बुधवार 25 मार्च 1981 की अव्यक्त मुरली

>

25-03-81 om shanti avyakt baapdaada madhuban

"mahaanta ka aadhaar sankalp, bol aur karma ki checking"

aaj baapdaada apne charitra bhoomi, karma-bhoomi,vardaan bhoomi,mahaan teertha bhoomi, mahaan yagya bhoomi ke sarva saathiyon se milne aaye hain। madhuban nivaasi arthaat mahaan paavan dharni nivaasi। is dharni par aane vaalon ka bhi mahaan part hai to socho rahne vaalon ka kitna mahaan part hai! mahaan aatmaon ka nivaas sthaan bhi mahaan hi gaaya jaata hai। jab aane vaale bhi apne ko bhaagyashaali anubhav karte hain,anek anubhvon ki svayan mein anubhooti karte hain to rahne vaale ka anubhav kya hoga! jo rehte hi gyaan saagar mein hain,aisi aatmaayen kitni shreshtha hain! aise sab madhuban nivaasi apne ko itna mahaan anubhav karte ho?jaise taap ka sthaan hai, aise hi sthiti bhi taap ki rehti hai। neeche to nahin aate ho?madhuban nivaasiyon ko kitne prakaar ki lift ki gift hai, usko jaante ho? kabhi ginti ki hai?va itni hai jo ginti nahin kar sakte ho?madhuban ki mahima ke geet sabhi gaate hain। lekin madhuban nivaasi woh geet gaate hain? madhuban vaasiyon ka chitra door-door rahne vaale bhi apne dil mein kitna shreshtha chitra kheenchate hain, yeh jaante ho? aisa chitra chaitanya mein apna taiyaar kiya hai?jaise sthool pahaadi hai vaise sada oonchi stage ki pahaadi par rehte ho?aisi oonchi stage jahaan puraani duniya ke vaataavran ka koi prabhaav aa nahin sakta। aisi stage par rehte ho ki neeche aa jaate ho?neeche aane ki aavashyakta hai?madhuban ko double lakeer hai। ek to madhuban nivaasi madhuban ki lakeer ke andar hain। aur doosra sada shreemat ki lakeer ke andar hain। to double lakeer ke andar ho। double lakeer ke andar rahne vaalon ki stage kitni shreshtha hogi। aaj baapdaada apne bhoomi nivaasiyon se milne aaye hain। baap ki charitra bhoomi hai na। to bhoomi nivaasiyon se vishesh sneh hoga na।

bichaare aaj ke bhakta to bhoomi ki mitti mastak mein lagaane ke liye taras rahe hain aur aap sada vahaan nivaas karte ho to kitne bhaagyashaali ho! dil takhtansheen to sab hain lekin madhuban nivaasi chulha par bhi hain to dil par bhi hain। double ho gaya na। sabse taaja maal madhuban nivaasiyon ko milta hai। sabse badhiya anubhvon ki picnic madhuban nivaasi karte hain। sabse jyaada milan mahphil madhuban nivaasi karte hain। sabse jyaada chaaron or ke samaachaaron ke knowledgeful bhi madhuban nivaasi hain। madhuban nivaasiyon se milne sabhi ko aana padta hai। to itna shreshtha bhaagya, aur varnan kaun karta hai? baap bachchon ka bhaagya varnan kar rahe hain। madhuban nivaasiyon ka kitna shreshtha bhaagya hai! agar ek baat bhi sada yaad rakho to neeche kabhi aa nahin sakte। ab jitni baap ne madhuban nivaasiyon ke bhaagya ki mahima ki, utni hi mahaan aatma samajhkar chalte ho?madhuban ki mahima sunkar foreigners bhi dekho khush ho rahe hain। in sabke man mein umang aa raha hai ki ham bhi madhuban nivaasi ho jaaven। aaj foreigners jaise gallery mein baithe hain। gallery mein baithkar dekhne mein maja hota hai। kab madhuban nivaasi dekhne vaale kabhi foreigners dekhne vaale। madhuban nivaasiyon ke liye sirf ek hi baat smriti mein rakh samartha banne ki hai। woh kaun si? jis ek baat mein sab samaya hua hai।

