सोमवार 26 अप्रैल 1982 की अव्यक्त मुरली

> 26-04-82 om shanti avyakt baapdaada madhuban

“baapdaada ke diltakhtansheen banne ka sarva ko samaan adhikaar”

baapdaada bole:-

‘‘aaj gyaan gangaaon aur gyaan saagar ka milan mela hai। jis mele mein sabhi bachche baap se roohaani milan ka anubhav karte। baap bhi roohaani bachchon ko dekh harshit hote hain aur bachche bhi roohaani baap se mil harshit hote hain। kyonki kalpakalpa ki pahchaani hui roohaani rooh jab apne buddhiyog dvaara jaanti hain ki ham bhi vo hi kalpa pahle vaali aatmaaen hain aur usi baap ko phir se pa liya hai to usi aananda, sukh ke, prem ke, khushi ke jhoole mein jhoolne ka anubhav karti hain। aisa anubhav kalpa pahle vaale bachche phir se kar rahe hain। vo hi puraani pahchaan phir se smriti mein aa gai। aise smriti swaroop snehi aatmaayen is sneh ke saagar mein samaai hui lavleen aatmaayen hi is vishesh anubhav ko jaan sakti hain। snehi aatmaayen to sabhi bachche ho, sneh ke shuddh sambandh se yahaan tak pahunche ho। phir bhi sneh mein bhi nambarvaar hain,koi sneh mein samaai hui aatmaayen hain aur koi milan manaane ke anubhav ko yathaashakti anubhav karne vaale hain। aur koi is roohaani milan mele ke aananda ko samajhne vaale,samajhne ke prayatna mein lage hue hain। phir bhi sabhi ko kahenge - ‘snehi aatmaayen'। sneh ke sambandh ke aadhaar par aage badhte hue samaaye hue swaroop tak bhi pahunch jaayenge। samajhna - samaapta ho samaane ka anubhav ho hi jaayega - kyonki samaane vaali aatmaaen samaan aatmaaen hain। to samaan banna arthaat sneh mein sama jaana। to apne aap ko svayan hi jaan sakte ho ki kahaan tak baap samaan bane hain? baap ka sankalp kya hai? usi sankalp samaan mujh lavleen aatma ka sankalp hai? aise vaani,karma, seva,sambandh sab mein baap samaan bane hain? va abhi tak mahaan antar hai va thoda sa antar hai? antar samaapta hona hi - ‘manmanaabhav ka mahaamantra hai'। is mahaamantra ko har sankalp aur second mein swaroop mein laana isi ko hi samaan aur samaai hui aatma kaha jaata hai। behad ka baap, behad ka sankalp rakhne vaala hai ki sarva bachche baap samaan banen। aise nahin ki main guru banoon aur yeh shishya banen। nahin,baap samaan ban baap ke diltakhtansheen banen। yahaan koi gaddeensheen nahin banna hai। woh to ek do banenge lekin behad ka baap behad ke diltakhtansheen banaate hain। jo sarva bachche adhikaari ban sakte hain। sabhi ko ek hi jaisa golden chance hai। chaahe aadi mein aane vaale hain,chaahe madhya mein va abhi aane vaale hain। sabhi ko poora adhikaar hai - samaan banne ka arthaat diltakhtansheen banne ka। aise nahin ki peechhe vaale aage nahin ja sakte hain। koi bhi aage ja sakta hai - kyonki yeh behad ki property hai। isliye aisa nahin ki pahle vaalon ne le liya to samaapta ho gai। itni akhut property hai jo ab ke baad aur bhi lene chaahen to le sakte hain। lekin adhikaar lene vaale ke oopar hai। kyonki adhikaar lene ke saath-saath adheenta ke sanskaar ko chhodna padta hai। kuchh bhi nahin sirf adheenta hai lekin jab chhodne ki baat aati ho to apni kamzori ke kaaran is baat mein rah jaate hain aur kehte hain ki chhootta nahin। dosh sanskaaron ko dete ki sanskaar nahin chhootta। lekin svayan nahin chhodte hain। kyonki chaitanya shaktishaali svayan aatma hai va sanskaar hai? sanskaar ne aatma ko dhaaran kiya va aatma ne sanskaar ko dhaaran kiya?aatma ki chaitanya shakti sanskaar hain va sanskaar ki shakti aatma hai? jab dhaaran karne vaali aatma hai to chhodna bhi aatma ko hai,na ki sanskaar svayan chhootenge। phir bhinna-bhinna naam dete - sanskaar hain,svabhaav hai,aadat hai va nature hai। lekin kahne vaali shakti kaun si hai? aadat bolti hai va aatma bolti hai? to maalik hai ya gulaam hain? to adhikaar ko arthaat maalikpan ko dhaaran karna ismen behad ka chance hote hue bhi yatha shakti lene vaale ban jaate hain। kaaran kya hua?kehte - meri