सोमवार 3 दिसंबर 1979 की अव्यक्त मुरली

>

03-12-79om shanti avyakt baapdaadaamdhuban

vishwa-kalyaankaari hi vishwa ka maalik ban sakta hai

baap-daada sarva vishwa-kalyaankaari bachchon ko dekh harshit hote hain। jaise baap behad vishwa ke kalyaankaari hain। baap ke sankalp mein sada ek hi sankalp hai ki sarva ka kalyaan abhi-abhi ho jaae। sankalp ka vishesh aadhaar isi baat par hai। sankalp ka beej yeh hai - baaki variety vriksha ka vistaar hai। aise hi baap ke bol mein sada bachchon ke kalyaan ki bhinna-bhinna prakaar ki yuktiyaan hain। naynon mein bachchon ke kalyaan ke prati searchlight hai। mastak mein kalyaankaari bachchon ki yaadgaar mani ke roop mein hai। har karma mein kalyaankaari karma। to jaise baap ke sankalp va bol mein, naynon mein sada hi kalyaan ki bhaavna va shubh kaamna hai। aise hi har bachche ke sankalp mein vishwa kalyaan ki bhaavna va kaamna bhari hui ho। chaahe koi bhi kaam kar rahe ho had ki pravritti ko chalaane arth ya koi bhi sevaakendra chalaane arth nimitta ho lekin sada vishwa-kalyaan ki bhaavna ho। sada saamne vishwa ki sarva aatmaayen emerge hon। aapki smriti ke aadhaar se chaahe kitni bhi door rahne vaali aatmaayen hon lekin aapke sada sameep aur sammukh dikhaai den। jaise seva arth aap logon ka ek chitra hai bhavishya shreekrishna ke roop ka। saare vishwa ka gola unke haath mein dikhaaya hai। vishwa ka maalik hone ke kaaran vishwa ka gola unke haath mein dikhaaya hai। aise vartamaan samay bhi vishwa-kalyaankaari hone ke naate se saare vishwa ki sarva aatmaayen aapke mastak mein sada sameep hain। yahaan baithe bhi chaahe koi America mein ya kitni bhi door rahne vaali aatma ho, second mein us aatma ko apni shreshtha bhaavna va shreshtha kaamna ke aadhaar se shanti va shakti ki rez de sakte ho। aise master gyaan soorya vishwa ko kalyaan ki roshni de sakte ho।

jaise science ke saadhnon dvaara samay aur aavaaz kitna bhi door hote sameep ho gaya hai na। jaise plen dvaara samay kitna nazdeek ho gaya hai, thode samay mein kahaan se kahaan pahunch sakte ho। telephone dvaara aavaaz kitna sameep ho gaya hai। london ke vyakti ka aavaaz bhi aise sunaai dega jaise sammukh baat kar rahe hain। aise hi teleevijan ke saadhnon dvaara koi bhi drishya va vyakti door hote hue bhi sammukh anubhav hota hai। science to aapki rachna hai। aap master rachayita ho। silence ki shakti se aap sab bhi vishwa ki kisi bhi door rahne vaali aatma ka aavaaz sun sakte ho। kaun-sa aavaaz?science mukh ka aavaaz sunaane ka saadhan ban sakti hai lekin man ka aavaaz nahin pahuncha sakti। science ki shakti se har aatma ke man ka aavaaz itna hi sameep sunaai dega jaise koi sammukh bol raha hai। aatmaon ke man mein ashaanti, duhkh ki sthiti ke chitra aise hi spashta dikhaai denge jaise T.vi. dvaara drishya va vyakti spashta dekhte ho। jaise in saadhnon ka connection joda,switch on kiya aur spashta dikhaai aur sunaai deta hai। aise hi baap se connection joda,shreshtha bhaavna aur kaamna ka switch on kiya to door ki aatmaon ko bhi sameep anubhav karenge। isko kaha jaata hai vishwa-kalyaankaari। aisi sthiti ko banaane ke liye vishesh kaunn-sa saadhan apnaana pade।

silence power badhaane ki vidhi aur siddhi

in sabka aadhaar hai - silence। vartamaan samay silence ki shakti jama karo। man ka aavaaz sankalpon ke roop mein aavega। man ke aavaaz arthaat vyartha sankalp ka samaapta kar ek samartha sankalp mein raho। sankalpon ke vistaar ko samet kar saar roop mein laao tab silence ki shakti svatah hi badhti jaavegi।

