बुधवार 12 दिसंबर 1979 की अव्यक्त मुरली

>

12-12-79om shanti avyakt baapdaadaamdhuban

roohaani alankaar aur unse saji hui moorten

baap-daada apne sarva bachchon ko aaj vishesh alankaari swaroop mein dekh rahe hain harek ki saji sajaai alankaardhaari ati sundar moorta dekh rahe hain। apne-aap ko dekha hai! kaun-kaun se alankaar dhaaran kiye hue hain। apne roohaani alankaaron ki sajaavat ko sada dhaaran kar chale rahe ho?

aaj amritbele harek bachche ki saji sajaai hui moorat dekhi। kya dekha? harek bachcha ati sundar chhatrachhaaya ke neeche baitha hua hai। jis chhatrachhaaya ke neeche hone ke kaaran prakriti aur maaya ke vaar se bache hue the। bahut roohaani safety ke saadhan ke andar the। jara sa sookshm vibration bhi chhatrachhaaya ke andar pahunch nahin sakta। aisi chhatrachhaaya ke andar vishwa-kalyaan ki seva ke zimmevaari ke taajdhaari baithe hue the। double taaj bahut sundar saj raha tha। ek sampoorn pyooriti ke hisaab se light ka crown, doosra seva ka taaj। ismen nambarvaar the। kisi-kisi bachche ka pyooriti ki teen stejiz sankalp, bol aur karma ke light ka crown ek to phaila hua jyaada tha। jitni teenon stage ki pyooriti usi anusaar light ka crown, chaaron or apna prakaash phaila raha tha। kisi ka jyaada to kisi ka kam tha। saath-saath seva ki zimmevaari ke anusaar light ki power mein antar tha। arthaat percentage mein pharka tha। koi 10 power ke to koi hazaar power ke,percent aur phailaav anusaar bhinna-bhinna nambarvaar taazdhaari the।

jitne taaj mein number the usi anusaar chhatrachhaaya mein bhi pharka tha, kisi ki chhatrachhaaya itni badi thi jo usi chhatrachhaaya ke andar rah kaarya kar sakte the। saare vishwa ka bhraman chhatrachhaaya ke andar kar sakte the, itni behad ki chhatrachhaaya thi aur kisi-kisi ki yatha-shakti nambarvaar had ki thi। aisi had ki chhatrachhaaya ke andar baithe hue arthaat apne purooshaartha ke andar sada yaad ke bajaae niyam pramaan, samay pramaan yaad mein rahne vaale।4 ghante vaale, 8ghante vaale arthaat yaad ko bhi had mein laane vaale। yaad behad ke baap ki hai lekin yaad karne vaalon ne behad ki yaad ko bhi had mein la diya hai। sambandh avinaashi hai lekin sambandh nibhaane vaalon ne samay nishchit kar vinaashi kar diya hai। kabhi baap se sambandh,kabhi vyakti se sambandh,kabhi vaibhvon se sambandh,kabhi apne hi puraane sanskaar va svabhaav ke saath sambandh। lene ke liye to avinaashi adhikaar hai, avinaashi varsa hai। lekin dene ke samay vinaashi varse se bhi kinaara kar dete hain। lene mein pharaakhdil hain aur dene mein kahaan-kahaan economy dene (mdinhadasb) karte hain। economy kaise karte ho,woh jaante ho?kai bachche badi hoshiyaari se baap se rooh-roohaan karte hain। kya kehte hain? phalaani-phalaani baat mein itna to parivartan kar liya hai,baaki thoda-sa hai, woh bhi ho jaayega। itna thoda to hoga hi na। lene mein aise nahin kehte ki thoda-thoda de do। agar baap koi mahaarthi ki special khaatiri karen to sankalp uthega ki kyon ham bhi to adhikaari hain। lene mein zara bhi nahin chhodenge lekin dene mein thoda-thoda kar khatma kar denge। yeh economy karte hain, chaturaai se baap ko bhi dilaase dete hain। zaroor sampanna ban jaayenge, ho jaayega। jab lena - ek second ka adhikaar hai to dene mein bhi itne pharaakhdil bano। parivartan karne ki shakti full parsenntez se use karo। to nirantar yaad ko had laaye hue hain isliye chhatrachhaaya mein bhi number dekhe। nambarvaar hone ke kaaran maaya ke vibration vaayumandal,vyakti-vaibhav,svabhaav-sanskaar vaar karte hain। nahin to chhatrachhaaya ke andar sada safe rah sakte hain।

