रविवार 27 मार्च 1983 की अव्यक्त मुरली

>

27-03-83 om shanti avyakt baapdaada madhuban

kumaariyon ki bhaththi mein praan avyakt baapdaada ke madhur mahaavaakya

aaj baapdaada sab bachcho se kahaan milan mana rahe hain? kis sthaan par baithe ho? saagar aur nadiyon ke milan sthaan par milan mana rahe hain। saagar ka kantha pasanda aata hai na! sirf saagar nahin lekin anek nadiyon ka saagar ke saath milan sthaan kitna shreshtha hoga। saagar ko bhi nadiyon ka milan kitna pyaara lagta hai। aisa milan mela phir kisi yug mein hoga?is yug ka‘milan’ saara kalpa bhinna-bhinna roop aur reeti se gaaya manaaya jaayega। aisa mela manaane ke liye aaye ho na,yahaan vahaan se isliye bhaage ho na! saagar mein samaae, samaan master gyaan saagar banne ka anubhav hai na! jab saagar mein sama jaate ho to nadi se master gyaan saagar ban jaate ho arthaat baap samaan behad ke swaroop mein sthit ho jaate ho। aisa behad ka anubhav karte ho? behad ki vritti arthaat sarva aatmaon ke prati kalyaan ki vritti - master vishwa kalyaankaari। sirf apne va apne had ke nimitta bani hui aatmaon ke kalyaan arth nahin, lekin sarva ke kalyaan ki vriti ho। main to brahmaakumaari ban gai, pavitra aatma ban gai - apni unnati mein, apni praapti mein,apne prati santushtata mein raaji hokar chal rahe hain,yeh baap samaan behad ki vritti rakhne ki sthiti nahin hai। had ki vritti arthaat sirf svayan prati santushtata ki vritti। kya yahaan tak hi sirf rehna hai va aage badhna hai? kai bachche behad ki seva ka samay,behad ki praapti ka samay, baap samaan banne ka golden chance va golden medal lene ke bajaae,main theek chal rahi hoon, koi galti nahin karti, laukik,alaukik jeevan donon achha nibha rahi hoon, koi khit-khit nahin,koi sangathan ke sanskaaron ka takkar nahin,isi silver medal mein hi khush ho jaate hain। baap samaan behad ki vritti to nahin rahi na! baap vishwa-kalyaankaari aur bachche - sva kalyaankaari,aisi jodi achhi lagegi? sunne mein achhi nahin lag rahi hai। aur ab bankar chalte ho tab achhi lagti hai? sarva khazaanon ke maalik ke baalak khazaanon ke mahaadaani nahin bane to usko kya kaha jaayega? kisi se bhi poochho to baap ke sarva khazaanon ke varse ke adhikaari ho? to sab haan kahenge na। khazaana kislie mila hai? sirf svayan khaao piyo aur apni mauj mein raho,isliye mila hai? baanto aur badhaao yahi direction mile hain na। to kaise baantenge? geeta paathshaala khol li va jab chance mila tab baant liya ismen hi santushta ho?behad ke baap se behad ki praapti aur behad ki seva ke umang utsaah mein rehna hai। kumaari jeevan sangamayug mein sarva shreshtha vardaani jeevan hai। to aisi vardaani jeevan drama anusaar aap vishesh aatmaon ko svatah praapta hai। aisi vardaani jeevan sarva ko vardaan, mahaadaan dene mein laga rahe ho? svatah praapta hue vardaan ki lakeer shreshtha karma ki kalam dvaara jitni badi kheenchane chaaho utni kheench sakte ho। yeh bhi is samay ko vardaan hai। samay bhi vardaani, kumaari jeevan bhi vardaani, baap bhi vardaata। kaarya bhi vardaan dene ka hai to iska poora poora laabh liya hai? 21janmon tak lambi lakeer kheenchane ka chance, 21peedhi sada sampanna banne ka chance jo mila hai woh le liya? kumaari jeevan mein jitna chaaho kar sakte ho। svatantra aatma ka bhaagya praapta hai। apne se poochho - svatantra ho ya partantra ho?partantrata ke bandhan apne hi man ke vyartha kamzor sankalpon ki jaal hai। usi rachi hui jaal mein svayan ko partantra to nahin bana rahe ho? question ki jaal hai। jo jaal rachte ho uska chitra nikaalo to question ka hi roop hoga। question kya uthte hain,anubhvi ho na! kya hoga,kaise hoga,aise to nahin hoga, yeh hai jaal। pahle bhi sunaaya tha - sangamayugi braahmanon ka ek hi sada samartha sankalp hai ki - ‘‘jo hoga woh kalyaankaari hoga। jo hoga shreshtha hoga,achhe te achha hoga।’’yeh sankalp hai jaal ko samaapta karne ka। jabki bure din, akalyaan ke din samaapta ho gaye। sangamayug ka har din bada din hai, bura din nahin। har din aapka utsav hai na। har din manaane ka hai। is samartha sankalp se vyartha sankalpon ki jaal ko samaapta karo।