vyartha hai baahyamukhta aur samartha hai antarmukhta। aise hi mukh ke aavaaz ke bhi vyartha ko samet kar samartha arthaat saar mein laao tab silence ki shakti jama kar sakenge silence ki shakti ke vichitra pramaan dekhenge। aise door ki aatmaayen aapke saamne aakar kahengi ki aap ne mujhe sahi raasta dikhaaya। aapne mujhe thikaane ka ishaara diya। aapne mujhe bulaaya aur main pahunch gaya। aapke divya swaroop unke mastak roopi T.vi. mein spashta dikhaai denge aur anubhav karenge ki yeh to sammukh milan tha। itna spashta anubhav karenge। itni silence ki shakti roohaani rangat dikhaayegi। jaise shuru mein bhi door baithe hue brahma baap ke swaroop ko spashta dekhte ishaara milta tha ki is sthaan par pahuncho। aise hi ant, mein aap sab vishesh vishwa-kalyaankaari aatmaon ka aisa hi vichitra part chalna hai। iske liye aatma ko sarva bandhanon se mukta, svatantra hona chaahiye। jo jab chaahen,jahaan chaahen,jo shakti chaahen usse kaarya kar saken। aisi nirbandhan aatma anekon ko jeevan mukta bana sakti hai। samjha, kitni oonchi manzil hai?kahaan tak pahunchna hai?behad seva ki rooprekha kitni shreshtha hai?anek mehanton se chhoot jaayenge। lekin ek mehnat karni padegi। aisi himmat hai?

mahaaraashtra ko koi mahaan kaarya karna chaahiye। mahaaraashtra aisi kamaal karke dikhaae। vihang maarga ki service tab hogi। ek second mein kahaan se kahaan pahunch sakte ho। mahaaraashtra naam se hi mahaan aatma banna sahaj hona chaahiye। har karma mahaan। har bol mahaan। sarva mahaaraashtra nivaasi aise mahaan ho na? jis bhi aatma ko dekhe to mahaan aatma anubhav ho। aise ho na? teachers kya samajhti hain? mahaaraashtra mein to koi samasya hoti nahin hogi na?jahaan mahaan hain vahaan samasya samaapta। mahaaraashtra athva mahaatmaaon ka raashtra। raashtra arthaat sthaan। to sthaan aur sthiti samaan hain na। sirf yahi yaad rakho ki ham samaan hain to number one ho jaayenge। mahaaraashtra ka zone number one mein hai? number one ki nishaani hai maaya ko win karne vaale vijayi। aise hain na? kya,kyon to nahin hai na।

aise sada samartha, sada ek shreshtha sankalp aur shreshtha sthiti mein sthit rahne vaale, baap-samaan sada vishwa-kalyaankaari,sada ek hi lagan mein magan rahne vaale, aise shreshtha aatmaon ko baap-daada ka yaad, pyaar aur namaste।

(teachers ke saath) :-teachers ka mahatva tab hai jab sada man, vaani,karma, samparka mein mahaanta dikhaayen kyonki teachers ko mahaan banne ke saadhan mile hue hain। vaataavran,sang shuddh bhojan, seva,samparka aur sambandh, sab mahaan banne ke saadhan hain। jo pravritti mein rehte hain unko rehte hue nyaara rehna padta hai lekin teacher to hain hi nyaari। nyaara rahne ka abhyaas karne ki jaroorat nahin। kamaal unki hai jo hans aur bagule ikatthe rehte hain aur phir nyaare rehte hain। us hisaab se dekho to teacher ka kitna bhaagya mila hua hai। teacher ke liye purooshaartha sahaj hai। aise anubhav karte ho ya mushkit lagta hai? teacher ko agar kahin bhi mushkil lagti hai to uska ek hi kaaran hai woh kaun-sa hai? teacher agar saara samay apne ko busy rakhen to kabhi bhi mushkil na ho।

busy kaise rahen

karmana aur vaacha service to karte ho lekin mansa ki dincharya bhi set karo। 1. mansa bhi busy rahen to maayaajeet sahaj ban sakte ho। agar apne ko free rakhte to free dekh maaya bhi aati hai। busy raho to maaya bhi kinaara sahaj hi kar le। apne ko busy karna nahin aata hai,mansa ka chart banaana nahin aata hai tabhi maaya aati hai ya mushkil lagta hai? 2. busy rakhne ke liye jitna padhaai ki taraph attention hoga to apne aapko busy rakh sakenge। padhaai se dil ki preeti honi chaahiye jiska dil se padhaai se pyaar hoga woh sada svayan aur auron ko bhi busy rakh sakta hai। agar oopar ka kabhi-kabhi ka pyaar hoga to svayan bhi kabhi busy kabhi free rahenge aur aane vaale stoodainta ki kabhi busy kabhi free, unko bhi busy nahin rakh sakenge। isliye sada busy rahkar svayan bhi vighna-vinaashak aur doosron ko bhi vighna-vinaashak banaao।

3. plaaning buddhi bano। pahle svayan ka plan phir seva ka। plaaning buddhi sada busy rahenge। direction par chalne vaali buddhi kabhi free kabhi busy rahenge। baba ka direction hi mila hua hai plaaning buddhi bano। sva ka aur auron ka plan banaao। aise plaaning buddhi ho ya bana-banaaya plan milega to karenge। pahle svayan ke teacher phir auron ke। teacher stoodainta ko plan banaakar deti hain, aise sva ka teacher bano phir auron ka bano। achha –

sabhi apni-apni lagan pramaan purushaarthi mein aage badh rahi ho na? chadhti kala hai na? teacher ko to sab follow karne vaale hote hain na। follow father to hen lekin phir bhi nimitta teacher ko sab dekhte hain। nimitta bane hue mein baap ko dekhte hain। agar dekhne vaala aaina hi kharaab hoga to baap bhi kya spashta dikhaai dega। aaina agar spashta aur powerful hai to koi bhi cheez ko spashta aur sahaj dekh aur anubhav kar sakte hain। aise spashta aur powerful aaina ho jo koi bhi saamne aae aur baap ka spashta anubhav kar sake?

