गुरुवार 22 अक्टूबर 1981 की अव्यक्त मुरली

>

22-10-81 om shanti avyakt baapdaada madhuban

"sada daata ke bachche daata bano"

sada daya ke saagar, kripaalu shiv baba boleh

''aaj daya ke saagar apne master daya ke saagar bachchon se milne aaye hain। bhakta log baapdaada ko aur aap sarvashreshtha aatmaon ka dayaalu-kripaalu isi naam se gaayan karte hain। baapdaada se va aap sarvashreshtha aatmaon se sarva dharma ki aatmaayen ek mukhya cheez zaroor chaahte hain। gyaan aur yog ki baaten har dharma mein alag-alag hain,jisko kaha jaata hai - maanyataayen। lekin ek baat sab dharmon mein ek hi hai, sarva aatmaayen daya va kripa jisko ve apni bhaasha mein blessing kehte hain, yeh sab chaahte hain। aap sabhi aatmaon se ab last janma mein bhi aapke bhakta yahi chaahte hain - jara-si kripa drishti kar lo। jara jamaare oopar bhi daya kar lo। sarva dharmon ki mool nishaani daya maante hain। agar koi bhi dhamaarka aatma dayaalu nahin va daya drishti vaala nahin to usko dhamaarka nahi maante hain। dharma arthaat daya। to aaj baapdaada dayaalu aur kripaalu kahaan tak bane hain-woh dekh rahe hain।

sabhi brahman aatmaayen apne ko aadi sanaatan praacheen dharma ki shreshtha aatmaayen arthaat dharmaatma maante hi ho। to, he dharmaatmaayen,aap sabka pahla dharma arthaat dhaarna hai hi sva ke prati,brahman parivaar ke prati aur vishwa ki sarva aatmaon ke prati daya bhaav aur kripa drishti। to apne aap se poochho ki sada daya ki bhaavna aur kripa drishti sarva ke prati rehti hai va nambarvaar rehti hai? daya bhaav va kripa drishti kis par karni hoti hai?jo kamjor aatma hai, apraapta aatma hai, kisi-na-kisi baat ke vasheebhoot aatma hai - aisi aatmaayen daya va kripa ki ichchha rakhti hain va unki ichchha na bhi ho to aap daata ke bachche un aatmaon ko shubh-ichchha se dene vaale ho। saare din mein jin bhi aatmaon ke samparka mein aate ho, chaahe gyaani, chaahe agyaani, sabke prati sada yahi drishti rehti hai va doosri-doosri drishti bhi rehti hai? chaahe koi kaisa bhi sanskaar vaala ho lekin ya daya va kripa ki bhaavna va drishti patthar ko bhi paani kar sakti hai। opposition vaale apni position mein tik sakte hain। svabhaav ke takkar khaane vaale thaakur ban sakte hain। krodh- agni,yog-jvaala ban jaayegi। anek janmon ke kade hisaab-kitaab second mein samaapta ho naya sambandh jut jaayega। kitna bhi virodhi hai - woh is vidhi se gale milne vaale ho jaayenge। lekin in sabka aadhaar hai -’’daya bhaav''। daya bhaav ki aavashyakta aisi paristhiti aur aise samay mein hai! samay par nahin kiya to kya master daya ke saagar kahlaayenge?jismen daya bhaav hoga woh sada niraakaari, nirvikaari aur niraahankaari hoga। mansa niraakaari, vaacha nirvikaari,karmana niraahankaari। isko kaha jaata hai dayaalu aur kripaalu aatma। to, he daya se bharpoor bhandaar aatmaayen, samay par kisi aatma ke prati daya bhaav ki anchali bhi nahin de sakte ho? bharpoor bhandaar se anchali de do to saare brahman parivaar ki samasyaayen hi samaapta ho jaaen। sanskaar to aap sabke anaadi,aadi, avinaashi daataapan ke hain। devta arthaat dene vaala। sangam par master daata ho। aadhaakalpa devta dene vaale ho। dvaapar se bhi aapke jad chitra dene vaale devta hi kahlaate hain। to saare kalpa ke sanskaar daataapan ke hain। aise daataapan ke sanskaar vaali,he sampanna aatmaayen, samay par kyon nahin daata bante ho?lene ki bhaavna daata ke bachche kar nahin sakte। yeh de to main doon,yeh devta nahin levta ho gaye। to kaun-si aatmaayen ho?devta va levta?