kumaariyaan to baapdaada ki, brahman kul ki shaan hain। first chance kumaariyon ko milta hai। paandav hansate hain ki chhoti chhoti kumaariyaan teacher ban jaateen,daadi ban jaateen, deedi ban jaateen। to itna chance milta hai। phir bhi chance na len to kya kahengen। kya bolti ho,pata hai?sahayogi rahenge lekin samarpan nahin honge। jo samarpan nahin honge woh samaan kaise banenge! baap ne kya kiya? sab kuchh samarpit kiya na! va sirf sahayogi bana? brahma baap ne kya kiya? samarpan kiya va sirf sahayogi raha?jagat amba ne kya kiya? woh bhi kanya hi rahi na। to follow father mother karna hai va ek do mein sisters ko follow karte ho? ‘‘iska jeevan, jeevan dekhkar mujhe bhi yahi achha lagta hai।’’ to follow sisters ho gaya na! ab kya karengi?dar sirf apni kamzori se hota hai। aur kisi se nahin hota। ab kya lengi? golden medal lengi va silver hi theek hai। kamzoriyon ko nahin dekho। woh dekhengi to darengi। na svayan kamzor bano na doosron ki kamzoriyon ko dekho! samjha,kya karna hai!

baapdaada ko to kumaariyaan dekh karke khushi hoti hai। logon ke paas kumaari aati hai to dukh hota hai। aur baapdaada ke paas jitni kumaariyaan aaven utna jyaada se jyaada khushi manaate hain। kyonki baapdaada jaante hain ki har kumaari vishvakalyaankaari, mahaadaani,vardaani hai। to samjha, kumaari jeevan ka mahatva kitna hai! aaj vishesh kumaariyon ka din hai na। bhaarat mein ashtami par kumaariyon ko khaas bulaate hain। to baapdaada bhi ashtami mana rahe hain। har kanya ashta shakti swaroop hai। achha –

aise sarva shreshtha vardaani jeevan adhikaari , golden chance adhikaari, 21 peedhi ki shreshtha takdeer ki lakeer kheenchane ke adhikaari, svatantra aatma ke vardaan adhikaari,aise shiv vanshi brahmaakumaariyon,shreshtha kumaariyon ko vishesh roop mein aur saath-saath sarva milan manaane vaale padmaapdam bhaagyavaan aatmaon ko baapdaada ka yaadapyaar aur namaste।’’

karmabhog par karmayog ki vijay

karmabhog par vijay paane vaale vijayi ratna ho na! ve karmabhog bhogne vaale hote aur aap karmayogi ho। bhogne vaale nahin ho lekin sada ke liye bhasma karne vaale ho। aisa bhasma karte ho jo 21 janma karmabhog ka naam nishaan na rahe। aayega tab to bhasma karenge? aayega zaroor lekin aata hai bhasma hone ke liye,na ki bhogna ke liye। vidaai lene ke liye aata hai। kyonki karmabhog ko bhi pata hai ki ham abhi hi aa sakte hain phir nahin aa sakte। isliye thoda thoda beech mein chaans leta hai। jab dekhte yahaan to daal galne vaali nahin hai to vaapas chala jaata।

daadi deedi ko dekhte hue

itne hands dekhkar khushi ho rahi hai na? jo svapna dekh rahi thi woh saakaar ho gaya na! itne hands hon, itne centre badhen yeh svapna dekh rahi thi na! kyonki hands ki daadi deedi ko sabse jyaada aash rehti hai। to inte sab bane banaaye hands dekhkar khushi hogi na। bhaarat ki kumaariyon mein aur videsh ki kumaariyon mein bhi antar hai, inhen kamaai ki kya aavashyakta hai। (degree leni hai) jab tak seva mein practice nahin ki hai tab tak degree ki bhi value nahin hai। degree ki value seva se hai। padhaai padhkar kaarya mein nahin lagaaya, padhaai ke baad bhi grihasthi mein rahe to laukik mein bhi kehte hain, padhaai se kya laabh! anpadh bhi bachche sambhaalte aur yeh bhi sambhaalte to pharka kya hua?aise hi yeh bhi padhkar agar stage par aa jaae to degree ki value bhi hai। agar yahaan chance milta hai to degree aap hi mil jaayegi। yeh degree kam hai kya! jagdamba sarasvati ko kitni badi degree mili। yahaan ki degree ka to varnan bhi nahin kar sakte ho। kitni badi degree mili hai - master gyaan saagar,master sarvashaktivaan - kitni degree hain। ismen em.A,aim.bi.A. sab aa jaata hai। engineer daaktar sab aa jaayega। achha।

