शुक्रवार 1 फ़रवरी 1980 की अव्यक्त मुरली

>

01-02-1980 om shanti avyakt baapdaada madhuban

"sookshm vatan ki kaarobaar"

aaj vishesh bhaavvaan bachchon se milne aaye hain। jitne bhaavvaan hain utne bhaagyavaan bhi hain। bhaagyavaan bachchon se bhaagyavidhaata baap milne aaye hain। baap-daada ke paas sarva bachchon ki bhaavna, sneh aur seva ka saara chart rehta hai। jaise puraani duniya ke maarshalsa ke paas apne area aur sena ka chart va naksha rehta hai vaise baap ke paas bhi har sevaasthaan aur sevaadhaariyon ka chart va naksha hai। jis chart dvaara harek sthaan aur sevaadhaariyon ke har samay ke seva ki vidhi aur purooshaartha ki gati, donon hi ek sthaan par baithe hue dekhte rehte hain। harek bachche ki saare din mein kaun-si stejej badalti hai ya ekras stage par rehte hain। woh bhinna-bhinna stejej ka spashta saakshaatkaar hota rehta hai। sookshm vatan ki saari kaarobaar kis power se chalti hai? jaise yahaan bhinna-bhinna saadhnon dvaara kaarobaar chalti hai aur satayug mein vishesh atomic energy dvaara chalegi। sookshm vatan ki kaarobaar kaise chalti hai?kaun-si shakti ke aadhaar par chalti hai,kaise chalti hai, jaante ho? light ka vatan hai to light ke vatan mein kaarobaar kaise chalti hai? light ke aadhaar par ya aur kisi aadhaar par? aaj papers dekhe,aaj bachche emerge hue to yeh bhinna-bhinna kaarobaar kaise chalti hai?

karnaatak vaale sikeeldhe hai na to sikeeldhe ko khaas gu¿ raaj sunaaya jaata hai। karnaatak ki seva mein jodi bhi majendaar bani hui hai। karanhaar aur karaavanhaar donon ki hi jodi hai। woh prem swaroop,woh knowledge swaroop। woh lav aur lophul woh sirf loveful। phir bhi karnaatak ki phulvaadi achhi phaleebhoot hai। variety prakaar ke sevaadhaari bhi achhe-achhe hain। jaise double videshiyon ko baap-daada unki visheshta ke oopar vishesh yaad-pyaar dete hain। bhinna dharma mein convert hote hue bhi apne praacheen dharma ko pahchaanne aur apnaane mein teevra purushaarthi ban chal rahe hain। majority sneh aur shanti ki praapti ke aadhaar par sanshaybuddhi kam bante hain। yeh double videshiyon ki visheshta hai। is visheshta ke kaaran baap-daada bhi return yaadapyaar dete hain। aise karnaatak vaale bhi bhaavna aur prem se sahaj hi baap ke ban jaate hain। sneh ke kaaran bhole hain। vaise knowledgeful bhi hain lekin pahle sneh ke kaaran nazdeek aa jaate hain phir knowledge sunkar aage badhte hain।

koi koi dharti knowledge ke aadhaar par aage aati hai phir sneh mein aate hain aur koi sneh mein aakar phir knowledge lete hain। isliye bholaanaath baap ke pyaare hain। samjha। aap sabka bhi mahatva hai। aise kabhi bhi nahin samajhna ki ham bhaasha nahin jaante, isliye peechhe hain lekin baap-daada ke sada sameep hain। baap-daada bhaasha ko nahin dekhte,bhaavna ko dekhte hain।

