मंगलवार 6 अप्रैल 1982 की अव्यक्त मुरली

>

06-04-82 om shanti avyakt baapdaada madhuban

“daas va adhikaari aatmaon ke lakshan”

avyakt baapdaada sarva adhikaari, mahaatyaagi,raajarishi bachchon prati bole-

‘‘baapdaada raajarishiyon ki darbaar dekh rahe hain। raaj arthaat adhikaari aur rishi arthaat sarva tyaagi। tyaagi aur tapasvi। to baapdaada sarva brahman bachchon ko dekh rahen hain ki kahaan tak adhikaari aatma aur saath-saath mahaatyaagi aatmaadonon ka jeevan mein pratyaksha swaroop kahaan tak laaya hai! adhikaari aur tyaagi donon ka balance ho। adhikaari bhi poora ho aur tyaagi bhi poora ho। donon hi ikatthe ho sakta hai? isko jaana hai va anubhvi bhi ho?bina tyaag ke raajya pa sakte ho? sva ka adhikaar arthaat svaraajya pa sakte ho? tyaag kiya tab svaraajya adhikaari bane। yeh to anubhav hai na! tyaag ki paribhaasha pahle bhi sunaai hai।

tyaag ka pahla kadam hai - dehbhaan ka tyaag। jab deh ke bhaan ka tyaag ho jaata hai to doosra kadam hai - deh ke sarva sambandh ka tyaag। jab deh ka bhaan chhoot jaata to kya ban jaate? aatma,dehi va maalik। deh ke bandhan se mukta arthaat jeevanmukta raajya adhikaari। jab raajya adhikaari ban gaye to sarva prakaar ki adheenta samaapta ho jaati। kyonki deh ke daas se deh ke maalik ban gaye। aisa antar anubhav kiya na! daaspan chhoot gaya। daas aur adhikaari donon saath-saath nahin ho sakte। daaspan ki nishaani hai - man se, chehre se udaas hona। udaas hona nishaani hai daaspan ki। aur adhikaari arthaat svaraajyadhaari ki nishaani hai - man aur tan se sada harshit। daas sada upset hoga। raajyaadhikaari sada sinhaasan par set hoga,daas chhoti si baat mein aur second mein confuse ho jaayega aur adhikaari sada apne ko kampharta (aaraam mein) anubhav karega। in nishaaniyon se apne aap ko dekho - main kaun?daas va adhikaari?koi bhi paristhiti,koi bhi vyakti, koi bhi vaibhav, vaayumandal,shaan se pare arthaat takhta se neeche utaar daas to nahin bana dete arthaat shaan se pare pareshaan to nahin kar dete hain? to daas arthaat pareshaan, aur adhikaari arthaat sada master sarvashaktivaan,vighna vinaashak sthiti ki shaan mein sthit hoga। paristhati va vyakti,vaibhav, shaan mein rah mauj se dekhta rahega। daas aatma sada apne ko pareekshaaon ke majdhaar mein anubhav karegi। adhikaari aatma maanjhi ban naiya ko maje se pareekshaaon ki lahron se khelte-khelte paar karegi।

baapdaada daas aatmaon ki karmaleela dekh raham ke saath-saath muskaraate hain। saakaar mein bhi ek hansi ki kahaani sunaate the। daas aatmaayen kya karat bhai! kahaani yaad hai? sunaaya tha ki chooha aata, choohe ko nikaalte to billi aa jaati,billi ko nikaalte to kutta aa jaata। ek nikaalte doosra aata, doosre ko nikaalte to teesra aa jaata। isi karma-leela mein busy rehte hain। kyonki daas aatma hai na। to kabhi aankh roopi chooha dhokha de deta,kabhi kaan roopi billi dhokha de deti। kabhi bure sanskaar roopi sher vaar kar leta, aur bichaari daas aatma unhon ko nikaalte-nikaalte udaas rah jaati hai। isliye baapdaada ko raham bhi aata aur muskaraahat bhi aati। takhta chhodte hi kyon ho, automatic khisak jaate ho kya? yaad ke chumbak se apne ko set kar do to khiskenge nahin। phir kya karte hain?baapdaada ke aage aarjiyon ke lambe-chaude file rakh dete hain। koi arja daalte ki ek maas se pareshaan hoon,koi kehte 3 maas se neeche oopar ho raha hoon। koi kehte6 maas se soch raha tha lekin aise hi tha। itni aarjiyaan milkar phaaeel ho jaati - lekin yeh bhi soch lo jitni badi file hai utna fine dena padega। isliye arja ko khatma karne ka sahaj saadhan hai - sada baap ki marzi par chalo। ‘‘meri marzi yeh hai''to woh manmarzi arja ki file bana deti hai। jo baap ki marzi woh meri marzi। baap ki marzi kya hai? harek aatma sada shubhchintan karne vaali, sarva ke prati sada shubhchintak rahne vaali, sva kalyaani aur vishwa-kalyaani banen। isi marzi ko sada smriti mein rakhte hue bina mehnat ke chalte chalo। jaise kaha jaata hai - aankh banda karke chalte chalo। aisa to nahin, vaisa to nahin hoga?yeh aankh nahin kholo। yeh vyartha chintan ki aankh banda kar baap ki marzi arthaat baap ke kadam peechhe kadam rakhte chalo। paanv ke oopar paanv rakhkar chalna mushkil hota hai va sahaj hota hai? to aise sada follow father karo। follow sister,follow brother yeh naya step nahin uthaao। isse manjal se vanchit ho jaayenge। regard do,lekin follow nahin karo। visheshta aur gun ko sveekaar karo lekin footstep baap ke footstep par ho। samay par matlab ki baaten nahin uthaao। matlab ki baaten bhi badi manoranjan ki karte hain। woh dialogue phir sunaayenge,kyonki baapdaada ke paas to sab seva steshansa ki news aati hai। al world ki news aati hai। to daas aatma mat bano।