jo bhi sankalp karo, bol bolo, karma karo, sambandh va samparka mein aao, sirf ek checking karo ki yeh sab baap samaan hain? jo mera sankalp woh baap ka sankalp hai? mera bol baap ka bol hai?kyonki sabki yahi pratigya hai baap se, ‘‘ki jo baap se suna hai vahi sunaayenge। jo baap sunaayenge wahin sunenge। jo baap ne soch ke liye diya hai wahin sochenge। yeh to sabka vaayda hai na? jab yeh vaayda hai to sirf yeh checking karo। yeh checking karna mushkil to nahin hain na। pahle milaao phir practical mein laao। har sankalp pahle baap samaan hai - yeh check karo। pahle bhi sunaaya tha ki jo dvaapar yugi raaj va rajvaade hokar gaye hain,koi bhi cheez sveekaar karenge to pahle checking hoti hai phir sveekaar karte hain। to dvaapar ke raaje aapke aage kya lagte hain! aap log to phir bhi achhe raaje bane honge। lekin gire hue raajaaon ki bhi itni khaatiri hoti to aap sabka sankalp bhi buddhi ka bhojan hai। bol bhi mukh ka bhojan hi hai। karma - haathon ka, paanv ka bhojan hai। to sab check karna chaahiye na। pahle karke peechhe sonchana isko kya kaha jaayega? double samajhdaar।

sirf yeh ek baat sada apna niji sanskaar bana do jaise sthool mein bhi kai aatmaon ke sanskaar hote hain, aise vaise koi cheez kab sveekaar nahin karenge। pahle check karenge, dekhenge phir sveekaar karenge। aap to sab mahaan pavitra aatmaayen hon,sarva shreshtha aatmaayen ho। to aisi aatmaayen bina checking ke sankalp ko sveekaar kar de, vaani se bol den, karma ko kar len - yeh mahaanta nahin lagegi। to madhuban nivaasiyon ke liye sirf ek hi baat hai। checking ki machinery to hai na। abhyaas hi machinery hai।

madhuban vaalon ki mahima bhi bahut gaate hain। athakpan ki khushbu to bahut kaal se aati hai। jaise athak pan ki khushbu aati hai yeh certificate to mila hai,iske saath aur kya aid karenge? jaise athak ho vaise hi sada ekras। jab bhi result dekhen to sabki result ekras avastha mein ek number ho। doosra teesra number bhi nahin। kyonki madhuban hai sabko light aur might dene vaala। agar light-house, might-house hi hilta rahega to doosron ka kya haal hoga! madhuban nivaasiyon ka sab vaayumandal bahut jaldi chaaron or phailta hai। yahaan ki chhoti baat bhi baahar bade roop mein pahunchti hai। kyonki bade aadmi ho na। sada chhatrachhaaya mein rahne vaale। svarga mein to praalabdha milegi lekin yahaan bhi kaaphi praalabdha hai।madhuban nivaasiyon ko sab bana banaaya milta hai। ek diyooti bajaai baaki sab bana banaaya। kahaan se aata hai, kitna aata hai, koi sankalp ki jaroorat hi nahin। sirf seva karo aur meva khaao। 36 prakaar ke bhojan bhi madhuban vaalon ko baar-baar milte hain। to 36gun bhi to dhaaran karne padenge। harek madhuban nivaasi ko pavitrata ki light ke taajdhaari to hona hi hai। lekin double taaj। ek gunon ka taaj,doosra - pavitrata ka taaj jis taaj mein kam se kam 36 heere to hone hi chaahiye।

