बुधवार 20 जनवरी 1982 की अव्यक्त मुरली

>

20-01-82 om shanti avyakt baapdaada madhuban

"preet ki reet nnnibhaane ka sahaj tareeka"

shiv shama apne parvaanon ke prati bole:-

‘‘aaj shama apne parvaanon ke roohaani mahphil mein aaye hain। yeh roohaani mahphil kitni alaukik aur shreshtha hai। shama bhi avinaashi hai, parvaane bhi avinaashi hain aur shama-parvaanon ki preeti bhi avinaashi hai। is roohaani preeti ko shama aur parvaanon ke sivaae aur koi jaan nahin sakta। jinhonne jaana unhonne preet nibhaaya aur unhonne hi sab kuchh paaya। preet ki reeti nibhaana arthaat sab kuchh paana। nibhaana nahin aata to paana bhi nahin aata। is preet ke anubhav jaanen ki yeh preet ki reet nibhaana kitna sahaj hai! preet ki reet kya hai, jaante ho na? sirf do baaton ki reet hai। aur woh bhi itni saral hai jo sab jaante bhi hain aur sab kar bhi sakte hain। woh do baaten hain - ‘geet gaana aur naachna'। iske sab anubhvi ho na?gaana aur naachna to sabko pasanda hai na?to yahaan karna hi kya hai? amritvele se geet gaana shuru karte ho। dincharya mein bhi uthte hi geet se ho। to baap ke va apne shreshtha jeevan ki mahima ke geet gaao। gyaan ke geet gaao। sarva praaptiyon ke geet gaao। yeh geet gaana nahin aata? aata hai na? to geet gaao aur khushiyon mein naacho। khushiyon mein naachte-naachte har karma karo। jaise sthool dance mein bhi saare shareer ki dance ho jaati hai। drill ho jaati hai। bhinna-bhinna poj se dance karte ho। vaise khushi ke dance mein bhinna-bhinna karmon ke poj karte। kabhi haath se koi karma karte, kabhi paanv se karte ho to yeh kaam nahin karte ho lekin bhinna-bhinna dance ke poj karte ho। kabhi haath ki dance karte ho, kabhi paanv ko nachaate ho। to karmayogi banna arthaat bhinna-bhinna prakaar ki khushi mein naachte chalo। baapdaada ko va shama ko vahi parvaana pasanda hai jo gaana aur naachna jaanta ho। yahi preet ki reet hai। to yeh to mushkil nahin hai na?kya lagta hai - sahaj ya mushkil? abhi madhuban mein to easy-easy kar rahe ho, vahaan jaakar bhi easy-easy kahenge na? badal to nahin jaayenge vahaan jaakar? (yahaan easy hain vahaan busy ho jaayenge) lekin isi gaane aur naachne mein hi busy rahenge na?

sada kaanon mein yahi meetha saaj sunte rehna। kyonki gaane aur naachne ke saath saaj bhi to chaahiye na! kaun-sa saaj sunte rahenge? (murli) murli ka bhi ‘saar' jo har murli mein baapdaada meethe bachche, laadle bachche, sikeeldhe bachche kahkar yaad-pyaar dete hain। yahi baap ke sneh ka saaj sada kaanon mein sunte rehna। to aur baaten sunte bhi samajh mein nahin aayengi, buddhi mein nahin aayengi। kyonki ek hi saaj sunne mein busy honge na to doosra sunenge kaise! aise hi sada geet gaane mein busy honge to aur vyartha baaten mukh se bolne ki phursat hi nahin। sada baap ke saath khushi mein naachte rahenge to teesra koi disturb kar nahin sakta। do ke beech mein koi aa nahin sakta। to maayaajeet to ho hi gaye na! na sunna,na bolna,na maaya ka aana। to preet ki reeti kya hui? - gaana aur naachna। jab donon se thak jaao to teesri baat hai, so jaana। yahaan ka sona kya hai?sona arthaat karma se detach ho jaana। to aap karmendriyon se deetaich ho jaao। ashareeri banna arthaat so jaana। yaad hi baapdaada ki godi hai। to jab thak jaao to ashareeri ban, ashareeri baap ki yaad mein kho jaao arthaat so jaao। jaise shareer se bhi bahut gaate aur naachte hain aur thak jaate hain to jaldi hi neend aa jaati hai, aise yeh roohaani geet gaate, khushi mein naachte-naachte soyenge aur kho jaayenge। to samjha - saara din kya karna hai? aur double foreigners to ismen bahut shaukeen hai। to jis baat ka shauk hai vahi karo, bas। sote bhi shauk se hain। to teenon hi baaten karne aati hai। to samjha - preet ki reeti nibhaane ka sahaj tareeka kya hai?achha - abhi ek shabd to yahaan double foreigners chhodkar jaana। kaun-sa? (sabhi ne koi na koi baat sunaai- koi ne kaha udaasi, koi ne kaha thakaavat) achha - isse siddha hai ki jo bol rahe ho woh abhi tak hai। achha - bolna maana chhodna। to ek shabd - ‘dipreshan-dipreshan'kabhi nahin kehna। ‘realisation na ki dipreshan'। jo baap ko divorce dete hain, woh dipreshan mein aate hai। aap to baap ke sada companion ho। to dipreshan shabd shobhta nahin hai। self realisation ho gaya, realisation ho gaya phir yeh kaise ho sakta! samjha - jab dvaapar poora ho jaae, kaliyug shuru ho tab phir bhale hona। itne samay ke liye to talaak de do isko। achha –

