शनिवार 17 अक्टूबर 1981 की अव्यक्त मुरली

>

17-10-81 om shanti avyakt baapdaada madhuban

"sabhi paristhitiyon ka samaadhaan - udta panchhi bano"

avyakt baapdaada vatan nivaasi, sada nyaare aur sarva ke pyaare shiv baba bole :-

‘‘baapdaada sabhi bachchon ko naynon ki bhaasha dvaara is lok se pare avyakt vatanvaasi banne ke ishaare dete hain। jaise baapdaada avyakt vatanvaasi hain vese hi tattvam ka vardaan dete hain। pharishton ki duniya mein rehte hue is saakaar duniya mein karma karne ke liye aao। karma kiya, karmayogi bane phir pharishte ban jaao। yahi abhyaas sada karte raho। sada yeh smriti rahe ki main pharishton ki duniya mein rahne vaala avyakt pharishta-swaroop hoon। pharsha nivaasi nahin,arsha nivaasi hoon। pharishta arthaat is vikaari duniya, arthaat vikaari drishti va vritti se pare rahne vaale। in sab baaton se nyaare। sada woh baap ke pyaare aur baap unke pyaare। donon ek do ke sneh me samaaye hue, pharishte bane ho? jaise baap nyaara hote hue praveshkar kaarya ke liye aaten hain, aise pharishta aatmaayen bhi karma bandhan ke hisaab se nahin lekin seva ke bandhan se shareer me pravesh ho karma karte aur jab chaahe tab nyaare ho jaate। aise karmabandhanmukta ho - isi ko hi pharishta kaha jaata hai।

baap ke bane arthaat puraani deh aur deh ki duniya ka sambandh samaapta hua। iseelie isko marjeeva jeevan kehte ho। to puraane karmon ka khaata samaapta hua, naya brahman jeevan ka khaata shuru hua। yeh to sabhi jaante aur maante ho na, ki marjeeva bane hain। bane ho, va ban rahe ho? kya kahenge?mar rahe hain ya mar rahe hain? jab mar gayen, pichhla hisaab samaapta hua। brahman jeevan karmabandhan ka jeevan nahi hota। karmayogi ka jeevan hota। maalik ban karma karte to karmabandhan nahin hua lekin karmendriyon ke maalik ban jo chaaho, jaisa karma chaahon,jitna samay karma karne chaaho vaise karmendriyon se karaane vaale honge। to brahman arthaat pharishta। karmabandhani aatma nahin lekin seva ke shuddh bandhan vaali। yeh deh seva ke arth mili hai। aapke karmabandhan ke hisaab kitaab ke jeevan ka hisaab samaapta hua। yeh naya jeevan hai। yeh to sabhi samajhte ho na! puraana hisaab ab tak raha hua to nahin hai?kya samajhte hain mahaaraashtra vaale? teachers kya samajhti hain? hisaab kitaab chuktu karne mein hoshiyaar hain va dheelen hain?chuktu karne aata to hain na? pharishta ban jaao to mehnat se chhoot jaayenge। chalne vaale, daudne vaale, jump lagaane vaale,in sabse oonche udne vaale ho jaayenge। to mehnat se chhoot jaayenge na! anaadi roop mein hain hi udne vaale। aatma udta panchhi hai,chalta hua panchhi nahin। to anaadi sanskaar jo bojh ke kaaran bhool gaye hain, pharishte ke bajaae karmabandhani,udte panchhi ke bajaae pinjade ke panchhi ban gaye hain। ab phir se anaadi sanskaar udte panchhi ke emerge karo। arthaat pharishte roop mein sthit raho। tatattvam ke vardaani bano। isi ko hi sahaj purooshaartha kaha jaata hai। bhinna-bhinna paristhitiyon mein kya karoon,kaise karoon ki jo mehnat karte ho isse paristhiti badi aur aap chhote ho jaate ho। paristhiti shaktishaali aur aap kamjor ho jaate ho। kisi bhi paristhiti mein chaahe prakriti ke aadhaar par koi paristhiti ho,chaahe apne tan ke sambandh se koi parivarttan ho,apne va doosron ke sanskaar ke aadhaar par koi paristhiti ho,sab paristhitiyon me kya aur kyon ka ek hi uttar hai -’’udta panchhi ban jaao''। paristhiti neeche aur aap oopar ho jaayenge। oopar se neeche ki vastu kitni bhi badi ho lekin chhoti-si anubhav hogi। iseelie sab paristhitiyon ko sahaj paar karne ka sahaj raasta hai - pharishta bano,udta panchhi bano। samjha - sahaj purooshaartha kya hai? mera yeh svabhaav hai,sanskaar hai,bandhan hai,is mere-pan ke bandhan ko marjeeva bane to kya samaapta nahin kiya? pharishtepan ki bhaasha ‘mera-mera'nahin। pharishta arthaat mera so tera ho gaya। yeh mera-mera hi pharshavaasi banaata hai। aur tera-tera hi takhtavaasi banaata hai। to pharishta banna arthaat mere-mere ke bandhan se mukta banna। alaukik jeevan mein bhi mera ek baap doosra mera koi nahin। to aise pharishte bane ho? to mahaaraashtra vaale kya banenge? pharishta banna aata hai na? sab samasyaaon ka ek hi samaadhaan yaad rakhna - udta panchhi banna hai aur banaana hai। samjha! achha।