taajdhaari bhi dekhe, chhatradhaari bhi dekhe। saath-saath sabhi taajdhaari takhtansheen bhi dekhe। takhta ko to jaante ho - baap ke diltakhtansheen। lekin yeh diltakhta itna pure hai jo is takhta par sada baith bhi vahi sakte jo sada pure hain। baap takhta se utaarte nahin lekin svayan utar aate hain। baap ki sab bachchon ko sadaakaal ke liye offer hai ki sab bachche sada takhtansheen raho। lekin automatic karma ki gati ke chakra pramaan sadaakaal vahi baith sakta hai jo sada follow father karne vaale hain। sankalp mein bhi apvitrata va amaryaada aa jaati hai to takhtansheen ki bajaae girti kala mein arthaat neeche aa jaate hain। jaise-jaise karma karte hain usi anusaar usi samay pashchaataap karte hain va mahsoos karte hain ki takhtansheen se girti kala mein aa gaye। agar koi jyaada ulta karma hota hai to pashchaataap ki sthiti mein aa jaate hain। agar koi vikarma nahin lekin vyartha karma ho jaata hai to pashchaataap ki sthiti nahin lekin mahsoosta ki stage hoti hai। baarbaar vyartha sankalp mahsoosta ki stage par laata rahega ki yeh karna nahin chaahiye। yeh wrong hai, jaise kaante ke samaan chubhta rahega। jahaan pashchaataap ki sthiti va mahsoosta ki stage anubhav hogi vahaan takhtansheen ke nashe ki stage nahin hogi। first stage hai - takhta nasheen। second stage hai - karne ke baad mahsoosta ki stage। ismen bhi number hai। koi karne ke baad mahsoos karte hain। koi karte samay hi mahsoos karte hain aur koi karma hone ke pahle hi catch karte hain ki kuchh hone vaala hai। koi toofaan aane vaala hai। aane ke pahle hi mahsoos kar, catch kar samaapta kar dete hain। to second stage hai mahsoosta ki। teesri stage hai - pashchaataap ki। ismen bhi number hain - koi pashchaataap ke saath parivartan kar lete hain aur kai pashchaataap karte hain lekin parivartan nahin kar paate। pashchaataap hai lekin parivartan ki shakti nahin hai to uske liye kya karenge।

aise samay par vishesh svayan ke prati koi-na-koi vrat aur niyam banaana chaahiye। jaise bhakti maarga mein bhi alpakaal ke kaarya ki siddhi ke liye vishesh niyam aur vrat dhaaran karte hain। vrat se vritti parivartan hogi। vritti se bhavishya jeevan roopi srishti badal jaayegi kyonki vishesh vrat ke kaaran baar-baar vahi shuddh sankalp, jiske liye vrat rakha hai,woh svatah yaad aata hai। jaise bhakta log vishesh kisi devi ya devta ka vrat rakhte hain to na chaahte bhi saara din usi devi ya devta ki yaad aati hai aur yaad ke kaaran hi baap usi devi ya devta dvaara yaad ki return mein unki aasha poorn kar dete hain। to jab bhakton ke vrat ka bhi phal milta hai to gyaani tu aatma adhikaari bachchon ko shuddh sankalp roopi vrat ka va dridh sankalp roopi vrat ka pratyaksha phal zaroor praapta hoga। to suna,takhtansheen to sab dekhe lekin koi sada kaal ke, utarte chadhte hue dekhe,abhi-abhi takhtansheen, abhi-abhi neeche। chautha alankaar kya dekha?