aaj baapdaada madhuban nivaasiyon ko khaas aur sabhi ko aam -gunon ke taaj ki crown-ceremony kara rahe hain। harek ko jo bhi dekhe to taajdhaari dekhe। harek gun roopi ratna chamakta hua auron ko bhi chamkaane vaala ho। (baapdaada ne drill karaai)।

sabhi lavleen stage par sthit ho na! ek baap doosra na koi। isi anubhooti mein kitna ateendriy sukh hai! sarva gunon se sampanna shreshtha sthiti achhi lagti hai na। isi sthiti mein din aur raat bhi beet jaaye phir bhi sada isi mein rahne ka sankalp rahega। sada isi smriti mein samartha aatma raho।

baapdaada nirantar bachchon se milan manaate rehte hain aur manaate rahenge। anek bachche hote bhi harek bachche ke saath baap milan manaate hi hain। kyonki shareer ke bandhan se mukta baap aura daada donon ek second ke andar anekon ko bhaasna de sakte hain।

deedi ji ke saath -royal family ban chuki hai ya abhi ban rahi hai? raajya kaarobaar chalaane vaale nikal chuke hain ya abhi nikalne hain? ek hain chalaanevaale,ek hain kaarobaar mein aanevaale। jo takhta nasheen honge woh raajya chalaane vaale। aur jo sambandh mein honge woh hain raajya kaarobaar mein aane vaale। to raajya kaarobaar chalaane vaale bhi abhi ban rahe hain na। raajya kaarobaar chalaane vaalon ki visheshta kya hogi? takhta par to sab nahin baithenge, takhta vaalon ke sambandhi to banenge lekin takhta par baithne vaalon ki to limit hai na। royal family mein aanevaale aur raajya sinhaasan par baithne vaale unhon mein bhi antar hoga। kahlaayenge to woh bhi number one, number tu vishvamhaaraajan ki royal family। lekin antar kya hoga? takhtansheen kaun honge, uske bhi koi kaayde honge na। is par sochna।

sangamayug par to diltakhta ke adhikaari sabko baap banaate hain। bhavishya mein raaje-mahaaraaje to banenge lekin first number vaala takhta jo first lakshmi naaraayan vaala hoga uske takhtansheen kaun honge? chhote-chhote takhta aur raajya darbaar to lagegi lekin vishwa-mahaaraajan ke takhta ka vishesh aadhaar hai- har baat mein,har subject mein baap ko poora follow karne vaale। agar ek bhi subject mein follow karne mein kami pad gai to first takhta ke adhikaari nahin ban sakte। nar se naaraayan, naari se lakshmi pad pa lenge lekin first number ka taaj aur takhta uske liye baapdaada donon ko har baat mein follow karna pade। tab takhta bhi follow mein milega। har baat mein,har sanskaar mein, har sankalp mein follow father karna hai। iske aadhaar par number bhi banenge। takhta wahin milega lekin usmein bhi number honge। second lakshmi-naaraayan aur aathvaan lakshmi-naaraayan antar to hoga na। yeh follow mein antar pad jaata hai। ismen bhi guhya rahasya hai। mahaaraaja banna aur mahaaraani banne ka bhi rahasya hai। baapdaada bhi raajdhaani dekhte rehte hain। kaun-kaun kis raajya ke adhikaari bante hain। kis rekhaaon ke hisaab se bante hain, yeh bhi raaj hai na।

follow father ki bhi badi guhya gati hai। janma mein follow father। bachpan jeevan mein follow father। yuva jeevan mein follow father। seva ki jeevan mein follow father। phir antim jeevan mein follow father। sthaapna ke kaarya ke saath aur sahayog mein kitne samay se kitne percent mein follow kiya? paalna ke kaarya mein kahaan tak follow kiya? apne aur auron ke vighna vinaashak kaarya mein kahaan tak follow kiya? yeh hisaab ki marks milaakar phir total hota hai। total ke hisaab se final number hota hai।