kumaariyon ke alag-alag gurap se baapdaada ki mulaakaat

(1) vardaani kumaariyaan ho na! dheere-dheere chalne vaali ho ya udne vaali ho?udne vaali arthaat had ki dharni ko chhodne vaali। jab dharni ko chhoden tab udengi na! neeche to nahin udengi। neeche vaale ko shikaari pakad lete hain। neeche aaya pinjare mein phansa। udne vaala pinjare mein nahin aata। to pinjara chhod diya! abhi kya karengi? naukri karengi? taaj pahnengi ya tokri uthaayengi? jahaan taaj hoga vahaan tokri chalegi nahin। taaj utaarengi tab tokri rakh sakengi। tokri rakhengi to taaj gir jaayega। to taajdhaari banna hai ya tokreedhaari। abhi vishwa ki seva ki jimmevaari ka taaj aur bhavishya ratna jadit taaj। abhi vishwa ki seva ka taaj pahno to vishwa aapko dhanya aatma,mahaan aatma maane। itna bada taaj pahanne vaale tokri kya uthaayenge! 63 janma to tokri uthaate rahe, ab taaj milta hai to taaj pahanna chaahiye na! kya samajhti ho?dil nahin hai lekin karna padta hai! kya aise circumstance hain? dheere-dheere laukik ko santunta karte apne ko nirbandhan kar sakti ho। nirbandhan hone ka plan banaao। behad seva ka lakshya rakho to had ke bandhan svatah toot jaayenge। lakshya do taraph ka hota hai to laukik alaukik donon mein saphal nahin ho sakte। lakshya clear ho to laukik mein bhi madad milti hai। nimitta maatra laukik,lekin buddhi mein alaukik seva ho to majboori bhi muhabbat ke aage badal jaati hai।

(2) sabhi kumaariyon ne apni takdeer ka phainsala kar liya hai ya karna hai?jitna samay apne jeevan ke phaisle mein lagaati ho utna praapti ka samay chalta jaata hai। isliye phaisla karne mein samay nahin ganvaana chaahiye। socha aur kiya - isko kaha jaata hai number one sauda karne vaale। second mein phaisla karne vaale golden medal lete hain। soch-sochkar phaisla karne vaale silver medal lete aur sochkar bhi phaisla nahin kar paate woh copper vaale ho gaye। aap sab to golden medal vaale ho na! jab golden ej mein jaana hai to golden medal chaahiye na। raam seeta banne mein koi haath nahin uthaate। lakshmi naaraayan to golden aged hain na। to sabhi ne apne takdeer ki lakeer aisi kheench li hai ya kabhi-kabhi himmat nahin hoti। sada umang utsaah mein udne vaali, kuchh bhi ho lekin apni himmat nahin chhodna। doosre ki kamzori dekhkar svayan dilshikasta nahin hona। pata nahin hamaara to aisa nahin hoga! agar ek koi kh·e mein girta hai to doosra kya karega? khud girega ya usko bachaane ki koshish karega?isliye kabhi bhi dilshikasta nahin hona। sada umang utsaah ke pankhon se udte rehna। kisi bhi aakarshan mein neeche nahin aana। shikaari jab phansaate hain to achha- achha daana daal dete hain। maaya bhi aise karti hai। isliye sada udti kala mein rehna to safe rahengi। peechhe ki baat sochna,kamzori ki baat sochna peechhe dekhna hai,peechhe dekhna arthaat raavan ka aana।

(3) shakti sena ho na। sabke haath mein vijay ka jhanda hai। vishwa ke oopar vijay ka jhanda hai ya sirf state ke oopar hai? vishwa ke adhikaari banne vaale vishwa sevaadhaari honge। had ke sevaadhaari nahin। behad ke sevaadhaari jahaan bhi jaaen vahaan seva karenge। to aise behad seva ke liye taiyaar ho? vishwa ki shaktiyaan ho to svayan hi offer karo। 2 maas 6 maas ki chhutti lekar trial karo। ek kadam badhaayengi to 10 kadam badh jaayenge, ek do maas nikal kar anubhav karo। jab koi badhiya cheez se dil lag jaati hai to ghatiya svatah chhut jaati hai। aise trial karo। sangamayug aage badhne ka samay hai। brahmaakumaari ban gayi, gyaan swaroop ban gayi,yeh to bahut samay ho gaya। ab aage badho। kuchh to aage kadam badhaao vahaan hi nahin thahro। kamzor ko nahin dekho। shaktiyon ko dekho, bakriyon ko kyon dekhte! bakriyon ko dekhne se khud ka bhi kaandh neeche ho jaata। dar lagta hai - pata nahin kya hoga? kamzor ko dekhne se darte ho isliye unhein mat dekho। shaktiyon ko dekho to dar nikal jaayega।

