बुधवार 28 नवंबर 1979 की अव्यक्त मुरली

>

28-11-79om shanti avyakt baapdaadaamdhuban

pravritti mein rehte bhi nivritti mein kaise rahen?

aaj baap-daada apne kalpa pahle vaale sikeeldhe koton mein se koi, baap ko jaanne aur varsa paane vaale kisi vishesh group ko dekh rahe the। kaunn-sa group hoga? aaj vishesh pravritti mein rahne vaale bachchon ko dekh rahe the। chaaron or bachchon ki pravritti ke sthaan bhi dekhe। vyavhaar ke sthaan bhi dekhe। parivaar bhi dekhe aur aaj ki tamoguni prakriti aur paristhitiyon ka prabhaav kya-kya padta hai, raajya ka prabhaav kya-kya padta hai yeh haal-chaal dekh rahe the। dekhte-dekhte kai bachchon ki kamaal bhi dekhi ki kaise pravritti mein rehte hue bhi nivritta rehte hain। pravritti aur nivritti donon ka balance rakhne vaale bahut achha shreshtha part baja rahe hain। sada baap ke saathi aur saakshi ho bahut achha part bajaate,vishwa ke aage pratyaksha pramaan bane hue hain। sada baap ki yaad ki chhatrachhaaya ke andar kisi bhi prakaar ki maaya ke vaar se va maaya ke anek aakarshan se sada safe rahne vaale hain।

aise vishwa se nyaare aur niraale bachchon ko dekh kar baap bhi bachchon ke gun gaate hain। kai aise bachche dekhe jo rehte pravritti ke sthaan par hain। lekin sachche bachche hone ke kaaran saaheb un par sada raazi rehte hain। nyaare aur pyaare ke raaz ko jaanne ke kaaran sada svayan bhi svayan se raazi rehte hain। pravritti ko bhi raazi rakhte hain। saath-saath baap-daada bhi sadaiv un par raazi rehte hain। aise svayan ko aur sarva ko raazi rakhne vaale raaz yukta bachchon ko kabhi bhi apne prati va anya kisi ke prati kisi ko kaazi banaane ki zaroorat nahin rehti। kyonki case hi nahin jo kaazi banaana pade। kai baar suna hai na ‘‘miya beebi raazi to kya karega kaazi। apne hi sanskaaron ke case apne paas bahut hote hain,jis par apne andar hi bahas chalti rehti hai। right hai ya wrong hai, hona chaahiye ya nahin hona chaahiye,kahaan tak hona chaahiye,yeh bahas chalti rehti hai। aur jab apne aap phaisla nahin kar paate to doosron ko kaazi banaana padta hai। phir kisi ki chhoti baat hoti hai, kisi ki lambi hoti hai। agar baap aur aap donon milkar phaisla kar do to second mein samaapta ho jaae। aur kisi ko kaazi ya vakeel ya judge banaane ki zaroorat hi nahin।

aag phailaayi nahin jaati bujhaai jaati hai।

pravritti ka kaayda hota hai ki agar koi bhi baat pravritti mein hoti hai to maa-baap bachchon tak bhi pahunchne nahin dete hain! vahaan hi spashta kar sama dete hain arthaat samaapta kar dete hain। agar teesre tak baat gai to phailegi zaroor। aur jitna koi baat phailti hai utna badhti hai। jaise sthool aag jitni phailegi utna nuksaan karegi। yeh bhi chhoteemoti baaten bhinna-bhinna prakaar ke vikaaron ki aag hai। aag ko vahaan hi bujhaaya jaata phailaaya nahin jaata। pravritti mein baap aur aap ke sivaae teesri sameep aatma arthaat parivaar ki aatmaon mein bhi baat phailni nahin chaahiye। miyaan beebi raazi ho jaao। naaraaz arthaat raaz ko na jaanne ke baraabar। koi-na-koi gyaan ka raaz miss karte ho tab naaraaz hote ho। chaahe svayan se ya doosron se। to vakeel karne se vahi chhoti baat bada case ban jaati hai। isliye teesre ko sunaana arthaat ghar ki baat ko baahar nikaalna। jaise aaj kal ki duniya mein jo bade case hote hain woh akhbaar tak phail jaate hain to yahaan bhi brahman parivaar ke akhbaar mein pad jaate hain। to kyon nahin aapas mein phaisla kar lo। baap jaane aur aap jaanen teesra koi nahin। koi-koi bachchon ka sankalp pahunchta hai ki‘‘miyaan beebi to theek lekin miyaan niraakaar aur beebi saakaar to mel kam hota hai। isliye kabhi milan hota hai kabhi nahin hota hai - kabhi rooh-roohaan pahunchti hai kabhi nahin pahunchti arthaat response nahin milta hai। isliye kaazi karna padta hai।’’ lekin miyaan aise mila hai jo bahuroopi hai। jo roop aap chaaho to ek second mein ji hazoor kah haazar ho sakte hain lekin aap bhi baap samaan bahuroopi bano।

