मंगलवार 23 जनवरी 1979 की अव्यक्त मुरली

>

23-01-79om shanti avyakt baapdaadaamdhuban

sada suhaagin hi sada sampanna hai

amarnaath shiv baba ki sachchi suhaagin paarvatiyon ke prati patiparmeshvar shiv baba bole :-

aaj baap-daada bachchon ke shreshtha bhaagya aur sada suhaag ko dekh harshit ho rahe hain। harek bachcha bhaagyashaali aur sada suhaagin hai। bhaagya vidhaata dvaara jo bhaagya praapta hua hai usko achhi tarah se jaante ho? vishwa mein jeevan ki shreshthata in do baaton ki hoti hai ek suhaag doosra bhaagya। agar sada suhaag nahin to saari jeevan bekaar anubhav karte hain,neeras samajhte hain। lekin aap sabka avinaashi suhaag hai - jo kabhi mitne vaala nahin। kyonki avinaashi amarnaath hi aapka suhaag hai। jaise woh amar hai vaise aapka suhaag bhi amar hai। suhaagavti svayan ko sada duniya mein shreshtha samajhti hain - suhaagavti sada saath ke kaaran svayan ko santushta samajhti hai। aajkal ki duniya mein jisko shreshtha kaarya samajhte hain, us shreshtha kaarya ke nimitta suhaagin ko hi rakhte hain। suhaagin sada shrringaar ki adhikaari hoti hai। suhaagin nahin to shrringaar bhi nahin। suhaag ki nishaani tilak aur kangan hoti hai। suhaagin sada suhaag ke kaaran suhaag ke khajaane ko sarva khazaane anubhav karti hai arthaat apne ko sampanna samajhti hai। aise hi yeh sab reeti-rasam avinaashi suhaag ka yaadgaar chala aa raha hai।

aap sab sachchi suhaagin vishwa ke andar sarva shreshtha aatmaayen gaai aur pooji jaati ho - aaj ka vishwa aap sada suhaagin ke jad chitron ko dekh khush hota ki yeh aatmaayen amarnaath arthaat pati parmeshvar ki sachchi paarvatiyaan hain। aap sachchi suhaagin aatmaayen sada smriti ke tilakdhaari aur maryaadaaon ke kangandhaari aatmaayen, sada divya gunon ke shrringaar se saji sajaai aatmaayen, aap sada suhaagin aatmaayen sada sarva khazaanon se sampanna aur vishwa ke parivartan ke shreshtha kaarya va shubh kaarya ke nimitta ho - sangam- yug ke is shreshtha va avinaashi behad ke suhaag ki reeti rasam had ke suhaag mein bhi chalti aa rahi hai। apne aap se poochho aise sada suhaagin arthaat sada sampanna aur sada harshit anubhav karte ho - sada apne ko aatma aur paramatma ke combined(Combined) roop ka anubhav karte ho - single ho va yugal ho? akele samjhenge to viyogi jeevan anubhav karenge। sada suhaagin arthaat combined samjhenge to sada milan mahphil mein apne ko anubhav karenge।

bahukaal se alag ho gaye to apne avinaashi saathi ko bhi bhool gaye। suhaag khoya, tilak ko bhi mita diya - shrringaar ko bhi gavaan diya - khazaanon se bhi vanchit ho gaye। sada suhaagin se kya ban gaye? bhikhaari ban gaye। viyogi ban gaye। phir bhi amarnaath ne aakar bahukaal se bichhudi hui paarvatiyon ko apna smriti ka tilak de suhaagin bana diya। ab bahukaal ke baad jo sundar mela ho gaya is mele se ab second bhi vanchit nahin rahne vaale ho - aisi kampeniyanship nibhaane vaale ho na - aaj baap-daada apni paarvatiyon ka shrringaar dekh rahe the ki harek paarvati kahaan tak saji sajaai rehti hai। shrringaar to sab karte ho lekin phir bhi nambarvaar - maala sabhi pahante hain lekin kahaan nau lakha haar aur kahaan saadhaaran motiyon ka haar। aise hi baap ke gunon ki maala va amarnaath ki mahima ki maala sabke gale mein padi hui hai। phir bhi antar hai। antar to samajhte ho na। gaane vaale hain va banne vaale hain! inmen antar pad jaata hai। aise hi maryaadaaon ke kangan to sabne pahne hain। sab maryaadaaon ke kangan se saj rahe hain lekin sada maryaada purooshottam banne mein koi heere tulya bane hain koi sone tulya bane hain aur koi phir chaandi tulya bane hain। kahaan heera aur kahaan chaandi! to nambarvaar ho gaye na। isliye kaha ki nambarvaar shrringaar dekh rahe hain।

