बुधवार 28 अप्रैल 1982 की अव्यक्त मुरली

>

28-04-82 om shanti avyakt baapdaada madhuban

“sarvasva tyaagi ki nishaaniyaan”

sarvasva tyaagi bachchon prati baapdaada bole:-

baapdaada chaaron or ke sarva mahaatyaagi, sarvansh tyaagi bachchon ko dekh rahe hain। kaun se, kaun se bachche is mahaan bhaagya ko praapta kar rahe hain va sameep pahunch gaye hain - aise sameep arthaat samaan, shreshtha,sarvansh tyaagi bachchon ko baapdaada bhi dekh harshit hote hain। sarvansh tyaagi bachchon ki visheshta kya hai, jin visheshtaaon ke aadhaar par sameep va samaan bante hain?saakaar tan dvaara bhi last bol mein teen visheshtaayen sunaai theenh -

1. sankalp mein sada niraakaari so saakaari, sada nyaari aur baap ki pyaari aatmaayen।

2. vaani mein sada niraahankaari arthaat sada roohaani madhurta aur nirmaanta।

3. karma mein har karmendriy dvaara nirvikaari arthaat purity ki personality vaali।

to har karmenndriy dvaara mahaadaani va vardaani। mastak dvaara sarva ko swaroop ki smriti dilaane ke vardaani va mahaadaani। naynon se roohaani drishti dvaara sarva ko sva-desh arthaat muktidhaam aur svaraajya arthaat jeevanmukti - apne raajya ka darshan karaana va raasta dikhaane ka drishti dvaara eeshaara dena। aisa anubhav karaane ka vardaan dena ki jo aatmaayen mahsoos karen ki yahi hamaara asli ghar aur raajya hai। ghar ka raasta, raajya paane ka raasta mil gaya। aise mahaadaan va vardaan paakar sada harshit ho jaaen। mukh dvaara rachayita aur rachna ke vistaar ko spashta jaan,svayan ko rachayita ki pahli rachna - shreshtha brahman so devta banne ka vardaan pa len। aise haston dvaara sada sahaj yogi, karmayogi banne ke vardaan dene vaale shreshtha karmadhaari, shreshtha phal praapta karne ke vardaani banaane vaale। charan kamal dvaara har kadam follow father kar,har kadam mein padmon ki kamaai jama karne ke vardaani। aise har karmendriy dvaara vishesh anubhooti karaane ke vardaani arthaat - ‘nirvikaari jeevan'। yeh teen visheshtaayen sarvasva tyaagi ki sada spashta dikhaai dengi।

sarvansh tyaagi aatma kisi bhi vikaar ke ansh ke bhi vasheebhoot ho koi karma nahin karegi। vikaaron ka royal ansh swaroop pahle bhi sunaaya hai ki mote roop mein vikaar samaapta ho royal roop mein ansh maatra ke roop mein rah jaate hain। woh yaad hai na! braahmanon ki bhaasha bhi royal ban gai hai। abhi woh vistaar to bahut lamba hai। main hi yathaartha hoon va right hoon - aisa apne ko siddha karne ke royal bhaasha ke shabd bhi bahut hain। apni kamzori chhipaakar doosre ki kamzori siddha karne va spashta karne ka vistaar karna, uske bhi bahut royal shabd hain। yeh bhi badi dictionary hain। jo vaastavikta nahin hai lekin svayan ko siddha karne va svayan ki kamzoriyon ke bachaav ke liye manmat ke bol hain। woh vistaar achhi tarah se sab jaante ho। sarvansha tyaagi ki aisi bhaasha nahin hoti - jismen kisi bhi vikaar ka ansh maatra bhi samaaya hua ho। to mansa-vaacha-karmana,sambandh-samparka mein sada vikaaron ke ansh maatra se bhi pare, isko kaha jaata hai ‘sarvansh tyaagi'। sarva ansh ka tyaag।

sarvansh tyaagi, sada vishwa-kalyaankaari ki visheshta vaale honge। sada daata ka bachcha daata ban sarva ko dene ki bhaasna se bharpoor honge। aise nahin ki yeh kare va aisi paristhiti ho,vaayumandal ho tab main yeh karoon। doosre ka sahayog lekar ke apne kalyaan ke shreshtha karma karne vaale arthaat lekar phir dele vaale, sahayog liya phir diya,to lena aur dena donon saath-saath hua। lekin sarvansh tyaagi svayan master daata ban paristhitiyon ko bhi parivartan karne ka, kamjor ko shaktishaali banaane ka, vaayumandal va vritti ko apni shaktiyon dvaara parivartan karne ka, sada svayan ko kalyaan arth jimmevaar aatma samajh har baat mein sahayog va shakti ke mahaadaan va vardaan dene ka sankalp karenge। yeh ho to yeh karen,nahin। master daata ban parivartan karne ki, shubh bhaavna se shaktiyon ko kaarya mein lagaane arthaat dene ka kaarya karta rahega। mujhe dena hai, mujhe karna hai, mujhe badalna hai, mujhe nirmaan banna hai। aise ‘‘ote so arjun''arthaat daataapan ki visheshta hogi।