aadat,mere sanskaar, meri nature। lekin mera kehte hue bhi maalikpan nahin hai। agar mera hai to svayan maalik hua na! aisa maalik jo chaahe woh kar na sake,parivartan kar na sake, adhikaar rakh na sake, usko kya kahenge?kya aisi kamjor aatma ko adhikaari aatma kahenge?to khula chance hote bhi baap nambarvaar nahin dete lekin svayan ko nambarvaar bana dete hain। baap ka diltakhta itna behad ka bada hai jo saare vishwa ki aatmaaen bhi sama sakti hain itna viraat swaroop hai lekin baithne ki himmat rakhne vaale kitne bante hain! kyonki diltakhtansheen banne ke liye dil ka sauda karna padta hai। isliye baap ka naam ‘dilvaala'pada hai। to dil leta bhi hai,dil deta bhi hai। jab sauda hone lagta hai to chaturaai bahut karte hain। poora sauda nahin karte, thoda rakh lete hain phir kya kehte?dheere-dheere karke dete jaayenge। kishton mein sauda karna pasanda karte hain। ek dhak se sauda karne vaale,ek ke hone kaaran sada ekras rehte hain। aur sabmen number ek ban jaate hain। baaki jo thoda-thoda karke sauda karte hain - ek ke bajaae do naav mein paanv rakhne vaale, sada koi na koi uljhan ki halchal mein, ekras nahin ban sakte hain। isliye sauda karna hai to second mein karo। dil ke tukde-tukde nahin karo। aaj apne se dil hataakar baap se lagaai, ek tukda diya arthaat ek kishta di। phir kal sambandhiyon se dil hataakar baap ko di, doosri kishta di, doosra tukda diya,isse kya hoga? baap ki property ke adhikaar ke bhi tukde ke hakdaar banenge। praapti ke anubhav mein sarva anubhootiyon ke anubhav ko pa nahin sakenge। thoda-thoda anubhav kiya isse sada sampanna,sada santushta nahin honge। isliye kai bachche ab tak bhi aise hi varnan karte hain ki jitna, jaisa hona chaahiye woh itna nahin hai। koi kehte poora anubhav nahin hota, thoda hota hai। aur koi kehte - hota hai lekin sada nahin hota। kyonki poora full sauda nahin kiya to anubhav bhi full nahin hota hai। ek saath saude ka sankalp nahin kiya। kabheekbhi karke karte hain to anubhav bhi kabhi-kabhi hota hai। sada nahin hota। vaise to sauda hai kitna shreshtha praapti vaala। bhatki hui dil dena aur dilaaraam baap ke diltakhta par aaraam se adhikaar paana। phir bhi sauda karne ki himmat nahin। jaante bhi hain, kehte bhi hain lekin phir bhi himmatheen bhaagya pa nahin sakte। hai to sasta sauda na,ya mushkil lagta hai? kahne mein sab kehte ki sasta hai। jab karne lagte hain to mushkil bana dete hain। vaastav mein to dena, dena nahin hai। loha de karke heera lena, to yeh dena hua va lena hua?to lene ki bhi himmat nahin hai kya? isliye kaha ki behad ka baap deta sabko ek jaisa hai lekin lene vaale khula chance hote bhi nambarvaar ban jaate hain। chance lene chaaho to le lo phir yeh ulhana bhi koi nahin sunega ki main kar sakta tha lekin yeh kaaran hua। pahle aata to aage chala jaata tha। yeh paristhitiyaan nahin hoti to aage chala jaata। yeh ulhane svayan ke kamzori ki baaten hain। sva-sthiti ke aage paristhiti kuchh kar nahin sakti। vighna vinaashak aatmaon ke aage vighna purooshaartha mein rookaavat daal nahin sakta। samay ke hisaab se raphtaar ka hisaab nahin। do saal vaala aage ja sakta,do maas vaala nahin ja sakta,yeh hisaab nahin। yahaan to second ka sauda hai। do maas to kitna bada hai। lekin jab se aaye tab se teevragti hai? to sada teevragti vaale kai albeli aatmaon se aage ja sakte hain। isliye vartamaan samay ko aur master sarvashaktivaan aatmaon ko yeh vardaan hai - jo apne liye chaaho jitna aage badhna chaaho, jitna adhikaari banne chaaho utna sahaj ban sakte ho kyonki - vardaani samay hai। vardaani baap ki vardaani aatmaaen ho,samjha - vardaani banna hai to abhi bano,phir vardaan ka samay bhi samaapta ho jaayega। phir mehnat se bhi kuchh pa nahin sakenge। isliye jo paana hai woh abhi pa lo। jo karna hai abhi kar lo। socho nahin lekin jo karna hai woh dridh sankalp se kar lo। aur saphalta pa lo। achha –