aap sab jump laga sakte ho। koto mein koi aisi kamaal dikha sakte hain। ab woh koto mein koi kaun hai? woh apne se poochho। aise nahin ki deri se aaye ho to nahin kar sakte ho। kar sakte ho। itna bada jump lagaana pade, lagaao jump,baapdaada extra madad bhi denge।

personal -jaise baap bachchon ki shreshthata ko jaante hain vaise aap sabhi jaante ho? itna nasha rehta hai va samajhte ho kabhi rehta hai kabhi nahin rehta? baaton ko dekhte ho ya baap ko dekhte ho? kisko dekhte ho? kyonki jitna bada sangathan hai to baaten bhi to itni hi hongi na। baaton ka hona,yeh to sangathan mein hoga hi। baaton ke samay baap yaad rehta hai? yeh nahin soncho ki baaten khatma hon to baap yaad aave। lekin baaton ko khatma karne ke liye hi baap ki yaad hai। baaten khatma hi tab hongi jab ham aage badhenge। aise nahin,baaten khatma hon tab ham aage badhe, ham aage badhenge to baaten peechhe ho jaayengi। raasta nahin aage badhta hai, chalne vaala aage badhta hai। kabhi raasta aage badhta hai kya?koi raasta paar karne vaala soche, raasta aage badhe to main badhoon। raasta to wahin rahega lekin use tay karne vaala aage badhega। sidescene nahin aage badhengi lekin dekhne vaala aage badhega। to yeh shakti hai? ‘ek baap doosra na koi' - yeh paath mansa vaacha karmana mein nirantar yaad hai?doosra koi vyakti nahin hai, yeh bhi ek subject hai, lekin koi vaibhav hai?koi vighna hai? koi vyartha sankalp hai, agar ek baap aur doosra vyartha sankalp bhi hoga to do ho gaye na! sankalp mein bhi vyartha na ho,bol mein bhi aur kuchh nahin। aatmaon se samparka nibhaate smriti mein baba। vyakti va samparka ka vistaar na ho। aise hain? aaj tan par, kal man par, parson vastu par kabhi vyakti par,ismen to time nahin chala jaata hai? vyakti jaayega, vaibhav aayega, vaibhav jaayega, vyakti aayega। yeh to line hoti hai। kyonki maaya jaanti hai, thoda bhi chance aane ka mila to woh bahuroop se aayegi। ek roop se nahin। yahaan se vahaan se, kone se, chhat se,bahu roopon se, bahut taraph se aa jaayegi। lekin parakhne vaala, ek baap doosra na koi is paath ke aadhaar par unko door se hi namaskaar karaayega। karega nahin,karaayega। to ek baap doosra na koi yeh chaaron taraph। ka vaataavran ho। kyonki knowledge to sab mil gai hai। kitni points hain, points hote hue points roop mein rahen, yeh hai us samay ki kamaal jis samay koi neeche kheench raha ho। kabhi baat neeche kheenchegi, kabhi koi vyakti nimitta ban jaayega, kabhi vaayumandal,kabhi koi cheez,yeh to hoga। yeh na ho, aisa ho nahin sakta। lekin aap usmein ekras raho, uski yukti socho,koi nai invention nikaalo। aisi invention ho jo sab vaah-vaah karen, yeh achhi yukti sunaai।

murli ka saar

1. jo bhi sankalp karo,bol bolo karma karo, sambandh va samparka mein aao, sirf checking karo ki ye baap samaan hain।

2. double taajdhaari bano - ek gunon ka taaj, doosra - pavitrata ka taaj dhaaran karo।

3. vishwa-mahaaraajan ke takhta ka vishesh aadhaar hai - har baat mein,har subject mein baap ko poora follow karna।

3. maaya kanaikshan loose karti hai, confuse karti hai। kyon, kya ko khatma kar kanaikshan theek karo to sab theek ho jaayega।