yeh hain bahut chhoti si karmendriyaan, aankh,kaan kitne chhote hain lekin yeh jaal bahut badi phaila dete hain। jaise chhoti si makdi dekhi hai na! khud kitni chhoti hoti। jaal kitni badi hoti। yeh bhi har karmendriy ka jaal itna bada hai, aise phansa dega jo maaloom hi nahi padega ki main phansa hua hoon। yeh aisa jaadu ka jaal hai jo eeshvareey hosh se, eeshvareey maryaadaaon se behosh kar deta hai। jaal se nikli hui aatmaayen kitna bhi un daas aatmaon ko mahsoos karaayen lekin behosh ko mahsoosta kya hogi? sthool roop mein bhi behosh ko kitna bhi hilaao, kitna bhi samjhaao, bade-bade mike kaan mein lagaao lekin woh sunega? to yeh jaal bhi aisa behosh kar deta hai aur phir kya maja hota hai? behoshi mein kai bolte bhi bahut hain। lekin woh bol beartha hota hai। aise roohaani behoshi ki sthiti mein apna spashteekran bhi bahut dete hain। lekin woh hota beartha hai। do maas ki, 6 maas ki puraani baat,yahaan ki baat,vahaan ki baat bolte rahenge। aisi hai yeh roohaani behoshi। to hai chhoti si aankh lekin behoshi ki jaal bahut badi hai। isse nikalne mein bhi time bahut lag jaata hai kyonki jaal ki ek-ek taar ko kaatne ka prayatna karte hain। jaal kabhi dekhi hai?aap logon ke pradarshani ke chitron mein bhi hai। jaal khatma karne ka saadhan hai - saari jaal ko apne mein kha lo। khatma kar lo। makdi bhi apni jaal ko poora svayan hi kha leti hai। aise vistaar mein na jaakar vistaar ko bindi lagaae bindi mein sama do। bindi ban jaao। bindi laga do। bindi mein sama jaao। to saara vistaar, saari jaal second mein sama jaayegi। aur samay bach jaayega। mehnat se chhoot jaayenge। bindi ban bindi mein lavleen ho jaayenge। to sochon jaal mein behosh hone ki sthiti achhi va bindi ban bindi mein lavleen hona achha! to baap ki marzi kya hui? lavleen ho jaao।

jabki jhaad ko abhi parivartan hona hi hai। to jhaad ke ant mein kya rah jaata hai? aadi bhi beej, ant bhi beej hi rah jaata hai। abhi is puraane vriksha ke parivartan ke samay par vriksha ke oopar master beejroop sthiti mein sthit ho jaao। beej hai hi - ‘bindu'। saara gyaan, gun,shaktiyaan sabka sindhu va bindu mein sama jaata hai। isko hi kaha jaata hai - baap samaan sthiti। baap sindhu hote bhi bindu hai। aise master beej roop sthiti kitni priy hai! isi sthiti mein sada sthit raho। samjha kya karna hai?

dekho, donon zone ki visheshta bhi yahi hai। karnaatak arthaat naatak poora kiya abhi chalo, lavleen ho jaao। aur yu.pi. mein bhi nadiyaan bahut hoti hain। to nadi sada saagar mein sama jaati hain। to aap saagar mein sama jaao arthaat lavleen ho jaao। donon ki visheshta hai na! isliye shaan se lavleen sthiti mein sada baithe raho। neeche oopar nahin aao। aavaagman ka chakkar to ab poora kiya na! abhi to aaraam se shaan se baith jaao। achha –

aise sada sarva adhikaari aur sarva tyaagi, sada behoshi ki jaal se mukta, aavaagman se mukta, master beejroop sthiti mein lavleen rahne vaale, aise raajarishi aatmaon ko baapdaada ka yaadapyaar aur namaste''

teachers ke saath- sabhi nimitta aatmaayen ho na? sada apne ko sevaartha nimitta aatma hoon - aisa samajhkar chalte ho? nimitta aatma samajhne se sada do visheshtaayen saakaar roop me dikhaai dengi।