sarvansh tyaagi arthaat sada gun moorta। gun moorta ka arth hai gunvaan banna aur sarva mein gun dekhna। agar svayan gun moorta hai to uski drishti aur vritti aisi gun sampanna ho jaayegi jo uski drishti vritti dvaara sarva mein jo gun hoga vahi dikhaai dega। avgun dekhte, samajhte bhi kisi ka bhi avgun buddhi dvaara grahan nahin karega। arthaat buddhi mein dhaaran nahin karega। aisa ‘holeehans'hoga। kankad ko jaante bhi grahan nahin karega। aur hi us aatma ke avgun ko mitaane ke liye svayan mein praapta hue gun ki shakti dvaara us aatma ko bhi gungaan banaane mein sahayogi hoga। kyonki master daata ke sanskaar hain।

sarvansh tyaagi sada apne ko har shreshtha kaarya ke - seva ki saphalta ke kaarya mein, brahman aatmaon ki unnati ke kaarya mein, kamzori va vyartha vaataavran ko badalne ke kaarya mein jimmevaar aatma samjhenge। seva mein vighna banne ke kaaran va sambangha samparka mein koi bhi nambarvaar aatmaon ke kaaran jara bhi halchal hoti hai,to sarvannsha tyaagi behad ke aadhaarmoorta samajh, chaaron or ki halchal ko achal banaane ki jimmevaari samjhenge। aise behad ki unnati ke aadhaar moorta sada svayan ko anubhav karenge। aisa nahin ki yeh to is sthaan ki baat hai ya is behen va bhaai ki baat hai। nahin।‘mera parivaar hai'। main kalyaankaari nimitta aatma hoon। title vishwa-kalyaankaari ka mila hua hain na ki sirf sva-kalyaankaari va apne centre ke kalyaankaari। doosre ki kamzori arthaat apne parivaar ki kamzori hai, aise behad ke nimitta aatma samjhenge। main-pan nahin, nimitta maatra hain arthaat vishwa-kalyaan ke aadhaarmoorta behad ke kaarya ke aadhaarmoorta hain।

sarvansh tyaagi sada ekras, ek mat,ek hi parivaar ka ek hi kaarya hai - sada aise ek hi smriti mein number ek aatma honge।

sarvansh tyaagi sada svayan ko pratyakshaphal praapta bhai phalasvaroop aatma anubhav karenge। arthaat sarvansh tyaagi aatma sada sarva pratyaksha phalon se sampanna avinaashi vriksha ke samaan hogi। sada phalasvaroop hongi। isliye had ke karma ka, had ke phal paane ki alpakaal ki ichchha se - ‘ichchha maatram avidya' honge। sada pratyaksha phal khaane vaale, sada manduroosta vaale honge। sada svastha honge। koi bhi man ki beemaari nahin hogi। sada ‘manmanaabhav'honge। to aise sarvansh tyaagi bane ho?teenon hi visheshta saamne rakh svayan se poochho ki main vaun-sa ‘tyaagi' hoon?kahaan tak pahunche hain?kitni paudiyaan chadh karke baap samaan ki manzil par pahunche hain?full staip tak pahunche ho ya abhi kuchh staip tak pahunche ho? ya abhi kuchh staip rah gaye hain? tyaag ki bhi staip sunaai na। to kis staip tak pahunche ho? saat course mein se kitne course kiye hain? saptaah paath ka last mein bhog padta hai - to baapdaada bhi abhi bhog daale?aap log to har guroovaar ko bhog lagaate ho lekin baapdaada to mahaabhog karenge na। jaise sandeshiyaan oopar vatan mein bhog le jaati hain - to baapdaada bhi kahaan le jaayenge! pahle svayan ko bhog mein samarpan karo। bhog bhi baap ke aage samarpan karte ho na। abhi svayan ko sada pratyaksha phalasvaroop banaakar samarpan karo। tab mahaabhog hoga। apne aapko sampanna banaakar offer karo। sirf sthool bhog ki offer nahin karo। sampanna aatma ban svayan ko offer karo। samjha - baaki kya karna hai woh samajh mein aaya?