parivartan bhoomi mein avinaashi parivartan karne vaale, sada preet ki reeti nibhaane vaale,shama ke dilapsanda parvaane, sada roohaani geet gaane vaale, khushi mein naachte rahne vaale, jab chaahen baap ki godi mein so jaane vaale, aise sikeeldhe, laadle bachchon ko baapdaada ka yaadapyaar aur namaste।''

teachers ke saath-avyakt baapdaada ki mulaakaat

(double videshi teachers)

sabhi ne seva ka saboot apne-apne shakti pramaan diya hai aur dete rahenge? sevaadhaari arthaat har second, har shvaans, har sankalp mein vishwa ki stage par part bajaane vaale। to sada svayan ko vishwa ki stage par hero part bajaane vaali shreshtha aatmaayen hain, yeh samajhkar chalte raho। yeh bhi drama mein chance mila hai। to doosre ke nimitta banne se svayan svatah hi usi baaton ke attention mein rehte। isliye sada apne ko baapdaada ke saathi hain,seva par upasthit hain,is smriti mein rahkar har kaarya karte rehna। sada aage badhte chalenge aur badhaate chalenge। himmat achhi rakhi hai, madad bhi baap ki mil rahi hai aur milti rahegi। nimitta shikshak banna va roohaani sevaadhaari banna arthaat father ko follow karna। isliye baap samaan baap ke sikeeldhe। baapdaada bhi sevaadhaariyon ko dekh khush hote hain। sabhi sada apne ko nimitta samajhkar chalna aur namrachitta hokar chalna। jitna nimitta aur namrachitta hokar chalenge utni seva mein sahaj vriddhi hogi। kabhi bhi mainne kiya,main teacher hoon, yeh ‘‘main'' ka bhaav nahin rakhna। isko kaha jaata hai service karne ke bajaae service me rookti kala aane ka aadhaar। chalte-chalte kabhi service kam ho jaati hai ya dheeli hoti hai, uska kaaran vishesh yahi hota hai jo nimitta ke bajaae main-pan aa jaata hai aur iske kaaran hi service dheeli ho jaati hai,phir apni khushi aur apna nasha hi gum ho jaata hai। to kabhi bhi na svayan is smriti se door hona,na auron ko baap se varsa lene se vanchit karna। doosri baat ki sada yeh slogan yaad rakhna - ki sva parivartan se kisi bhi parivaar ki aatma ko bhi badalna hai aur vishwa ko bhi badalna hai। sva parivartan ke oopar vishesh attention। to seva svatah hi vriddhi ko paayegi। ghatne ka kaaran bhi samjha aur badhaane ka aadhaar bhi samjha। to sada khushi mein aage badhte jaayenge aur auron ko bhi khushi mein laate rahenge। samjha!

to number one yogya teacher va number one sevaadhaariyon ki line mein aa jaayenge। to double videshi sabhi number one teacher ho na! mehnat achhi kar rahe ho aur muhabbat bhi achhi hai। saboot bhi laaya hai। harek bachcha sevaadhaari arthaat teacher hai। chaahen sevaakendra par rahe, chaahen jahaan bhi rahe lekin sevaadhaari hain। kyonki braahmanon ka occupation hi hai - ‘sevaadhaari'। kisko seva ka kya part mila hai,kisko kya… koi ko laane ki seva karni hai, koi ko sunaane ki,koi ko bhog banaane ki to koi ko bhog lagaane ki… sab sevaadhaari hain। baapdaada sabhi ko sevaadhaari hi samajhte hain।

(83ke conference ke liye sabhi ne naye-naye plan banaaye hain, woh baapdaada ko suna rahe hain)

plan banaane mein mehnat ki hai uske liye mubaarak। yeh bhi buddhi chalaai arthaat apni kamaai jama ki। to meeting nahin ki lekin jama kiya। sada nirvighna, sada vighna-vinaashak aur sada santushta rehna tatha sarva ko santushta karna। yahi certificate sada lete rehna। yahi certificate lena arthaat takhtansheen hona। santushta rahne ka aur sarva ko santushta karne ka lakshya rakho। donon ka balance rakho। achha - jo plan banaaye hain - woh sab practical mein laana। vi. aai. Ps ka sangathan lekar aana।