harek ke paas svadarshan chakra dekha। svadarshan chakradhaari bhi sab the lekin koi ka chakra svatah hi chal raha tha aur koi ko chalaana padta tha aur koi phir kabhi-kabhi right taraph chalaane ki bajaae wrong taraph chala lete the। jo svadarshan chakra ke bajaae maaya ki chakri mein aa jaate the। kyonki left side ho gaya na। svadarshan chakra ke bajaae par-darshan chakra chala lete the, yeh hai left side chalaana। maayaajeet banne ke bajaae par ke darshan ke uljhan ke chakra mein aa jaate the jisse‘kyon’aur‘kya’ke question ki jaal ban jaati, jo svayan hi rachte aur phir svayan hi phans jaate,to suna kya-kya dekha?

chaaron hi alankaaron se saje-sajaae zaroor the lekin nambarvaar the। ab kya karenge? behad ki chhatrachhaaya ke andar aa jaao arthaat kabhi-kabhi ki yaad ka antar mitaakar nirantar yaad ki chhatrachhaaya mein aa jaao। pyooriti aur seva ke double taaj ko percentage aur prastaav mein bhi behad mein karo arthaat behad phaili hui light ke taajdhaari bano। dene aur lene mein second ke abhyaasi ban sada takhtansheen bano। chadhne aur utarne mein thak jaayenge,sada behad ke roohaani aaraam mein takhtansheen raho। arthaat nirbandhan aatma ke aaraam ki sthiti mein raho, knowledgeful master ho sada aur svatah svadarshan chakra phiraate raho। par-darshan chakra kyon kya ke question ki jaal se sada mukta ho jaao to kya hoga। sada yog-yukta,jeevan mukta chakravarti ban baap ke saath vishwa-kalyaan ki seva mein chakra lagaate rahenge। vishwa-sevaadhaari chakravarti raaja ban jaayenge।

aise sada alankaari, sada svadarshan chakradhaari, maaya ke har swaroop ko master knowledge full stage par sthit ho pahle hi parakhne vaale,anek prakaar ke maaya ke vaar ko samaapta kar maaya ko balihaar banaane vaale, baap ke gale ke haar banne vaale, avinaashi sarva sambandhon ki sada preeti ki reeti nibhaane vaale, aise baap samaan bachchon ko baap-daada ka yaad pyaar aur namaste।

yu.pi. nivaasi aaye hain।

yu.pi. ki visheshta hai jaise bhakti ke teertha sthaan yu.pi. mein bahut hain, vaise gyaan ke sevaakendron ka vistaar bhi achha kar rahe hain। yu.pi. mein bhakta aatmaaen bhi bahut hain to master bhagwan ab bhakton ki pukaar sun aur bhi jaldi-jaldi bhakti ka phal unko do। de rahe hain, lekin aur bhi speed ko badhaao। yu.pi. ki visheshta - anek gareebon ko saahookaar banaane ka bahut achha chance le rahe hai। merciful ban raham ki bhaavna achhi dikha rahe hain। yu.pi. ka kaurav government ke nakshe mein bhi vistaar hai। area bahut lambi hai aise hi paandav government ke nakshe mein seva ki area sabse number one karke dikhaao। vishesh is varsha mein rahe hue gupta vaarison ko pratyaksha karo। ab tak jo kiya hai woh bahut achha kiya hai, abhi aur bhi chaaron or ki aatmaayen vansa mor (Once More) karen। vaah-vaah ki taali bajaaen। aisa vishesh kaarya bhi yu.pi. vaale karenge। abhi aur bhi jyaada gyaan-sthaan banaao। teerthasthaanon se gyaanasthaan banaate jaao। achha - baaki jo bhi sab aae hain jaise bhi purooshaartha mein aage badh rahe hain, aage badhne ke liye mubaarak ho। usse bhi adhik high jump dene ke liye sada smriti swaroop bhav।

