara prashansa ke pushpon ki varsha hoti hai। samjha। achha –

aise baap samaan sada upkaari, svayan aur sarva prati shubh bhaavna, shreshtha kaamna rakhne vaale,akhut khazaanon ke maalik akhanda daani,dilshikasta ko shaktishaali banaane vaale,bhikhaari ko sadaakaal ka baadshaah banaane vaale, aise shreshtha aatmaon ko baapdaada ka yaad pyaar aur namaste।

deedi ji se baatcheet

baap-daada ko, ant so aadi karne vaale aise all-round paartadhaari,paropkaari group chaahiye। jaise har vishesh kaarya ke arth group banaate hain na। to is samay aisa paropkaari group chaahiye jo dene vaale daata ho। jaise raaja daata hota hai, aajkal ke raaje log nahin। sampanna raajaayen sada praja ko dene vaale hote hain - agar praja se lene vaale hue to praja hi raaja ho gai। isliye sampanna raajaayen kab lete nahin - dene vaale hote hain। sampanna raajaaon ka haath kabhi bhi lene vaala haath nahin hoga, dene vaala hoga। svarga ke vishwa mahaaraaja,praja se lenge kya?praja bhi sampanna to vishwa mahaaraaja kya hoga! to jaise bhavishya daata banne ka part bajaana hai, abhi se hi vahi daataapan ke sanskaar bharne hain। kisi se koi salvation lekar ke phir salvation deven aisa sankalp mein bhi na ho। isko kaha jaata hai beggar tu prince। svayan lene ki ichchha vaale nahin। is alpakaal ki ichchha vaale se beggar। alpakaal ke saadhnon ko sveekaar karne mein beggar - aisa beggar hi sampannamoortta honge। ek taraph beggar doosre taraph sampanna। abhi abhi beggar tu prince ka part practical mein bajaane vaali aatmaon ko kaha jaata hai sada tyaagi aur sada shreshtha bhaagyashaali। tyaag se sadaakaal ka bhaagya svatah hi ban jaata hai। tyaag kiya aur takdeer ki lakeer hui। to aisa paropkaari group jo svayan ke prati ichchha maatram avidya ho - akhanda daani ho। jaise baap ko dekha to svayan ka samay bhi seva mein diya। svayan nirmaan aur bachchon ko maan diya। pahle bachche - naam bachche ka kaam apna - kaam ke naam ki praapti ka tyaag। naam mein bhi parokaari bane। apna tyaag kar doosre ka naam kiya। svayan ko sada sevaadhaari rakha yeh hai paropkaari - bachchon ko maalik rakha aur svayan ko sevaadhaari rakha। to maalik-pan ka maan bhi de diya,shaan bhi de diya, naam bhi de diya। kabhi apna naam nahin kiya - mere bachche। to jaise baap ne naam, maan,shaan sabka tyaag kiya, paropkaar kiya, svayan ka sukh bachchon ke sukh mein samjha - bachchon ki vismriti kaaran duhkh ka anubhav so apna - duhkh samjha। bachchon ki galti bhi apni galti samajh bachchon ko sada righteous banaaya। isko kaha jaata hai paropkaari।

aajkal aise group ki aavashyakta hai। jo doosre ki kamzori samaapta kar shakti dete jaaen। aise sab ban jaayen to kya ho jaavega? aap logon ka samay bach jaavega phir case aur kisse khatma ho jaayenge aur sadaiv roohaani sneh milan hoga। vishwa kalyaan ke kaarya mein teevragti aa jaavegi। abhi to kitne plans banaane padte hain,kai plans arthaat baarood bina kaarya kiye bhi khatma ho jaate hain। jaise baarood kab-kab jalta hi nahin hai vahaan hi khatma ho jaata hai। lekin vishwa kalyaan ka teevragti mein sankalp kiya ki is samay yeh baat honi chaahiye aur chaaron taraph nimitta maatra kiya aur aavaaz bulanda hua। jaise saakaar baap ko dekha, knowledge ki authority ke saath-saath knowledge dvaara anubhooti moortta ki bhi authority the। jis authority ke kaaran har bol mein knowledge ke saathsaath anubhav bhi tha - to double authority thi - aise hi har bachcha double authority se bol bole to anubhav ka teer, knowledge ki authority ka teer second mein prabhaav daale। swaroop aur bol donon authority ke hon tab saphalta sahaj ho jaavegi - nahin to yahi kehte knowledge to badi achhi hai, oonchi hain - lekin dhaarna hona mushkil hai,to dhaarna moortta,dhaarna swaroop practical mein dikhaai de। pratyaksha pramaan ko grahan karna sahaj ho jaata hai to aisa group chaahiye jo double authority ho - jisko kehte masta phakeer। koi bhi ichchha na ho। achha। omshaanti।

party ke saath mulaakaat –

1. baap ke pyaar ka paatra banne ka sahaj saadhan - nyaara bano -

jaise kamal ka pushpa sada nyaara aur sabka pyaara hai vaise sada kamal samaan nyaare rehte ho? pravritti mein rehte, duniya ke vaataavran mein rehte vaataavran se nyaare। baap ke pyaar ka paatra vahi bante hain jo nyaare hote hain jitna nyaare utna pyaare। number bante hain nyaare pan ke aadhaar se। ati nyaare to ati pyaare।

2. apne poojyaneey swaroop ki smriti se automatically seva –

sada apne kalpa pahle ke yaadgaar ko dekhte hue, sunte hue nasha rehta hai ki yeh hamaara hi gaayan ho raha hai, kisi bhi yaadgaar sthaan par jaate yeh nasha rehta hai ki yeh hamaara yaadgaar hai। yahi wonderful baat hai jo chaitanya mein apne jad yaadgaar dekh rahe hain। ek taraph jad chitra hain doosre taraph ham gupta chaitanya mein hain। kitne bhakta humein pukaar rahe hain,poojya samajhne se bhakton par raham aayega। bhakta hain bhikhaari aur aap ho sampanna। to bhakton ko dekh taras aata hai? ichchha utpanna hoti hai ki bhakton ko bhakti ka phal dilaane ke nimitta banen?seva ka sada umang utsaah rehta hai? seva se anekon ka kalyaan bhi hota aur bhavishya ke liye bhi jama hota। har aatma ko anchali zaroor deni hai, khaali haath nahin bhejna hai। apna poojya swaroop smriti mein rakho to na chaahte bhi sada seva mein tatpar rahenge।

3. royal bachche arthaat laadle bachche ki nishaani –

dehbhaan roopi mitti se door - jo padmaapadma bhaagyashaali aatmaayen hain woh sada khushi ke jhoole mein jhoolti hain, unke buddhi roopi paanv neeche nahin aate। jo laadle sikeeldhe bachche hote hain woh sada godi mein rehte hain, neeche paanv nahin rakhte - galeeche par rakhte hain। aap padmaapadma bhaagyashaali sikeeldhe bachchon ka bhi buddhi roopi paanv sada dehbhaan ya deh ki duniya ki smriti se oopar rehna chaahiye। jab baap-daada ne mitti se oopar kar takhtansheen bana diya to takhta chhodkar miti mein kyon jaate। dehbhaan mein aana maana mitti mein khelna। sangamayug chadhti kala ka yug hai,ab girne ka samay poora hua,ab thoda sa samay oopar chadhne ka hai isliye neeche kyon aate, sada oopar raho। achha - omshaanti।