aise baap samaan avyakt roopdhaari pharishte-swaroop, ek baap mera doosra na koi mera, aise nyaari aur pyaari sthiti mein rahne vaale, sada karmendriyon jeet, karmayogi aur karmaateet,isi abhyaas mein rahne vaale,sada bandhanmukta,seva ke sambandh mein rahne vaale aise baap samaan tatattvam ke vardaani bachchon ko baapdaada ka yaadapyaar aur namaste''।

party ke saath avyakt mulaakaat

sada apne ko is srishti drama ke andar hero paartadhaari samajhkar chalte ho? jo hero paartadhaari hote hain unko har kadam par apne oopar attention rehta hai, unka har kadam aisa uthta hai jo sada vaah-vaah karen, vansa mor karen। agar hero paartadhaari ka koi bhi ek kadam neeche oopar ho jaata hai to woh ‘hero' nahin kahla sakta। to aap sabhi double hero ho। hero vishesh paartadhaari bhi ho aur hero jaisa jeevan banaane vaale bhi। to aisa apna svamaan anubhav karte ho?ek hai jaanna aur doosra hai jaankar chalna। to jaante ho va jaankar chalte ho? to sada apne hero part ko dekh harshit raho,vaah drama aur vaah mera part! agar jara bhi saadhaaran karma hua to hero nahin kahla sakte। jaise baap hero paartadhaari hai to unka har karma gaaya aur pooja jaata hai,aise baap ke saath jo sahayogi aatmaayen hain unhon ka bhi hero part hone ke kaaran har karma gaayan aur poojan yogya ho jaata hai। to itna nasha hai ya bhool jaata hai? aadhaakalpa to bhoole, abhi bhi bhoolna hai kya? ab to yaad-swaroop ban jaao। swaroop banne ke baad kabhi bhool nahin sakte।

2. jeevan ko shreshtha banaane ka sahaj saadhan kaun sa hai? shreshtha jeevan tab banti jab apne ko trustee samajhkar chalte। trustee arthaat nyaara aur pyaara। to sabhi ko baap ne trustee bana diya। trustee ho na?trustee hokar rahne se grihasthi pan svatah nikal jaata hai। grihastheepan hi shreshtha jeevan se neeche le aata। trustee ka meraapan kuchh nahin hota। jahaan meraapan nahin vahaan nashtomoha svatah ho jaate। sada nirmohi arthaat sada shreshtha sukhi। moh mein duhkh hota hai। to nashtomoha bano।

pravritti vaalo se :- ‘‘sabhi pravritti me rehte sada nyaare aur pyaare sthiti mein rahne vaale ho na! pravritti ke kisi bhi laukik sambandh va laukik vaayumandal,vibration me to nahin aate ho? in sab laukikta se pare alaukik sambandh mein,vaayumandal mein, vibration mein rehte ho?laukik-pan to nahin hai na?ghar ka vaayumandal bhi aisa hi alaukik banaaya hai jo laukik ghar na lage lekin seva kendra ka vaayumandal anubhav ho? koi bhi aave to anubhav kare ki yeh alaukik hai,laukik nahin। koi bhi laukikta ki pheenlig na ho। aane vaale anubhav karen, yeh koi saadhaaran ghar nahin hai। lekin mandir hai। yahi hai pavitra pravritti vaalon ki seva ka pratyaksha-swaroop। sthaan bhi seva karen, vaayumandal bhi seva kare।

jaise sevaakendra par agar koi bhi jara sva-bhaav sva-sanskaar ke vash hokar aisi chaal-chalan chalte hain to sab kehte ho aisa nahin hona chaahiye। aise hi aapke ghar ke sthaan par bhi aisi mahsoosta ho ki is sthaan par aisa koi karma nahin hona chaahiye। yeh feeling dil mein aaye ki yeh karma ham nahin kar sakte। jaise seva sthaan par koi bhi kami peshi dekhte ho to theek kar dete ho aise apne laukik sthaan ko aur sthiti ko theek kar dena। ghar mandir lage, grihasthi nahin। jaise mandir ka vaayumandal sabko aakarshit karta,aise aapke ghar se pavitrata ki khushbu aaye। jis prakaar agarbatti ki khushbu chaaron or phailti, isi prakaar pavitrata ki khushbu door-door tak phailni chaahiye,isko kaha jaata hai pavitra pravritti। achha''