he ichchha maatram avidya aatmaayen, alpakaal vi ichchha khaatir devta ke bajaay levta nahin bano। dete jaao, dete hue ginti nahin karo। mainne itna kiya, isne nahin kiya, yeh ginti karna daataapan ke sanskaar nahin! pharaakhdil baap ke bachche yeh baaten ginti nahin karte। bhandaare bharpoor hain, ginti kyon karte ho? satayug mein bhi koi hisaab-kitaab ginti nahin rakhte। royal family, raajyavanshi master daata hote hain। vahaan yeh saudebaaji nahin hogi। itna diya, itna kiya। jo jitna le utna bharpoor ban jaae! raajyavansh arthaat daata ka ghar। to yeh sanskaar bharne ke hain। kahaan bharne hain?kya satayug mein? abhi se hi bharne hain na! yahaan bhi baap se saudeba ji karte hain। baap ne hamko poochha nahin, baap ne hamse kiya nahin। aur aapas mein to saudebaaji bahut karte hain। shaahanshaah bano, daata ke bachche daata bano। isne kiya tab mainne yeh kiya, isne do kaha tab mainne chaar kaha। isne do baari kaha va kiya mainne ek baari kiya। yeh hisaab-kitaab daata ke bachche kar nahin sakte। koi aapko de,na de, lekin aap dete jaao। isko kaha jaata hai - dayaabhaav va kripa drishti! to, he dayaalu-kripaalu aatmaayen, dene vaale bano। samjha?

baapdaada ke paas sab bachchon ke khaate hain। saare din mein kitna samay dayaalu va kripaalu bante hain aur kitna samay dene ki bhaavna ke bajaae lene ki bhaavna rakhte hain, yeh saare din ki leela baapdaada bhi dekhte hain। jaise aap logon ne yeh video set lagaaya hai to dekhte bhi ho aur sunte bhi ho, to baapdaada ke paas bhi harek ke liye T.vi. set hai। jab chaahen tab switch on karen।

yeh hain seva ke saadhan aur woh hain baap-bachchon ke haalchaal ka saadhan। vaise to ant mein yeh sab saadhan samaapta ho jaayenge। yeh veedio nahin kaam mein aayega lekin will-power ka set kaam mein aayega। lekin science vaale bachchon ne jo itna samay, enarja,mani kharcha karke saadhan banaaya hai, bachchon ki mehnat baap ki seva mein lag rahi hai। isliye baap bhi bachchon ki mehnat dekh khush hote hain ki seva ke saadhan achhe banaaye hain! phir bhi hain to bachche na! baap,bachchon ki invention dekh khush to honge na! jis bhi kaarya mein lage hue hain usi kaarya mein saphalta pa rahe hain। chaahe alpakaal ki ho lekin saphalta to hai na! isliye baapdaada video set ko nahin dekhte lekin un bachchon ko dekhte hain। achha।

isi saadhan dvaara desh-videsh ke bachche chaaron or dekhenge aur sunenge to baapdaada bhi chaaron or ke sarva bachchon ko, jo yahi lagan lagaakar baithe hain ki aaj madhuban mein kya hoga! shareer se videsh va desh mein hain lekin aakaar roop dvaara madhuban nivaasi hain। baapdaada un sabhi aakaari yaad-swaroop aatmaon ko vishesh yaad-pyaar de rahe hain। baapdaada double sabhi dekhte hain, single nahin। ek saakaari sabha,ek aakaari sabha। (chandu aur sheela America se aaye hain) yeh bhi sabki yaad le aaye hain na! sabki yaad pahunch rahi hai। achha-sabhi ke patron ka ek hi uttar hai - ve baap ko yaad karte, baap padamguna un bachchon ko yaad karte hain। jaise ve din gin rahe hain vaise baap har bachche ke gunon ki maala sada smaran karte hain। sabhi bachchon ka ek hi milan ka sankalp hai aur baapdaada bhi aise milan manaane vaale,sankalp rakhne vaali aatmaon ko vishesh amritvele ke milan mein milan manaae respond dete hain aur sarva ko seva ke prati vishesh sankalp dete rehte hain। achha।

aise sada dayaabhaav aur kripa drishti rakhne vaale, sada dene vaale, lene ki kaamna nahin rakhne vaale, ichchha maatram avidya - aisi sthiti mein rahne vaale, aise raajyavansh sanskaar vaale,shreshtha aatmaon ko baapdaada ka yaad-pyaar aur namaste।

gujraat zone (party se personal mulaakaat)

sada apne ko mahaaveer arthaat mahaan aatma samajhkar chalte ho? kiske bane hain aur kya bane hain sirf yeh bhi socho to kabhi bhi vyakta bhaav mein nahin aa sakte। vyakta bhaav se oopar raho arthaat pharishte ban sada oopar udte raho। pharishte neeche nahin aate,dharti par paanv nahin rakhte। yeh vyakta bhaav bhi deh ki dharni hai। to jab pharishte ban gaye phir deh ki dharni mein kaise aa sakte,pharishta arthaat udne vaale। to sabhi udta panchhi ho,pinjadevaale to nahin ho na?aadhaakalpa to pinjare ke the ab udte panchhi ho gaye। svatantra ho gaye। neeche ki aakarshan abhi kheench nahin sakti। neeche honge to shikaari shikaar kar denge, oopar udte rahenge to koi kuchh nahin kar sakta। to sabhi udta panchhi ho na? pinjara khatma ho gaya?chaahe kitna bhi sundar pinjara ho lekin hai to bandhan na! yeh alaukik sambandh bhi sone ka pinjara hai, ismen bhi nahin phansana। svatantra to svatantra। sada bandhanmukta rahne vaale hi jeevanmukta sthiti ka anubhav kar sakenge। achha।