aise sarva adhikaari, second mein sauda karne vaale arthaat jo socha woh kiya - aise sada himmatvaan shreshtha aatmaayen, sada maalik ban parivartan ki shakti dvaara kamzoriyon ko mitaane vaale, jo shreshtha karma karne chaahe woh karne vaale, aise master sarvashaktivaan,diltakhtansheen,adhikaari bachchon ko baapdaada ka yaadapyaar aur namaste।''

teachers ke saath- apne ko sada sevaadhaari samajhkar seva par upasthit rehte ho na? seva ki saphalta ka aadhaar,sevaadhaari ke liye vishesh kya hai? jaante ho? sevaadhaari sada yahi chaahte hain ki saphalta ho lekin saphal hone ka adhaar kya hai? aajkal vishesh kis baat par attention dila rahe hain? (tyaag par) bina tyaag aur tapasya ke saphalta nahin। to sevaadhaari arthaat tyaag moorta aur tapasvi moorta। tapasya kya hai? ‘ek baap doosra na koi'yeh hai har samay ki tapasya। aur tyaag kaunsa hai? us par to bahut sunaaya hai lekin saar roop mein sevaadhaari ka tyaag - jaisa samay, jaisi samasyaayen ho,jaise vyakti hon vaise svayan ko mould kar sva kalyaan aur auron ka kalyaan karne ke liye sada easy rahen। jaisi paristhiti ho arthaat kahaan apne naam ka tyaag karna pade, kahaan sanskaaron ka, kahaan vyartha sankalpon ka,kahaan sthool alpakaal ke saadhnon ka… to us paristhiti aur samay anusaar apni shreshtha sthiti bana saken, kaisa bhi tyaag uske liye karna pade to kar len, apne ko mould kar len, isko kaha jaata hai - ‘tyaag moorta'। tyaag, tapasya phir seva। tyaag aur tapasya hi seva ki saphalta ka aadhaar hai। to aise tyaagi jo tyaag ka bhi abhimaan na aaye ki mainne tyaag kiya। agar yeh sankalp bhi aata to yeh bhi tyaag nahin hua।

sevaadhaari arthaat badon ke direction ko phauran amal mein laane vaale। lok sangrah arth koi direction milta hai to bhi siddha nahin karna chaahiye ki main right hoon। bhal right ho lekin loksangrah arth nimitta aatmaon ka direction milta hai to sada - ‘ji haan', ‘ji haajar', karna yahi sevaadhaariyon ki visheshta hai,yeh jhukna nahin hai, neeche hona nahin hai lekin phir bhi ooncha jaana hai। kabhi-kabhi koi samajhte hain agar mainne kiya to main neeche ho jaaoongi, mera naam kam ho jaayega, meri personality kam ho jaayegi,lekin nahin। maanna arthaat maanneey banna, badon ko maan dena arthaat svamaan lena। to aise sevaadhaari ho jo apne maan shaan ka bhi tyaag kar do। alpakaal ka maan aur shaan kya karenge। aagyaakaari banna hi sadaakaal ka maan aur shaan lena hai। to avinaashi lena hai ya abhi-abhi ka lena hai? to sevaadhaari arthaat in sab baaton ke tyaag mein sada ever ready। badon ne kaha aur kiya। aise vishesh sevaadhaari,sarva ke aur baap ke priy hote hain। jhukna arthaat saphalta ya phaldaayak banna। yeh jhukna chhota banna nahin hai lekin saphalta ke phal sampanna banna hai। us samay bhal aise lagta hai ki mera naam neeche ja raha hai, woh bada ban gaya, main chhoti ban gai। mere ko neeche kiya gaya usko oopar kiya gaya। lekin hota second ka khel hai। second mein haar ho jaati aur second mein jeet ho jaati। second ki haar sada ki haar hai jo chandravanshi kamaandhaari bana deti hai aur second ki jeet sada ki khushi praapta karaati jiski nishaani shreekrishna ko murli bajaate hue dikhaaya hai। to kahaan chandravanshi kamaandhaari aur kahaan murli bajaane vaale! ‘to second ki baat nahin hai lekin second ka aadhaar sada par hai'। to is raazko samajhte hue sada aage chalte chalo। brahmaabaap ko dekha - brahma baap ne apne ko kitna neeche kiya - itna nirmaan hokar sevaadhaari bana jo bachchon ke paanv dabaane ke liye bhi taiyaar। bachche mere se aage hain, bachche mere se bhi achha bhaashan kar sakte hain। ‘‘pahle main''kabhi nahin kaha। aage bachche, pahle bachche, bade bachche kaha, to svayan ko neeche karna neeche hona nahin hai, ooncha jaana hai। to isko kaha jaata hai - ‘sachche number one yogya sevaadhaari'। lakshya to sabhi ka aisa hi hai na! gujraat se bahut sevaadhaari nikle hain lekin gujraat ki nadiyaan gujraat mein hi bah rahi hain,gujraat kalyaankaari nahin, vishwa-kalyaankaari bano। sada ever ready raho। aaj koi bhi direction mile - bolo, ‘haan ji'। kya hoga kaise hoga - trustee ko kya, kaise ka kya sochna। apni offer sada karo to sada upraam rahenge। lagaav jhukaav se kinaara ho jaayega। aaj yahaan hain kal kahaan bhi chale jaayen to upraam ho jaayenge। agar samajhte, yahaan hi rehna hai to phir thoda banaana hai, banna hai… yeh rahega। aaj yahaan kal vahaan। panchhi hai aaj ek daal par,kal doosri daal par to sthiti upraam rahegi, to man ki sthiti sada upraam chaahiye। chaahe kahaan 20varsha bhi raho lekin svayan sada ever ready! svayan nahin socho ki kaise hoga! - isko kaha jaata hai mahaatyaagi। achha –