doosri baat suhaag ke saath bhaagya dekha। laukik reeti se bhi bhaagya ka aadhaar - tan ki tandaroosti,man ki khushi,dhan ki samriddhi, sambandh ki sada santushti aur samparka mein sada saphal moorta hota hai,in sab baaton se bhaagya ko dekhte hain - to ab sangamayug ka shreshtha bhaagya anubhav kar rahe ho na। sangamayug ke alaukik jeevan ki visheshtaon ko jaante ho na। sada svastha arthaat sada sva mein sthit rahne se tan ka karmabhog bhi karmayog se sooli se kaanta ho jaata hai। karmabhog ko bhi behad ke drama ke andar khel samajh kar khelte hain। to tan ka rog yog mein parivartan ho gaya। isliye sada svastha ho। beemaari ko beemaari nahin samajhte lekin anek janmon ka bojh halka ho raha hai, hisaab chuktu ho raha hai - aise samajhne se sada svastha samajhte ho - saath-saath man ki khushi to sada praapta hai hi। manamna bhav hona arthaat khushiyon ke khazaane se sampanna hona। gyaan dhan sab dhanon se shreshtha hai। gyaan dhan vaalon ki prakriti svatah hi daasi ban jaati hai। jahaan gyaan dhan hain vahaan sthool dhan ki koi kami nahin। to dhan ka bhaagya bhi sada praapta hai। teesra hai sambandh - sarva sambandh nibhaane vaale param aatma ko apna bana liya,jab chaaho,jaisa sambandh chaaho vaisa hi sambandh ka ras ek dvaara sada nibha sakte ho,aur sambandh bhi aise jo dene vaale honge lene vaale nahin। kabhi dhokha bhi nahin dene vaale - sada preeti ki reeti nibhaane vaale - aise amar sambandh anubhav karte ho na? aur baat samparka - sangamayugi jeevan mein samparka bhi sada holi hanson se hai। baap ke samparka ke aadhaar par brahman parivaar ka samparka hai - hans aur bagulon ka samparka nahin lekin brahman aatmaon ka samparka hai bagulon ka samparka sirf seva arth hai। seva ka samparka hone ka kaaran - sada vishwa kalyaan ki bhaavna,vishwa parivartan ki kaamna rehti hai। is kaaran seva ke samparka mein bhi koi dukh ki lahar nahin। ninda kare to bhi mitra, gungaan kare to bhi mitra - sada bhaai-bhaai ki drishti raham ki vritti rehti hai to samparka bhi shreshtha hai। aisa shreshtha bhaagya bhaagyavidhaata se praapta hai। to sada shreshtha bhaagyavaan hue na। aaj bachchon ke is suhaag aur bhaagya ko dekh rahe the। sada sampanna aatmaayen, apraapta nahin koi vastu is brahman jeevan mein - aise anubhav karte ho na। sada suhaag ka tilak va bhaagya ka sitaara chamak raha hain na? chamak ki percentage kitni hai? chamak to sabhi mein hai lekin varsentej ke anusaar nambarvaar hai - videshiyon ka number kaun sa hai? vijay maala mein number hain na। chaahe desh ke ho chaahe videsh ke ho, maala to ek hi hai - jo sada suhaag aur bhaagya ke adhikaari hain vahi vijay maala ke bhi adhikaari hain।

baap-daada ko vishesh kaam hai hi bachchon ka - to sada bachchon ki maala japte hain। baap ki maala to aatmaayen japti hain lekin bachchon ki maala paramatma japte hain। to bhaagyashaali kaun hue! achha –

aise sada suhaagin, sada shreshtha bhaagya ke adhikaari, sada kampeniyanship nibhaane vaale,sada smriti ke tilakdhaari,maryaada sampanna shreshtha aatmaon ko,vishwa kalyaankaari aatmaon ko baapdaada ka yaad-pyaar aur namaste।

deedi se baatcheet - sada suhaagin ka gaayan shaastron mein kis roop mein hai! sada suhaagin ka gaayan patraaniyon ke roop mein hai - phir patraaniyon mein bhi number hain - koi sada saath rehti hai aur koi kabhi-kabhi। unhonne dehdhaari ki kahaani bana di hai - lekin hain aatmaon aur paramatma ki kahaani। jo ek hi samay par sabhi se milan mana sakte hain jo bhi aahvaan kare। to patraaniyaan to sab banti hain lekin unmein bhi number hai। praapti mein bhi antar hai aur poojan mein bhi antar hai। raadhe aur gopiyon mein bhi antar hai। poojan mein bhi antar hai to praapti mein bhi antar hai। raadhe ki praapti apni - gopiyon ki apni। koi visheshta raadhe ke part mein hai aur koi visheshta patraaniyon va gopiyon ke part mein hai। iska bhi guhya rahasya hai। milan mela manaane vaale kaun? sarva sukhon ka anubhav parmaatma part se hai - yeh bhi sabse vishesh bhaagya hai। iska bhi aatmaon ke vishesh part se sambandh hai।