achha - baaki ek baari milne ka raha hua hai। vaise to saakaar dvaara milan mele ka, is rooprekha se milne ka aaj antim samay hai। programme pramaan to aaj saakaar mele ka samaapti samaaroh hai phir to aage ki baat aage dekhenge। extra ek baap ka chuga bhi mil jaayega। lekin is saare milan mele ka sva prati saar kya liya?sirf suna va samaakar swaroop mein laaya? is milan mele ki season vishesh kis season ko laayegi? is season ka phal kya niklega?season ke phal ka mahatva hota hai na! to is season ka phal kya nikla! baapdaada mila yeh to hua lekin milna arthaat samaan banna। to sada baap samaan banne ke dridh sankalp ka phal baapdaada ko dikhaayenge na! aisa phal taiyaar kiya hai?apne ko taiyaar kiya hai?va abhi sirf suna hai,baaki taiyaar hona hai? sirf milan manaana hai va banna hai?jaise milan manaane ke liye bahut umang- utsaah se bhaag-bhaag kar pahunchte ho vaise banne ke liye bhi udaan ud rahe ho? aane jaane ke saadhnon mein takleeph bhi lete ho। lekin udti kala mein jaane ke liye koi mehnat nahin hai। jo had ki daaliyaan banaakar daaliyon ko pakad baith gaye ho, abhi he udte panchhi, daaliyon ko chhodo। sone ki daali ko bhi chhodo। seeta ko sone ke hiran ne shok vaatika mein bheja। yeh mera mera hai,mera naam,mera maan,mera shaan,mera centre yeh sab - sone ki daaliyaan hain। behad ka adhikaar chhod, had ke adhikaar lene mein aa jaate ho। mera adhikaar yeh hai,yeh mera kaam hai - is sabse udte panchhi bano। in had ke aadhaaron ko chhodo। tote to nahin ho na jo chillaate raho ki chhudaao। chhodte khud nahin aur chillaate hain ki chhudaao। to aise tote nahin banna। chhodo aur udo। chhodenge to chhootegen na! baapdaada ne pankh de diye hain - pankho ka kaam hai udna va baithna? to udte panchhi bano arthaat udti kala mein sada udte raho। samjha - isko kaha jaata hai season ka phal dena। achha-

aise sada pratyaksha phal sampanna, sampoorn shreshtha aatmaayen, sada baap samaan niraakaari,niraahankaari,nirvikaari,sada har karma mein vikaaron ke koi bhi ansh ko sparsha na karne vaale, aise sarva ansh tyaagi,sada udti kala mein udne vaale udte panchhi, aise baap samaan shreshtha aatmaon ko baapdaada ka yaadapyaar aur namaste।''

party ke saath

master sarvashaktivaan ki sthiti se vyartha ke kichde ko samaapta karo:- sada apne ko master sarvashaktivaan aatma samajhte ho? sarvashaktivaan arthaat samartha। jo samartha hoga woh vyartha ke kichde ko samaapta kar dega। master sarvashaktivaan arthaat vyartha ka naam nishaan nahin। sada yeh lakshya rakho ki - ‘main vyartha ko samaapta karne vaala samartha hoon'। jaise soorya ka kaam hai kichde ko bhasma karna। andhakaar ko mitaana, roshni dena। to isi reeti master gyaan soorya arthaat- vyartha kichde ko samaapta karne vaale arthaat andhakaar ko mitaane vaale। master sarvashaktivaan vyartha ke prabhaav mein kabhi nahin aayega। agar prabhaav mein aa jaate to kamjor hue। baap sarvashaktivaan aur bachche kamjor! yeh sunna bhi achha nahin lagta। kuchh bhi ho - lekin sada smriti rahe - ‘‘main master sarvashaktivaan hoon''। aisa nahin samjho ki main akela kya kar sakta hoon… ek bhi anekon ko badal sakta hai। to svayan bhi shaktishaali bano aur auron ko bhi banaao। jab ek chhota-sa deepak andhakaar ko mita sakta hai to aap kya nahin kar sakte! to sada vaataavran ko badalne ka lakshya rakho। vishwa parivartak banne ke pahle sevaakendra ke vaataavran ko parivartan kar powerful vaayumandal banaao।

yuglon se baapdaada ki mulaakaat:- sabhi pravritti mein rehte, pravritti ke bandhan se nyaare aur sada baap ke pyaare ho? kisi bhi pravritti ke bandhan mein bandhe hue to nahin ho? loklaaj ke bandhan mein,sambandh mein bandhe hue ko bandhanayukta aatma kahenge। to koi bhi bandhan na ho। man ka bhi bandhan nahin। man mein bhi yeh sankalp na aaye ki hamaara koi laukik sambandh hai। laukik sambandh mein rehte alaukik sambandh ki smriti rahe। nimitta laukik sambandh lekin smriti mein alaukik aur paarlaukik sambandh rahe। sada kamal aasan par viraajmaan raho। kabhi bhi paani va keechad ki boond sparsha na kare। kitni bhi aatmaon ke samparka mein aate - sada nyaare aur pyaare raho। seva ke arth samparka hai। deh ka sambandh nahin hai, seva ka sambandh hai। pravritti mein sambandh ke kaaran nahin rahe ho, seva ke kaaran rahe ho। ghar nahin,sevaasthaan hai। sevaasthaan samajhne se sada seva ki smriti rahegi। achha।

saar - sarvasva tyaagi aatma ke lakshan

1. sarvasva tyaagi aatma kisi bhi vikaar ke ansh ke bhi vasheebhoot ho koi karma nahin karega।

2. sarvasva tyaagi aatma sada daata ka bachcha ban sarva ko dene ki bhaavna se sampanna hoga।

3. sarvasva tyaagi aatma sada gun-moorta hoga। svayan bhi gunvaan aur sarva mein gun dekhega।

4. sarvasva tyaagi aatma chaaron or ki halchal samaapta karne ki jimmedaari samjhega।

5. sada ek ras, ek mat, ek hi parivaar ka kaarya hai - aisa samjhega।

6. sada phal, swaroop hoga।