party ke saath avyakt baap-daada ki personal mulaakaat

1. sahaj yaagi ka chitra hai - vishnu ki shesh shaiya:- aap sab sada foundation ke samaan mazboot rahne vaale, sada achal ho na? hilne vaale to nahin ho? angad ka jo ab tak gaayan ho raha hai, woh kin ka gaayan hai?apna hi gaayan phir se sun rahe ho। jo kalpa pahle vijay praapta ki hai us vijay ka nagaada ab bhi sun rahe ho। woh naksha abhi aapke saamne hai kalpa-kalpa vijayi ho। anek baar ve vijayi ho, isliye sahajyogi kaha jaata hai। anek baar kiya hua phir karna to sahaj ho jaata hai na। nai baat nahin kar rahe ho। bane hue ko bana rahe ho isliye kaha jaata hai banaabna ya-bana rahe hain, bana hua hai lekin phir repeat kar banaaya hai। pahle bhi padma padam bhaagyashaali bane the ab bhi ban rahe ho। aise sahayogi ho। unki nishaani tatha rahan-sahan ka chitra kaun-sa dikhaaya hai? vishnu ki shesh shaiya arthaat saanp ko bhi shaiya bana diya arthaat woh adheen ho gae woh adhikaari ho gae। nahin to saanp ko koi haath nahin lagaata,saanpon ko shaiya bana diya arthaat vijayi ho gaye। vikaaron roopi saanp hi adheen ho gaye arthaat shaiya ban gaye to nishchinta ho gaye na। jo vijayi hote hain woh sada nishchinta vishnu ke samaan sada harshit rehte hain। harsha bhi tab hoga jab gyaan ka sumiran karte rahenge। to yeh chitra aap ka hi hai na। jo bhi baap ke bachche bane aur vijayi ho rahe hain,un sab ka yeh chitra hai। sada saamne dekho ki vikaaron ko adheen kiya hua adhikaari hoon। aatma sada aaraam sthiti mein rahe। shareer ko sone ka aaraam nahin, woh to seva mein hi·yaan deni hain lekin aatma ki nishchinta sthiti - yeh hai aaraam? kyonki ki ab bhatakne se bach gaye।

maataayen sabhi gopikaayen, gopi vallabh ke saath jhoole mein jhoolne vaali ho na? aadha kalpa jad chitron ko bahut pyaar se jhulaaya ab jhulaana khatma hua jhoolna shuru ho gaya। kabhi sukh ke jhoole mein,kabhi shanti ke jhoole mein…anek jhoole hain, jismen chaaho jhoolo, neeche nahin aao। maataaon ke jhoola achha lagta hai। tab to bachchon ko bhi jhoolaati rehti hain। bhakti mein bahut jhulaaya ab bhakti ka phal to lengi na?bhakti hai jhulaana aur phal hai jhoolna। to ab jo phal mil raha hai woh kha rahi ho ya dekh-dekh kar khush ho rahi ho। maataaon mein yeh bhi aadat hoti hai - khaayengi nahin, rakh dengi। yeh to jitna khaayenge utna badhega। 1second khaayengi to ek samay ka anubhav sadaakaal ka anubhvi bana dega। isliye khoob khaao। maataaon ko dekh karke baap ko bhi khushi hoti hai। jinhen duniya ne na ummeedvaar banaaya, baap ne unhein hi sir ka taaj bana diya। unhonne puraani jutti samjha aur baap ne sir ka taaj banaaya to kitni khushi honi chaahiye। paandavon ka bhi sada sahayogi aur sada saath rahne ka gaayan hai। yaadgaar mein dekho gopi vallabh ke saath gvaal-baal dikhaaye hain। har kaarya mein sahayog aur sada saath rahne vaale ho na? sabhi yaad aur seva donon mein tatpar raho। seva se bhavishya praarabdha banegi aur yaad se vartamaan khushi mein rahenge। koi apraapta vastu hi nahin। sada tripta।