sangamayug par vishesh yahi chaik karna hai ki sarva praapti ki hai। sarva khajaane saamne rakho, sarva sambandh saamne rakho - sarvagun saamne rakho, kartavya saamne rakho - sarva baaton mein anubhvi hue hain! kartavya mein bhi mansa ka kartavya,vaani dvaara hai karma arthaat sambandh aur samparka dvaara hai। uski bhi chaiking chaahiye ki sarva roop se kartavya ke bhi anubhvi hain। agar koi bhi anubhav rah gaya ho to usi anubhav ko sampanna banaana chaahiye। kyonki sangamayug ke anubhav phir kabhi bhi nahin ho sakte। isliye ab rahe hue thode samay mein sarva baaten mein svayan ko sampanna banaana chaahiye। aisi chaiking zaroor honi chaahiye। agar ek bhi sambandh va gun ki kami hai to sampoorn stage va sampoorn moorta nahin kahla sakte। baap ka gun va apna aadi swaroop ka gun anubhav na ho to sampanna moorti kaise kahenge। isliye sabmen sampoorn banna hai।

jaise brahma baap sampoorn bane to bachche bhi follow father। aisa hi lakshya sada rehta hai na। tatatvam ka vardaan mila hai na। nimitta banna arthaat tatatvam ke vardaani - abhi bhi aur janma janmaantar ke bhinna-bhinna part mein bhi। abhi ka tatatvam ka vardaan saara kalpa chalta hai। sangam par bhi, poojya ke samay bhi aur pujaari ke samay bhi to vishesh aatmaon ko vishesh vardaan hai tatatvam ka। yeh bahut thodon ko milta hai। achha।

party se mulaakaat 1. anek maton ka vinaash praarambha karo to vijay ka jhanda lahra jaae :- anek mat vaale sirf ek baat ko maan jaaen ki ham sabka baap ek hai aur vahi ab kaarya kar rahe hain,kam se kam yeh aavaaz sab taraph pahunche ki ham sab ek ki santaan ek hain aur ek hi yathaartha hai। chaahe dhaaran kare na kare lekin maan len, chalna to peechhe ki baat hai। jaise kai aatmaayen samparka mein aati to samajhti hain yeh achha kaam kar rahe hain,itna sab maan len to vijay ka jhanda lahra jaayega। isi sankalp se muktidhaam mein chali jaayen to bhi theek hai। isi sankalp se muktidhaam jaayenge to jab apna-apna part bajaane aayenge to pahle yahi sanskaar honge ki god is one। yeh golden ej ki smriti hai। anekon mein phansana yeh iron ej hai। authority se aur satyata se bolo, sankoch se nahin। satyata pratyakshata ka aadhaar hai। pratyakshata karne ke liye pahle svayan ko pratyaksha karo, nirbhay bano।

ek bal ek bharose par achal aur atal rahne vaale - yeh anubhav anekon ko nishchaybuddhi banaane vaala hota। nishchaybuddhi ki naav kitna bhi koi hilaave lekin kabhi bhi koi baat ka asar nahin ho sakta।

2. alaukik aur avinaashi jhoola hai - ateendriy sukh :- sabhi sada sangamayug ki shreshtha praapti ateendriy sukh mein jhoolte rehte ho? yeh sukh hi sabse bada alaukik avinaashi jhoola hai, jaise jo laadle bachche hote hain unko jhoole mein jhulaate hain, jaise krishna ko laadla hone ke kaaran jhoole mein jhulaate hain na। sangamayugi braahmanen ka jhoola ateendriy sukh ka jhoola hai। to isi jhoole mein sada jhoolte rehte ho! kabhi bhi deh abhimaan mein aana arthaat jhoole se nikal dharni par paanv rakhna। dharni par paanv rakhte to maile ho jaate hain। to oonche te oonche baap ke bachche sada svachchha hote - maile nahin। to sada isi ateendiy sukh mein jhoolte raho।

3. sabhi apne ko sada baap ke sameep aatmaayen samajhte ho? jo baap ke sameep aatmaayen hongi unhon ki nishaani kya hogi? jitni sameep hongi utna baap ke samaan hogi। to samaan va sameep aatma banne ke liye vishesh kaun-si dhaarna ki aavashyakta hai?sada yaad aur seva mein tatpar raho। agar sada yaad aur seva mein follow father honge to number one zaroor aayenge। jaise brahma baap ne isi dhaarna se number one pad ko praapta kiya vaise aap bhi follow kar number one division mein aa jaayenge। number one to brahma ki aatma gai - lekin aap bhi sab uske saath first division mein aayenge arthaat raajdhaani mein saath-saath honge jitna-jitna light house might house banenge utna maaya door se hi bhaag jaayegi। light house ke aage andhakaar roopi maaya aa nahin sakti। achha - om shanti।