vaayarlais aur viceless

aap log sunaao ki sookshm vatan ki kaarobaar kaise chalti hai? kis aadhaar par chalti hai? yahaan to light chali jaati hai to aap saadhnon dvaara kaarya chalaate ho na! yahaan to janretar hai jisse light aati hai, vahaan kya hai! kaun-si shakti dvaara kaarobaar chalti hai? aakaar saakaar ko prer raha hai ya saakaar aakaar ko? bolo,kaise kaarobaar chalti hai? vishesh sookshm vatan ki kaarobaar shuddh sankalp ke aadhaar par chalti hai। jo gaaya hua hai - brahma ne sankalp kiya aur srishti rachi to sankalp kiya aur emerge hua। merge aur emerge ka khel hai। roop-rekha ishaare ki hai lekin vishesh aakaari roop ki kaarobaar manobal kaho ya sankalp kaho, isi aadhaar par chalti hai। baap-daada sankalp ka switch on karte hain to sab emerge ho jaata hai। sunaaya na unki kaarobaar hai door-door tak wireless dvaara aur yahaan teenon lok tak viceless ki shakti dvaara connection kar sakte hain। buddhiyog bilkul refine ho। sookshm vatan tak sankalp pahunchne ke liye maheen, sarva sambandhon ke saar vaali yaad chaahiye। yeh hai sabse powerful taar। ismen beech mein maaya interfere (Interfere) nahin kar sakti।

baap-daada ke vahaan raunak bahut hai। is duniya muaaphik nahin (bijli ghadi- ghadi chali jaati thi) saare kalpa ke andar sookshm vatan is samay emerge hota hai। isliye sookshm vatan ki raunak bhi abhi hai। phir svarga ki raunak aap logon ke liye hai।

(yahaan baithe sookshm vatan ka anubhav kar sakte hain?) - anubhav to bachche hi karenge। yeh vatan hai hi bachchon ke liye। aur koi bhi aatmaayen sookshm vatan ka anubhav kar hi nahin sakti hain kyonki brahma aur braahmanon ka hi sambandh hai। bhakta log sirf koi vishesh drishya ka saakshaatkaar kar sakte hain lekin sookshm vatan hamaara ghar hai, brahma baap ka sthaan so hamaara sthaan hai। sookshm vatan ke svijon ka anubhav, milne ka anubhav, bahlaane ka anubhav brahman hi kar sakte hain।

(videshi neeche baithe murli sun rahe the) aaj double videshiyon ka sankalp pahunch raha hai। neeche hote bhi baap ke saamne hain। isliye double videshiyon ko baapdaada vishesh yaadapyaar de rahe hain। saath-saath chaaron or ke bachche jo door hote bhi sankalp shakti se apne ko sameep anubhav kar rahe hain un sahit karnaatak vaasiyon ko bhi khaas yaad pyaar। madhuban vaale to hai hi `chul par so dil par', garam-garam to madhuban vaalon ko milta hai। seva mein athak bankar achha saboot de rahe hain। majority nindraajeet ka gun bhi achha dikha rahe hain। raat ki neend ko chhod bhi seva mein achhe sahayogi hain। ji haajar aur ji hujoor ka part baja rahe hain। isliye madhuban ke sevaadhaariyon ko nambarvaar seva ke saboot dikhaane vaalon ko vishesh yaadapyaar। achha - sabhi bachchon ko baap-daada ka yaad-pyaar aur namaste।

party ke saath avyakt baap-daada ki madhur mulaakaat

saphalta ka aadhaar – nyaaraapan

sabhi sada apne vishwa-kalyaankaari stage par sthit hokar seva ke part mein aate ho? vishwa-kalyaankaari arthaat behad ke sevaadhaari,kisi bhi prakaar ki had mein nahin aa sakte। vishwa behad hai to vishwa-sevaadhaari arthaat behad ki sthiti mein rahne vaale। vishwa-kalyaankaari sada seva karte hue bhi nyaare aur sada baap ke pyaare honge। seva ke bhi lagaav se nyaare। seva ka lagaav bhi sone ki janjeer hai। yeh bhi bandhan behad se had mein le aata hai। isliye sada seva mein nyaare aur baap ke pyaare bankar chalo। aisi sthiti mein rahne vaale sada saphaltaamoorta rahenge। saphalta ka sahaj saadhan hai - `nyaara aur pyaara banna'। kahi bhi saphalta ki kami hai to iska kaaran nyaare banne ki kami hai। nyaara arthaat deh ke smriti se bhi nyaara,eeshvareey sambandh ke lagaav se bhi nyaara aur eeshvareey seva ke saadhnon ke lagaav se bhi nyaara। jab aisa nyaaraapan kam hota hai tab saphalta ki kami hoti hai। to sada saphalta moorta - aise samajhte ho?ya apne ko chhota samajhte ho?jab koi bhi direction milta hai to us direction ko practical mein laane ke samay chhota samajhna theek hai aur seva karne mein bada hokar seva karo। direction ke samay chhota samjhenge to sada saphal rahenge। bada arthaat behad ki vritti vaala। samjha –