(4) aap sab kumaariyaan apne ko vishesh aatmaayen samajhti ho na? vishesh aatmaayen arthaat vishesh kaarya ke nimitta। ek-ek vishesh kaarya ke nimitta bani hui ho। ek ek kumaari 21 kul taarne vaali hain। jab bhi jahaan bhi order mile to haajir। aise nirvighna sevaadhaari ho na! jis samay jo bhi seva mile,haajir। seva karna arthaat pratyaksha phal khaana। jab pratyakshaphal mil jaata hai,to phal khaane se shakti aati hai। pratyakshaphal khaane se aatma shaktishaali ban jaati hai। jab aisi praapti ho to karni chaahiye na। laukik mein to ek maas naukri karenge phir peechhe tankha milegi। yahaan to pratyakshaphal milta hai। bhavishya to jama hi hota hai lekin vartamaan mein bhi milta hai। to aise double phal milne vaala kaarya to pahle karna chaahiye na! kaiyon ko baapdaada, daadi-deedi direction dete hain service karo, shreemat par karne se jimmevaar khud nahin rehte। apne man ke lagaav se,kamzori se karte to shreshtha nahin ban sakte। trial mein svayan bhi santushta rahen aur doosron ko bhi karen to certificate mil jaata hai। apne ko milaakar chalne ka lakshya ho। mujhe badalna hai। svayan ko badalne ki bhaavna vaala sabhi baaton mein vijayi ho jaata hai। doosra badle yeh dekhne vaala dhokha kha lete hain। isliye sadaiv mujhe badalna hai,mujhe karna hai, pahle har baat mein svayan ko aage karna hai, abhimaan mein nahin - karne mein aage karo to saphalta hi saphalta hai।

(5) baap ka banna arthaat udti kala ke vardaani banna। isi vardaan ko jeevan mein laane se kabhi bhi kisi kadam mein bhi peechhe nahin honge। aage hi badhte rahenge। sarvashaktivaan baap ka saath hai to har kadam mein aage hai। svayan bhi sada sampanna aur doosron ko bhi sampanna banaane ki seva karo। kisi prakaar ki kami anubhav na ho। sarva-praapti swaroop। isko kaha jaata hai sampanna। kisi bhi prakaar ki rookaavat apne kadmon ko rookaane vaali na ho। udti kala vaale kisi ke bandhan mein nahin aa sakte। sarva bandhanon se mukta ho jaate hain।

sangathan mein saphalta paane ka saadhan hi ek hai - svayan ko badalna hai। doosre ko badalne ka nahin sechna lekin svayan badalna hai। jo mould hone jaana hai vahi real gold ban jaata hai। kya the aur kya ban gaye yeh bhaagya dekh sada harshit raho। baap ki bani arthaat mahaan bani। abhi anek aatmaon ko mahaan banaane ki seva karo।

(6) sevaadhaari aatmaayen chalte phirte yaad aur seva ki lagan mein rehti hain। sada baap ke parichay dvaara sarva aatmaon ko baap ke sameep laane ka plan banaati rehti hain। laukik kaam karte bhi yahi yaad rehta hai ki main trustee hoon। jisne trustee banaaya woh yaad rahega na! baap aur seva ke sivaae aur kuchh nahin। laukik kaarya nimitta maatra। laukik kaarya bhi baap ki yaad se sahaj aur saphal ho jaata hai। jab svayan ki praalabdha ban jaati hai to doosron ki praalabdha banaane ke bina rah nahin sakte। kyonki svayan ko jab achhe te achhi cheez ka anubhav hota hai to auron ko praapti karaane ke bina rah kaise sakte?aisa umang sada rehta hai na! achha

holi ki mubaarak

sabhi rangon mein shreshtha rang kaun sa hai? baap ke shreshtha sang ka rang। aisa rang jo sada hi laal-baap, laal-ghar,laal-bachche। aise laal rang se sada range hue ho? yeh rang to lagaaya hai na! is laal rang ke sang ka rang aisa lagaaya hai jo 21janma tak nahin utrega। chaahe kitna bhi bhatti mein daalo nahin utrega na। aisi holi mana li hai ya manaani hai? aisa holiest baap holi bachchon se roohaani holi mana rahe hain। aisi holi jisse sada holi ban jaae। holi manaana kya lekin holi ban gaye। manaana thode samay ka hota, banna sadaakaal ka hota। woh holi manaate, aap bante ho। aisi roohaani holi manaane vaale sabhi holi bachchon ko mubaarak ho। ho gai holi, rang pad gaya na। laal ho gaye na! baap ke laal ban gaye to laal ho gaye।

achha - om shanti