complaint nahin karo, complete bano

baap-daada ko teacher ki koi bhi complaint sunna achha nahin lagta। teacher agar koi complaint kare ki main kamzor hoon, maaya aati hai ya jigyaasu santushta nahin rehte hain ya main santushta nahi rehti, aisi koi bhi complaint teacher ki sunna bhi achha nahin lagta। teacher ka kaam hai sabko complete banaana। agar khud ki complaint hogi to complete kaise banaayengi? teacher ko kabhi bhi apne purushaarthi mein koi complaint nahin rahni chaahiye। complaint arthaat kami। koi ki kami nahin rahni chaahiye। teachers arthaat sampanna, teachers arthaat vighna-vinaashak। teacher ki mahima baap samaan hai। jo baap ki mahima, woh teacher ki mahima। samjha, teachers ka kya mahatva hai? aisa avinaashi sangathan banaao jo koi bhi complaint na rahe। vriddhi bahut kar rahe ho sirf vighna-vinaashak bano aur banaao।

(paarteeyon ke saath) baap-teacher aur satguru - in teenon sambandhon se teen praaptiyaan :- sada teenon sambandhon se varse ko, padhaai ko aur ghar ko yaad karte chalte ho? baap se varsa mila,teacher ke sambandh se padhaai mili aur satguru ke sambangha se ghar ka raasta mila aur saath chalenge। to teenon sambandhon se jo teenon praaptiyaan hoti hain woh sambandh aur praapti sada yaad rehta hai?samajhte ho ki ham itni shreshtha aatmaayen hain jo svayan param aatma baap, shikshak aur satguru bane hain। isse bada bhaagya aur kisi ka ho sakta hai?aisa bhaagya to kabhi socha bhi nahin hoga ki sarva sambandhon se param-aatma mil jaayega। yeh asambhav baat bhi sambhav saakaar mein ho rahi hai to kitna bhaagya hai। sirf baap nahin lekin shikshak aur satguru bhi banen। jaise bhakta log kehte hain bhagwan jab raazi ho jaate hain to chhappar phaad kar dete hain। to yeh bhi is aakaash tatva ko bhi paar kar,dene ke liye aa gaye na। woh to sirf chhappar phaadkar kehte lekin yeh to aakaash tatva se paar rahne vaale5 tatvon ko bhi paar karke praapti kara rahe hain to kitne bhaagyashaali hue। aisa bhaagya sada yaad rahe। yeh to aapki practical life ban gai na,sirf knowledge ho gai to bhool sakte ho lekin practical life ki koi bhi baat bhoolti nahin hain। sada yaad rehti hai। jaise apni past life ki baaten bhoolna bhi chaahte ho to bhi yaad aa jaati hai, yeh phir kaise bhool sakti hai? ek hi shabd to yaad karna hai। baba aur main। baba, baba kehte chalo to sada smriti swaroop rahenge। do varsha ka bachcha bhi baba-baba kehta rehta hai,to aap itne knowledgeful ke bachche ek ‘baba’shabd yaad nahin rakh sakte ho? sahaj maarga hai na - kathin to nahin lagta? shakti sena kya samajhti hai। sada ek baap aur aap teesra na koi,aise hi rehti ho na? koi teesri baat yaad to nahin aati?bas baap aur bachcha, baap aur main, isi nashe mein raho। shakti sena nashtomoha ho ya had ke ghar mein, bachchon mein moh hai। kuchh bhi ho jaae lekin nirmohi,saakshi hokar drama ki scene dekhte raho।

paandavon mein hota hai - raub aur krodh। paandav nikrodhi ban gaye hain? kya samajhte ho? paandavon ne is par vijay praapta ki hai?zara bhi dehbhaan va raub na ho। bilkul brahmaakumaar nirmaanchitta ban jaae। krodh ka chhoda hai ki thoda-thoda shastra ki reeti se use karte ho! jo samajhte hain khatma ho gaya,woh haath uthaao। koi gaali bhi de,koi jhootha ilzaam bhi lagaaye, lekin aapko krodh na aaye। krodh aane ki yahi do baaten hoti hain ek jab koi jhoothi baat kehta hai, doosra glaani karta hai। yahi do baaten krodh ko janma deti hain। aisi paristhiti mein bhi krodh na aaye, aise ho? apkaari ke oopar upkaar karna, yahi braahmanon ka karma hai। woh gaali de aap gale lagaao, yahi hai kamaal। isko kaha jaata hai parivartan। gale lagaane vaale ko gale lagaana - yeh koi badi baat nahin lekin ninda karne vaale ko sachcha mitra man se maano, mukh se nahin। aise bane ho? jab aisa parivartan ho jaayega to vishwa ke aage prasiddha ho jaayega। jo duniya samajhti hai nahin ho sakta,woh aap karke dikhaao। tab kahenge - ‘kamaal’।