1. sada namrata dvaara nirmaan karte rahenge।

2. sada santushtata ka phal khaate aur khilaate rahenge। to main nimitta hoon- isse nyaara aur baap ka pyaara anubhav karenge। mainne kiya yeh bhi kabhi varnan nahin karenge। main shabd samaapta ho jaayega। ‘‘main''ke bajaae ‘‘baba baba''। to baabaabaaba kahne se sabki buddhi baap ki taraph jaayegi। jisne nimitta banaaya uske taraph buddhi lagne se aane vaali aatmaon ko vishesh shakti ka anubhav hoga kyonki sarvashaktivaan se yog lag jaayega। shakti swaroop ka anubhav karenge। nahin to kamjor hi rah jaate hain। to ‘nimitta'samajhkar chalna yahi sevaadhaari ki visheshta hai। dekho - sabse bade te bada sevaadhaari baap hai lekin unki visheshta hi yeh hai - jo apne ko nimitta samjha। maalik hote hue bhi nimitta samjha। nimitta samajhne ke kaaran sabka priy ho gaya। to nimitta hoon,nyaari hoon,pyaari hoon,yahi sada smriti mein rakhkar chalo। seva to sab kar rahe ho, yeh lottery mil gai lekin is mili hui lottery ko sada aage badhaana ya kahaan tak rakhna yeh aapke haath mein hai। baap ne to de di, badhaana aapka kaam hai। bhaagya sabko ek jaisa baanta lekin koi sambhaalta aur badhaata hai, koi nahin। isi se number ban gaye। to sada svayan ko aage badhaate,auron ko bhi aage badhaate chalo। auron ko aage badhaana hi badhna hai। jaise baap ko dekho,baap ne maa ko aage badhaaya phir bhi number one naaraayan bana। woh second number lakshmi bani। lekin badhaane se badha। badhaana maana peechhe hona nahin, badhaana maana badhna।

sabhi sevaadhaari mehnat bahut achhi karte ho। mehnat ko dekhkar baapdaada khush hote hain lekin nimitta samajhkar seva karo to seva ek guna se chaar guna ho jaayegi। baap samaan seat mili hai abhi isi seat par set hokar seva ko badhaao। achha-''

party ke saath

1. vishesh aatma banne ke liye sarva ki visheshtaaon ko dekho- baapdaada sada bachchon ki visheshtaaon ke gun gaate hain। jaise baap sabhi bachchon ki visheshtaaon ko dekhte vaise aap vishesh aatmaayen bhi sarva ki visheshtaaon ko dekhte svayan ko vishesh aatma banaate chalo। vishesh aatmaon ka kaarya hai visheshta dekhna aur vishesh banna। kabhi bhi kisi aatma ke samparka mein aate ho to uski visheshta par hi nazar jaani chaahiye। jaise madhumakkhi ki nazar phoolon par rehti aise aapki nazar sarva ki visheshtaaon par ho। har brahman aatma ko dekh sada yahi gun gaate raho - ‘‘vaah shreshtha aatma vaah''!agar doosre ki kamzori dekhenge to svayan bhi kamjor ban jaayenge। to aapki nazar kisi ki kamzori roopi kankar par nahin jaani chaahiye। aap holi hans sada gun roopi moti chugte raho। achha-

2- samay aur svayan ke mahatva ko smriti mein rakho to mahaan ban jaayenge sangam yug ka ek-ek second saare kalpa ki praalabdha banaane ka aadhaar hai। aise samay ke mahattva ko jaante hue har kadam uthaate ho?jaise samay mahaan hai vaise aap bhi mahaan aatma ho - kyonki baapdaada dvaara har bachche ko mahaan aatma banne ka varsa mila hai। to svayan ke mahatva ko bhi jaankar har sankalp, har bol aur har karma mahaan karo। sada isi smriti mein raho ki ham ‘mahaan baap ke bachche mahaan hain।' isse hi jitna shreshtha bhaagya banaane chaaho bana sakte ho। sangamayug ko yahi vardaan hai। sada baap dvaara mile hue khajaanon se khelte raho। kitne akhut khajaane mile hai, ginti kar sakte ho! to sada gyaan ratnon se, khushi ke khajaane se shaktiyon ke khajaane se khelte raho। sada mukh se ratan niklen,man mein gyaan ka manan chalta rahe। aise dhaarna swaroop raho। mahaan samay hai, mahaan aatma hoon -yahi sada yaad rakho।