jaisa desh vaisa bhesh

baap to ek second mein aap ko udaakar vatan mein le jaavenge, baap vatan se aakaar mein aate hain, aap saakaar se aakaar mein aao। milne ke sthaan par to pahunchon। sthaan bhi to aisa badhiya chaahiye na! sookshm vatan aakaari vatan milne ka sthaan hai। samay bhi fix hai,epvaaintament bhi hai, sthaan bhi fix hai, phir kyon nahin milan hota?sirf galti kya karte ho ki mitti ke saath vahaan aana chaahte ho। yeh deh mitti hai। jab mitti ka kaam karna hai tab karo। lekin milne ke samay is deh ke bhaan ko chhodna pade। jo baap ki dress woh aap ki dress honi chaahiye। samaan hona chaahiye na! jaise baap niraakaar se aakaari vastra dhaaran karte hain। aakaari aur niraakaari baap-daada ban jaate hain - aap bhi aakaari pharishta dress pahan kar aao। chamkeeli dress pahan kar aao, tab milan hoga। dress pahanna nahin aata hai kya? dress pahno aur pahunch jaao yeh aisi dress hai jo maaya ke water ya fire proof hai। is puraani duniya ke vritti aur vibration proof hai। itni badhiya dress aapko di hai phir woh epvaaintament ke time par bhi nahin pahante। puraani dress se jyaada preet hai kya?jab donon samaan chamkeeli dress vaale honge aur chamkeele vatan mein honge tab achha lagega। ek puraani dress vaala aur ek chamkeeli dress vaala, jodi mil nahin sakti,is liye anubhav nahin hota। puraane vibrations interfere kar dete hain। isliye aapsi rooh-roohaan ka response nahin milta hai। clear samajh mein nahin aata। isliye auron ka alpakaal ka sahaara lena padta hai।

kaazi ko chhodo aur raazi ho jaao

vaise yeh miyaan beebi ka naata itna snehi aur sameep ka hai jo ishaare se bhi samajh len। ishaare se bhi sookshm sankalp mein hi samajh len। yeh aisa preet ka naata hai। phir beech mein teesre ko kyon daalte ho? teesre ko daalna arthaat apni inarja aur time ko vesta karna। haan, yeh rooh-roohaan karo ki mera milan kaise hua, meri rooh-roohaan kya hui, ham-shareek sahayogi ban aapas me rooh-roohaan karo। kaazi bana ke rooh-roohaan nahin karo। case lekar rooh-roohaan nahin karo - to kaazi ko chhod do aur raazi ho jaao। jab pasanda kar liya phir beech mein kisi ko kyon daalte ho? beech mein daalte ho to beech bhanvar mein aa jaate ho। bachaane ki mehnat phir bhi miyaan ko hi karni padti hai isliye vishwa-kalyaan ka kaarya rah jaata hai। phir poochhte hain vinaash kab hoga?ab beebiyaan taiyaar hi nahin to vinaash kya kare। samjha, vinaash kyon nahin ho raha?drens ka parivartan karne nahin aata to vishwa ko kaise parivartan karenge। achha, ab pravritti vaalon ka haal- chaal phir sunaavenge। aaj to aap ki pravritti ka haal sunaaya।

aise sada raaz yukta, yuktiyukta,sada sameep sambandh mein rahne vaale, sada raazi rahne vaale aur sarva ko raazi rakhne vaale, sada milan manaane vaale, aise sada baap ke saathi aur saakshi bachchon ko baap-daada ka yaad-pyaar aur namaste।