sada sva parivartan ka lakshya rakho

sabhi santushta ho? kuchh bhi hai, koi bhi baat dil mein aati hai to use sunaane mein koi harja nahin hai lekin sunaane ke baad jo badon ka direction ho usmein chalne ke liye sada taiyaar rahen। sunaaya to aapki jimmevaari khatma hui phir bado ki jimmevaari ho jaati hai। isliye sunaana zaroori hai lekin saath-saath direction par chalna bhi zaroori hai। koi bhi baat andar nahin rakho। sunaakar halke ho jaao nahin to andar koi bhi baat hogi to seva mein va sva ki unnati mein baarbaar vighna roop ban jaayegi। isliye halka rehna bhi zaroori hai। direction mila,usko amal mein laaya aur halke ho gaye। iske liye kaun-si vishesh shakti chaahiye? sva ko parivartan karne ki। agar parivartan karne ki shakti hogi to jahaan bhi honge saphal honge। sada sva parivartan ka lakshya rakho। doosra badle to main badloon - nahin। doosra badle ya na badle mujhe badalna hai। `he arjun' mujhe banna hai। doosra arjun bane va nahin। sada parivartan karne mein `pahle main'। jab ismen `pahle main' karenge to sab mein pahla number ho jaayenge।

apne ko mould (Mould)karna arthaat real gold ( Real Gold) banna। doosre ko mould karna arthaat miksda gold banna। to sabhi real gold ho?real ki value hoti hai, mix ki value kam ho jaati hai। isliye sada apne ko real gold ki sthiti mein rakho।

jin bachchon ne janma se vishesh koi kamzori ko touch nahin kiya hai, woh janma se hi vaishnav hue। koi-koi bachche janma se saatvik sanskaar vaale hote hain। koi rajoguni se saatvik bante hain, koi tamoguni se rajoguni bante hain, koi teenon mein mix chalte hain। janma se vaishnav arthaat sada safe।

1. trikaaldarshi stage par sthit rahne se vyartha ka khaata samaapta -sabhi apne ko padmaapdam bhaagyashaali samajhte hue har sankalp va karma karte rehte ho? shrenshtha sankalp, bol va karma ke saath-saath vyartha aur samartha, donon ikattha to nahin rehta? abhi-abhi vyartha, abhi samartha - aisa khel to nahin chalta? vyartha ek second mein padmon ka nuksaan karta hai। samartha ek second mein padmon ki kamaai karta hai। second ka vyartha bhi kamaai mein bahut hi ghaata daal deta hai। jaise kamaai ka khaata jama hota hai,vaise ghaate ka khaata bhi jama hota hai। ghaate ka khaata jyaada hoga to kamaai usmein chhip jaati hai। to vyartha samaapta ho gaya ya abhi- abhi saath hai। jab trikaaldarshi ki stage par sthit hote hain, to vyartha sahaj hi khatma ho jaata hai। trikaaldarshi stage se neeche aakar ek kaaldarshi bankar karma karte hain tab vyartha hota hai। to kaun ho? - trikaaldarshi ho ya ek kaal-darshi?sada trikaaldarshi sthiti mein sthit raho to sada saphaltaamoorta honge। samjha।

jo sada achal adol ban karke shreshtha part bajaane vaale hain, unko kaha jaata hai vishesh paartadhaari। vishesh paartadhaari ho ya saadhaaran? vishesh paartadhaari ka vishesh gun hai - sva seva aur vishwa seva, donon ka balance।

2. sevaadhaari bhaai-bahnon se -apne anek janmon ki kamaai ko jama karke ja rahe ho? madhuban arthaat vardaan bhoomi। vardaan bhoomi se vardaanon ki jholi bharkar ja rahe ho? anek janmon ke liye jama kar liya?yahaan ka vaataavran, yahaan ka anubhav sada saath rakhenge ya ek varsha, aadha varsha tak saath rakhenge? sada isi vaayumandal ko smriti mein rakhte hue svayan ko samartha banaana। vaataavran kaisa bhi ho lekin smriti samartha hai to vaataavran ko parivartan kar denge। aise mahaaveer bankar ja rahe ho na?ki thode time ke baad likhenge - `maaya aa gai'। vaayumandal ko badalne vaale ho na ki vaayumandal mein badalne vaale। sabhi mahaaveer apne sang ka rang auron ko bhi lagaate rehna to jahaan bhi jaayenge, vahaan jaagteejyoti ka kaarya karenge। sada jage hue auron ko bhi jagaayenge।

3. videshi bhaai-bahnon se -sabhi apne ko light-house samajhte ho? light house ka kaarya hai - sabhi ko raasta dikhaana। to samajhte ho ki light house (Light House) banke va might house (Might House) banke ja rahe hain। kisi bhi prakaar ki bhatakti hui aatma ko sahaj hi yathaartha manzil dikhaane ja rahe ho। iske liye vishesh do baaten dhyaan mein rakhna। sada parakhne ki shakti dhaaran karke aatma ki chaahna ko parakhna। jaise yogya doctor usko kaha jaata hai jo nabja ko jaanta hai। to parakhne ki shakti sada use karte rehna। doosri baat - sada apne paas sarva khazaanon ka anubhav kaayam rakhna। sarva khazaanon ke anubhvi auron ko bhi sahaj anubhav kara sakenge। sada ye lakshya rakhna ki sunaana nahin hai lekin anubhav karaana hai। to sarva anubhvi moorta banke ja rahe ho? anubhvi moorta, speaker nahin। sarva sambandhon ka,sarva shaktiyon ka sabka anubhav। to title kya ho jaayega? shaktiyon ke anubhvi ka title hai ``master sarvashaktivaan''aur gunon ke anubhvi ka title hain - `gunmoorta'। sarva sambandhon ke anubhvi ka title hai, `sarva snehi'। to kitne title ho gaye। yeh sab title lekar ja rahe ho na? jaise us knowledge ko padhne vaale ya koi department mein kaarya karne vaale medals (Medals) lete jaate hain to aapko kitne medals mile hain? sab medals le liye hain? jitne jyaada medals hote hain to sabka attention jaata hai na। aise aapke mastak se,naynon se dikhaai de ki yeh sarva praapti swaroop hain। aise ban kar ja rahe ho?

4. puraani duniya mein rehte apne ko sangamayugi brahman samajh kar chalte ho?- sangamayugi brahman kaliyugi srishti se kinaara kar chuke isliye unki aankh puraani duniya ki taraph kabhi nahin ja sakti। puraani duniya, puraani deh ya sambandhi,kisi taraph bhi aakarshan na ho। vaise bhi government ke bigar passport ke koi doosre desh mein chale jaate hain to bandi bana lete hain,yahaan bhi jab baap ki chhutti nahin hai, to bigar chhutti agar gaye to maaya bandi bana legi। kabhi bhi deh ke sambandh ki smriti to nahin aati hai?nashtomoha ho? agar thoda bhi moh hua to jaise magar machchha pahle thoda pakadta hai phir saara le leta hai, aise maaya bhi saara hap kar legi। isi liye jara bhi moh na ho। sada nirmohi।