teachers ke prati avyakt mahaavaakya :-teachers arthaat baap samaan sarvashreshtha aatmaayen। teachers ko har varsha koi naya plan banaana chaahiye। seva ke plan to students bhi banaate hain। lekin teachers ko vishesh kya karna hai? ab aisa apna sangathan banaao jo sabke mukh se yeh nikle ki yeh anek hote bhi ek hain। jaise yahaan deedi-daadi do hain lekin kehte hain dono ek hain to yeh prabhaav padta hai na। jab ye do hote hue bhi ek-samaan ek doosre ko regard dete,do hote hue ek dikha rahi hain to aap anek hote hue ek ka pramaan de sakte ho। jaise kehte hain ki sab ki vaani ek hi hoti hai,jo ek bolti vahi sab bolte hain, drais bhi ek jaisi,vaani sabki ek hi gyaan ke points ki hoti, bhale sunaane ka dhang alag ho, saar ek hi hota hai। vaise aisa group banaao jo sab kahen yeh anek nahin hain,ek hain। yahi visheshta hai na। to example koi nimitta banen jisko phir sab follow karenge। ismen jo ote so arjun। to kaun arjun banega? jo arjun banenge use first prize milegi। sirf ek baat ka dhyaan dena padega। kaunsi baat?kya karna padega? sirf ek doosre ko sahayog den, visheshta dekhte hue, kamzoriyon ko na dekhna,na sunna, yeh abhyaas pakka karna padega। dekhte hue bhi kamzori ko samaakar sahayog dete rahen। tiraskaar nahin karen lekin taras ki bhaavna rakhen। jaise duhkhi aatmaon ke oopar merciful bante ho vaise kamzoriyon ke upar bhi merciful bano। agar aise merciful ban gaye to kya ho jaayega? anek hote hue bhi ek ban jaayenge। vaise bhi laukik mein dekho - jo samajhdaar parivaar hote hain, snehi parivaar hote hain woh kya karte hain, ek doosre ki kamzori ki baat samaakar ek-doosre ke sahayogi bankar baahar apna naam baala karte hain। agar koi parivaar mein gareeb hota hai to usko madad dekar ke bharpoor kar dete hain। yeh bhi parivaar hai। agar koi sanskaar ke vash hain, to kya karna chaahiye। sahayog dekar,himmat badhaakar ke hullaas mein laate hue usko apna saathi banaana chaahiye phir dekho anek hote bhi ek ho jaayenge। yeh karna mushkil hai kya? jab vardaani moortta ho to vardaani kabhi kisi ki kamzori nahin dekhte। vardaani sada sab ke oopar merciful hote hain। aise karke dikhaao। to kya karenge?aisa koi aatmik bomb laga kar dikhaao। teachers ka karttavya hi yeh hai। jaise baap kamzori dil par nahin rakhte lekin dilaaraam bankar dil ko aaraam dete hain to teachers arthaat baap samaan। kisi ki kamzori to dekho hi nahin। dil par dhaaran nahin karo lekin harek ki dil ko dilaaraam samaan aaraam do। to sab aapke gungaan karenge। saathi hon chaahe praja ho, har aatma ke mukh se duaayen niklen। aapke liye aasheervaad nikle ki yeh sada snehi aur sahayogi aatma hai, yeh baap-samaan merciful, dilaaraam ki bachchi dilaaraam hai। tab kahenge yogya teacher। agar teacher hi kami dekhen to student aur teacher mein antar hi kya hua? teacher to baap ke gaddi nasheen hain। saath mein baap ki gaddi par viraajmaan ho na। sabse sameep to saathi hi baithenge na। teacher arthaat gaddeensheen। to aisi kamaal karke dikhaao। samjha teacher kisko kehte hain? ismen koi bhi prize le sakta hai। teacher ke mukh se kabhi bhi kisi ki kamzori varnan nahi honi chaahiye, visheshta hi varnan ho। teacher ka arth hi hai baap-samaan himmatheen ki laathi banne vaali। samjha,teacher kisko kehte hain? vistaar to achha bana rahi ho। ab sangathan ka saar banaana hai।

party se :- baap-daada bachchon ka kaun-sa swaroop sada dekhte hain। baap bachchon ka sada sampanna, sampoorn swaroop hi dekhte hain। kyonki baap jaante hain ki bhale aaj zara halchal mein hain lekin achal hona hi hain,the aur vahi part baja kar sampanna banna hi hai, beech ki halchal hai,na thi, na rahegi। yeh madhyakaal ki baat hai। isliye baap sada har bachche ko shreshtha roop mein dekhte hain। to bachchon ko kya karna chaahiye? bachchon ko bhi apna sada shreshtha roop hi dikhaai de। phir kabhi bhi neeche aayenge hi nahin। neeche to kitna janma rahe ho। 63janma utarne ka hi anubhav kiya। ab to utarte-utarte thak gaye ho na,ki abhi bhi taste karni ha। ab chadhna hi chadhna hai। utarna samaapta hua sirf sangam yug hi chadhne ka yug hai phir ta utarna shuru ho jaayega। agar itne thode se samay mein bhi utarna chadhna hota rahega to phir kab chadhenge। jaise auron ko kehte ho ab nahin to kabhi nahin। aise apne ko bhi yahi smriti dilaani hai। ab nahin chadhe to utarna shuru ho jaayega। to sada chadhti kala। ismen bahut maza aayega। is jeevan mein apraapta koi vastu nazar nahin aayegi। bhavishya jeevan mein to apraapti aur praapti ke jeevan ka pata hi nahin hoga,abhi donon ka pata hai to maza abhi hai na। brahman banna arthaat chaahiye-chaahiye samaapta। jab baap ne sarva khazaane de diye,chaabi bhi de di phir maangate kyon ho? kya kuchh chhipaakar rakh liya hai jo kehte ho? chaahiye! baap ne bina maange sab de diya। aapka maangane ka roop bhi baap ko achha nahin lagta। vishwa ke maalik ke baalak maangen to achha lagega? jo aapko zaroorat hai woh sab de hi diya। to ab kya karenge। isi nashe mein raho ki ham vishwa ke maalik ke baalak hain to maangana samaapta ho jaayega।

ab maayaajeet ka jhanda chaaron or bulanda karo, jab yeh jhanda bulanda ho jaayega to sab jhande neeche jhuk jaayenge। abhi rassi kheench rahe ho। jab jhanda chadh jaayega to pratyakshata ke phoolon ki varsha hogi।

ek do ko sahayogi banaakar maayaajeet ka vibrations phailaao ab aisa kila mazboot karo। itna kila pakka ho jo maaya ki himmat hi na rahe। agar kisi mein aaye bhi to use door se bhaga do।